合利(洪記)茶餐廳

營業中

休息中

今日老友約去屯門藍地一間舊茶餐廳，話果度有特別野食，咪幾遠都去啦！藍地都係舊區，大部分鋪頭都係一層樓，第一間就系出名地下石爐燒豬，行過仲有半隻未開，等一陣tea完過來買。去到合利大概2點半，得幾臺客人，但走的時候已經坐滿。叫了脆皮西多同出名的奶茶和榛子咖啡三絲炒濛粉（3分）- 下午茶來講，份量算細， 三絲就更少，只有蛋，火腿，芽菜，- 好在濛粉摟返多d分，味道幾好，最主要係唔會好似其他餐廳咁碎濕濕，反而好有彈力。脆皮西多（2分）- 好老實，無乜特別，係個面有麵包碎，唔棘口。- 多士唔似其他餐廳咁有醬，無味道- 奶茶（2分）- 明報周刊同嶺南大學推薦，- 比較稀，得奶味唔夠茶味- - 榛子咖啡（2分）-哩個老友話好少餐廳有咪試下，比普通咖啡貴3蚊-無乜榛子味-咖啡亦唔香。

周末黎到藍地食早餐，隨住疫情同天氣開始轉好，藍地多返唔少行山客黎醫肚。我地都諗住飲下奶茶食個靚茶記，雖然多人，但大家都好醒目食完就走，唔會坐太耐，所以都好快有住坐。叫左個油漬烏冬，飲茶走，個烏冬硬硬地，好易斷同短，所以一般般，油渣無特別脆，算正常味道👌 杯茶走還可以，唔會太甜，茶味香濃。朋友叫左乾燒伊面，味道不錯，份量同配菜都算多。見呢度西多士出名，下次要過黎試下先🙆🏻‍♀️

身為屯門人提起藍地標誌性食物，自然會想起季季紅有米豬，殊不知這裡還有間主打高質奶茶和西多士的茶餐廳。這間叫合利（洪記）茶餐廳很易找，就是在季季紅的小巷一直向前行就會見到。店舖外觀，內部裝潢很平實，店舖的出品亦沒有很多點綴的東西，西多士就是西多士，不花巧，專注在食物的品質上。唯獨是店外店內都掛上了兩款橫額推介他們的奶茶和西多士。既然是店舖的招牌菜，當然要一試味道。這店的早餐時段出奇地多選擇，除了必有的粉麵常餐、三文治、麥皮、歐陸扒餐外還有燒味瀨粉、炸雞翼薯條及招牌西多士。我們2人點一份雞扒餐及西多士餐凍熱奶茶各一（$89）。除了西多士定價較進取，其他都是合理大眾價格。走出大路再過了妙法寺就有個涼亭公園。同場加影季季紅山竹牛肉+蝦餃（$57）第一時間試了一口涷奶茶，口感順滑，近乎不澀口，奶味沒有蓋過茶味，茶身不太厚，回甘味不算強。就是甜了些。對於偏喜愛飲淡茶底的我這杯奶茶剛好適中，但對於愛澀口厚茶底，這個就未必是你杯茶。因為我們是“有甜不歡”，所以這個西多士是走甜的，店舖選用了厚切方包，一片過中間沒搽花生醬。不知是否與外賣有關，這西多士食時沒有他們講的所謂“脆”，因為受益厚切，中間麵包尚算

今日懶得落街.. 同阿女一齊叫外賣！干炒豬扒公仔麵（跟湯同飲品）個麵炒得有點乾，味道可以再濃少少豬扒夠淋易咬 味道適中聞到好有鑊氣味😂😂😂 帶點燶燶地既味道跟左個西洋菜湯 好多湯料但飲落味道有點怪涷檸茶茶底又係怪味🙃 飲左一啖無飲脆皮西多士送到外賣上黎個包都無淋晒 仲係熱係厚多士 裡面無餡無醬 但個包係好軟熟同新鮮出餐已經淋好晒糖漿同牛油如果可以分開返比個客自己加就更好..因為佢落得都好重手🤣味道就濃左啲

