台食館 (福榮街)

營業中

休息中

先不論食物，落單兼收銀阿姐態度超級差首先，阿姐電話幫我落單一個拌麵，要加$2轉扁麵，結果走咗之後發現沒有轉扁麵（我選擇呢間嘢食其中一個原因就係想食扁麵），我當然不會妥協，不是因為加$2的問題我打電話去餐廳，落單阿姐聽電話態度已經不友善，一句道歉也沒有，只係不斷堅持話自己無落錯單係廚房出錯（你廚房出錯與我有關係嗎？我是消費者只係睇自己嘅食物有無錯）阿姐話等我經過時退返$2比我，我當然不會答應（前面有講原因）然後佢叫我拎返去換，講真阿姐咁嘅態度我唔驚你加料咩！當然要求退款啦，最後是答應的，不過從頭到尾沒有一句道歉！！😡😡😡然後去到餐廳，阿姐接過外賣即刻打開檢查個麵，然後話杯珍珠奶茶飲咗一半（利申：我唔係貪佢杯奶茶，而係我未打開個麵時已經飲緊杯嘢）阿姐不但沒有歉意，仲同我計較半杯奶茶都算，我係專程揸車回頭去退，沒有成本嗎？！阿姐還在繼續計算話杯珍珠奶茶係xxx錢要扣返………活在香港咁多年，今日真係令我大開眼界

今日到玩具街買聖誕飾物，順便在附近食午餐，見到這間台灣餐廳餐牌上的食物都唔錯，於是試一試味道如何，叫了一個排骨滷肉和雞排滷肉飯，再加兩個小食，炸魷魚和蝦，兩杯台式飲品。上餐時間都幾快，飯的份量充足，肉類和小食的味道唔錯。飲品方面，珍珠奶茶的茶味唔夠濃，黑糖珍珠乳的糖漿比較厚，要攪好多次才能溶解，味道0K。而這間餐廳只收現金。

教完班自己一個，其實口渴多過肚餓。入咗去呢間嘢，原來冇下午茶，所以嗌咗個牛肉麵午餐。食物名不符實個餐要加$5先有凍嘢飲，咁我嗌咗「鮮檸愛玉」，阿姐回我：凍檸茶下話？或者係我對「愛玉」有誤解？張帳單係寫「鮮檸愛玉」，阿姐講同埋真實嚟到，完完全全係一杯港式凍檸茶，不論係顏色&味道。製作好Hea碗牛肉麵唔夠熱，麵底硬完全唔入味，菜好生，紅蘿蔔好生，睇圖。所有嘢放埋一齊但各自有各自嘅味道😂，似係各樣嘢白烚淋湯上，早知喺對面食車仔麵😂。職員怠惰且滋擾最令人唔舒服係嗰一男一女嘅細路侍應，全程係店內用普通話嘻鬧玩樂，互相係咁"我操我操"，濃烈羅湖味。星期日店內有大有細，空間又窄，個個聽住佢哋大聲玩，知唔知自己係返緊工？衞生有待改善仲有店內衞生係咪可以再注意下，佢用個紙杯裝白砂糖，d人唔知咩事將d垃圾丟入個紙杯度，樓面侍應幫手清下啦，淨係顧住嬉戲。P.S間嘢淨係收現金

瘋狂芋泥愛好者又黎啦🫶🏻基本上餐廳有芋泥既都會比呀姐我叫晒😹✨芋泥圓子髒髒乳正價$39 跟餐$29其實跟餐黎講都幾貴下🥹不過芋泥味都真係出 又唔叫太甜✨BB熊珍珠髒髒乳正價$39 跟餐$29BB熊絕對係打卡之選呀😛呢杯味道較甜怕甜記得叫微甜喇👍🏾話明芋泥愛好者 點會少得食物啊💕✨爆餡芋泥肉鬆吐司$38呢個就相比飲品 芋泥味冇咁出既✨芋泥肉鬆蛋餅$36就黎蛋餅都要芋泥🤣🤣🤣其實呢個同吐司分別唔大但加左蛋會特別啲黎得食台灣菜又點少得牛肉麵同鹽酥雞架🫠✨招牌紅燒牛肉麵$59都大碗 另贈送兩條小棠菜牛肉份量都多又唔硬.

點的鹽酥雞滷肉飯，鹹酥雞嚼起來很乾，還吃到了好幾塊純麵粉塊，很傻眼。滷肉量少不說呢也完全有汁水。唯一可以稱道的可能是米飯了，米飯還算尚可。 最後該店只接收cash，食客要注意，以防結帳時尷尬。

