台灣牛肉麵 (已結業)

今日去左九龍城食晏,叫左個餐,有一碗炸醬麵,一碟醉雞翼(3隻),一支汽水/豆漿,一碗糖水,炸醬麵超好食又大碗,有d肉碎係上面,味濃不過略油膩,雞翼大大隻,凍既而且好香酒味,仲有糖水送,真係食到捧住個肚,飽到想死,原價$28加一,不過學生有八折.抵!

今晚同D同事去食飯，0係九龍城行黎行去唔知食咩好，就走左入去食。我地三個女仔叫左：-(1) 擔擔麵(唔辣)，唔係太差，但你話好食就唔係law!(2) 紅燒牛肉湯年糕，D牛肉好淋，都幾好食！D年糕都OK啦！(3) 清炒豆苗，呢個就普通貨色，無咩特別！(4) 賽螃蟹，麻麻啦！好彩做特價，都無咁赤！(5) 小籠包，唔掂，個皮仲厚過我塊面！(6) 蔥油餅，呢個真係好唔掂！餅就好大，蔥就少少，食完都唔知係咩！D 侍應都唔差，加水都加得幾密！值得一讚！

星期日專誠撘巴士到九龍城，為既唔係食，而係PS2既Winning Eleven 8。買完後雖然心急想快快番屋企試下隻game，不過鬼死咁餓，貪方便下就走入黎食個極速下午茶。魯肉飯($13)飯面上既魯肉味道真係惹味，跟台灣食既相差不遠，上次去台灣miss左冇食，而家食一碗可說係一個補償，不過汁太少又太細碗，唔夠喉。口水雞($8)賣得咁既價錢，自然亦唔抱厚望，一碟有兩隻雞中翼開二，肉質死實得好緊要，相信係雪藏以久既萬年雞翼，味道亦不用多提，求求期期幹完就算。不過難得隔離桌既一家人食客猛讚口水雞美味滑口云云，確係各有所好。急急腳埋單連加一茶芥合$24，幾抵食。一出店門即撘的士直飛屋企，不帶走一片雲彩。

晚上九點幾去到, 叫左一個二人套餐, 包括粟米雞茸羹, 痳辣海蜇, 糖醋排骨, 京蔥爆羊肉, 鹵肉飯, 陽春麵, 紫米露糖水. $138 都算合理, 其中粟米羹同埋海蜇係無咩味道, 京蔥爆羊肉, 就"un"左d, 糖醋排骨, 鹵肉飯, 紫米露糖水等等不過不失, 全晚最欣賞反而係最簡單既陽春麵, 麵質幾彈牙, 而且麵本身既味道都唔錯.好中式既裝修, 服務態度不過不失~

今次去食下午茶,仲抵,十五元紅燒牛肉麪和牛筋麪,八元一個海浙,十一元一個台式豆腐,三元豆漿,食到好飽.紅燒好惹味,牛肉香,牛筋軟,都好吃.豆腐炸了表面,加上汁,都ok,個汁幾特別.

以前都食過一兩次，印象都唔多掂今日嚟食，覺得好難食唔會再嚟

好耐無去過,好似唔同o左好多,i mean o的食物好似好食o左,吃了一個紅燒牛肉牛根麪+海蜇+豆漿,一個清燉牛肉麪+金錢肚,三十多元一份,都幾抵.個清燉牛肉有咸酸菜味,清清地,紅燒牛肉就味濃少少,但不過火,有佐菜伴,口感更好.

環境唔錯夠靜味道幾好堂食服務一般；外賣服務差有小巴到仲收人來回的士錢抵食，學生12:30pm前埋單有8折(要加一)

去食牛肉, 睇o下價錢, 都唔係好抵, 叫o左個細的, 味道無咩特別, 就係無咩特別.

$138二人餐, 有好多配搭。首先係湯有酸辣湯同粟米雞茸羹二個choice, 我擇o左後者, 係湯lo, 唔係羹, 杰得濟, 淡o左d。跟餐有四、五款小食, 麻油素雞、海哲、雞絲拉皮等。我擇o左雞絲拉皮, 花生醬撈雞絲及拉皮, ok la..拉皮有d 一舊舊。小菜方面有二十幾種, 比你擇, 我擇o左台灣三杯雞同蒜容白菜苗。雞不太入味, 但係都接受, 汁都ok ga, 白菜苗都炒得幾好...最後有鹵肉飯同湯春麵擇, 我擇鹵肉飯, bf 擇湯春麵。鹵肉飯幾正, 我最滿意, 湯春麵成餅咁, 一般la~仲有2 枝可樂同生啤tim, 好抵, 環境都ok, 不過唔好選擇2 樓, 樓底太矮!