吃茶三千 (香港科學園第二期)

營業中

休息中

《吃茶三千 - 沙田科學園》好日唔過科學園，過黎一定係因為要開會🥲不過唔行開都唔知，原來科學園好多餐廳同特色coffee shop 的☺️重點係有啲人氣店舖都有進駐科學園，就好似呢間平時海港城排最少十分鐘以上既茶飲店吃茶三千，當日我放飯時剛好唔多人排隊，咁就可以買番杯我最愛既國王珍珠奶茶🧋另外再買多杯寶島經典水果茶比我同事😎💁🏻‍♀️國王珍珠奶茶🧋$38我每次必點珍珠奶茶，因為佢個茶底其實幾濃郁，而個奶係偏向忌廉果種creamy，飲落奶同茶既味道balance，建議少甜，因為個珍珠本來有甜味，而且珍珠食落彈牙，煙煙韌韌幾好味💁🏻‍♀️寶島經典水果茶 $39呢一杯經典水果茶之前都試過啦，飲落酸酸甜甜，本身冇另外加糖，因為佢嘅茶底同埋啲水果蓉已經有甜味，入邊有百香果、鳳梨、橙、西柚等熱帶水果，飲落幾開胃而且清甜，仲會隱約飲到茶嘅香味，啱晒我果位唔鍾意飲奶茶但係又鍾意飲手搖飲品嘅同事

今日踩完單車經過科學園，見到有吃茶3千，黎休息下😎 叫左杯玉露青檸，感覺透心涼d朋友叫左杯國王珍珠奶茶，佢飲開珍奶，話呢間個珍珠同茶底都做得好好，珍珠好有咬口，我同佢講 因為茶底是用萃茶機現萃茶葉而成，所以咁好飲，同埋要等係正常，都好值得等。好好彩，今日唔算等左好耐，大概15分鐘就拎到。玉露青檸第一次飲，真係好refreshing, 岩晒熱熱地既天氣，飲完透心涼。酸酸地既青檸，加埋佢個茶底玉露青茶，好夾，好解渴。等緊個時，呢到仲有位比人坐，讚👍🏻

國王珍珠奶茶有濃郁嘅奶茶加上彈牙嘅珍珠🧋，飲落去口感真係一流。奶茶滑滑地，珍珠咬落去有種彈牙嘅感覺，整個飲品都係一種享受‼️唔好錯過，加多啲珍珠，仲可以選擇不同嘅糖度，真係可以根據自己口味配搭🥳寶島經典水果茶🥤有各式各樣嘅新鮮水果，例如蘋果🍎、橙🍊、鳳梨🍍，加上香濃嘅茶底，飲落去超級解渴。果味十足，仲有一陣陣茶香同清爽口感🥳呢個季節最岩食鳳梨🍍，又甜又爽口，再夾埋個茶底就真係冇得頂‼️

自從科學園開咗吃茶三千 ，鍾意飲珍珠奶茶嘅我又多一個新選擇！本來吃茶三千喺其他地方嘅分店成日都大排長龍，嚟到科學園更加係唔例外，初初開張嘅時候成日都要等半個鐘以上，真係非常受歡迎！依家就唔使等咁耐，五至10分鐘左右就有啦～我成日都同同事返返吓工落嚟買嘢飲，返工咁大壓力，梗係要飲啲廢水減壓啦！我每次都係飲同一杯嘢，就係國王珍珠奶茶啦🥰吃茶三千嘅珍珠粒粒都好大呀，又好甜，佢哋嘅茶底每一日都係用新鮮嘅茶葉沖泡嘅，所以係特別有鮮味！同事就飲咗凍頂烏龍奶茶加仙草，仙草嘅份量真係好多好抵飲😍😍✨真係抵吃茶咁受歡迎！

飲品味道OK，試咗杯新出嘅西柚冰茶，都算多果肉，夏天飲呢杯飲品幾消暑。買咗嘢飲喺店內搵咗個座位，諗住慢慢嘆，點知突然間嚟咗好多顧客帶埋寵物狗入餐廳，最少7、8隻狗，最慘係有隻狗仲要喺店內嘔吐。同店員反映衛生環境，但都無理會。

