古早牛肉麵 (已結業)

平日既2點鐘左右入去食， 都仲有幾多人。 可見真係好高人氣🤭下午茶好抵食 但係我哋等唔切到2點半🤣除咗野食之外 當然唔少得有台灣最出名嘅「手搖飲品」 不過我哋食飽飽之後就冇肚再飲啦🤭餐廳環境方面都好有台灣古早風味，對於冇辦法去台灣旅行嘅香港人來講嚟呢度真係幾似去咗一次台灣。 食物方面我地叫咗一碗紅燒牛肉肉燥便當同埋招牌紅燒牛肉湯麵🤤🤤我想講個紅燒牛肉真係一定要食！ 紅燒牛肉肉燥飯既肉燥同飯比例岩岩好！ 唔會過多過油！ 加埋必食嘅滷水蛋 同埋有子薑解油膩🥰 所以野perfect! 但係得兩舊牛肉唔夠喉🥺 所以偷咗朋友一舊🤣你睇吓個牛肉嘅橫切面🥺🤤 招牌紅燒牛肉湯麵朋友話好好食 湯底好濃郁😍 蘿蔔和牛腩個配搭係一流！ 蘿蔔好鮮甜🤤 其實我成日都覺得蘿蔔係所有嘢嘅精髓🤭🤭Omg 好邪惡🤤

深水埗元州街一向都係美食集中地，平時放工經過間唔中都會幫襯下，今次就試下呢間台灣店👍🏻一入到去就見到好多台灣古早風格嘅擺設，睇裝修上都幾有心思，好似去左台灣咁👍🏻平日來講，餐廳都算多人食，坐滿左7-8成。因為我朋友唔食牛肉，所以無幸試佢的招牌紅燒牛肉麵，叫左其他小食。鹽酥大雞排（甘梅味）鹽酥雞排平時我都係食開原味或者辣味，今次第一次係朋友嘅慫恿下試甘梅味，本身以為會中伏，點知食落去都幾match，酸酸甜甜得來幾開胃。雞扒都算鬆脆，不錯。醬油豬軟骨乾拌麵一上到黎都幾大份，豬軟骨鋪滿成碗，好有份量。麵條煙韌有口感，但係醬汁略為淡口。綜合麵線以前去台灣都好鍾意食麵線，點會錯過👍🏻碗麵線好大碗，溫度略溫，可能本人食開重口味嘅，覺得味道略為淡口。巴樂蘆薈多多朋友點的，同出面水準差唔多，有蘆薈咬下好有口感,都唔錯👍🏻

今次嚟到深水埗嘅台灣餐廳，價錢合理而且選擇都幾多㗎🙌🏼食台灣嘢一定要食牛肉麵、魯肉飯同蛋餅！一於嗌哂佢先☺️呢碗招牌紅燒牛肉湯麵🍜$59~大大碗🥰夠哂抵食😇牛肉軟腍入味，湯底夠濃郁，蘿蔔就夠清甜☺️食完好滿足🙌🏼至於呢碗就係小碗雞魯飯💁🏼‍♀️雖然係叫小碗，但係個人認為對於女仔嚟講都夠食😂魯肉唔會太肥膩，而雞肉帶有少少咸香味😆唔錯❤️最後就係呢個起司蛋手抓卷餅🧀卷餅外層香脆，入面夾住芝士、雞蛋同生菜🥬口感層次好豐富，食完唔會覺得滯👍🏼

招牌紅燒牛肉湯麵🍜👍🏼牛展肉厚軟腍，粗麵軟硬適中有咬口室內裝修有特色，不過座位就偏窄少少湯底味道唔錯香濃，八角、桂皮等香料味道適中，蘿蔔大舊清甜多汁，值得再嚟

今日係深水埗食街 食個早晚飯見到呢間台式餐廳 門面靚仔 裝修又有特色 一於試下古早 係台灣黎講 即係最祖傳嘅味道好吸引呢令人期待一入門口係水吧加收銀水吧比台式飲品店更有規模夠開揚 見好多人買外賣好方便裝修好有特式 好多台灣畫作 同埋每張枱都有酒精潔手 好窩心午餐時間好長呢而我咁啱又6點前 可以食平啲叫左牛肚牛筋湯麵配熱奶茶 加宜蘭迷你蔥肉餡餅牛筋唔會過淋 咬落係會少少彈牙有種啫喱嘅感覺麵條粗身同埋立體 好掛湯之餘 亦好好咬仲有舊好大舊嘅白蘿蔔 索晒啲湯轉埋色呢個湯不得不提嘅係 佢有好少好少藥材味唔係普通嘅牛肉湯成個麵真係好台式餡餅亦係期待之作 唔知係味用三星蔥呢熱辣辣 一咬開 充滿蔥汁 店員提醒小心辣親呢熱台式奶茶 已經溝好晒奶同糖唔會太甜 有少少伯爵茶味忍唔住叫多杯鳳梨蘆薈多多拎走好清新嘅味道 蘆薈亦感覺健康啲可以揀甜度同冰量下次要再黎試吓柯仔煎先得

