古今

營業中

休息中

放工同同事去咗旺角食晚飯，呢間餐廳地點好方便，旺角站E1出口行過去5分鐘都唔使👍🏻 座位非常闊落，環境都好空曠，仲見到佢哋有啲聖誕裝飾添，坐得好舒服🙌🏻 啱晒同朋友或者屋企人過嚟食飯1️⃣日式麻醬豆腐沙律 我最鍾意涼涼地嘅食物，胡麻醬豆腐真好好食😋 成個醬汁同豆腐好夾，配埋沙律其實係一個好健康嘅頭盤🥗2️⃣芝麻雞翼、明太子雞翼雞翼外層炸到好鬆脆，兩款雞翼各有千秋，明太子雞翼裏面係好香濃嘅味道，明太子鹹鹹地之餘仲帶有微微嘅辣味，而且雞翼裏面嘅明太子份量都幾多👍🏻芝麻雞翼反而係食佢雞翼外層，芝麻味夠香，肉質鮮嫩，係一個唔錯同朋友一齊分享嘅小食😋3️⃣午夜牛郎呢個名好搞笑，同同事都估咗一陣裏面係咩嚟😂裏面有三文魚、牛油果🥑同埋芝士🧀呢款卷物好特別，外層好似炸過咁，咬落去脆卜卜，非常之有口感🙌🏻4️⃣蜘蛛呢個名應該估唔到係咩嚟，但係一上菜就覺得同佢個名都幾夾😂 裏面有炸軟殼蟹🦀、青瓜🥒、牛油果同埋蟹柳 原來係用咗炸軟殼蟹扮蜘蛛腳🕷️ 個造型都幾特別，而且軟殼蟹尺寸都幾大，食落去好足料呢兩款卷物擺喺同一個碟上面真係好似一幅畫建議大家同時叫兩款卷物一齊打卡一定好靚👍🏻📍古今

精緻的日本料理，知道有分店喺其他地方。見到旺角新開有折。性價比高，值得一試。會再選擇同試吓其他款。我地一行三人，叫左壽司，玉子，魚，串燒壽司卷色彩繽紛，口感層次豐富。三文魚新鮮。天婦羅啲蝦都好好，個皮好脆。試咗一條魚，砌盆好靚，老闆有解說魚口感。可能見我地唔多似識野😂😂😂仲推介左一個壽司餅脆，真係幾好食。三個人食岩岩好。玉子幾有特色，好軟熟，啲醬喺幾配搭到。整體來講喺好值得一試，下次都會再嚟。

古今又開新店今次係旺角雅蘭中心襯新開同朋友試下先環境好開陽舒服 位置都好闊落食物都幾唔錯 仲有得打咭😍😍😍😍鱈魚乾龍卷風沙律蜘蛛青龍卷火山「龍卷風沙律」，佢用咗新鮮嘅生菜、蟹柳同蟹籽，加上特製嘅醬汁，味道清新可口。沙律嘅擺盤亦相當吸引，配色鮮明，食落去幾乎唔想停手整體嚟講，今次嘅用餐體驗非常愉快，每一道菜都充滿創意，味道更係一流，絕對值得再嚟！古今 📍旺角彌敦道625 & 639號雅蘭中心2樓202號舖

嚟到旺角雅蘭搵嘢食，見到有間日本料理好似唔錯～餐牌選擇都幾多，用QR code睇仲多選擇，揀咗一個沙律、兩款壽司同埋壽喜燒～～～柚子大蝦沙律，有個幾搞笑嘅名「柚想蝦你」，整個配搭好fresh，醬料清新唔會過咸，有蝦肉爽口幾好食，健康之選～A4和牛壽喜鍋，一鍋火鍋材料直接上枱，A4和牛紋路幾靚，肉味香濃，簡單淥熟已經好味啦，醬汁香濃，薯粉好食～～青龍卷同埋龍捲風，牛油果壽司幾綿滑～～配搭同賣相都唔錯～

係旺角行完著名既運動連鎖店，點知見到間新開既日式居酒屋，未食飯既朋友同我就決定入去試下！近排天氣終於有返啲冬天既感覺，凍凍地當然要叫個火鍋，叫左A4和牛壽喜鍋，見到啲牛肉油花唔錯，應該真係有A4等級，壽喜燒湯都幾日式，配料仲有薯粉吸晒湯嘅味道幾好食！另外，仲叫咗前菜柚子蝦沙律，好fresh 好清新，可以解一解和牛既油膩感！另外仲叫左啲特色卷物，係龍卷風同青龍卷，青龍卷既「青」係牛油果，同卷物既鰻魚同蟹柳都好夾！仲有叫左龍卷風，呢間餐廳啲名都幾特別，有機會真係試埋其他！

最近我去咗古今居酒屋，位於旺角雅蘭中心的2樓，地址是彌敦道625 & 639號。🍣 這間餐廳的環境真係好舒服，設計簡約而有日本風格，木質裝潢搭配柔和燈光，讓人一入門就感覺放鬆。🪑✨餐廳內的座位安排也很寬敞，不會感覺擠迫，非常適合朋友聚餐或者家庭聚會。🍻 而且，背景音樂輕柔，營造出輕鬆的氛圍，讓我們可以愉快地聊天。💬菜單上有多款創意壽司和刺身，🥢🍣 壽司的味道層次分明，魚肉新鮮得不得了，口感滑嫩。尤其是刺身，色澤鮮豔，吃下去的時候能感受到海洋的鮮美，真係好享受！串燒亦都10分出色總的來說，古今的環境和美食都超級滿意，絕對值得再來！👍 如果你想找個地方放鬆下來，這裡真係唔錯！下次約埋朋友一齊來試試吧！🍻😊

雅蘭開咗一個新嘅日本餐廳，見到款式都唔少而且幾靚，細問之下仲可以寫生日啱晒今次生日飯喎。叫了2個卷再同佢哋講可以客寫生日/周年幾特別，而且仲要係免費， 10分期待。彩虹卷，刺身牛油果青瓜蟹柳，幾新鮮有不同味道，上面再加一個食用花10分漂亮。煙花卷，辣味煙三文魚和吞拿魚配脆片有輕微辣味令到魚的味道在濃一點，仲要生日寫得十分漂亮有不同色勁有心思。豚肉泡菜鍋，味道比心目中辣，而且香口，入邊有唔少菜同菇，豬肉片都不少。柚想蝦你個沙律名勁得意，入邊嘅材料原來都好多，有蝦，牛油果，中華沙律，菜配芝麻醬，勁足料好味道。

今日難得一班朋友聚會，想食日本嘢搵到雅蘭中心古今二，地方坐得舒服，服務一流，食物質素高，極之推介佢嘅刺身，卷物好食，同魚頭豆腐湯好鮮甜，之後仲食埋甜品，推介芒果綿綿冰👍👍