台灣ET鹽水雞 (已結業)

尖沙咀返工真係食lunch 都唔平，有無咩野好食，有時真係想食健康少少。公司附近的健康食物，有似得鹽水雞好少少可以增加蛋白質吸收，另外叫了三份蔬菜有西蘭花、金姑菜、海帶。如果無咩特別野想食可以一試。

係台灣食鹽水雞就食得多，香港食都係第一次😆朋友介紹呢間鹽水雞，佢話呢間都算係有好多配料比你揀，今日就諗住去買個返屋企做宵夜😎價錢表一目了然。我揀左B餐，2人份量，至於配料，我就揀左2份甜不辣同埋杏鮑菇，另外我見佢係比生洋蔥，我對生洋蔥極度討厭，所以叫左店員飛走佢🙄返到屋企一打開，點解洋蔥你會係到㗎😭另外份量我覺得都算少，可能我大食🙄我覺得兩個人食一定唔夠😑至於雞肉方面還算可以，有少少鞋口，但我欣賞佢個醬汁，都算唔錯，但可惜洋蔥還在😭

次次行誠品都會買杯野飲之後再買啲台式野食食ET真系我食系香港幾似台灣的味道不過台灣個啲會熱小小佢可以揀要唔同的送同要面底所以一定會夠飽！而每日都有2款是日推介😀都系比平常特別架佢擺晒啲送出黎唔怕唔新鮮今次我叫左無麵底送揀左雞真，青瓜，雞腿肉，是日推介的墨魚卷揀左小辣！都接受到 始終有小小辣先好食份量都好夠夠你2個人share 不過要立食或者外賣如果一路行一路食就要小心整到啲書不過我成日經開尖沙咀都會諗起佢陣味

一直沒有在台灣吃過鹽水雞，這天路過尖沙咀時看到ET鹽水雞，想起友人也曾推薦過，所以去試試。ET鹽水雞就在誠品的天仁茗茶旁邊，當日等候時也有兩三個人在買。可以從旁邊的透明玻璃看到配料的樣子，比起文字說明更好～當日的推介是魚腐，要加$8才能享用。餐紙可以選擇的配料有數十種，有很多蔬菜，難得外食可以吃到那麼多蔬菜。麵食只有兩種：冷麵或菠菜麵。辣度也可以依個人口味選擇～最後點了B餐，包括半隻雞，洋蔥，3種配菜。配菜我選了杏鮑菇，米血糕，素鮑片，也加了冷麵，點了BB辣。店員會把號碼牌給你，稍等一會便可以拿到。等的時間可以在書店逛逛，很寫意。店家有提供位置給客人堂食，不過沒有座位，只有小小的桌子。半隻鹽水雞份量很多，3個人才可以吃完。鹽水雞有不同部位，有雞胸雞翅，但味道較淡，可能因為水比較多，調味料變稀了。招牌洋蔥偏生，沒有甜味，但有清爽的感覺。米血糕則普普通通，有點飯的粘性，但沒什麼味道。杏鮑菇算是比較能吸收調味料，不錯。素鮑魚應該是麵筋，所以本身沒什麼味道。反而冷麵最入味，爽口的麵條配上清涼的醬汁給人涼快的感覺。整體普普通通，但算很便宜，3個人一起吃的話也算飽，平均一個人大概$30。

今日去左海港城行街，文青緊係要順便入䛋品行返轉啦。 成日以為誠品只得天仁茗茶， 咁岩見到天仁隔離有間食台灣野既， 之前係尖東同葵廣都見過呢間野， 但係一直冇試過。 今日就試下誠品店啦， 初初以為冇得堂食， 但係原來佢有張紙，上面有個地圖話你知邊度可以坐係到食。 個位置仲可以望到海景添。餐牌好清楚， 我地一行2人， 一人叫左一個A餐。點餐紙好似車仔面咁， 圈住你想食既野，之後就比錢， 店員會比個籌碼你， 一陣撈完再叫你拎。我叫左雞脾肉， 齋根， 洋蔥同埋皮蛋。幾好味， 雖然未係台灣食過， 但係都感覺到台灣既氣氛。朋友就加埋麵。

