受賞雞の唐揚專門店 (非門市)

營業中

休息中

話說最近外賣平台做緊免運費優惠，平時最多只會外賣自取ge 我當然唔會放過呢個機會啦～揀左一輪見呢間炸雞店新開又無咩評論，所以就決定叫呢間試吓好無食先😋==============================🐣金雞滿屋炸雞拼盤（泰式辣醬/黑胡椒沙律醬）原本以為個外賣應該係就禁用個紙盒裝住送來，點知原來係有個雙層托盤禁ge 盒裝住，賣相加左超多分😍😍醬汁係另外用盒仔裝住，好企理👍🏻我哋等咗大概20分鐘就收到炸雞，食嘅時候炸雞外皮依然好脆入邊有好多肉汁，兩款醬汁同炸雞都好夾今次外賣平台除咗免運費仲有折頭所以好抵食🤩🤩

難食過m記，完全唔掂。炸雞係無味，薯條又無味，其實你哋自己有無試過? 仲話係受賞，不如改名叫受難。其實炸雞好難整得難食，所以你哋都算勁。買咗個2人餐乜都有，好似好吸引，無一樣嘢係好食。

就咁食係唔好有味，點醬都係無用。粉唔厚，因為入面啲肉係紙咁薄，所以同食炸粉差唔多，鍾意食無味炸粉可以狂食。專賣雞但係雞無味，收我174蚊，成本唔知洗咪20蚊，食到心都累，講真食咗3分1已經好叻。

人生第一次！叫了外賣打算試吓！炸雞好脆的，不過就價錢來說，認真接受唔到🙈🙈🙈🙈以為係會大件炸雞，原來係細件雞，2款味道，各5件！加$20配雞鎚，點知雞鎚size大過10件雞既size🤣但雞鎚係冇味既！不過免運費都好🤟🏾