台北倆伴

營業中

休息中

諗住入去問有無位，收銀個位職員禮貌地話，暫時未有細枱叫我出襟飛等，襟了飛後我就行開咗，不過也只是在附近，因輪到我時沒有聽到，收銀那位職員竟走出來揾我，服務很好。餐廳環境不錯，也很舒服，枱與枱之間距離合理，唔會太貼，有2人枱，就算一人食都食得自在。見有四款套餐連飲品，要了這款豬軟骨便當，湯，鴨血和肉燥飯都好味，味道適中，豬軟骨有甜醋味也入味的，可惜軟骨和肉都唔夠淋要扣分，連加一和飲品共$101。叫了凍飲，員工很貼心主動地問我需要少甜少冰嗎？服務態度也很好吖。

近日又心思思想吃台灣夜市小食，今次選擇朋輩介紹既圍方 "台北倆伴"，商場連貫大圍港鐵站，好方便。入到餐廳，以木系設計為主，牆壁貼上雀鳥圖案牆紙，自然風格裝潢，讓人舒適自在。套餐選擇多樣化，紅燒牛肉麵、滷肉飯、鍋物、麻辣鴨血拌麵、夜市小食、蛋餅等等台灣地道美食。古早起司芋泥肉鬆蛋餅     $62蛋餅皮煙煙韌韌，餡料咬落軟糯，拉絲溶溶嘅芝士，配合鹹香味既肉鬆及入口綿密既芋泥，鹹甜配搭更開胃。紅燒牛肉麵拼古早滷肉飯      $58紅燒牛肉係半筋半肉，好大件而且好入味，軟淋有咬口，麵條好煙韌，湯底濃郁，散發陣陣香氣。滷肉飯份量好足，滷肉與醬汁一齊拌飯，真滋味。一份下午茶餐有麵又有飯，價錢實惠。台南擔仔米粉      $52米粉幼細，湯底清清地唔會話好濃，米粉吸入清甜既湯，搭配蛋、蝦同牛丸之外，仲加左肉燥，味道唔錯，值得一試！芋泥三色芋圓 $46三色芋圓大粒又夠煙韌，份量都好多，可以食到原材料嘅味道，仙草凍好似涼粉，口感清爽，而中間有綿滑芋泥，好出色，依碗係好吃嘅芋圓糖水！愛文芒果起司奶蓋      (+$22)上層既濃厚芝士奶蓋，口感幼滑，帶點微鹹，下層係香甜既愛文芒果，濃濃芒果味

今日同frd行圍方入咗呢間裝修超靚嘅台式餐廳食下午茶，商場鋪來講價錢好親民，跟餐有台式飲品，份量亦都好夠。紅燒牛肉麵配古早滷肉飯牛肉麵味湯底濃郁惹味，麵身彈牙有口感，牛肉軟腍又入味，滷肉飯有肉鬆同半隻糖心蛋，肥美豬肉肉加埋香濃醬汁，撈埋肉鬆一齊食十分美味😋。鹽酥雞肉鬆滷肉飯配紫菜湯及地瓜酥另一款揀咗鹽酥雞配滷肉飯，鹽酥雞外層炸得夠酥脆唔厚粉，內層雞肉口感鮮嫩，配合埋鹽酥粉食落超惹味，地瓜酥口感煙煙韌韌咁帶香甜味道，最後飲埋碗清新紫菜湯，完美。逢甲肉鬆榨菜蛋餅外層蛋餅唔會過分厚身，中間餡料塞得好滿，一口一舊層次十足。台灣奶茶黑糖薑母茶荔枝烏龍冷泡茶跟餐仲有飲品跟，當中最出色係黑糖薑母茶，甜而不膩，有淡淡薑母獨特味道，飲完成個胃暖粒粒。台北倆伴 (大圍)大圍車公廟路18號圍方5樓528號舖

