台站 (已結業)

一上樓梯就見到呢間餐廳，貼哂memo紙，係一間台式黃店，就同friend一齊叫左一個豬頸肉飯、鹽酥雞，同埋芝士肉鬆蛋捲。三樣野都嚟得好快，而且都夠我地2個人食。鹽酥雞係幾好食，又夠脆，不過蛋捲有少少令我失望，唔係我想像中咁多餡，同埋味道一般。

今日叫左食物熊貓外賣 🥡首先 有4 5位同事係食左2啖就掉左 感覺到中伏 而家食緊杯麵當晏就雞排/排骨 舊雞真係好腥 排骨d粉係大過舊肉豬頸肉/軟骨 d黑醋感覺上係似壞左既酸 個浸味係飲完可樂都仲留係個口腔 生煎包 太乾，無咩味，有待改善魷魚鬚粉多過鬚，然後懷疑無落鹽肉燥d調味同出面一般台灣菜有別 無乜調味之餘都好乾可能係因為落雨 送餐服務影響左食物質素但係我諗本身處理食物既方法都要認真改善下黃店係要支持 但質素唔提升無人可以幫到你

同老公嚟荔枝角烘焙店攞唐餅，順便來這間「台站」買外賣回家吃。其實早聞此店已久，但因地點不太就腳，所以到現在才成行。餐廳以輕食為主，有早餐、冷盤、主食和小食，選擇雖然不算多，但定價十分相宜，大約 $20-$30 之間，小食有些更只是十幾蚊，在香港這樣的價錢真的很少見了。點咗古早魯肉飯、生煎包、紅油抄手同黑白花枝丸。古早魯肉飯 ($29)，呢個魯肉飯真係好抵食，咁大盒竟然唔使三十蚊，而且仲配有半隻滷蛋，可謂交足功課。魯肉呈條狀，肥瘦相間；肥膏入口即溶，瘦肉有嚼頭而不乾韌。米飯夠熱，粒粒分明。滷蛋好入味，蛋白亦不會太硬。經典生煎包 ($17)  生煎包件頭頗大，有半隻手掌大小，非常墜手。底部煎得乾脆金黃，但又不致焦燶，食落十分香口，完全沒滲油。包子摺痕清晰分明，吃起來有嚼勁，唯一就是稍嫌肉汁不多，但以這個價錢亦收貨有餘。惹味紅油抄手 ($15)  一份有 4 隻，外皮雖然略厚了一點，但仍可以清楚睇到入面滿滿的韭菜餡。一口咬下，沒坊間的嗆喉死辣，反而食落幾順滑，辣味亦沒有蓋過了抄手皮的麵粉香，味道平衡。黑白花枝丸 ($18)  花枝丸炸得頗香口，每顆內藏足料墨魚肉，再簡單以椒鹽作調味，彈牙惹味

黃店🥢台式肉鬆蛋卷餅 外皮煙un, 一啲都唔油膩內餡落肉鬆對於台式菜一d都唔陌生吧!食落微甜鹹香有小許乾身 但都係好食既🥢雞扒肉燥飯哩個價錢有盒飯食好抵 重要份量唔小一打開好香五香粉醬汁明顯有八角的味道 五花腩不算太肥 •🥢鹽酥雞台灣小食點都要叫下 外賣到家後一口一粒 還是脆脆的, 鹹到適中, 不錯👍🏻🥢酥脆炸魷魚鬚一打開以為唔好食, 外表炸得唔屬於金黃色一食有驚喜 一樣返到屋企都係脆身架!味道調味得啱啱好🥢紅油抄手有4隻! 唔會辣, 加咗黑醋水餃皮薄身, 韭菜餡料充足🥢涼拌皮蛋豆腐天氣咁熱最啱食返啲凍凍地嘅食物豆腐屬於百福豆腐嗰種 酸酸甜甜嘅醬汁好開胃呀•🥢酥炸芝麻雞翼比起一般食開嘅芝麻雞翼非常之唔同我會形容味道特別 本人就唔鍾意呢隻味啦另一半食得好開心因為有種臭豆腐嘅味道

