吃什麼 (已結業)

星期五既晚上同4位朋友嚟到餐廳，等位等咗15分鐘，唔算太耐職員態度惡劣一坐底已經即刻同朋友傾緊食咩，但個女職員不斷催促，話用餐時間只有45分鐘，其實我地都知道，但佢不斷徘徊，我地未叫完餐已經比個職員催到暈🤮🤮性價比低我地叫咗滷肉拌麵、滷肉飯、雞排滷肉飯、鹽酥雞、起司蛋餅。食物質素一般，唔太值呢個價錢，份量太少🙈職員不停收碟係食既過程中(入座30分鐘左右)，幾位職員不停嚟收碟，明明我地有半碗飯剩咗，佢成隻手指叉入我地個碟到，話:幫你收走唔要既碟，明明仲有野食剩，點解可以咁無禮拜問都唔問聲就收走咗🤷🏻‍♀️！重點係，出面無人等緊位！（完全唔會再嚟第二次、請我都唔會再嚟受氣😡）

中環優優閒閒食飯之選。中環好難搵到間餐廳可以舒舒服服坐低食餐飯，「吃什麼」係中環難得一遇的餐廳，有一種可以令入放低返工包伏，令人真正relax，俾到人一種「可以靜靜食返餐好」的感覺。餐廳乾淨整潔，服務員很熱情，有心，當然，食物質素都非常好！香雞扒牛肉湯麵湯底牛味都幾重，十分香濃，麵條軟硬適中，配菜味道同湯好夾，再加點辣椒醬，非常好吃！雞扒不油膩，炸得很乾身，吃完不會有油淋淋的感覺。（之前試過牛肉麵，，推介!)水蓮菜來自台灣的水蓮菜，清清地，幾好味，纖維高，是健康之選。甜不辣煙煙韌韌，鹹鹹地，是很好味的小吃。推介！木魚花蛋餅蛋香滑，是剛剛熟的感覺，再配少鹹木魚花，不錯。提提大家，「吃什麼」平日晚上9:30就關門了，要幫襯的朋友要早點去了，還有星期日是休息的～

之前西環既 請座 執左後😓 係中環開番間 吃什麼 😍 同樣都係台灣人主理😊 同樣都係食台灣家常便飯👏🏻滷肉飯 🍚 ($68)以為係普通滷肉飯🍚 點知原來配埋蕃茄炒蛋同菜🥬 感覺好家常便飯😊 滷肉好肥美又夠味😋 蕃茄炒蛋亦炒得算滑🥚 整體就係主家菜既感覺🥰起司蛋餅 🧀 ($39)蛋餅只有輕微拉絲既效果😅 芝士係夠的🧀 但蛋餅味道食落夠淡😏📍中環雲咸街77號嘉兆商業大廈地下A號舖

好友相約中環食飯，又無揀定食乜下😥走到黎大館附近，見到未到12點已經有人排隊既what to eat? 😊小店裝修幾靚，但係位置超窄，係坐得唔太舒服😑😑 點菜都係飛紙仔，主力係台式飯🍚麵🍝，嗌咗個椒鹽雞腿飯，一個荔枝🍒冰茶同火腿🐷蛋🍳餅😬嘢飲先上，朋友既珍奶個樣👌 我杯荔枝冰茶就係好甜同好甜，台式飲品大概都係咁😐兩個雞腿🍗飯上枱，個賣相真係幾💞💓 蛋，清瓜，雞腿整齊地將飯面分為三等份，然後下面仲有少許肉燥不過一筆落去就知太流，啲飯既份量明顯比其他台式舖少😣 雞腿其實都唔大枝，肉質還算👌 個瓜就烚咗上枱，同平時台式飯，成碗都濃烈醬味既客家風有啲唔同飯差唔多食完，店員就趕住黎收嘢，似係趕枱，但其實個蛋餅都仲未上😑😑 食完再等咗 5，6分鐘蛋餅先黎，賣相一樣👌 食落嘛，火腿還火腿，蛋還蛋，皮還皮，唔係難食，但吾太深刻😬食到最後一舊都未食完，嘢飲又未飲晒，店員又埋黎問收得未。。。呢啲趕枱真係好倒胃口埋單價錢130一位咁滯，有力氣行遠啲食豬飯會開心少少，加埋又窄又趕枱，味道又一般，無下次👎