又喺周六嘅行山日，今回老婆想挑戰吓，所以，由屯門西鐵出發，經屯門徑、虎地郊遊徑行去「藍地灌溉水塘」，點解講挑戰？因為無經較易行嘅「彩虹欄杆」一段，反而入咗山沿水塘邊行到壩位，真喺堅多梯級上上落落，最後，我哋一行3人都順利完成。剛好出番到藍地大街時值午餐，原本意屬「Thre3 Concept」或「意料之外」，但兩間都好多人晌門等緊位，都唔知要等幾耐，加上望入去地方窄逼，我哋都行到攰，最想喺坐吓、攤抖吓，見「合利」地方大，人唔太多，又喺茶記，仲啱我哋。無乜裝飾，簡單嘅茶記格局，兩大邊喺卡位，中間就喺啲長枱，不過，見到有啲摺枱收埋一旁，整體望上去啲枱亦唔喺拍到滿滿，大概因疫情關係，拍得鬆動啲，啲客又安心啲。牆上貼滿菜式紙，喺茶記特色，另一懷舊特色就喺將菜牌攝入枱面嘅玻璃度，老實講，反晒光好難影，幸好有啲外賣紙拎，貼出嚟就一清二楚，有咩揀，咩價位。此外，見佢哋仲有啲比較具特色嘅特價客飯，又成為我哋嘅選擇目標。老婆擔心一個飯餐食唔晒，所以，我同佢就一個飯餐搭一客三文治就應該啱啱好，疫情之下就避免「些牙」食，故此，朋友就當然自己嗌自己食啦。例湯特價客飯包例湯及餐飲，店員先嚟一大碗例湯俾我哋，一般而

中學系附近番學, 今日重遊舊地記得個陣成日食呢間都系食佢的芙蓉蛋飯入面有叉燒, 紅腸, 牙菜林埋是油撈飯好正好耐冇食, 今日特登番唻再食放假唻到, 周圍都冇乜人, 都系得住附近的居民始終都系舊區, 又冇野行, 假期正常都冇人會特登入唻叫番個芙蓉蛋飯十幾年冇食過, 今日食番, 覺得好油系佢真系油左定個人老左食吾慣咁油._.另外仲有呢個炒貴刁+杯熱奶茶兩樣都好油食吾番舊時的味道料系足GE, 見到都好大份, 吾會淨系得D面

今日下午我們喺屯門藍地附近做完嘢之後去咗藍地大街搵嘢食，但由於當時係好多餐廳所謂嘅「落場時間」，所以搵咗好多間店，祇有呢間「合利［洪記］茶餐廳」有得食，所以我們就入咗去食下午茶！一開始我們問店員窩蛋免治牛肉飯係唔係中式有青豆嗰種？店員話：「係！」但一出到嚟雖然係中式有窩蛋呢種，但牛肉唔係免治，而係牛肉粒，而且唔係青豆，變咗係椰菜，所以令到我們覺得比較失望！炸鷄脾沙律嘅鷄脾炸得就幾香脆，肉質好軟滑，而且肉汁都幾多，至於沙律就不過不失！至於跟餐嘅老火例湯嘅味道就比較淡，唔係好夠火候，所以唔係好濃郁！

尋日經過藍地大街，突然醒起之前睇過啲行山友嘅blog話呢度有間茶餐廳嘅西多士好好食，好脆，點知一提行多兩步就見到呢間茶餐廳，原本唔肚餓都要入去試下！餐牌都無睇就叫咗兩個西多士餐，個店員仲問要唔要試下佢地嘅脆皮西多士，好彩佢問一問，如果唔係叫錯嘢大家去嘅時候記得西多士同脆皮西多士係唔一樣架！過咗一陣，熱辣辣嘅脆皮西多士就到，嘩，見到個賣相金黃色已經好吸引，把刀一切落去會聽到爽脆嘅聲音，好香口，脆皮索晒啲牛油同糖漿，入晒味，雖然佢係炸，但係又無覺得好油膩，我竟然成個食晒！真係堅正！下次經過藍地都一定會再去食！希望小店嘅質數可以keep到！

兩星期前同朋友去行山，行完由藍地落，通常行完肚仔都餓想搵d 茶餐廳食下，路過見到就入左去了!我地人太多分左兩張台，叫野食時 我見到大大張 poster 話 “脆西多”, 西多怪既我就一定叫西多啦，佢仲要話到明脆， 真係要睇你有幾脆! 朋友就叫雞脾薯條。西多一到 “嘩” 一聲 真係邪惡好脆下，見到留哂口水!見到脆之餘 又見到厚 更見到大大舊牛油! 肥仔了切細細件來食，真係大叫 oh my god!!!! 好食到停唔到口! 大家路過必試!!!朋友個雞脾薯條.....算啦差太遠薯條唔好食，雞脾又乾。見到佢地西多勁好賣，外賣都只係西多，所以路過行過必食!!!

港島人入屯門行藍地水塘，行完山梗係要搵d 野食，無心插柳入左合利（洪記）茶餐廳，真係開心大發現。一行11人，好彩有好食客肯挪一挪位，但一排長枱都係唔夠坐，要坐多半枱。茶記咁忙，搵位lee d 野就要靠自己喇。不過去茶記你就唔預有咩服務，最緊要係d 食物嘅質素，而合利係好到超出我期望。特色脆皮西多士：見到個牌講到係特色就叫左來試下。真係好好好好好食！！！！！！！脆脆脆脆脆脆脆脆脆脆，因為真係好脆，所以講咁多次，從來未食過咁鬆脆嘅西多，家人估佢係沾左砂糖來炸，所以做到lee 個效果。佢成塊金黃色，又一d 油益味都無，可見唔係用d 千年油，加埋牛油同糖漿，配合得啱啱好，邪惡而不膩。不過佢中心無夾花生醬，唔知夾左會更好食定太膩呢？少少可惜係竟然無紅荳冰，搞到好似阿媽同個仔失散左咁。雞脾薯條：以為佢所有炸野嘅水準都係咁高，但炸脾就令人失望，太瘦弱，又無味，雖然一定係雪藏雞脾，但都唔洗咁無味...幸好薯條都有水準，夠熱夠脆。西多食過好多，著名嘅流心西多都食過，但最好食嘅可能真係lee 家，隔左幾日已經好想返去食好西多。