·每個人好似個包咁，但係好多個包會夠高打破雲層☁️·-今日去左荔枝角拎黃店蛋糕（冇特別唔介紹啦），順路掃下街啦🤰🏻。呢間小黃店係荔枝角地鐵站附近，主打台式便當同其他平價小食，唔太識定位。·店鋪好黃下，超多文宣，有個installation講緊香港人由三月仲番緊深圳玩到醒覺既歲月🧟‍♀️😌💛·小食廿幾蚊好似好正，我地就叫左個山煎包食下。·等左一段時間，十分鐘左右，人手好似不足。·生煎包影完一大輪仲熱辣辣，不過唔係上海個種，係港式個隻冇咩汁的🙈～·除左同理想中有出入外，個包都煎得幾脆口。不過有得再揀我會選擇食紅油抄手/蛋餅🥞，好多人叫呢😋-經典生煎包｜$17-台站 (荔枝角)荔枝角長沙灣道883號億利工業中心地下6A1號舖-

前排黎過荔枝角食野介紹過一啲餐廳，今次再黎荔枝角就揀左呢個台式小店台站。台站舖位細細，一係立食，一係就外賣買走拎番屋企食。今日黎到台站，見價錢唔貴就叫左好幾樣野: 肉燥飯配雞扒，酥炸魷魚鬚，酥炸芝麻雞翼，鹽酥雞，肉鬆蛋捲餅，皮蛋豆腐同埋紅油抄手。我地買左外買番去食，埋單百幾蚊左右。番到去打開先食幾樣炸野，小驚喜係買完返到屋企都20分鐘以上既時間，啲炸野都重係咁脆，唔會淋哂。鹽酥雞一盒廿幾蚊，係我等外賣既時候係最多人叫既，果然唔會令人生主，鬆脆可口，size啱啱好放入口，雞肉十足。炸魷魚鬚同樣炸粉唔厚，食落脆口美味。炸芝麻雞翼係值得一提既菜式，一打開盒雞翼有一種好奇怪既咪傳出黎，係有啲似九份既臭豆腐味，我相信未必個個人接受到，不過如果鍾意食，你應該會喜歡。肉鬆蛋捲餅幾好味，足料又有蛋味。紅油抄手細細粒，我覺得可以再重味啲。最後肉燥飯可以揀配4樣野，我就揀左雞扒，以20幾蚊一盒飯黎計，都算係好實惠。

近日沒法坐飛機外遊，想念台灣美食，走到荔枝角的台站，把台式美食帶回家。台站是地舖，容易找到。內裡黃澄澄的裝潢，也很奪目。 餐牌比較簡單，貴精不貴多。 這天選擇了懷舊肉燥飯配豬頸肉。豬頸肉和肉燥份量十足，味道層次豐富，是用心之作。飯量也很足夠呢。 搭配一隻秘製溏心蛋。以紙杯獨立包裝，衛生方便。溏心蛋名副其實，蛋黃細滑流出，不可錯過。 還加了一客小食黑白花枝丸。賣相已是有趣，口感更見上乘，非常彈牙。花枝丸加上適量調味，淡淡咸香更為吸引。

經過見到黃店，同朋友都覺得一定要幫襯下，一入去就見到貼住好多手足寫嘅Memo，好warm，好有愛同埋真係好抵食呀！$29就食到一個飯，而且係大大盒㗎。我同朋友每人都叫咗一個飯。我就叫左個懷舊滷肉飯配豬軟骨，帶翻屋企嘅時候，就算未打開都已經聞到好香。一打開，真係好大盒，啲飯淋滿晒滷肉汁，所以食落唔會dry！同埋啲豬軟骨切開咗細細塊，食落都好方便，真係好細心呀！另外，我朋友話，呢個古早魯肉飯係色香味俱全！哈哈！我即刻試左佢兩啖，覺得滷肉嘅份量都幾多又抵食，而且粒粒都係肥瘦適中，食落唔會覺得肥膩，連我本身唔中意食任何肥肉嘅人都覺得幾好。正呀！我地仲叫左個小食一齊share黎食tim 呀！就係呢個台式肉鬆蛋捲餅啦！一打開，就見到好多肉鬆，入面仲有芝士、雞蛋。全部都係我鍾意食嘅餡料，推薦比大家試下。