收工夜馬馬行左半個深水埗搵野食，有一刻閃過想食台灣野，見到呢間古早牛肉麵未關門，拿拿聲狗衝入去！以前好似有食過呢間店，但應該搬過位置黎！？滷水大腸肉燥便當$50好鬼多大腸.....都滷得入味....但多到嚇親我.......食唔晒....；大腸少少肥喇，還可以！肉燥就好一般，但！！！估唔到加左枱上面個樽辣菜脯既野成件事唔同晒！多得呢個辣菜脯，飯差唔多食晒！而個滷蛋冇乜味！整體來講：係深水埗好想食台灣野既時候，可以食佢止止渴！IG : f.nbreak

好耐無去過旅行 好想去台灣夜市 決定搵間台灣餐廳食吓！餐廳主打牛肉麵 但係我就想食其他 好彩都好多選擇店內主打台式懷舊風 裝飾得幾靚🖤焦糖珍珠奶茶🥤 $25 半糖小冰奶茶今次揀左半糖小冰，真心岩晒口味，焦糖味淡淡咁配合珍珠又唔會搶晒奶茶既香味！🐔鹽酥大雞排 $36 香辣台灣野必定要大雞排，上碟份量我地都嚇一跳，好大碟兩個人都一定飽，香辣口味配搭脆香既外皮，入口多汁既雞肉好味到不得了！🦪蚵仔麵線 $33估唔到佢咁大碗！雖然配料吾算多，但麵線一啲都吾淡，而且啲面一啲都唔爛重好爽口🌮起司蛋手抓捲餅 $36食得太多肉當然要有清清地緩和一下，雖然佢係起司蛋但係一啲都唔滯，反而加埋新鮮菜既口感更加清新！

主打台灣風味小食🤤冇得去旅行🧳好掛住台灣小食同牛肉麵價錢合理，而且食物份量都大大份，同台灣小食一樣性價比幾高店舖有不少描述台灣的圖片，增加少少特色招牌半筋半肉牛肉湯麵🍜湯底十分濃郁🤤牛肉十分重，真材實料牛肉湯👍🏻湯底味道層次不錯😆麵是好似烏冬般粗的手工麵，麵身較冧，但手工麵較好吃😋佢可以索盡湯底牛肉的精華所有牛筋都非常冧，大約有6粒以上大小的牛筋最重要係佢個牛肉真係十分好食🤤🤤牛肉中間又夾少少筋，肥瘦岩岩好，而且超入味又超冧湯裏配菜有一件大白蘿蔔，一樣很鮮甜，和二條生菜🥬鹽酥大雞扒 配海苔味(還有原味、香辣、甘梅)炸至金黃色😚肉質保持多汁，而且外皮十分薄，海苔味值得一試🤩🤩

頭先食咗正餐，而家有少少肚餓，所以想食啲小食，雖然呢一間台灣牛肉麵，係主打牛肉麵，但今日我食咗佢好多小食。.有餐牌嘅價錢可見其實真係好經濟實惠。.麻辣牛肚絲🌶🐮 $28（推薦指數：😋😋😋😋😋)麻辣兼備，青瓜絲嘅表面，配上麻辣醬，下層都有好多嘅牛肚絲，底層嘅醬汁有豉油同少量嘅花生醬配合。表面嘅青瓜是因為有麻辣醬關係所以比較辣，但下面嘅牛肚絲，就會麻多過辣。整體配合得好好！.宜蘭迷你蔥肉餡餅$28 🥩🧅（推薦指數：😋😋😋😋)正所謂細細粒好易食，一啖就可以食晒，入邊好Juice同埋熱辣辣，所以食嘅時候小心辣親，同埋小心啲執會咇出來，蔥油味夠香。餡料菜同肉嘅比例均勻。.蚵仔煎🦪$46 （推薦指數：😋😋😋)同食開一般蚵仔煎唔同，一般嘅蚵仔煎會好似港式的蠔餅，但呢一個係似一個粉皮包住蚵仔，煎咗個粉皮一樣。比較新穎。蚵仔都幾多粒，表面係個海鮮醬。

