友義氣‧酸菜魚

營業中

休息中

葵芳都有間專食酸菜魚當然要入去試下佢嘅位置出咗地鐵站行大概10分鐘就會度，位置都唔算難搵。叫左一杯青檸梳打同檸樂，佢都有寫住杯檸樂會好大杯，冇對比就有唔知有幾大，同青檸梳打拍埋去就知道嘅真係好大杯，好抵飲酸菜魚總體黎講，佢既份量適中，如果魚多d就開心d，魚有少少腥但可以接受，魚湯都夠味但可以再麻d，鮮度一般，辣度正常，如果食開小辣可以照叫小辣，酸菜可以多返少少，可能我個人比較重口味。最後都可以飲哂佢既魚湯

呢間酸菜魚真係超抵食 好大份🤑除咗魚肉嘅份量好多之外🐟配菜都好多😍呢到係用咗海鱸魚 肉質好嫩滑又鮮甜 仲要無骨 食落啖啖肉🤤個湯底好鮮甜 酸辣味好夠🌶薯粉、芽菜、金針菇同萵筍 都好索湯 好好食😋

同阿仔超愛食水煮魚，今次聽到一位係葵涌返工嘅朋友推介，呢間店除酸菜魚好味，原來「水煮魚」同樣好味。所以趁住今日阿仔行完書展之後，專誠去試吓。餐廳位於葵涌恆景商場地下。去到大概兩點左右，店員十分有禮，很快已經安排了卡莊位給我們，目測店內仍有不少食午餐嘅打工仔及街坊。店員細心介紹下午兩點至有八五折。除推介招牌酸菜魚，亦介紹如果愛食辣一定要試吓水煮魚。二話不說立即點了《水煮魚》，然後再慢慢選其他食物。我哋再點了一份《雞絲粉皮》、《椒鹽鮮魷》，再加兩杯珍寶凍飲。《水煮魚》（$198）果然超好味，魚片十分滑，重點係完全冇骨。好奇問過店員，原來採用了黑魚。水煮魚除了大量魚片，連配料都十足，有萵筍片、大豆芽、金菇菜、木耳及薯粉。我們選了一般辣，辣度適中，本人覺得湯底很夠香，如果食得辣，可以不妨挑戰下大辣。《雞絲粉皮》（$58）呢個小食，每次食水煮魚都必食，係最好嘅配搭，因為食完辣再食啖配有麻醬、青瓜絲嘅粉皮，立即清新曬，啱中和一下水煮魚嘅辣。《椒鹽鮮魷》（$98）面層炸粉醬炸得夠香脆，魷魚肉肥厚，椒鹽咸香，十分惹味。跟餐只需加$8 可轉珍寶凍飲，珍寶凍飲真係超大杯，吾怕食完辣吾夠飲品。

一向都好鐘意食酸菜魚，最近見到有唔少YouTuber都有介紹呢間酸菜魚就去試下啦，眼見枱枱都有叫酸菜魚，價錢都幾抵食，全港都有4間分店㗎老壇酸菜魚 (標準) $188酸菜魚有分標準同加大，標準份量夠3個人食，辣度自選，有小、中、大同魔辣4個等級，唔食得辣嘅朋友都可以走辣，每塊魚都勁大塊，嫩滑得嚟又冇骨，而湯底嘅酸同辣嘅味道均勻得嚟亦都帶有魚湯嘅鮮味，真係會飲唔停口，名乎其實嘅魚好吃湯更好喝回鍋肉飯 $58呢間野嘅回鍋肉飯都夠晒正宗好味，口味惹味獨特，回鍋肉色澤紅亮，食落口肥而不膩，送飯一流，下午茶時段14:00-16:00仲有八五折