屋企附近開左間台灣外賣小店，平時都好少會叫外賣返屋企，有日揸車經過見到好多人排隊👯‍♂️👯‍♂️，於是特登搵日去叫外賣🥡第二日去到都係好多人，企滿哂。見到佢有幾樣推介，就決定叫哂佢，再評評分。先係個肉燥飯，29$，抵到爛，仲要有埋雞扒豬頸肉揀，大份得黎其實好正！之後我地2個人仲叫左茄子，黑白墨魚丸同台灣腸，仲有涼拌豆腐。墨魚丸同台灣腸都好好食，唔會炸得好油，又好彈牙。😚🥰個豆腐都好滑，個汁酸酸咸咸咁，同平時食開有d唔同🙈不過個茄子就麻麻地🦐佢有d櫻花蝦喺上面，係好特別，不過唔夠入味，入味d會好d最正係佢舖頭有得賣潔手液，又有得寫memo! 正！成間店都好好氣氛! 又抵食！不過就要企喺度食！快d開堂食舖啦！

同屋企人行完荔枝角唔算好肚餓 但又想食下野 見到呢間黃小店 門口有大大個牌推介古早魯肉飯 望落去很吸引 而且只要$29 勁抵食舖頭入面見到很多黃色小memo 睇得出老闆很支持香港人 我哋叫咗滷肉飯 紅油抄手 同埋杯綠茶拎返屋企慢慢食個魯肉飯出到嚟真係好吸引 意外地都幾大碗下 魯肉有唔少 飯都比左幾多下 聞落去好香 食落去好有魯肉味 係嗰種沉沉地 唔會好寡 卻唔會太咸 而且好有肉味既魯肉 啲飯配住魯肉 同埋肉汁真係食得幾滋味另外叫咗紅油抄手 覺得水準不錯 作為飯餘小吃恰到好處 最後 很喜歡他家的綠茶 原先買完想起有咖啡冇買有啲後悔 但係一飲佢啲綠茶完全是自己喜歡的味道 是那種不會甜 也不會很澀 但係很有綠茶味 不是那種感覺很調味劑沖出來的味道 飲落去非常解渴不錯的餐廳

最近成日落雨, 好屈悶的日子。 要出街做野, 好彩冇落雨, 感覺都冇咁慘。做完野路經荔枝角既台站, 忽然有重掛住台灣既感覺。 因為"思鄉", 就決定食台菜。由於佢係外賣店, 又未到放工時間, 所以睇落比較少人。 我見佢餐牌都唔係太複雜, 最緊要好平, 搞到我好想咩都點d.最後簡左惹味蔥油伴麵, 因為想點多d小食有要飯。 酥炸芝麻雞翼, 惹味鹽酥雞, 酥脆炸魷魚鬚, 醬汁肥牛捲餅。本來以戈為唔係好多野, 點知都有d出乎意外原來叫叫下都好多。 好欣賞這個梯形外賣袋設計。 攞住幾方便, 放得穩又唔易倒瀉。睇落個伴麵細細, 點知都幾多下, 而且我買完到食都差唔多成個鐘。 冇再整熱攞出黎食竟然仲微熱, 仲要唔稔。 好犀利, 開頭都驚會好爛好稔一pat野咁。 又唔會wor不過如果多返d蔥會好d唔知得唔得呢？！上面既炸物都算ok。 可能佢地太相似，我覺佢地冇咩唔同。個肥牛捲係有d特別既, 但就個醬汁多左d, 令人唔太食到肥牛, 但都ok既。以上份量2, 3個人食都冇問題, 好抵食。

由於疫情關係，差不多有大半年冇去旅行，真係好掛住台灣嘅美食，依家冇得飛台灣食野，唯有係香港食住先！咁岩上次聚會聽舊同事講荔枝角有間好好食嘅台灣野，不過只限立食或外賣，所以今晚決定買返屋企試下先！放工後有唔少人都黎買外賣番屋企，都排左一陣隊先買到！ 有早餐，主食，冷盤，小食，價錢大眾化，岩哂荔枝角區番工嘅朋友👍🏻👍🏻👍🏻滷肉飯$29 抵到呢 🤟🏻🤟🏻🤟🏻等左一陣，終於買到返屋企✌🏻✌🏻✌🏻外賣包裝精緻，好有台灣便當feel呀😍😍😍分別叫咗三樣嘢，有鹽酥雞，蔥油拌麵，豬軟骨肉燥飯😋😋😋豬軟骨肉燥飯$29，一打開已聞到好香五香粉味，肉燥配上白飯簡直完美配搭，豬軟骨又夠林身！鹽酥雞炸得香口鬆脆！食落不會油膩！👍🏻👍🏻呢間小店好有台灣原味道，以後掛住台灣都唔使專登坐飛機啦😊😊😊