之前去完台南台中，反到香港好掛住d夜市美食，咁岩經過誠品尼間鹽水雞，試左味道都算咸，但係都幾好味，早2日又經過介紹朋友一齊食。同朋友share左個2人餐，半隻雞加皮蛋，韓國菜同秋葵小辣，食完都飽飽地，係隔離買埋杯茶，滿足滿足仲有招牌洋蔥，其實又無咩特別整體味道惹味，比起上次食無咁咸，味道岩岩好，而且店員仲好好人，又好禮貌，搵埋位比我地企係到食，又好貼心比埋紙巾（成盒比），就算味道5算難忘，但尼種人情味都值得回頭再幫襯希望多d人識得欣賞識食5知食個味道，仲有尼一種既人情味當自己去左一陣台中夜市吧

一直聽同事話呢間餐廳好好食, 便突登去試試。一行人點了個3-4人餐, 包了1集雞腿+2隻雞胸+3隻雞翅+4款配菜，配菜我們選了芭樂, 豬耳+ 秋葵+西蘭花，再加3份冷面。雞肉: 撕成碎條, 所以除了雞亦外分唔到係咩肉, 不過佢肉質係好既~而且份量激多, 最後食唔哂芭樂: 口味清新, 同其他味鹹既食物做了對沖, 好相配, 不過份量超少豬耳: 沒什麼特別, 份量少秋葵: 好食, 不過份量超少西蘭花: 份量超少一開始我看到佢落左好多粉去撈, 己經覺得好可怕 (其實我地已經係點了唔辣, 理應調味料無咁多), 後來食落真係覺得超鹹, 食完好耐陣味仲係久久不散.....真心無下次不過佢價錢係幾抵既, 除番開每人都唔駛$50

其實台灣已經去過N咁多次，但鹽水雞就真係第一次食，仲要在香港食。今日同三位姊妹去開尖沙咀誠品行街，有d肚餓又未夠鐘食晚飯住，所以就買份鹽水雞黎試下。我地叫左份雞胸肉+秋葵+摩芋絲+黑木耳。之後靚仔老闆知道我地第一次食，就建議我地試下少少麻辣話惹味d. 對於唔鍾意食雞皮既我，可以幫我d雞肉走埋皮，我覺得都幾細心，值得加分。另外，摩芋絲好煙韌，夾埋秋葵&黑木耳一齊食都幾夾，感覺唔會好heavy. 老闆都無介紹錯，加左d d麻辣醬汁會更加開胃又唔會太辣。我地下次會再黎試下其他鹽水雞配料既組合。

之前聽朋友講這間的鹽水雞十分好食，但成日都找唔到分店，竟然有日喺尖沙咀誠品看到，就忍不住我另一位朋友一起買來試試看。見住佢地喺度拆雞都幾新鮮，餐紙有不同配撘選擇，最後就叫了雞加小食和芭樂配雞，期待中。返到公司一開的確味道好香而且雞份量都不少， 首先吃的是米血糕竟然冇咩味，蓮藕都爽身，雞肉吾夠嫩，醬汁味道都夠辣但味精不少，最後勁口乾情況。而朋友叫的芭樂配雞十分難食失望，芭樂味配辣有點怪，雞配芭樂酸甜味更吾好食，這價錢吾會有下次更可有其他更好選擇。

鹽水雞是去台灣必食的小吃之一，相信不少人在台灣嘗試過。鹽水雞，雞肉配搭時令蔬菜，然後撈入醬汁，成為邊逛邊吃的台灣道地小吃。每當天氣酷熱，讓人萎靡不振，陀地哥 就會尋找【夏日小涼伴】。台灣ET鹽水雞，在香港一共7間分店，口碑就好壞參半。今次我選擇尖沙咀分店，經過店員簡單介紹過後，陀地哥 叫了套餐A - 一人份量雞胸肉加三個餸，配菜分別係青瓜、木耳和杏鮑菇，加了$10冷麵，還點了小辣來挑戰一番。以一人份來說，份量比想像中要多。先評論雞胸肉，肉質當然不能說嫩，又不算霉，普普通通，而鹽水雞應有鹽水咸味，它做到的。配菜方面杏鮑菇及木耳切得薄薄的，口感頗佳，青瓜略厭不夠爽口，有進步空間。特製小辣醬汁好惹味，但當加配冷麵關係，感覺醬汁分量不足，不能沾滿每一條麵條。整體來說，ET 鹽水雞也是挺不錯的。陀地分數 – ⭐️ ⭐️ ⭐️ ⭐️

