友記餃子

營業中

休息中

表面平平無奇的小店。有時哥哥買生餃回來煮⋯⋯諗住都係一般般咁上下，點知食到眼叮一聲😍只係賣餃一樣都可以頂得住就知佢唔簡單真係估唔咁細間店，咁好食😍😍而家連經過都會買生餃返屋企煮

喺深水埗買完嘢，想搵個無咁多人嘅地方坐底休息一下。咁橋喺搵地鐵站出口時望到呢間低調小店，門面同入面都好乾淨，深水埗嚟講真係屬企理嗰種。店員係一個年輕人，有禮而安靜。當時係5點，店內只有兩檯食客，其他人都係叫外賣，看來都有熟客仔。佢分三種煮法嘅餃子🥟1）蒸淨餃 2）煎餃 3）湯餃。 本身感冒緊，但因煎餃太吸引叫咗一碟雲耳椰菜豬肉餃。 本身對佢無咩期望，佢煎得唔算燶或有平時食其他舖頭嗰種金黃色（太子嘅美味餃子店係煎得好金黃，但皮勁厚）友記勝在睇到佢皮唔厚，包得靚，飽滿大隻。 關於味道：😍 佢隻隻都好足料，菜同肉嘅比例係好好，幾乎係一半一半，仲要有少少湯汁流出嚟，好似食緊小籠包咁嘅滿足感！（當然無小籠包咁多湯）配埋檯面嘅香醋，真係好好食。8隻餃只不過係 $35， 好抵食。各方面都好有驚喜，一定會介紹朋友嚟呢度食！

本身諗住試另一間出名餃子店既，但當日比較曬，行行下見到有間餃子店，我記得ig有人推薦過，店面企理，就入去左試！一坐低就有個店員好親切咁介紹啲野食，熱情介紹完之後仲比時間我地諗下食咩，好友善又有人情味叫左兩碗餃子上海湯麵，分別係豬肉粟米同韭菜餡。每碗都有四隻餃子咁多嫁，而上海麵既份量都唔少。講麵先啦，本身以為係黃色幼身啲既果種上海麵，但原來係白色既，好似烏冬，但係幼身既烏冬。煮得唔會過火，食落煙韌、有口感湯底係清湯，一啲都唔鹹，啱曬中意清淡既我！至於餃子，好大粒，餡料好足，可以食到有肉汁。皮唔會過厚，有少少口感，皮肉中和得好，唔會分離。韭菜餡味唔會太勁，但韭菜都幾多。粟米豬肉食落好鮮甜，粟米份量都好多。仲叫左雙拼煎餃。煎餃煎到金黃，但無論睇落定食落都唔會過油皮脆脆的，加埋份量十足既餡料，好滿足睇返啲相都好想食總的來說，哩餐我十分滿意！試左兩種餡既餃子，覺得韭菜餃適合做湯餃，而粟米餃適合做煎餃。無論食物、店面潔淨度定服務都做得好好，會再食

繼續保持清淡飲食的路向與方針。今天的午餐，是一碗少鹽又少油的餃子麵....來到餃子店林立的重鎮深水埗，大家去得多的是經常有傳媒報等的那間。今趟來幫襯的是剛開了一陣子，地理位置上更為便利的這兒....這裡屬家庭式的小手作，餃子的花款就只有三種。點了雲耳椰菜豬肉餃上海麵，另再加多八大洋，添多了兩隻粟米豬肉餃....餃子皮不算太厚，包得頗為實淨的；饀塞得滿滿，用料新鮮；菜的成份被肉多，屬走健康的路線，和最近小弟奉行的不謀而合，自然就吃得愜意....想不到這裡的上海麵處理得一點也不濕爛，咬下去還仍留有些嚼勁的，很不錯....以後來深水埗，又可多一個吃好餃子的地方了....

呢間餃子 大大件，料好足，食材新鮮，雖然款式好少，但三樣都好岩我食，價錢都算便宜，淨餃8@$30 ，湯餃8@34。 可以自由配搭。 真心覺得好食過同區既「圓X」餃子韭菜豬肉餃，好jucy ，韭菜新鮮食落香口，豬肉咬落鮮味，唔會似啲唔新鮮既「俺肉」味，每件都好多餡。粟米豬肉餃，好鮮甜，清新得黎又唔會好淡味，不過略嫌粟米唔夠多汁，但是三款中的最愛。椰菜豬肉木耳餃，比我想象中好食，因為椰菜我平時唔多中意，但呢次食落，覺得幾香口，好似有啲麻油的香味，小小爽口，比我預期好很多，下次都會再叫。 而湯餃既湯，有啲似味精湯，飲落唔知點解有啲酸酸地，唔多中意，不過覺得食餃子配湯好似正啲。評分：8/10 。

價山廉物美 進去發覺 坐下新裝修 非常潔淨餐牌非常的簡潔 有三種餃 還有三種食法 另外有面食適合像我這樣選擇困難症的我 很快點了一份香煎木耳豬肉餃子和酒釀丸子等了一會先 熱熱的餃子奉上我面前職員還告訴我是 新鮮自家手工包的 我由於太餓 馬上就把熱辣辣的煎餃放到口裡 一吃使停不了口 內涵相當足料餃子一點要熱吃 點小小醋 更好吃8隻餃子讓我意猶未盡 最後與友人再叫了另一種口味 韭菜豬肉餃 不得不讚韭菜非常新鮮 嫩 超好食 再加酒釀丸子作結尾 甜甜的 非常完美 餃子需然簡單 對於我來然仍是生活的品味 這家非常推薦

星期日放假一早去深水埗行麻甩街！行街前見肚餓，就周圍搵下野食!行行下見到一間手工餃子店，就決定入去試下！餐廳門外放滿花牌，似係新店開張!餐牌選擇亦以餃子為主，淨餃、煎餃、湯餃，乜餃都有！最後我揀左韮菜鮮豬肉餃配米線$32餃子即日人工手製，非常新鮮！店内環境清潔企理，位置寛闊舒適！五分鐘左右，就有野食！米線湯底，偏清淡，早餐食真係啱哂！韮菜鮮豬肉餃餡料非常豐富，韮菜超fresh，豬半肥瘦，冇雪味，唔錯吖！

今天在深水埗逛街時愛吃水餃的我發現有間新開張的餃子店當然想去試一下 進店裏的環境衛生不錯但餐單上只有三款口味的選擇分別是韮菜豬肉.雲耳椰菜豬肉同粟米豬肉店員說他們的賣點是所有水餃都是每天新鮮包製的因為我沒有很餓所以我點了一份韮菜豬肉湯餃如果餓的話 我會建議配麵餐.當我接到餃子時餃子看起來相當肥美 餃皮也沒有很厚 而且肉汁鮮甜 餡料飽滿味道配合得剛好另外我覺得價錢都是合理 單點餃子大概是$35配汽水都是$4x左右我覺得這店可以不妨一試

放工路過深水埗飽飽地又唔想食飯見到有間新開張既餃子店就入去試下D餃子大大隻好飽滿 好味又真材實料豬扒應該仲要生炸添應該係家庭式經營 Feel到有心去做而且價錢唔貴絕對係值得一試既平民小店