藍地大街呢間茶記四四正正，行完藍地水塘，一於入去試下！估唔到西多士咁有驚喜---兩塊麵包沾上蛋漿及麵包糠，即叫即炸，上面放一大匙牛油，再加點糖漿，邪惡的美味！ 兩塊麵包之間無花生醬，正正因爲這缺少，令牛油味更突出！相比之下，鷄脾薯條就失哂色，鷄脾細隻無肉，少少炸過龍，感覺似食緊唔喊嘅臘鴨脾。

這間街坊茶餐廳經常都好多人, 但今次都係第一次幫襯, 兩個人點了兩個是日晚市小菜, 包湯, 但唔包白飯,飲品蝦醬通菜牛肉($40) - 菜, 牛肉的份量都唔細, 但蝦醬味較濃, 比較咸風沙雞 ($40)- 外皮薄脆, 又香又酥, 有濃濃的蒜香, 雞肉好滑, 但雞的份量較少白飯 ($6)凍飲 ($8)

朋友住附近, 經常在這裡食 tea , 而這條鄉村大街也有很多食店兼營夜市。此店一向只做日市 , 終於加入夜市行列來過幾次 , 街坊小菜算是不錯 , 睇見有很多川菜 , 特別約多幾個朋友一齊食看見餐牌價錢不貴 , 所以也不客氣地點菜炸物 , 男朋友至愛, 熱喇喇 , 外面的脆漿很薄 唔會一舊粉 , 很脆 , 裡面卻很滑 ( 但十分燙口)又一炸物 , 皮脆肉嫩 , 不用點醬汁 , 雞肉都好夠味很香口 , 辣辣地夠惹味 ! 趁冬天還未過 , 趕快食 ! 老闆話用新鮮羊肉 , 但竟然係 $100多少少 !!!! 大家都知 出面食羊肉 要 $198 ....夠味夠稔 , 本人較鐘意食筍 !!!另外 , 仲點左口水雞 , 水煮魚 , 夠香夠惹味 , 老闊過來問食評時 , 得知香料是專程國內購買 , 廚師更在內地工作多年 , 怪不得 !!!最開心係 埋單都係 $110 !!!可以 encore

一個早餐等左9個字，態度仲好差....諗住復活節嘆個靚早餐，點知變左食晏，叫亞姐幫我追，又掛住傾計。出餐毫無次序，好亂，老婆食飽都未到，燒鴨瀨都要整45分鐘。最慘連杯凍啡都45分鐘。完全唔係路。

又到了回憶當年讀女校的慳錢日子有段時間常常去合利買外賣飯盒，因為lunchtime的合利都滿坐，不能堂食，而外賣飯盒又只要$10一盒，加$2更有紙包飲品，多數是檸檬茶，有時是提子汁，這麼便宜，我們這些窮學生當然排長龍去買啦當時可以選的餸有炸蟹鉗，火腿，煎蛋，漢堡扒，腸仔，薯餅每人可選四樣，我的配搭多數都是炸蟹鉗x1，薯餅x1，漢堡扒x2，不加錢買飲品白飯：飯粒偏硬，是我喜歡的粒粒分明白飯^^炸蟹鉗：炸蟹鉗橙黃色的，每次吃炸蟹鉗我都會拆炸皮，因為怕熱氣又怕肥，拆了皮也挺不錯薯餅：沒有一次是香脆的，這個的外皮是淡色一點的，不金黃，但我覺得有薯仔味就算了漢堡扒：似乎是最好吃的了，比老麥的漢堡扒差一點點，但可以接受，好處是煎得一點也不油膩除了四樣餸，還會有汁，但時時不同，粟米汁和蕃茄汁都是每天必有的，而咖哩則一時時有時如果少了一個汁選擇，就會多了炒麵或炒飯，不過如果選了炒麵或炒飯，就沒有四樣餸，若要的話要另外加錢，所以不太抵食差不多中五畢業時，亦曾跟數學老師在合利吃午飯，原來合利$2x的餐是好吃得多的～哈哈因為有我最愛的玉米斑腩飯，很足料！雖然飯盒不是很好吃的貨色，但$10一個飯盒，這兒的素質