好耐無食水煮魚啦！今日去咗葵涌探個朋友，晚飯時間就落咗樓下，試咗呢間友義氣•酸菜魚！餐廳整潔企理，座位夠寬敞，坐得舒服。侍應熱情有禮好親切，成餐飯都食得好開心~唇舌飄香水煮魚一大盤上枱好吸引！魚肉滑嫩，豆芽爽脆，薯粉彈牙，鮮麻湯汁辛香惹味，麻辣十足，真係食到欲罷不能，好正！！雙蔥尖椒爆牛肉牛肉醃得入味好爽滑，食落好有鑊氣，香辣爽口，伴飯真係一流！！荔枝乳酸酸酸甜甜好清新解膩菠蘿梳打甜度岩岩好，飲落有濃郁菠蘿香。

網上見到呢間嘢好多好評，放工就同朋友過嚟食番餐。朋友唔食辣嘅，但係都照叫佢哋招牌嘅酸菜魚。酸菜魚唔辣叫左唔辣但呢個酸菜魚都好出色，魚本身已經有醃過，個底味已經好好👍🏽夠鹹味同新鮮，連咪有少少麻香味嘅湯加咪酸菜同埋本身魚嘅鹹味，配合得好好。個湯有配埋少少紅薯粉，唔洗叫飯都夠飽。另外仲叫左個黃金蝦。黃金蝦熱辣辣炸得好香脆，要即刻食先得。以為佢味道會好鹹要送飯但係佢調校得啱啱好，可以就咁食，唔配飯都得。最後見到嘢飲，有杯大奶茶。叫左黎，嘩真係好大杯，完全想像唔到，好似隊啤咁，正！朋友叫左個荔枝梳打。ok!

上網睇呢間酸菜魚又平又好食，所以就黎試一試佢，當日我地去到即刻有位不用等😙😙一坐低即刻叫左個酸菜魚先😍😍酸菜魚中辣$188-黎到即刻試一試佢個湯先，飲落去酸酸地好開胃，最重要係唔油膩我地叫中辣都唔係好辣無麻味，魚肉好滑份量都好多👍🏻👍🏻食落仲會有好少嘅魚腥味，係可以接受嘅，入面仲有薯粉，萵筍，酸菜。整體黎講唔算好重口味，似健康版嘅酸菜魚嗆炒包心菜 $65-食落爽口都係唔太重口味四川辣子雞 $98-佢呢個做法有少少特別，佢係將啲雞點炸粉再拎去炸，食到好多炸粉😂雞唔多但都滑，唔會辣。

我愛酸菜魚今日去葵芳探婆婆, 順便食個晏, 我地又選擇我地最愛嘅酸菜魚。 葵芳呢間惹味酸菜魚專門店, 位於恆景商場, 鄰近葵芳站交通方便, 全部食物質素都高, 即叫即製, 酸菜魚嘅味道相當出色又唔收加一服務費! 👍🏻有義氣。酸菜魚(標準) - $188酸菜魚🐟份量多到呢, 同佢個盤一樣大! 🍜 佢唔係用碗裝真係一個大盤!😂😂 見到都好開心。 酸味啱啱好, 湯底經過長時間烹調而成中, 夠曬入味, 啲料又多又香又麻辣🌶️, 魚肉肉質非常之鮮嫩香滑, 仲配有酸菜, 芽菜, 榨菜 , 金菇菜, 萵筍, 仲有彈牙嘅粗薯粉, 配搭非常之豐富! 尖椒糖心皮蛋 - $48用咗糖心皮蛋, 唔係普通皮蛋咁黑蚊蚊, 賣相已經好吸引, 配埋蒜頭粒, 大量芫茜, 辣🌶️醬, 食落有少少微辣, 好開胃醒神嘅小食。雞絲粉皮 - $58呢碟雞絲粉皮嘅粉皮🥢真係比一般食嘅厚, 好爽口彈牙, 麻醬同雞絲就冇咩特別, 勝在份量夠大! 😋珍寶大檸樂 - $22珍寶大檸樂🥤份量十足, 非常大杯, 配新鮮檸檬🍋, 解渴一流! 好啱食辣🥢嘅時候飲, 食完辣再飲感覺非常之爽! 😝舖名: 友義氣。酸菜魚地址: 葵涌榮芳路9號恆景