同女朋友買完月餅 打算搵間餐廳醫肚 見到呢間台食館 餐牌嘅選擇都幾吸引 就決定試吓餐廳坐位唔太寬敞 我哋入去嘅時候唔多人 感覺還算好 ✏️鹽酥雞滷肉便當味道：鹽酥雞外皮香脆 比較乾身 粉漿薄 食落唔油膩白飯有部分偏乾✏️招牌紅燒牛肉麵味道：8 / 10湯底有淡淡藥材味 不會太鹹牛肉份量算多 炆得入味兼且好腍麵條是手工扁麵 不會太腍 比較有嚼勁✏️甘梅地瓜（追加優惠小食）味道：7 / 10份量偏少 外皮香脆 蕃薯甜 ✏️起司肉鬆蛋餅味道：5.5 / 10餡料算足 不會頭尾無餡 味道唔算驚喜 普通✏️凍芋香奶茶味道：芋香味足，好飲✏️凍台灣咖啡（走甜）味道：4 / 10奶味重 無乜咖啡味環境：7 / 10食物：6.5 / 10服務：6 / 10性價比：6.5 / 10回頭率：6.5 /10

晏就去抱完石🧗🏻‍♀️餓餓到睇下附近有咩好西食～原來深水埗都幾多台式餐廳最尾揀咗呢一間試吓😆分別叫咗兩個下午茶🫶🏻兩個下午茶餐包埋飲品 埋單係$7x蚊幾抵～叫咗鐵鍋肉鬆芝士蛋捲 個蛋捲比想像中大份！肉鬆份量適中同個芝士幾夾☺️個皮厚度唔錯 又幾煙靭入另外一個餐叫咗個滷肉飯配台灣小食小食包括炸豆腐 炸花枝丸同台式香腸～個香腸嘅惹未😋飲品就叫咗百香果雙響炮係百香果加珍珠～冇叫少甜但都唔會太甜 唔錯😆係可以再encore嘅店😋

我今日去左黃金買野，到六點鐘就想係深水埗食埋晚餐先番屋企啦。深水埗食飯我必定會諗起一間地道的台式餐廳，之前食過覺得幾好食！紅燒牛肉麵非常地道台灣味！本身搭配的係粗扁麵，下單的時候可以選擇轉幼麵。麵底份量幾多，裡面的牛肉煲到好腍好嫩，一咬即跟紋理分離。湯底好入味，唔鹹，有牛骨鮮味，成碗都被我飲曬。奶茶就普普通通，冇咩特別，奶味較濃。這間台灣小店的確唔錯，食品味道幾好，價錢屬於平民化，CP值好高！依家無辦法去台灣旅行，掛住台灣味道既，不妨可以黎台食館試吓！

台灣都好多美食，當中最出名有滷肉飯，鹽酥雞呢間就有齊呢D野食啦~香酥綜合拌麵 HK$73，有魷魚，鹽酥炸雞，台灣腸有麻辣同滷肉拌選擇，揀左麻辣就會冇滷肉，咁我就揀左滷肉，佢D滷肉就大粒嘅，唔係碎果款。鹽酥小食都好脆，似即炸!起司肉鬆蛋餅 HK$38好有蛋香，好滑質感，加埋肉鬆咸咸地，好夾個味。追加小食花枝丸HK$20脆皮好香，面頭仲有鹽酥粉，好咸香~追加小食甘梅地瓜HK$17又係皮脆，個心好甜好軟，同埋好大一條。

黎過呢度幾次, 都係酥炸食物比較吸引我重口味既人今次叫左個香酥綜合拌麵炸物好乾身, 唔會油淋淋, 炸粉漿唔算太厚, 涼左都仲係脆身麵上面既滷肉相比就失色左D, 份量都好似無一湯匙麵質唔太硬又唔太淋, 加埋花生粒同酸菜, 好岩夏天食起司肉鬆蛋餅一上台就即刻食, D芝士味好出同仲有小小溶即食係唔同D

雖然已經多次到訪台食館  但仍不厭倦    台食館既鹽酥魷魚鬚相當出色 吸引我經常來食每次來到都唔會失望。小食選擇亦好多  價錢又相宜  食到好滿足都唔會超Budget【魷魚鬚麻辣拌麵】我最愛呢間既魷魚鬚  一來外皮炸得好香脆  而炸漿十分薄  又唔油  。 魷魚鬚食落都覺得都幾新鮮。每次黎必食，但都唔覺得膩麻辣拌麵就真係超出預期 估唔到一間台灣餐廳既麻辣拌麵會甘出色。麵條非常煙靭 搭配店家秘製既麻辣醬 口感十足拌麵辣度適中  唔會太辣 但非常香口 【台灣蔥油餅】蔥油餅幾香脆 即叫即煎 但調味方面就不過不失。份量幾多 價錢唔貴 都值得嘗試

本人係台灣菜忠實愛好者，疫情關係去唔到台灣，謂有黎拜訪一下台食館。我最鐘意食嘅係台食館嘅紅燒牛肉麵。牛肉麵嘅湯底非常香濃，湯底嘅牛肉味同藥材味好夾！好地道嘅台灣風味！麵條容許食客選擇台灣手工扁麵或是手工幼麵。我選擇手工扁麵，口感有嚼勁，好Q好彈。牛肉嘅份量好多， 炆得啱啱好，亦非常入味香濃。總括來講，台食館嘅紅燒牛肉麵好值得encore無數次！飲品點左一杯凍醇香奶茶，奶香味濃，都幾好飲。唯一缺點是舖頭地方唔算大，餐檯與餐檯間的空間較近，稍欠缺私人感。