覺得呢間同沙田嗰間初遇好似一模一樣集團不過搵唔到數據款式一樣，但係價錢就貴好多！好似滷水牛三寶咁就要128 ，但係沙田嗰間只係要$78貴成$50不過原來佢份量大好多！牛腱多兩片 其實如果係Double份量嘅話，呢度係抵嘅味道都唔錯，撈得幾好味，呢度嘅牛肉同牛肉麵嘅唔同，嗰啲係直徑粗啲，而且係長長的 呢度就係牛腱一片片硬口啲 各有千秋滷水蜂巢豆腐幾特別下午茶跟餐又得要紅棗水幾天然而且好香 $58份量好多！仲有好多蟹肉同埋蟹黃下午茶超正超多配搭，譬如嗌牛肉妹又可以配個好細嘅滷肉飯，變咗咩都有得豉油平啲啲呢個海鮮煲材料麻麻，但係款式真係同沙田食嗰間一樣，不過多咗豬血膏！台灣食嗰啲唔好食呢度OK啵！用餐時間得90分鐘，不過都夠時間食佢哋平日都好繁忙，服務態度唔算好好，不過不過不失

今天和朋友行過大圍圍方有D肚餓，特意試吓這間台式餐廳，這餐廳用半開放式設計，環境闊落舒適，tea time 午飯人潮開始散去，所以很快巳有坐位，服務員很有禮貌地介紹下午茶餐種類給我們選擇。古早滷肉飯大腸麵線雖然是茶餐，但飯和麵份量也不少，大腸洗得很乾淨而且很肥美，麵線質地十分幼滑，還併上一碟醋，加入湯麵吃非常和味，最後我連湯也差不多喝清。滷肉飯每粒飯都粒粒分明，飯質黏口有飯香，滷肉肉粒肥瘦適中，肉味香濃，配上特別滷汁和醬油，還有糖心蛋和肉鬆，多重口感👍🏻。黑糖珍珠奶茶這杯奶茶飲落奶滑而且茶味香濃，不會太甜，黑珍珠入口Q彈，感覺幾得意，茶餐另加＄12，值得推介。老阿嬤焢肉肉鬆滷肉飯飯面放著2件大大的焢肉非常吸引，食落似食東波肉，肉質軟腍不會黐牙！滷汁味道十分出色！整碗飯份量很大，食得很飽。紫菜貢丸湯清甜可口，紫菜不少，貢丸彈牙，朋友讚不絕口。

有個friend話試過幾好食，咁嚟試吓囉入座嗌咗個排骨便當同豬軟骨便當隔咗唔夠5分鐘就嚟排骨賣相好奇怪，一忽一忽咁慢煮豬軟骨一定要配飯食如果唔係食落完全唔熱鴨血質量麻麻，冇乜味道兩個便當最好食係個湯，其他質素麻麻埋單收+1完全唔值呢個價，冇下次

事先係GULU拎定飛，今次終於試到，呢間餐廳都受歡迎，用餐時間係一小時，時間都幾趕🤣我地揀左老阿嬤焢肉麻辣拌麵，紅燒牛三寶手工麵，黑糖珍珠奶茶，鮮鳳梨水果茶(少甜)老阿嬤焢肉麻辣拌麵，拌麵係呢幾樣之中最好食，味道幾惹味，麵質幾煙韌，不過麵條太長，食用嗰陣有少少麻煩🤣老阿嬤焢肉就太肥，食落去無入口即化，所以就覺得太膩了紅燒牛三寶手工麵，湯底唔夠濃，牛肚和牛筋就麻麻地，手工麵無拌麵咁入味，整體普普通通黑糖珍珠奶茶，珍珠好淋，唔夠咬口鮮鳳梨水果茶(少甜)，真係唔係好甜，鳳梨味好淡總括而言，拌麵係值得試，不過如果要等位等好耐，就唔係咁值得🤣

台北倆伴大圍車公廟路18號圍方5樓528號舖食物推介：T03 逢甲肉鬆榨菜蛋餅 $48，T07 大腸麵線拼淡水焢肉刈包 $52，T05 紅燒牛肉麵拼古早滷肉飯 $58，T10鹽酥雞肉鬆滷肉飯 配:紫菜貢丸湯及地瓜酥 $62逢甲肉鬆榨菜蛋餅：蛋餅的底部是用蛋液煎烤而成，口感酥脆，裡面則搭配上肉鬆和榨菜，肉鬆具有香氣濃郁的煙燻味道，榨菜既咸香和脆嫩，值得一試！😄😄😄大腸麵線拼淡水焢肉刈包：豬大腸口感鮮美，麵線滑嫩軟綿，加上麻油和醬油等調味料，味道一流！焢肉刈包的豬腩肉肥美多汁，肉質鮮嫩，配上炸菜和香茜，美味可口！👍👍👍紅燒牛肉麵拼古早滷肉飯：紅燒牛肉醃製得非常入味，骨肉均勻，肉味濃郁，加上鮮甜的湯汁和煙靭的麵條，令人滿足！滷肉飯肉味香濃，肉粒肥瘦適中，淋上滷汁和醬油後香氣四溢，值得推介！😍😍😍鹽酥雞肉鬆滷肉飯 配:紫菜貢丸湯及地瓜酥：鹽酥雞外酥內嫩，吃起來口感非常脆嫩，每一口都能感受到肉汁的滋味！滷肉飯入口即化，配上鹹香的鬆肉，讓人欲罷不能！紫菜貢丸湯清爽可口，貢丸彈牙！地瓜酥炸至香脆，香甜滋味！😋😋😋