疫情之下 周圍都無得去好耐無去過台灣 好掛住台灣既美食呀為左止癮 街上見到賣台灣野既一定會試珍珠奶茶就唔在講 台灣小食都會狗衝難得仲要係良心小店店入面除左餐牌仲有大量memo同文宣客人可以隨意寫低心中既說話貼響細上店舖無座位既 所以價錢都唔會貴或者可以叫做平 貼近台灣價錢我就隨意買左幾款好想食既小食大概等左10分鐘左右就可以拎包裝都係台式便當盒蛋餅餅底係類似wrap個種咁味道唔錯 肉鬆都好多 但芝士可以再多啲醉雞卷好味雞肉捲得好好 唔會鬆散肉質都夠滑 而且酒味夠鹽酥雞始終即場食會最好味不過疫情嚴重都係乖乖拎回家嘆雞粒炸得剛好 唔會死乾 可能比我焗淋左少少但整體鹽酥味夠香 啲粉令人慾罷不能糖心蛋酒味超級濃送飯都唔錯架疫情下要多啲支持小店🙌🏼🙌🏼🙌🏼

呢間小店只設有企位食下小食，主打外賣生意，方便係附近返工嘅人買早餐同午餐🥡，仲可以係小小連儂牆上留個言支持香港人💪🏼💗台式肉鬆蛋捲餅($25)餅皮較硬身好似墨西哥卷🌮唔夠平時咁濕潤煙韌，勝在唔會過厚而且煎得唔油膩。內裡夾住超多肉鬆，食落微甜鹹香。蛋皮煎至太陽蛋嘅熟度，冇咗半流心效果，不過蛋味都夠濃。可惜整體太乾身，如果加番芝士同少少沙律醬就好🤔💗黑白花枝丸($18)花枝丸炸得脹卜卜，食到中間有粒粒墨魚，咬落超爽口🦑兩款其實味道差唔多，只係黑色加咗墨汁。不過白色更彈牙。灑上滿滿椒鹽粉，味道香酥鹹香🧂💗懷舊肉燥飯配雞扒($29)用上珍珠米飯，唔會煮到淋pat pat🍛份量都算多，肉燥同雞扒已經佔咗半盒飯。偏瘦嘅免治豬肉，肉質唔算好鞋🐷仲有好多冬菇粒增加口感🍄炆得算入味不會死鹹，滷水汁亦足夠，可惜花椒八角味略為重手。雞件夠厚實，炸粉夠薄，所以食落唔油膩而且香脆，可惜肉質太乾，仲要一d味都冇，好似完全冇醃過咁，好彩冇雪味🐥💗袐制糖心蛋($7)用花雕酒浸透🥃食落微甜有蛋味。蛋白啱啱熟呈啫喱狀，蛋黃完全流心。蛋汁用嚟撈飯就最正🐣

大家都知道荔枝角係一個工業區，附近都有好多好好食嘅嘢，尤其是係外賣，今日就試咗呢一間叫做台站嘅台灣小食店，無論係食物質素同埋食物嘅價錢都十分之唔錯。你會見到呢間野其實係立食，即係企喺度食嘅，所以通常啲人都係叫外賣拎走，唔知係咪因為佢係淨係做外賣嘅生意，所以個食物嘅價錢都會比較接受得到，而且食物質素都真係唔差。咁就要講下啲食物啦，今次叫咗三樣嘢食，這樣嘅就梗係要試吓佢嘅招牌香酥鹽酥雞，鹽酥雞炸得好趣好香口，擺喺上面嘅鹽同埋胡椒都好夠味，雖然係叫外賣，但係拎走到返到去食嘅時候自己都仲係好趣好香，而且個價錢只係咪$28好鬼抵😃跟住就係叫咗個蛋捲，個蛋卷好大份，叫一份都可以兩個人share，蛋嘅味道同埋裏面嘅肉鬆都好夾，好鍾意食佢裏面嘅肉鬆。最後就係佢嘅蔥油拌麵，如果你係鍾意食麵又唔想食肉燥飯嘅話，我給建議你食呢一個蔥油拌麵，豉油嘅味道好香而且個面都好林好爽口，而且個價錢都好抵，冇記錯好似係25蚊。整體來講呢間台站作為外賣店來講啲質素都唔錯，價錢好抵，啲嘢食好有台灣嘅味道，所以你想去食台灣野其實可以試吓呢一間，都真係真心推介俾大家。