台北巷弄 (已結業)

台北巷弄(外賣自取)簡單清新，餐廳雖然主要做外賣生意仙草1號呢個絕對係一個經典組合，入面有仙草凍、椰果同芋圓。手工芋圓。好夠彈牙仙草3號呢個絕對係一個經典組合，入面有仙草凍、芋泥同芋圓。仙草凍好滑，但又唔會太過呈水份芋泥唔會好甜而且夠滑仙草、芋泥同花奶一齊食，味道出奇地幾夾同唔錯。三寶奶茶三寶就係紅豆、仙草凍、珍珠茶味加上三寶，口感豐富。整體覺得性價比唔錯，入面芋圓等數量多又大碗除了台式便當，也有台式小食、飲料和台式糖水

今日收工後得一個人食飯，又好想食台灣野，於是揀左呢一間台北巷弄。我揀左一份肉燥雞扒飯、花枝丸小食同珍珠奶茶。肉燥雞扒飯：雞扒炸得香脆多汁，溏心蛋又醃得入味，加上有台灣風味的肉燥，好好食。花枝丸小食：花枝丸好似又炸過，有鹽酥味，香口開胃。湯：食飯有湯配，湯的味道好特別，好好飲，唔係味精湯。珍珠奶茶：茶味濃郁，珍珠煮得煙煙銀銀，食起上嚟好有口感，而且一杯的份量都唔少，好抵飲總括嚟講，呢間性價比好高，想過台灣癮可以過嚟一試。

第四波疫情下 又係晚晚食外賣嘅節奏😹近近地得黎 我記得上次食完係正嘅所以又黎encore啦😝-🍱醬油雞翼便當 $60上次我係食啲煎炸類為主 今次就試下佢嘅醬油雞翼佢煮得十分入味 每啖都好香醬油味😳而且每隻都幾肥大😹同埋好鍾意作為配菜嘅車厘茄佢係有啲話梅味咁 酸酸甜甜好開胃😚加埋甘香台灣米 係地道嘅感覺啊😗便當連埋湯品 一定夠飽😹-野飲方面嗌咗熱嘅紅豆奶茶 (跟餐加$11)佢嘅紅豆味超級濃!! 紅豆迷要試了🤪

今日過咗嚟將軍澳廣場買嘢，行經見到呢間台北巷弄，都有幾多人排隊買緊，望落嗰menu都幾正，於是我都買埋一份☺️鹽酥雞扒便當 ($60)- 便當份量都唔錯，夠晒一個女仔食- 雞扒炸到金黃色，好吸引，外皮香脆可口，內裏嘅肉質細嫩，香口惹味，食到舔舔脷台式湯品 (跟餐)- 湯底幾清甜，啱晒跟埋食香口脆身嘅鹽酥雞扒，而且溫度好到位，攞到番屋企仲好暖，飲完成身暖笠笠醬油雞翼 (半份) (+$13)- 雞油整得非常好食，醬汁好惹味，滲入晒啲雞翼入面，幾入味，好想encore食多幾隻珍珠奶茶 (中杯) (少甜) (+$10) - 珍珠奶茶幾好飲，茶底都幾突出，入口順滑，少甜啱啱好，而且珍珠都煮得好好，煙煙韌韌，幾有嚼口☺️外賣嚟講食物水準都幾有質素，食得好滋味，遲啲有經再食埋其他菜式😋

想念台灣的味道！！就到了「台北巷弄」外賣一個便當回家作晚餐。晚餐便當有6款選擇。心大心細，每個都想嘗嘗。最後選擇了「鹽酥雞扒便當」便當晚餐附送滷肉、滷溏心蛋、是日配菜及台式湯品。外賣便當跟雞扒分開擺放，可以避免雞扒接觸到水氣而粘到米飯，店家實在貼心。回到家，打開外賣，賣相不俗。「鹽酥雞扒便當」，鹽酥雞扒依家保持香脆，咬一口肉汁充滿口腔，外皮的椒鹽香，太惹味。溏心蛋的滷汁醃的入味，好香，蛋香滑嫩。「台式湯品」是木魚湯，入面有白菜，添加口感。半份「甜不辣」，可以選擇加購小食。香脆的外層加上煙韌的口感，吃不停口。「冬瓜檸檬」吃完台式食品當然要有一杯台飲才算滿足。酸酸甜甜飲起來，台灣回憶的出現了。