又到小編平日開夜班搵食嘅時間，一個人行出街搵食太陽曬得非常悶熱，夏日醒醒胃來一個清新開胃又刺激嘅川菜晚餐!老壇酸菜魚 $188推介:⭐️⭐️⭐️⭐️⭐️必試招牌菜款當然要叫左先😋Size分標準和加大份量兩款，大份量$298，標準份量嘅魚肉夠哂一至二人共享特選新鮮海鱸魚底細皮白肉魚片量多；麻辣鮮香，濃郁惹味雞湯底味道鮮甜，無骨魚肉肉質嫩滑，十分有誠意👍薯粉份量唔算太多，粗身有嚼勁。湯汁濃郁配菜豐富，配菜有芽菜、金針菇、切片萵筍、酸菜、蔥花、芝麻及加左幾辧菊花點綴。叫左小辣，入口辣度微麻辣香口較多，口感豐富。建議可以加一碗白飯，多人食配埋其他餸菜超級滿足。陳醋撈雲耳 $36推介:⭐️⭐️⭐️⭐️除左主角之外，再加一個開胃前菜，陳醋微酸味道入哂味，爽身脆口。鮮青檸梳打推介:⭐️⭐️⭐️⭐️爽口漬甜，開胃酸菜魚嘅最佳配搭，解渴可口。呢間小店開業兩年，小編每次放工經過終於可以分享俾大家。座位舒適有卡位，是同區少有的豐富酸菜魚餐的推介。👅美味: 9️⃣ 😮驚喜: 9️⃣✨環境: 8️⃣ 💆‍♂️服務: 8️⃣💡性價: 9️⃣ 🐽飽肚: 9️⃣💫回頭: 8️⃣ 👍推薦: 9️⃣

有朋友好鍾意食酸菜魚，於是我搵左一間酸菜魚關注組推介既餐廳，一齊去試下。walk in既話多數都要等，建議大家book定比較好。酸菜魚標準$188+薯粉$15鱸魚幾滑，唔算好多骨，但份量比較少。湯味偏酸，可能揀左少辣既關係，麻香味唔係好夠。薯粉比較寬厚，需要咬耐d，份量大概2人左右。鮮果咕嚕肉$88咕嚕軟硬適中，無骨啖啖肉，加埋菠蘿酸酸甜甜幾開胃。欖菜肉鬆四季豆$78四季豆炒得幾有鑊氣，配合埋咸香既欖菜肉鬆，好適合餸飯。巨型檸樂味道同一般檸樂無異，但size係出面既兩倍，好適合兩個人share。整體來講，酸菜魚唔算非常麻香酸辣，不過勝在湯底唔油，食落無咁肥膩。小菜質素都算唔錯，但份量偏少，如果你鍾意健康版酸菜魚，都可以試下。好味：3.5/5環境：3/5客服：3.5/5

遊走一輪在葵涌尋尋覓覓後。當然悠悠閒閒在附近逛吓街shopping 吓先，再到附近食好東西。葵涌區食肆林立種類繁多有一店舖"友義氣，酸菜魚"店舖裝潢好傳統，店員都非常之友善。1.酸菜魚小辣~店員講說店舖採用野生鱸魚做食材，當然入口便知龍與鳳，魚肉質潔白，肥嫩鮮味，無腥味，口感滑嫩，啖啖魚肉，食魚不用吐骨，配菜多樣化，酸菜甜甜酸酸，窩筍爽脆清甜，大荳牙濃香荳味，粉皮煙韌入味2.正宗口水雞跟紅薯粉~雞肉嫩滑，可能今天有食神"雞脾"🍗😁😁，紅薯粉煙煙韌韌有口感3.珍寶奶茶~嘩……嘩大得驚人，差不多一公升咁大😛😛，食酸菜魚加辣不用愁，大口喝一口即時清凉順暢😁😁下午兩點後某類食物8.5折優惠，珍寶飲品+$8

