古早坊 (已結業)

一直好想試下台灣的古早味蛋糕, 元朗呢區特別多這古早味蛋糕店，呢日經過鳳群街新開的古早坊，被其剛出爐的蛋糕香吸引住。🥧🥚古早味蛋糕特色係濃厚的🥚雞蛋糕，必須要人手製作，憑着鬆軟質感及濃濃蛋香瘋魔人心。🥰這裡蛋糕有3款味道，原味、流心芝士及爆漿朱古力。我選左流心芝士味。🧀先看蛋糕表面，賣相好挺身，夠光滑表皮薄身不厚。😊呢度亦是人手拌勻蛋漿，過程一絲不苟，令蛋糕更蓬鬆軟滑。👍🏻問過店員，蛋糕用的是上乘北京蛋🥚到左主角，🧀用左香濃既紐西蘭巴馬臣芝士芝士，毫不吝嗇。蛋糕上面嗰啲係芝士粉，係焗出嚟既效果，食落雙重滋味。😋😋蛋糕都有2.5吋厚，用低溫慢火在現場烘烤，味道有濃厚蛋香，口感濕潤鬆軟，芝士的鹹香跟蛋糕的甜味意想不到地夾。不愛嚐太甜的, 這個是很不錯的選擇! 👍🏻👍🏻整體覺得蛋糕好真材實料，質素很不錯，係激烈競爭下 這古早坊個人認為值得推介。🤗簡單而美味的口感就正正達到古早味蛋糕好幸福的感覺。下次會再試下其他味道！😻

前兩日偶遇到屋企附近開左間古早味蛋糕舖，因為唔洗行咁遠，就試下啦～ 因為朱古力啱啱出爐，所以買咗個，仲係流心😍翻到屋企切咗嚟試，上面有朱古力豆，中間都有朱古力漿，好香，朱古力冇想像中咁甜，一次過食咗大半個，蛋糕好鬆好軟，朱古力味好香，夾埋食好正，啱做下午茶!🤤 老闆娘話追求純天然，無添加味精、香料或防腐劑，要盡早食，只能放三天，食唔曬要擺雪櫃，咪既話會壞。 整體唔錯，下次再試下其他味， 鋪頭仲可以試食，大家可以去試下。❤❤❤❤❤

點解！點解老陳係星期二休息！FB個個都推介老陳，諗住去試吓，點知遇上佢休息，冇理由空手而回，唯有去另外一間新開嘅古早蛋糕 - 古早坊。有原味($50)、流心芝士($60)同爆漿朱古力($60)3隻味，揀左原味試試。蛋糕聞就幾香，質感係鬆軟，而且有啲濕潤感，有啲似本地嘅紙包蛋糕，但蛋味就偏淡多，雖然蛋糕面有坑紋增加視覺，可惜表面亦有爆裂情況，外觀上加分變減分。呢間又係一次性，試左就算，都係怪自己懶，唔行遠多少少😆

早幾日元朗 yoho mall 附近間台灣蛋糕鋪終於正式開張。之前見幾平成日買，但原來只係試業⋯⋯正式開業價錢比試業貴左少少，但係元朗咁多間鋪黎講，都仲算 ok。間鋪暫時淨係有三種蛋糕可以賣，我三種都有買過黎做早餐，如果未食過嘅就推薦原味，因為蛋味香得黎，第二日食都仲好綿 個人就比較鍾意食芝士，面層有芝士粉，中間有2層芝士，食起黎咸咸香香幾好食。本身想買多盒原味，但要等，所以轉左買朱古力。估唔到都幾好食！唔會太甜，但個人覺得都係原味同芝士好食 d