今日是一個人的晚餐加上不能堂食，所以便在家附近的這間主打台灣便當店試一試。小店門面光猛企理，給人乾淨的感覺。下了單，差不多十分鐘可取，十分有效率台式排骨便當 - 有台式排骨和半熟流心蛋，還有滷肉飯和台式湯品通常台灣便當是配滷蛋，但配流心蛋更美味排骨份量算多，肉質鮮嫩軟腍台式湯品不過不失，有啖湯飲表示滿足加$13 可有小食，選了甜不辣。口感煙韌加$10 可配台式飲品，當然必選珍珠奶茶！茶味香濃，珍珠彈牙這間台式小店性價比高，是外賣之選

2020年就快過，對於每年最少飛一至兩轉台灣的我，今年因疫情關係一次都沒有去過，感覺很失落……或許不是能不能去台灣的關係，而是今年的生活，被焦慮、不安、緊張等負面情緒圍繞着，幸兒我能用美食幫自己舒緩一下。為了重拾台灣風味，今晚揀了這間台式小店。開放式的設計，以藍白色為主調，感覺舒適寫意。小店分兩區，一是下單區，另一用膳區，設有兩張六人枱，但因疫情關係，我還是選擇外賣。******************看看牆上的電子餐牌，正供應台式便當晚餐，亦有小食和甜品。晚餐供應時間由5:30pm-9:00pm，贈送一碗台式湯品，還可加錢配油菜、小食和飲品。在六款便當中揀了台式排骨便當($60)，再加配滷肉汁油菜和一杯凍芋泥奶茶，大滿足! 以一個分上下格外賣盒盛載，不會弄濕米飯，挺有心思。米飯粒粒圓潤飽滿，配了些肥瘦相間的嫩滷肉和淋上鹹香的滷汁，佐飯一流!台式排骨其實是豬扒，厚度適中，色澤亮麗，連帶着一層肥膏，甘香油潤。肉質挺有咬口，但絕不嚡口，烹調入味，稍稍鹹香，好吃! 另外還配了些清新的車厘茄和醃甘荀椰菜，味道酸咪咪，正好中和排骨的鹹香。還有那半隻滷溏心蛋，鮮橙亮麗的蛋黃，非常靚仔。口感黏滑兼富

行過見到台灣小食太吸引所以買咗，午餐又唔係食得好飽。我叫咗兩個小食同埋兩碗糖水。鹽酥雞 $34鹽酥雞係我中意嘅小食，估唔到$34都幾大碗。一打開個盒啲雞超香，食落去啖啖肉。外賣拎到返屋企仲有少少脆，不過我都係氣炸咗佢，同啱啱煮好一樣咁好味，氣炸師。啲雞都幾嫩，好味道。其實呢到都可以堂食，但係我要上堂就買外賣了。仙草2號：仙草凍、紅豆、綠豆、手工芋圓 $34個仙草凍唔會太甜，仲有啲回甘，咁樣幾好食。紅豆綠豆煮得好，係一個好嘅點綴，又紅又綠有聖誕節感覺。手工芋圓幾入味，唔係得啲粉味，同埋幾大粒。紅豆3號：紅豆湯、仙草凍、椰奶、手工芋圓 $36屋企咁多肥人，一碗當然唔夠食。呢碗有椰奶幾特別。評價同上面一樣啦。呢兩碗嘢好似差唔多，但係仙草2號會多啲仙草，紅豆3號會多啲紅豆。呢到仲有飯盒同嘢飲，下次嚟開可以試下，下午茶幾抵食。