好耐冇食酸菜魚！所以梗係要搵間食下！ 呢間係葵芳，裝修簡約，不過座位寬敞，都坐得舒服！我地2個人就食左: ✨招牌酸菜魚🐟份量都好跟足，料都好！酸辣湯底好開胃😍 入面啲魚，好滑又入味！入面重酸菜、金菇菜、萵荀同寬粉等配料！佢好唔同辣度比你揀，邊個都食得！我地叫咗微辣，對於唔食得辣呢我地岩岩好！✨黃金軟殼蟹🦀本身已經好鍾意食軟殼蟹！呢個煮法好正，蛋黃味好濃，但係又唔會覺得膩🤤✨雞絲粉皮叫咗呢個做前菜！粉皮夠凍夠滑😏✨珍寶大檸樂 呢個真係必要！珍寶大檸樂用咗一個好大嘅杯😍😍 好正呀可以飲咁多可樂，重有新鮮檸檬，解渴一流！

今日專登去葵芳就係為咗要去食呢間🐟酸菜魚，之前朋友介紹過話好好味又抵食所以嗰日捉埋婆婆陪我去食，因為實在太大盤一個人應該搞唔掂個🍲酸菜魚🤣中麻中辣酸菜鱸魚片-自選酸辣程度🤩第一次食酸菜魚👍魚片多個配料🤣魚片鮮甜嫩滑，每樣配料（酸菜，金菇，粉皮，萵筍）都有少許，如果唔夠可以另外再添加湯底酸酸辣辣勁開胃，婆婆撈湯食咗成碗飯再加埋魚片同配菜。👩‍🦳：飽到今晚唔使食晚飯🤭另外再叫多個尖椒皮蛋試吓🤤呢度落重本係用金皮蛋比較爽口甘香仲要流心配埋尖椒川味調料，超激過癮🔥🔥餐牌上仲有粵式小炒，川味小食，叫多啲朋友一齊試吓帶著小朋友喺室內都可以食下有鑊氣嘅小炒🤤呢間小店仲好有heart ,竟然有提供BB餐具😍

今日嚟到葵芳恒景商場啲友義氣酸菜魚，這店除了主打酸菜魚外，另外提供一些風味小炒。酸菜魚 由於我們都唔係太食得辣，所以我們選了不辣的口味，鱸魚片的分量十分多，是完全鋪滿一整窩，而且全部都十分新鮮嫩滑，啖啖肉沒有骨，就算平時怕魚骨所以不喜歡吃魚的人都可以試一試，而且配料也較其它曾經食過的店多，除了基本的酸菜及大豆牙菜，還有金菇、榨菜、粉皮、萵筍等，口感豐富，湯的味道也十分好，不會太鹹，我們兩個人幾乎飲哂一整窩的湯，有一點比較特別的是雖然我們選擇唔辣，但喝下去仍然有少少麻,這種完全唔辣但有麻的感覺，即使我們平時不嗜辣也喝得十分過癮。雞絲粉皮粉皮爽口唔會太腍，而且超多醬汁，配合起來十分夾十分惹味，令人胃口大開。芒果梳打及士多啤梨梳打都是一些果味糖漿再配合爆珠及梳打水調製成的飲品，不算得是非常特別，但在炎夏的日子，喝一杯冰涼的飲料其實也不錯。

呢間係商場入邊嘅中菜餐廳lunchtime成日大排長龍, 有朋友搵我放工食飯，我就提議不如喺度食啦😜😜叫左個有義氣酸菜魚跟白飯超大碟，份量非常充足！😍足夠三至四個人食，入面應該有一條大魚嘅份量，朋友唔係好食到辣，所以我地叫咗小辣。鍾意佢嘅湯底，唔係得個辣字，係同酸菜幾平衡到，令到味道幾豐富有層次。另外魚肉幾滑溜，無骨，味道鮮甜🤤🤤凍檸水每人仲叫左杯野飲，嘢飲嚟到嘅時候我哋都嚇親，因為比平時見開嘅份量真係大杯好多😱，叫咗少甜少冰，唔會過甜