當晚同屋企人去到圍坊唔知食咩好。。見到呢間台灣餐廳，餐牌嘅圖片好似唔錯，就排隊試吓啦，排咗大半個鐘，終於有位。嗌咗個花雕雞卷麵，排骨肉燥飯。首先，花雕雞的味道有點苦，係苦到澀口。我們就向一位員工（KoXX）提問，並向該位員工提出讓廚房同事檢查一下有冇壞到。員工表示味道就係咁。好啦，可能係我唔啱食啦⋯跟住個排骨就係甜嘅，唔係甜咁簡單。食啲嘢食咗幾啖就走人。跟住到第二朝早，我同屋企人都肚痛，嚴重肚痾，最後要睇醫生同埋休息兩日先好返。提醒一下大家，腸胃唔好嘅人士，唔好輕易嘗試！！！

食物推介：大腸麵線拼淡水焢肉刈包 $52，鹽酥雞肉鬆滷肉飯 配:紫菜貢丸湯及地瓜酥 $62，愛文芒果起司奶蓋 +$22，黑糖薑母茶 +$0大腸麵線拼淡水焢肉刈包：大腸麵線的湯底濃郁香醇，麵線滑順，大腸滷得軟嫩入味。淡水焢肉刈包的刈包蓬鬆柔軟，焢肉肥瘦相間，而且香噴噴，好好味！😄😄😄鹽酥雞肉鬆滷肉飯 配:紫菜貢丸湯及地瓜酥：鹽酥雞金黃酥脆，雞肉很嫩滑。滷肉飯的滷肉肥而不膩，滷香撲鼻，入口很軟嫩。紫菜貢丸湯清淡鮮美，貢丸很彈牙。地瓜酥金黃酥脆，讓人食指大動！👍👍👍愛文芒果起司奶蓋：愛文芒果鮮甜好味，果味十足，起司奶蓋芝士味濃郁，口感滑順，啖啖滋味！😍😍😍黑糖薑母茶：黑糖味十分香咁好味，薑母茶薑味濃郁，加上玫瑰花、枸杞、紅棗、桂圓等配料，味道一流！😋😋😋

我今日約同好友去大圍行街，順道去位於大圍車公廟路18號圍方5樓528號舖的台北倆伴食台式下午茶，環境舒適，坐得舒服。我點左個 T05 紅燒牛肉麵拼古早滷肉飯$58，好友點左個 T04 老阿嬤焢肉肉鬆滷肉飯配紫菜貢丸湯 $56， 小食就點左 T03 逢甲肉鬆榨菜蛋餅 $48，A03 古早烤台灣香腸$56，A04 彰化花雕雞卷 $62；餐飲係熱黑糖薑母茶，熱桂圓紅棗茶。紅燒牛肉好軟腍入味，牛味濃郁，滷肉飯好味；老阿嬤焢肉好淋好食；蛋餅好味道，台灣香腸烤得香口，雞卷有咬口又好香花雕酒味👍，兩款熱飲好潤喉。

圍方開咗成年, 幾次過門不入, 終於有機會約咗馬鞍山friend過去食tea, 佢想食新竹米粉就揀咗台北倆伴。裝修舒適雅緻, 卡位坐落寬敞舒適。台南芋頭貢丸新竹米粉 + 桂圓紅棗茶 （$46）, 貢丸鮮脆內心芋頭粉糯, 呢個價錢性價比👍🏻鹽酥雞肉鬆滷肉飯餐($62) 升級芋香珍珠奶茶 (+$12) , 半隻溏心蛋加一大堆滷肉肉鬆, 仲有四大粒鹽酥雞, 飽足感十足, 兩件酥炸蕃薯作為飯後小甜品, 成個餐配搭豐富得嚟有心思。士林夜市蟹蓋 ($52) 三件軟殼蟹蓋頂角飽滿, 一口咬落爆汁惹味, 好驚喜😋蟹王秋葵 ($58) 秋葵翠綠新鮮, 蟹肉蟹黃醬汁熔岩咁包圍住啲秋葵, 食菜都食得好好味😄值得一提, 同朋友有傾唔完嘅話題, 坐咗兩三個鐘, 期間小店一直都好多客人,可喜係所有侍應有效率之餘更有禮貌,完全冇表現不耐煩。下次去開圍方shopping後需要坐低食啲嘢, 呢間絕對係一個唔錯嘅選擇。