舖子雖然細但好多選擇以外賣為主打台式便當，小食，飲品，甜品也一應俱全👍🏻雞翼便當雞翼有4大隻感覺似香烤雞翼仲掩過嘅紅蘿蔔同菜鐘意佢外賣盒將餸同飯分開放不會影響口感外賣返到屋企雞翼同飯唔會太淋仲有肉燥喺飯上面小食甜不辣跟餐只有半份好夠味好彈牙連呀囡同個個爭食佢話yummy 🥰飲品芋泥珍珠奶茶好大杯芋泥令成杯珍珠奶茶唔似飲品似甜品口感十足香芋泥夠香夠淋可以用飲品啜上珍珠夠甜夠淋奶比茶感覺多同香👍🏻

疫情嚴重，又懶得煮飯，放工都係買外賣返屋企食！今晚就揀咗將軍澳廣場呢間台灣野 😝晚餐主要係賣幾款台式便當，有滷肉、雞翼、台式排骨、鹽酥雞扒等等，價錢由$50-70。🔸鹽酥雞扒便當🍱揀咗鹽酥雞扒便當，便當非常豐富，附有滷肉、溏心蛋、配菜同湯。滷肉半肥瘦，撈飯食好食，一人份量啱啱好，仲有隻溏心蛋好入味！雞扒香脆嫩滑，配菜開胃，特別要讚粒蕃茄，非常甜！便當送埋湯，本身就無乜期望，但反而有啲驚喜，賣相雖然普普通通，但飲落仲有蟲草花。成個Set都跟足台灣，有誠意！🔸 花枝丸$13可以加半份小食，可以有甜不辣、醬油雞翼或花枝丸揀一款，揀左花枝丸，非常有咬口。半份嘅份量得兩粒，不過都夠食。🔸仙草凍奶茶跟餐飲品正價減$10，$10有一杯仙茶凍奶茶，唔算好甜，幾抵飲。

某天去將軍澳行街，路過一間轉角位藍色搶睛店面，好似幾靚甘，都有幾多人叫外賣嫁，我甘岩肚餓就叫左個外賣打算拎反屋企度食，外賣叫左一個鹽酥雞扒飯，個飯仲係魯肉飯，而且包裝好細心分開兩層，個飯仲有半生熟糖心蛋，蛋入面係流心嫁，好好味，個雞扒都幾大塊份量都算正常，我仲加多左個炸花枝丸小食兩粒，花枝丸彈牙，同埋叫左杯仙草奶茶飲，仙草好似係自家制飲落香滑，比平時食既更滑同好味，奶茶味都幾濃，夜晚仲有湯送，下次再黎要叫其他甜品食下先。

<台北巷弄>成年無得去小編最愛既台灣旅行, 有時諗起真係好掛住😿, 不過疫情又未完, 唯有找尋一啲好食既台灣餐廳頂住先啦🙆🏻‍♂️🙆🏻‍♂️******************************- 台式排骨便當 🍱 $60- 醬油雞翼 🐥 $13- 珍珠奶茶 $10******************************位於將軍澳區將軍澳廣場既台北巷弄係一間主打台式便當, 小食既餐廳, 餐廳佔地不大, 餐牌選擇都唔算多, 合共有6款便當, 價錢唔貴, 而且仲可以加$13有多半份小食, 感覺上性價比都幾高😍- 台式排骨便當 🍱 廚師用心地將排骨切好方便客人進食, 另外排骨嘅味道好入味另外烹調時間岩岩好肉質唔會過硬, 便當包含一啲味道酸酸甜甜嘅配菜, 另外飯入面有一啲滷肉, 而滷肉嘅味道非常好, 係用半肥瘦嘅肉去制成唔會過肥或者太瘦影響口感, 配菜加上半肥瘦嘅滷肉撈飯簡直一流🤪🤪- 醬油雞翼🐥 醬油雞翼既醬油味好香, 入口醬油味會令人忍唔住想食曬佢, 明顯響調味方面店家下咗好多心思😋- 珍珠奶茶 估唔到一間唔係專做珍珠奶