往往中環食晏就飯都係好急速又唔係好好食但又收你貴一貴呢次我為你地紹一間好食既台灣食店😋吃什麼價錢係中環算係咁我諗3份1都攞嚟交租呢個魯肉飯$68好食不在話下最緊要係量多呢個香雞排飯$78我可以講係好好食雞好滑好冧又有汁重點係食極都覺得好多雞排無限雞排流2個賣相都係好吸引既👍🏻👍🏻最後叫多左個鮪魚蛋餅$43都已經食唔曬總括來講我覺得抵食㗎60-70幾蚊食到好食既台灣食品啦坐既位係闊落係12點幾1點中環繁忙事段唔會係咁吹你走啦可以俾你慢慢食呢間真係好值得推介俾各位

二十六號嗰日同啲同事去咗呢間餐廳食lunch，四個都食咗鹹酥雞肉飯，啲味都唔算差嘅，啲料又唔算少，有啲粉絲係入面，本身覺得好得意。不過四個食完之後，四個都肚痾咁囉。想自助攞啲水嚟飲，攞四個杯有兩個杯都係望到有污糟/啲水上面有啲塵咁嘅野浮吓浮吓。有同事因為咁仲痾到第二日番唔到工，講真個價錢已經唔係算抵食，食完仲要俾多幾廿蚊睇醫生。到咗今日，已經係二十八號，啲污糟野都未痾清曬。以後永遠都唔會再試呢間餐廳！！！大家想清腸胃可以去試試 For those who doesn’t understand Chinese, to summarize, if you wanna get a diarrhea, go ahead and try this restaurant

回想一年多之前，我曾經在香港島西環裡面的「英華臺」，幫襯了一間很有家庭菜餐廳感覺的台灣菜餐廳，餐廳的名稱被稱呼叫做「請坐」。「請坐」是由兩位媽媽經營的家庭式台灣菜餐廳，以各式口味煎蛋卷作為招牌菜。不過，或許是因為「請坐」所處的「英華臺」，位置實在太過隔涉，交通實在有點不太方便，當年我光顧過一次之後，就因為前往光顧「請坐」交通方法太不方便，而無奈被迫放棄再幫襯。當然，我想再幫襯「請坐」都不可能做到了，因為「請坐」都已經宣佈結業關門，我估計「請坐」最終結業關門收場，或多或少都與「請坐」的店舖選址有直接關係，「請坐」真的像民居多過食肆。「請坐」宣佈關門結業之後，老闆娘終於再在中環商業區「雲咸街」旁邊的位置，找到另一個面積比較大的舖位，成功把「請坐」覓舖重置，重置後的食店店名亦有點變動，店名變成了「吃什麼」。把新店的名稱「吃什麼」，再跟舊店的名稱「請坐」放在一起之後，就會自然地產生了一個很溫暖，在一顧餐廳都有機會聽到，而且很自然的打招呼說話：「請坐，吃什麼」這兩句說話就是坊間很多餐廳，餐廳裡面侍應為方便接待上門幫襯的食客，而很有可能會拋出來的頭兩句禮貌招呼說話。我上一次光顧「請坐」的時候，「請

超人氣台灣餐廳繼係西環請坐之後，開左另一間分店係中環，近住樓梯街頂，咁岩係中環就試下。果然係人氣餐廳，假日lunch過黎要排隊，仲要係烈日當空下排，店員都好貼心，出黎排冰水比各位。一路排隊可以一路剔想食d咩，可以慢慢諗。我地叫左滷肉飯、皮蛋豆腐、鹹酥雞、蛋餅同一杯鳳梨紅茶。其實台灣嘢間間都差唔多，水準都幾好，最值得讚嘅係皮蛋豆腐！超級多皮蛋，個汁調得好好，仲有d木魚係上面，配埋一大磚豆腐好啱送飯，夏天當小食都唔會覺得膩。店員全部都有台灣腔，真係好似去左台灣咁！

外省牛肉面(半筋半肉) Braised Beef Noodles (Tendon) (HK$85)吞拿魚蛋餅Egg rolls with tuna (HK$43)鹹酥雞Crispy Popcorn Chicken (HK$48)甜不辣fried fish cake (HK$32)Ranking: 3/5 ⭐️The beef noodles not too bad as the broth has a nice beef flavour but the noodles were a bit soggy and only maintained a certain level of chewiness... the beef tasted fresh and was chunky however didn’t really noticed the tendon there so minus a few points. The salty fried chicken was just on par to the usual fried chicken you could get in the