相信係我食過最難食既牛肉麵！首先，湯底真係平平無奇，比較係淡味既湯底，完全食唔到有任何香料味，只係一個普通到喊既湯底～牛肉都比較偏小，而且炆得唔平均，一舊硬一舊就淋Ｄ，食落真係好唔爽～最最最敗筆係牛筋，我諗店家係想快Ｄ炆淋而將牛筋切到勁細，口感真係欠佳份量都係偏小，一定唔會再有下次～呢間店真係好大改善空間

位於深水埗福榮街116號街上美食林立仍能生存有一定競爭力一入門口就係舊式佈置牆身貼左不少畫，講述以前標語充滿特色亦有台灣式牌面。枱與枱之間都闊落，店員歡迎我地任意揀位。Menu 只有一張面是全日食物(包括主食，小食，輕食)，底則是飲品. 首先個人幾喜歡menu設計，以可擦得甩既筆形式，餐牌可以重複使用，頗為環保。今次同友人share 所以叫左主食輕食各一，兩小食。招牌半筋半肉麵濃濃既湯底為牛肉麵一大特色。筋部分有咬口，肉厚實之餘煮得淋身作為輕食既大腸麵線相當有驚喜，份量相當多，價錢方面大眾化味道似台灣感覺，食完不會口渴起司蛋手抓餅卷賣相吸引，菜生鮮爽口，配以芝士及蛋帶有微微咸香甘梅地瓜條本人十分推薦，炸得香口外，厚度適中。梅粉配搭得很好奶蓋朱古力不過不失，味道與出面手搖店無異。整體服務有禮，食物質素幾高，值得再去多次

今日第一次去呢間餐廳食👍🏻入面好多台灣設計裝飾。我地叫咗招牌紅燒牛肉麵，鹽酥大雞扒香辣味同海苔味。牛肉麵好食，但比較細碗，男士食會差少少。香辣鹽酥大雞扒一d都唔辣😂海苔味好😋好脆好食👍🏻我地飲品叫咗蜂蜜蘆薈紅茶同蜂蜜蘆薈多多👍🏻飲嘢都好好味☺️整體都唔錯，值得大家一試👍🏻

今日一個人行完黃金商場，貪方便就係對面搵到間古早牛肉麵，見到招牌碗麵已經流曬口水，一位丫唔該😍第一次吾洗諗一定食招牌菜招牌半筋半肉湯麵 $63， 午餐加 $15 叫埋涼拌小黃瓜 ，送埋熱飲 一共$78 碟涼拌小黃瓜，調味吾多，保留番瓜既味，又爽又脆帶少少蒜香同麻油味招牌半筋半肉麵既湯夠料肉味又濃，牛筋炆到夠林入味，牛展咬起上嚟有黐牙feel好好食，連蘿蔔都入曬味 麵條煙韌適中，大大碗份量十足呢樽榨菜辣椒吾好睇少佢，除咗香仲幾辣（對我來講）$78 唔算好平，但牛肉麵黎講呢間完全比我一種安慰好似去咗台灣（寶島）食麵既感覺👍🏻唔錯

係附近買電腦用品,之後肚餓啦,就搵到呢間古早牛肉麵!量完體溫,潔埋手就可以入座,唔會坐得太逼,十分舒服選擇夠多,價錢唔會太貴,好多樣野都好吸引招牌紅燒牛肉湯麵,牛肉用料夠哂多,湯味香濃,唔會太咸,絕對無飲緊味精湯既感覺麵唔會太淋又唔會太硬,入哂味,高質!鹽酥大雞排,果然夠大,份量夠2個人食,炸到外層十分脆脆,無臭酒益味,推介!牛筋大大舊,入哂味,超好食!酥皮唔會太厚,雞扒肉夠嫩,咬落去好多汁!輕芝士冬瓜茶,咸咸地既芝士奶蓋加上甜甜冬瓜茶,兩者互相補償對方既味道,唔會太咸又唔會太甜,正!

今天工作太辛苦，肚子餓得打鼓，放工後，一個人到了深水埗福華街覓食。走到這間台式餐廳，古早牛肉麵門前，被餐牌吸引，二話不說走進去開餐！餐牌的選擇亦十分多。我點了一碗特盛台灣牛肉湯米。一次過能滿足我想吃牛腱、豬軟骨、貢丸和花枝丸的慾望！不得不讚是牛腱和湯底，牛腱的牛味香濃，炆得非常入味，肥瘦適中，入口即溶。湯底更是無得輸，超有牛香，米粉把湯底完全吸收，讚呀！貢丸和花枝丸也不錯，很彈牙有口感。另外我再點了輕芝士岩鹽奶蓋烏龍茶（少甜）。烏龍茶十分清香，與香濃的芝士奶蓋果然是絕配。奶蓋迷大愛！可以再encore!