位於白石角香港科學園第二期科技大道西8號8W大樓地下S033A號舖的吃茶三千，主打台式飲品。當天客人頗多，飲品即點即沖泡，約需等候十五至二十分鐘。當天為假日，天氣炎熱，陽光普照，不少客人都點了一杯冰凍的飲品，消暑又解渴。📌慢熟芋見國王 - $42 （可冷可熱）Black Tea with Taro Paste and Bubble鳳眉紅茶 + 皇家厚奶 + 慢熟芋泥 + 國王珍珠芋頭是台灣直送的，味道香甜。芋泥中有小粒芋頭，口感頗為豐富。鳳眉紅茶的味道則濃郁而回甘，自帶蜜糖的香氣，茶香醇厚，齒頰留香。甜度方面，筆者則選了輕盈甜度（50%糖），國王珍珠本身已有少許甜味，所以這選擇，令飲品味道最為平衡。飲品的包裝有一條小麻繩，頗為方便。。📌香橙冰茶 - $35 （冷飲）Iced Orange Tea茶底可選：松針綠茶/水仙桂花/玉露青茶配香橙果露（Green Tea/ Osmanthus Oolong Tea/ High Mountain Pouchong Tea + Orange）這款飲品的茶底可自由選擇，今次則選了玉露青茶。香橙果露的味道比想像中濃厚。整體來說，也是一杯舒爽解渴的飲品。

lunch後要開會，當然要買杯吃茶三千幫自己打打氣！👩🏻‍💻自從科學園都開咗分店，真係幾乎日日都去飲~🐽吃茶三千一開香港分店即刻大受歡迎~佢地以量身打造嘅萃茶機萃取茶飲，提供六款鮮萃茶，松針綠茶、水仙桂花、玉露青茶、鳳眉紅茶、凍頂烏龍、決明子紅烏龍🫖🫖同事order咗強勢回歸嘅香橙冰茶~~🍊開始變得悶熱嘅天氣，飲一杯使用松針綠茶作茶底嘅香橙冰茶，真係透心涼又消暑~我下次都想試下！🧊而我就飲返招牌國王珍珠奶茶🧋鳳眉紅茶+ 皇家厚奶+ 國王珍珠，簡直係絕配！超愛皇家厚奶嘅濃厚奶味呀🍼雖然茶飲要等待大約15分鐘，不過茶底是用萃茶機現萃茶葉而成，所以係值得嘅！

@chichashanchen_hk 登陸金鐘&科學園啦剛在香港開第11間分店的吃茶三千 紅遍全球嚴選星級好茶 運用獨家研發的智能萃茶技術
六款基底茶全數獲獎🏆國際食品界米其林iTi可按喜好選擇不同茶種 調味 加料 糖度 冰量松針綠茶🍃賦予茉莉花香玉露青茶🍃特有奶茶香氣水仙桂花🍃韻留桂花貴氣鳳眉紅茶🍃尾韻香氣醇厚凍頂烏龍🍃炭焙香氣迷人決明子紅烏龍🍃漫佈咖啡醇韻·召喚芋泥控📣吃茶三千又有新品可以嚐鮮全新系列「慢熟濃芋」一次過推出四款新品分別有：慢熟濃芋鮮奶、慢熟濃芋鮮奶茶、慢熟芋見國王、慢熟濃芋厚奶 4種芋泥口味⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯🍠慢熟濃芋厚奶選用了鳳眉紅茶與皇家厚奶 口感濃醇厚實甘甜持久 以由台中產地直送的大甲慢熟芋頭每日新鮮熬煮成細膩綿密的鬆軟芋泥作基底再搭配上超Q彈的慢熟小芋圓💜飽足又濃郁·🍊香橙冰茶茶種可選擇(松針綠茶 /水仙桂花 / 玉露青茶)以鮮甜的香橙果露 配經典「米其林得獎茶」玉露青茶：保留原茶的茶香 巧妙和香橙融合 每一口都能感受現萃茶的細緻和香橙的芬芳→追加配料：纖玉菓子選擇了帶有嚼勁且富含膳食纖維的纖玉菓子增添飲品層次感🤍好refreshing

又是星期天，一家四口到科學園海濱長廊逛逛，剛巧那裏舉行動物嘉年華，有動物，又有遊戲，小朋友當然開心。累了，剛好有間吃茶三千，想講是小兒叫的一杯熔岸黑糖波霸鮮奶。奶味濃郁，珍珠又有咬口，兒子很喜歡，我卻覺得甜了一點。