古城餛飩

營業中

休息中

當完哥的跑腿後發覺晚餐要食自己，就四處遊走（其實想搵戲院未搵到）,突然見到ne間就幾特別就入左黎。原本想叫香菇肉飯套餐試，但係見到蔥油肉絲拌麵＋小餛飩$40就果斷轉心意（當刻諗起豬油撈飯）。店面比教細有面街思過位可以坐6個，搭2張5人圓枱同2張4人枱。 俺既然獨食就只能憑良心行去面街思過位啦～一開始黎左杯豆漿（原來送的），然後餛飩就黎啦～有成14粒小餛飩，湯底有d柴魚同莞茜＋其他未試出的味道（請不要飲太多，始終會fat fat.)餛飩皮薄，餡我認真食唔出係唔係靚，因為個湯底太濃味蓋過餡料好多味，真係要細心試肉質有絲絲回甘（唔關湯事吧。。。應該）；蔥油肉絲拌麵到左，首先拌一拌就見到有紅色條狀物體辣椒no!! 拿埋一邊先，蔥油味好似唔多出（雖然出世到現在都未食到有蔥油味勁出的食物，肉絲係半肥瘦鹹豬肉又食到少少回甘，麵質軟幼帶超超超微辣承認幾開胃下。總結：如果要特登黎又未至於，但經開會諗住入黎食第二次的店家。而由我入黎邊食邊打hea左咁耐，間店坐左4/5位，相信都係街坊食堂黎的

每次經過都有人食餛飩，好想試吓正宗嘅雲吞係點樣，今日晏左食飯，又經過咁就入去睇吓。價錢一啲都唔貴，個塲好似拍戲嗰啲喺條街度食嘢嘅感覺。張相入面嗰啲麵好似好好味，所以叫咗個麵加雲吞餐。麵睇落去顏色淺啲，入口有味，唔使加其他調味料。雲吞起碼有10至11隻，有啲雲吞包得實啲有，有啲包得鬆啲，有啲剩係得雲吞皮。不過雲吞皮都好滑。豆漿係送嘅，開頭諗送嘅豆漿多數都係淡而無味，好似水一樣。不過呢度呢啲係極度甜，飲到一兩啖就夠啦。腦海中不停咁浮現好似係拍戲嗰啲場景度食緊餛飩麵。收錢嘅男孩係只係識講國語。也是一塲不錯的體驗。

之前見佢新開張，在堂食試一次後發覺味道都唔差，尤其佢個辣椒油幾香同唔太辣，加上價錢唔太貴，心想係可以返轉頭嘅食店過左幾日又想食，但呢次幫襯外賣，一個大餛飩+一個蔥油麵，落單時叫俾2兜辣椒油，因為覺得食呢度嘅野一定要加先至好食，到見到阿姐包果陣都有跟足，但因為見到每兜得約1/4左右，所以要求俾多一個，點知個阿姐答 : 你買一份野咋喎，要咁多辣椒油，但最後佢都擺左落去，但當時心想 : 辣椒油咋喎，堂食會唔會限住人地食幾多呀再過多幾日，今次特登買外賣睇佢係咪又係咁，野食試左貴少少嘅蝦仁餛飩+蔥油麵，都係要求2兜辣油，今次我企左喺出餐位置等，到見到我d野食放左喺度等阿姐冚蓋，我同阿姐講唔該2樣野想要多d蔥，佢就叫入去 : 要多d蔥喎，跟住入面一個似係新人嘅人望一望出黎，然後就咁搵手攞幾粒就咁洒落去，跟住我見另外一樣無多度蔥，我又唔該多一次，個阿姐用想同語氣再叫入去，今次就由淥餛飩位師傅攞返碗野落去然後先加，之後擺返上出餐位，點知高潮黎啦，正話疑似新人果位再次望一望我，然後用手挪住一埋蔥就咁喺出餐位洒落去，仲要加多果 : 多蔥丫哪，臨尾要求多一兜辣油，果阿姐講 : 2兜夠架啦，好辣架，但無俾多一

今晚去試了一個小餛飩+蔥油撈麵套餐40蚊，第一口試下個湯底已經知敗家伙，是濃濃味精湯底。不敢再飲湯了，再食埋小餛飩和撈麵，嘩~一路食一路舌頭難受，落得味精太多了。應該無下次幫襯。

第一次去食，喺啱啱開張無耐，好不容易有位，叫完個麵餐，等咗15分鐘，諗住太多人，費事催佢，但去到差唔多半個鐘，真係要問吓佢，佢先話漏咗單，lunch hour就係得一個鐘，最後食物嚟到，我得番5分鐘食。但有感食物味道唔錯，所以去食第二次。第二次，叫咗個乾拌餛飩13隻，今次冇乜人，唔使等好耐，嚟到見到得10隻，我就問阿姐，阿姐話：「係咩，你叫13隻咩，冇㗎喇，得3隻唔會幫你煮。」，服務態度一流，漏單落錯單只會係你錯唔會係佢錯。事不過三，錯判咗覺得可以俾第三次機會。今日第三次去，坐低就叫個肉絲拌麵，阿姐問我係咪要麵餐，我話淨喺要麵。吸收咗上次教訓，張單一嚟我即check，發現佢落咗麵餐，我同阿姐講我淨係要麵，唔係麵餐，換嚟劈頭一句：「頭先咪問你係咪要麵餐囉。」。其實出錯唔緊要，lunch hour忙中有錯好正常，但你錯仲要聲大夾惡，恕我真係食唔落。依間鋪食物質素係唔錯，但真係未高到去，要我貼錢買難受。

今晚諗住試吓新店，所以同同事兩人去試吓'古城餛飩' 叫了全家福大餛飩13隻$42，元貝全家福大餛飩10隻$45，蝦仁原味鮮肉大餛飩10隻$43,及葱油肉絲拌麵心諗餛飩應該是皮薄那種，但原來大餛飩即係平時的水餃，已覺有啲搵笨😤，食落三款"大餛飩" 味道真的差唔多，冇分別，又被搵笨😑😤服務方面，我叫的食物，全部送了去隔離枱，每次我都要大聲更正，最後俾完錢後，想要番張單，佢話冇，仲要俾收銀阿姐串，"食碗麵姐唔使攞單，我啲單留番埋數用，打多張單俾你，我今晚埋數會亂", 真係吹脹，把幾火😤😤😤😤😤😤😤下次請我也不會再食