合作社茶餐廳

營業中

休息中

球場打完波 唔想再食領展啲連鎖快餐 竟然比我見到球場隔離有間經典港式茶餐廳懷舊嘅風味 就好似以前中學放lunch成班同學 鬥快去霸位打躉 嗰啲平靚正茶餐廳 今日食咗五餐肉公仔麵餐 凍奶茶 港式老牌茶餐廳嘅茶膽一定要試 真係好正 下次一定會再嚟

一入去落單的阿姐服務態度非常之好。下午茶時間入去醫肚，一睇餐牌覺得下午茶唔覺特別抵食，而且選擇不多，所以揀咗最穩陣嘅特餐，其實來來去去又係同常餐嗰啲差唔多 。但最穩陣嘅特餐竟然中伏!火腿蛋奄列油到滴得出成湯羹油!沙嗲牛肉麵超級無敵濃味，又鹹又甜，食完好口渴。應該係我食過最難食嘅沙嗲牛肉麵😑。個牛油三文治不過不失。熱檸茶都可以。茶餐廳啲膠杯同裝茶嗰隻膠杯一樣，個杯都好細隻。而且原本係半透明嘅膠，都已經又舊又氧化到一達達白色了… 感覺好似唔係太乾淨衛生都唔知用唔用好。埋單時個阿叔啲態度就真係唔多友善…唔會再去。

放假天就同媽媽去呢間合作社茶餐廳食野每次都必點特餐 (沙嗲牛肉麵) $36跟餐有一杯熱飲同一份火腿奄列熱飲我要 熱朱古力走 (即是加煉奶)好好飲，熱辣辣，加左煉奶又夠甜又滑媽媽就要熱杏仁霜奄列算大份，好多火腿😋蛋中間有少少蛋黃液，正👍🏻餐包可+$2 轉多士不過我地無轉重點係沙嗲牛肉麵基本上而家好多茶餐廳既沙嗲都無乜味而呢到食到舊時味道諗起細個跟家人食過既沙嗲牛肉麵沙嗲湯夠濃郁，不過偏咸牛肉夠淋好咬口好味，價錢又抵食

今日好懶唔想出街可以點😕梗係叫外賣啦😏今日想食火腿絲米,所以就打去最近既茶餐廳😁叫左個特餐轉多士飲可樂,打去落單好快,沒有多餘的話,單刀直入要咩,係邊,好就收線,效率之快,過左ㄧ陣諗起要拎錢時,門鐘就響,搞到要飛奔去開門🚪由叫到送到都唔洗半個鐘💨💨💨真心快,個多士送到時重脆嫁😋但個奄列就同個麵放埋一齊,介意就落去食🙈,個米粉同奄列都有傳統茶餐廳既味道,有種由細食到大既味道,唔係大集團既茶餐真係賣小見小,真要支持ㄧ下💪💪💪

上一次食黃大仙合作社係小學果陣啦！今日心血來潮決定黎食返個晏先得，行入警察宿舍最入果度轉右就見到喇！事不宜遲一人叫一個特餐，即係牛油方包+腿蛋奄列+沙嗲牛肉公仔麵，再加杯凍奶茶。個味道好懷念呀，奄列好大份仲有蛋汁，沙嗲牛麵個麵唔係淋晒果種，好可惜係已經無左個粟米白湯，仲記得細個飲到lamlam脷！啲侍應姐姐哥哥好鬼正呀，我地一行四人，咁岩食食下轉左下午茶，即刻加料叫個吉列豬扒拼薯條，佢地拎杯野飲黎果陣見我地仲食緊飲緊，即刻話「咁快又飲多杯呀？飲埋而家果杯叫我地另上呀嘛！」哈哈，有時食野最開心除左睇一齊同枱既人，仲有呢一份人情味，好希望以後仲有餐廳會keep到！

又同同學食飯 大家都係窮窮的 又想食好西其中一個朋友就帶我地黎呢到食晚飯影下個套餐 你就想像到呢到d野平到無人信 112 有3樣送 重連魚我地就決定叫個套餐 再散叫其他野叫完送 就上例湯個例湯好飲好重南瓜既甜味 好有家既感覺ps我地8個人 已經有2大碗例湯之後我地食平一半 伙記姐姐俾多碗例湯我地好好人 揚州炒飯 同星米先上正常 不過都無咩特別之後好快其他送都上枱 條魚係伙記推介既唔記得叫咩名 不過都幾大條蒸得岩岩好呢個炒牛柳粒 堆介極多牛柳 亦無醃到d牛無晒肉味送飯一流炒通菜 嫌炒得有d林我本身中意食好爽口同埋如果係泥通就重好我地5個人都係唔夠飽 所以再叫多2個送豆腐火腩煲 男人既浪漫燒肉唔係死咸個隻 入面都俾左好多燒肉豆腐好滑 加埋d汁 好好食呢個又係推介西檸彩 炸得好脆加埋個酸酸甜甜既汁 真係好正呢餐食左甘多野 我地5個人 每日除番開先每人5x真係又平又扺食

一早去黃大仙工作，開工前 梗係要食番個醒晨早餐先啦，同事話有間早餐好好食就去啦， 叫咗個沙爹牛肉意粉、火腿奄列同凍奶茶少奶， 意粉煮得好好係我鍾意食那種唔太淋少少硬， 咖哩牛肉煮得好入味好淋唔太咸，個湯底清清地加上D咖哩汁連意粉一齊食，奄列煮得剛剛好唔太老， 還有個奶油多，麵包脆脆地連奶油一齊食 ，杯奶茶最醒神茶香奶滑， 下次會再嚟食過

去開黃大仙都會去呢間合作社茶餐廳食個特餐， 呢道個特餐非常之經濟實惠又好食， 特餐有沙爹牛肉麵、牛油餐包、火腿奄烈、 凍飲都係加兩蚊， 牛油餐包都必定加兩蚊轉奶油多士，個沙爹牛肉麵， 牛肉份量好足又煮得剛剛好非常之好食， 個麵煮得好好唔會太淋， 奶油多士非常之脆， 牛油同煉奶又多， 不過個奄烈就差D煎得好燶， 杯凍檸茶好好飲， 有茶味同檸檬味唔似其他餐廳只有茶味冇檸檬味， 下次試下個 晚餐先，非常抵食八十幾蚊已經有三餸一湯重要有魚

成日好鐘意同d 朋友嚟呢度食嘢,貪佢夠抵得嚟有水準,今晚我哋兩公婆又嚟呢度開飯la,我哋好鐘意叫佢哋果個二人餐但係只係星期一至星期五先有,88蚊二人餐內容是1.例湯兩大碗2.清炒時菜3.蒸魚一條4.40元以下的小菜任選一款5.白飯兩大碗老黃瓜煲朱骨今天的例湯是足料清甜又唔會太多油時菜是椒絲腐乳炒通菜,略嫌過咸,但濕濕地量又夠多又新鮮 都係上次蒜炒西兰花好味d今天是紅鮋清蒸,本身小妹好怕食魚因為怕魚"聲"又怕多骨, 但係每次我都可以吃到,可能係因為夠新鮮,京都骨 咁有魚有菜梗係楝番個肉lei咬吓la,雖然係88蚊gei餐但係比足料 肉邊帶脆而肉身鬆軟唔會"銀",雖然啖啖肉酸酸地好易入口咁有家庭feel住家菜只係88,對於我呢d無飯主婦簡直係天大喜訊,老公都話好過自己煮呀,