約咗朋友食下午茶，搵到呢間台灣美食。首先要推薦嘅就係佢哋嘅鹽酥雞,係本店嘅必點之選。雞肉鮮嫩多汁,炸至金黃酥脆,外層帶有恰到好處嘅鹹香。配以地瓜酥紫菜湯，好豐富。特別鍾意地瓜酥，好酥脆爽口。另一個亮點就係逢甲肉鬆榨菜蛋餅。餅皮酥脆柔軟,內餡豐富可口,飽滿嘅肉鬆加上脆爽嘅榨菜,味道層次分明,絕對讓人食指大動。花雕雞卷,雞肉水嫩濃郁,配合花雕酒嘅特色香氣,好食。最後要大讚芋泥三色芋圓,芋頭香味濃郁,內餡包料十足,再襯以Q彈嘅芋圓皮, 係台式甜品佼佼者。價錢合理，下午茶餐都好豐富，食物質素又好，絕對值得一試。

台北倆伴❣️睇完戲咁啱係下午茶時間，又咁啱見到呢間台灣餐廳。門口見到Menu都幾吸引，好多選擇。於是乎就入左來。呢度下午茶餐款式好多，有飯有麵，如果唔想食太飽仲可以食小食🤭🌟大腸麵線拼淡水焢肉刈包🍜麵線和湯的比例剛剛好，濃稠適中。麵線之間有金針菇🍄帶有少少爽脆口感。大腸軟熟得來又唔會太韌。加埋醋入口感覺非常台式口味。🍞刈包餡料充足，有酸菜、芫荽、大大嚿五花肉🐷餅皮鬆軟，五花腩超軟腍，入口就融化咗。有酸菜打底，唔會覺得好膩。🌟紅燒牛肉麵拼古早滷肉飯🍜牛肉麵湯底鮮甜，牛腩炆煮到超級軟腍，一咬就開🐮麵質十分彈牙，非常掛湯，加上無限添加的酸菜，令人食慾大增。🍚滷肉飯珍珠米軟熟，粒粒分明。上面明顯見到一粒粒肉丁，肥瘦均勻，入口即溶，脂味十足。滷肉汁鹹度適中。配合珍珠米食非常可口。🫕得一提係流心蛋同埋肉鬆，絕對係點綴之作。係Bonus！令到成個滷肉飯變得好出色。🌟逢甲肉鬆榨菜蛋餅🥞蛋餅皮好薄，餡料超級豐富。每一啖都食到滿滿的肉鬆榨菜。又有微甜的醬汁，令到蛋餅不會太柴，又有鹹香味，非常滋味。🌟愛文芒起司奶蓋芒果味好天然，有愛文芒嗰種獨特香味。估唔到同起司奶蓋都好夾。

📌圍方商場「台北倆伴」台灣菜。位於大圍圍方5樓528號大圍站B出口，步行約5分鐘就到非常之方便。今次下午時段到大圍，竟然可以品嚐到下午茶時段親民價錢。總共叫咗3個下午茶餐配飲品（CP值高）✅T06 古早滷肉飯 大腸麵線$52滷肉飯配料有滷肉、糖心蛋及肉鬆配上滷肉汁非常美味。大腸麵線充滿台灣風味。✅T03 逢甲肉鬆榨茶蛋餅 $48每一口都勁多肉鬆同榨菜，蛋皮薄餡料多。✅T10 鹽酥雞肉鬆滷肉飯烧$62鹽酥雞香脆可口，鹹香十足。 ✅D03 黑糖益母茶（熱）x2✅D04 桂圓紅棗茶（熱）仲叫咗甜品及小食：✅芋泥三色芋圓 $46大大個芋頭蓉，Q彈的芋圓。✅彰化花雕雞卷$62雞卷有好香嘅花雕味，十分之有驚喜