3-4人餐 $113其實味道ok，但只可當小食。好似去夜市咁，食飽先食😂 完全沒有飽肚感。講真價錢一點也不值，配菜切到細細粒。睇見都好慘，每人得1-2粒。可一不可再~

難得一日放假，特登去尖沙嘴誠品睇下書，原來誠品開左間賣鹽水雞店，睇落好好似好企理咁，又有少少肚餓，咁就買一份試下啦！3個配菜加一份麵，都係＄54, 係尖沙嘴算好平。初頭以為份量好少，原來都好多，一個女仔都食唔晒。我自己偏好味道清淡，不過呢個味道都剛剛好，好治味，夏天食真係好正，又多配料揀，我覺得好滿足，下次過開黎都會特登幫襯。

今日去行誠品書局，發現咗兩間好好味嘅小食店，其中一間就係呢一間台灣鹽水雞真係意外嘅發現，可能我孤陋寡聞 本身對呢啲其實冇乜興趣，因為感覺好似冷麵~ 冇乜特別！但係真係好多人排隊，所以就試一試！一試難忘佢先要填一張咁嘅嘢，去點野食！我見都幾多人叫Set A，喺度掙扎緊究竟食水果餐定係set A嘅時候，我朋友就話佢食水果餐，咁我就叫Set A啦~ 我揀咗雞腿配小黃瓜秋葵同番薯~ 見佢有手指公嘅圖案，應該唔會差得去邊我自己本身係唔食辣，所以走辣走葱~我見佢將所有材料放係一個穫到撈勻佢，再加入特製醬汁，咁就完成✅等咗大概15分鐘左右，終於得啦我朋友俾咗凰梨我，知我鍾意食成盤野拎起嘅時候已經聞到好香嘅醬汁味~ 已經好想食！小黃瓜真係冇得頂，有一種清新嘅感覺，配合埋秋葵，感覺成個人好似食緊啲健康嘅嘢！對番薯唔係好期待，但係佢同醬汁一齊食，別有一番風味，反而覺得最愛就係番薯啲雞腿肉真係好林身，感覺好鮮甜，唔會好老！朋友比嘅鳳梨即係菠蘿，超級好食，唔會好酸，反而配合醬汁嘅話，又喊又甜，超級正我真係估唔到行行下都會有意外嘅發現，我覺得最大嘅特點應該係佢特製醬油一定會再返嚟買

午餐後同媽媽去咗尖沙咀海港城行街，入咗去星光行既誠品書局，發現有好多特色嘅小舖頭，仲要書局裏面有得小食肆😱😱覺得好surprise!!!!行到去2樓，見到好多人排隊，就係呢間台灣小食，賣鹽水雞！我本身好少食冰凍既野，尤其係雞，覺得更加要煮熟咗先食得！但我阿媽話想試下，話咁多人排隊應該都幾好食😂😂我地叫左A餐，有得揀雞腿，雞翅或雞胸配小菜😂😂 我都係安全咁揀咗雞腿，因為估計差極都有限，至於配菜，就揀咗鳯梨（又係安全起見），同埋佢嘅招牌小黃瓜仲有海帶✌🏻✌🏻見佢個雪櫃都排得好整齊，食物都係單獨擺放，都幾衛生大概排咗10分鐘，再等咗15分鐘，終於有得食啦！外帶既都用盒包裝，我以為好似冷面咁淨係用膠袋，點知唔係，用盒衛生好多🤣味道方面，可能我本身唔高期望，所以都好surprise!!! 雞腿超級好食，我覺得係佢獨特既配醬攪埋一齊令整體好好食！小黃瓜叫得好啱，食落有一種清新嘅感覺，因為本身成碗都係咸既🤣 凰梨好正，新鮮既，唔係罐頭果啲，好有誠意總之，質素好高，好好味！可能我見識少，但我本身唔鍾意食凍雞都覺得正一定要再幫襯😂😂