合發燉奶餐廳 (已結業)

Swiss Chicken Wings唔錯~ <br>D碟真係幾特別~

合發食物選擇好多，份量又勁，價錢又合理﹝o 向銅鑼灣o 黎講﹞，味道唔算好好，但又唔會食唔落口，平平o 地都食到好飽。最特別係d 碟，全部正方形，又真係好趣怪。　

那又如何電腦化?

三條友飲完野~ 我先頭食果件荵油餅同粢飯都消化得八八九九~ 一於去宵夜啦~ 諗住再去金鹿, 但係去到見到無開.. 唉~ 唔想去翠華, 就去隔離同老細的" 合發" 啦! 是日可能係年初一~ 好多特價貨都無得供應, 呢度$9 兩隻生蠔小弟先前都食過~ 但 係今日無得食.. 唯有叫牌果D 囉~~ 我叫左個豬扒( 下??) 日式炒公仔麵.. 個麵的份量都好大~ 相信都用左兩個麵 餅以上~ 麵餅我諗係用果D 類似超力伊麵果D 麵啦~ 食落去~~ 係咪好日式就真係唔敢講~ 但係都好惹味~ 豬扒( 又下下??) 切刀一小件~ 件件都好似有骨咁.. 小弟都係用盡九牛二虎之力先征服到成碟麵~ 大佬.. 呢場唔係跑日本盃二千四呀~ 係跑菊花賞三千二呀.. 隔離個梅津寺食個特食到叫救命.. 對面的老友就話食完個西多士, 聽日都唔洗食野囉~~ 哈哈..

合發是我幫襯咁多間茶廳中, 最有feel 的一間, 不過燉蛋唔夠蜂蜜味, 不過好飽肚.D 豬扒飽好味, 裡面的茶款式夠多幾特別.

合發的燉奶我就沒有興趣試，反而每星期我必定心思思要去合發食一壑，因為這裏的忌廉湯是試過的最美味，沒有其他曙U 能及。

又係時候教各姊妹響食之餘養顏o 既心得，新開無幾耐o 既合發打正招牌推出蜂蜜燉奶，蜂蜜同燉奶配合得天依無逢，唔會太甜但就十分之滑漏，食得多可能塊面都會一樣o 甘滑，全室裝修都配合小蜜蜂形象，幾得意。　另外，豬扒包都係值得推介食品，不妨一試。