香港有好多間台灣芋圓店，真係好想試曬咁多間，但好難做到。今次黎到將軍澳試下依間餐廳，不過依家疫情太嚴重，只好買返屋企食，但都可以享受美食。之前去台灣旅行都好鍾意行夜市，每次都會揀鹽酥雞，今次有少少掛住鹽酥雞，所以就揀左。依間嘅鹽酥雞係細細舊，大小都差唔多，份量都好多，成碗都係鹽酥雞。佢嘅雞有醃製過，鹹鹹地同時幾香脆。不過唯一美中不足係淋左少少，但都好好食。仙草1號嘅材料有仙草凍、椰果同手工芋圓，佢仲有個花奶可以加落去，加左花奶會更加好食。仙草凍非常滑，食落唔會好水。手工芋圓有蕃薯圓、芋頭圓同紫薯圓，都算幾大粒，佢地比較硬身，唔鍾意軟身嘅人會好鍾意。紅豆2號嘅材料有紅豆湯、綠豆、仙草凍同手工芋圓。依個都係平時多數揀嘅組合，因為平時都好鍾意食煮到淋曬嘅紅豆、綠豆，豆沙感好正，冇牙都食到。

二訪! 今次係將軍澳既’台北巷弄’叫咗兩碗糖水同鹽酥雞上屋企人屋企食😋。仙草2號 ($35)呢款糖水入面有手工芋圓，紅豆，綠豆同仙草凍。呢碗糖水既焦點一定係芋圓同仙草凍。 芋圓煙煙韌韌，而且仲帶出芋頭味好多入面d紅豆綠豆仲甜甜地添架。👍🏻 另外，餐廳會俾奶精你自己加，跟據你喜好而加， 因為我自己鍾意奶味，所以覺得好正。紅豆3號($36)呢款糖水入面有紅豆湯，椰奶，仙草凍同手工芋圓。紅豆湯好香濃，同埋入面仲好多料添！表面上好似淨係得仙草同紅豆湯，但其實入面好多餸，食落啖啖有料❣️而且d仙草仲好有味，好QQ，食完有下火嘅感覺。鹽酥雞($34)鹽酥雞係即叫即炸，十分可口。而且份量都好多，成碗滿滿的，炸得香脆之餘，又唔會好多炸粉😋而且佢粒粒都係咁香咁好味🤤。十分推介大家去試❣️’台北巷弄’嘅糖水真係好足料， 而且佢啲芋圓都好好食！鍾意食糖水嘅朋友唔好錯過吖，而且佢仲有好多唔同款嘅糖水，大家經過不妨去試吓💛!

呢排疫情升溫而且要wfh 所以買多左外賣今日介紹一間係屋企樓下嘅台式便當-鹽酥雞扒便當（$60）外賣盒好貼心 將餸同飯分開咁d飯嘅蒸氣就唔會整腍塊雞扒上層有鹽酥雞扒同蔬菜 而下層就有滷肉飯 雞扒嘅調味好惹味 而且外層炸得好脆而滷肉飯既滷肉係半肥瘦 所以好好送飯個便當仲附送一個用鰹魚同紹菜湯 同個飯好夾-甜不辣（半份）（+$13）其實甜不辣係即係魚餅 又腍又彈牙就算只係半份都好大份 加十幾蚊就有咁嘅份量真係好抵-胚芽奶茶（+$10）奶茶係經典嘅台式奶茶味 比較多奶有粒粒胚芽好健康-📍#台北巷弄將軍澳唐德街1號將軍澳廣場1樓006號舖#4feiporintseungkwano