星期六中午相約男朋友吃台灣菜，男朋友選了這間台灣餐廳。我之前都吃過一次，覺得味道不錯，好有興趣再來吃。我和男朋友都是紅燒牛肉麵的忠實fans，我想吃豐富一點，叫了三寶牛肉麵，而男朋友叫了招牌紅燒牛肉麵。三寶牛肉麵賣相好，而且配料好豐富，有紅燒牛肉，紅燒牛肚，牛丸，還有兩塊胡蘿蔔。紅燒牛肉炆得入味，有五香及醬香味，口感爽爽嫩嫩，味道不錯。牛肚滷得入味軟爛，有嚼勁但一點都不硬。牛丸都QQ彈彈，充滿牛肉香味。 牛肉湯味道香濃但不油膩 ，口感很豐富，有淡淡藥材香味和五香香味，湯底不會讓人覺得單調。在香港試過有的台灣牛肉麵湯底只有醬油味。台食館的牛肉湯底算是在香港吃過的數一數二好吃的味道！充分吸收了牛肉湯的台灣扁麵，麵質爽滑彈牙。我和男朋友好喜歡這種麵條，不會太淋，比較有嚼勁，口感非常好。紅燒牛肉麵本身跟的是台灣手工粗扁麵，如果不喜歡寬麵粗麵的人，建議選擇轉為手工幼麵。整體來講， 這間餐廳我們都覺得算好高質，而且價錢不貴，想吃平價台灣菜的人不妨去試下。

我一心諗住得閒近近地飛一轉台灣，去夜市掃下街食好西。無奈疫情幾年，旅行願望幻滅了，唯有黎台灣餐廳以解相思之苦經過深水埗，見到台食館係一間特色的台灣菜專門店，有傳統的風味之外仲有新派台菜。今日剛好係下午茶時間，見到門口餐牌價錢好平，不妨入黎試下啦下午茶係38蚊一個餐，仲包埋飲品，真係覺得勁抵食！A可以揀一款主食（滷肉飯，滷肉湯麵，滷肉湯米粉，滷肉拌麵和麻辣拌麵）我揀左滷肉飯，這個食物在台灣也是到處都有， 當然要點一碗來試下B可以揀3款，我原本以為係B揀1款，店員提醒話原來可以揀3款。一次過試3款台灣小食，真係好幸福C可以揀一款台式飲品，有免費同跟餐價飲品可以揀。我選擇加8蚊加一杯凍珍珠奶茶出面街邊一杯珍珠奶茶都要成二三十蚊，呢度跟餐價得8蚊原本以為3款小食每樣只會有一粒，估唔到分量都唔少。黃金豆腐炸到勁鬆脆！ 但豆腐係超滑！墾丁蝦卷都好脆好香口，滿滿蝦鮮味鹽酥雞中規中矩，撒上鹽酥粉，同我係豪大大雞排食既味道差唔多。滷肉飯亦唔錯，滷肉汁既豬肉肥瘦均勻，雖然內裏滲有肥豬肉，但一D唔覺得好肥膩雖然係下午茶，滷肉飯用小碗盛載，看似份量唔多，但其實都食得好飽珍珠奶茶就不過不失，珍珠都算Q彈，奶味偏

好耐冇黎呢間台灣餐廳食飯，前日去咗深水埗既玩具街行，準備阿仔既生日禮物。呢間餐廳就係附近，行完就黎食飯餐廳入邊播放着台灣歌曲，好多都係周杰倫既歌，好啱我聽，覺得幾有台灣feel點左小食黃金豆腐、水蜜桃紅玉以及我最愛既鹽酥雞滷肉便當。黎食台灣菜點可以唔點鹽酥雞呢間餐廳鹽酥雞炸得好香脆，熱辣辣，同時亦保留雞肉既嫩滑與肉汁。但完全一啲都唔覺得好熱氣同好油膩，覺得好好食炸粉亦十分薄，唔會覺得滿口麵粉。另外碗滷肉飯都好好食上面鋪滿了粒粒滷肉，十分惹味。滷肉分量亦好多，每一啖飯都有滷肉同滷肉汁，好香好好味！好快整個飯都被我食曬。對比其他既香港台灣餐廳，呢碗滷肉飯都算幾有水準一份鹽酥雞滷肉便當可以同時試埋兩款台灣著名既美食，值得嘗試！！午市有好多款台灣小食都可追加，價錢得十幾二十蚊，我覺得好抵食。我揀左酥炸黃金豆腐，外層香脆可口，內裏豆腐非常嫩滑，仲有椒鹽粉香味，完全是台灣feel！追加價錢得15蚊咋，超級抵午市追加飲品都好優惠，有啲係唔洗加錢，有啲係跟餐價。我揀左水蜜桃紅玉，只需另加5蚊！水蜜桃紅玉配炸野食，好清新去膩，不過賣相普普通通，就沒影相喇食甘多野，賣單得70蚊，超級抵食，值得一讚既係員工