之前舊鋪請坐都已經試過，好喜歡佢既滷肉飯，而家佢係中環開番，同朋友經過見有位，即時入去試下，滷肉飯（$42），花枝蝦餅（$48），皮蛋豆腐（$42），肉鬆蛋餅（$45）係我地當晚叫左既食物，滷肉飯，肉汁啱啱好可以拌勻成碗飯，而且飯量唔算少，女生未必食得哂~味道唔錯，我係偏向鍾意食肥肉較多油香味較重既滷肉飯，所以呢碗好合我心意皮蛋豆腐，份量夠，原隻皮蛋，整磚豆腐，再加上肉鬆，木魚絲，香蔥，全部加埋一齊食，係一個唔錯既冷盤，唯一美中不足既係，醬汁較鹹，建議食時唔好加太多醬汁花枝蝦餅，唔錯但唔特別，肉鬆蛋餅好厚實，蛋比得非常厚，好足料，但亦因為太厚，感覺似食煎蛋，所以一般。整體食物唔錯，但人流多，食飯時間需要排隊，而且有用餐時限，如果想同朋友慢慢食慢慢傾就唔太適合，但如果想食一碗正宗滷肉飯，呢度會係唔錯既選擇。

有個朋友係台灣迷，凡是台灣的食品就特別喜歡。今次特意跟他到吃什麼點午餐。吃吃傳統的台灣便當🍱我認為魯肉配飯較好，紅糟豬排好味，不會炸得很乾。牛肉麵湯底有少許辣

想食高質滷肉飯黎依間👏我同朋友眼闊肚窄嗌多咗兩樣野，但就被滷肉飯K.O.左食唔哂😭➖滷肉飯（小碗）$42份量一啲都唔小😂唔係普通肉碎，係真半肥瘦豬肉，啲汁超夠送飯🤤➖皮蛋豆腐 $42豆腐好大舊，皮蛋係溏心大大粒，肉鬆配埋好似日式既醬汁甜甜地，真係好好食😭➖木魚花蛋餅 $45我系台灣食過既蛋餅係扁身，普通火腿做餡既，所以依間既蛋餅先同我想像既有出入😛因為佢形狀較大，有啲似韓國玉子卷蛋果種，都幾漏，其實飽到食唔落，我都係中意台灣食過果種。-

話說嗰日行行吓中環，見到呢間食台灣野嘅鋪頭覺得個名幾得意，就不妨望吓餐牌食啲乜嘢，再加上有一定嘅人排隊，心裏面覺得呢間應該係好嘢嚟，於是就同女朋友決定入去，係等左10分鐘左右，安排我哋入座，入到去嗌左幾味台灣小吃，比較值得推薦嘅係女朋友Order咗個牛肉麵，面個湯底藥材味好重牛筋好林牛腩好入味，得來係一個唔錯嘅選擇，另外飲品就帶咗杯珍珠奶茶都叫做不過不失啦，始終佢主打唔係飲品都唔可以要求太高，大家不妨一試

以前係舊地址食過好幾次 通常都係放工特登走食夜晚七點半左右等5分鐘就入得去坐依家終於係中環重開 當然要再試返呢度嘅牛肉麵啦揀咗外省牛肉麵肋骨湯底冇以前咁濃厚 同埋以前會食下覺得都辣嘅依家就覺得清左少少問其中一個台灣媽媽佢話佢哋而家入多咗台灣進口嘅食材去煮呢個湯係有調整過個湯底希望可以重味多啲啲另外蛋餅就一如以往都覺得幾好食另外火雞肉飯都幾好食唔肥膩之餘又唔會太咸 （好過叫埋啲煎炸嘢食）我覺得冬瓜茶幾好飲 (少甜）百香果茶都OK店主好好 話因為出邊冇人等緊所以俾我哋坐耐啲都冇問題最鍾意去啲有人情味嘅餐廳食飯 整體感覺非常良好 keep it up!!!

星期六大約五點幾到達， 入面大約有三枱客人， 比想像中少人， 完全唔使等位已經可以入去， 職員好有禮貌咁話可以隨便坐。 店面唔算大 ， 但夠光猛， 地方清潔 ， 木枱加上牆身嘅畫望落去好舒服。 menu紙仔上面食物選擇唔算多，飲品選擇就多少少。 點完餐之後幾分鐘就上菜，但 食物好一般，雞扒好乾， 蛋捲可以， 牛肉麵湯底好似食緊肉骨茶咁， 有強烈嘅中藥未， 未必個個都可以接受。茉香奶茶好淡， 要求加咗糖水都仲係好淡。 唯一係店員有禮貌，親切勤快， 值得一讚。