合發茶餐廳

營業中

休息中

合發茶餐廳裝修完咁耐都未有時間去捧場！終於有一日放假百無聊賴，起左身又唔想訓返，一於出去幫襯下！！沙嗲牛肉麵$36 with餐包餐包好食喎😂係咪因為我太耐冇食過！？沙嗲牛肉麵同之前一樣：合格！但當然冇得同沙嗲牛嘅名店比啦😛火腿奄列+$8早餐一定係配奄列先開心！雖然呢度要加$8，但呢度嘅奄列，可以話係好味得黎又貼近以前嘅味道！！熱檸茶茶味OK，下次黎要問下有冇得轉大杯嘅？！

而家開始 西多士出新花款🙈芝士西多士西多士正路都係 牛油面上加呢個都吳例外不過今次係 不是一整磈獨立牛油所以略為細個人覺得不夠西多士既質感正常發揮鬆軟度適中中間的芝士應該普通超市買既片裝所以無咩味只有少許質感有糖醬配，都係正常就不多解說雪糕菠蘿包一上枱覺得個雪糕令到個包覺得好巨型😯係有少少o左其實菠蘿包係正常size黎雪糕就吳太出味應該係雲呢拿味個菠蘿包夠脆➕上雪糕都係冷火口感🤨👍🏻有新鮮感既😏結: 雪糕菠蘿包 有驚喜👍🏻推介既🤩芝士西多士建議改用 味濃芝士例如平價就用超市 橙黃芝士都夠做#雪糕菠蘿包#芝士西多士#合發茶餐廳

依間茶記裝左修鋪面人手少左，得返2個呀姐(1短頭髮, 1個扎馬尾)。馬尾呀姐忙緊其他野，我諗住入去坐低再俾佢嘟針卡，點知呀姐就即刻扭轉頭好似審犯咁喝我。如果你依間鋪頭唔夠人既就自己set部手機出黎俾客人嘟，而唔係周圍咁喝人咁無禮貌。落單送餐依位馬尾呀姐都係喂前喂後，無黎禮貌。野食裝修前都仲叫好食，依家d麵湯底又無味、d野飲又難飲左。有時候黃店並唔係大哂，如果無好既態度只會係趕客。可能你唔稀罕賺我個幾十蚊，但我可以好肯定同你講，我以後都唔會幫襯你依間茶餐廳。味道:4/10環境:7/10態度:1/10價錢:5/10總分:17/40評級: D

行山前，先去茶餐廳充充電😌。🍜『雪菜肉絲湯米加菠蘿包』（$34+$8）湯麵正常發揮，其實有少少期待菠蘿包，可惜只係用微波爐去加熱，所以無脆皮。🥪『雙拼三文治蕃茄炒蛋』$34炒蛋三文治有驚喜，三文治個麵包厚厚，炒蛋仲係流心🥰。『啡走、奶茶』跟餐是好東西，好耐無食茶餐廳，排住哩個味。📍 合發茶餐廳 (旺角)旺角廣東道981號地下。#良心小店 #香港小店 #hkshop #良心食店 #懲罰 #懲罰黃店系列 #撐黃店 #yellowfoodie #黃店推介 #hkfoodie #hkblogger #香港人美食地圖 #黃色地圖 #旺角黃店 #旺角美食 #mongkokyellowshop #mongkokfood #茶餐廳

賣相超出一般茶餐廳水準，沒有求其擺啲餸，魚及芫茜有序地擺放在另一碗上。班腩好脆，師傅係即叫即炸，熱辣辣，好好味。如果減鹽更完美。午餐包一杯熱飲及例湯，在天冷的日子更感溫暖。例湯有材料，可以當疏菜吃。茶餐廳裝修後更光猛。

一日一黃店-旺角深黃新裝修良心茶餐廳 有#阿塗 新畫作 真係畫得好靚 可以見到一班朋友仔 喺日落時 努力合作將心心運上獅子山頂 望完仲有少少感動 同傷感 畫作滿分 （由細睇小學雞睇到大）.除此之外 餐廳裝修完 有好多貓貓設計喺入邊貓貓擺設 貓貓公仔 時鐘 餐牌都有貓貓門口有一個養貓貓嘅地方連住天花板都有好多管道 比貓貓玩食客都可以隨時望到貓貓 但我望咗好耐 就係搵唔到隻貓貓🥲係收埋左？定未搵到合適嘅貓貓收養？sad.呢日下午茶嚟食 叫左⭐️沙嗲牛肉包 跟薯條$38😋同樣好好食 沙嗲汁好濃味👍🏻麵包暖暖地 軟熟 打開入面 沙嗲牛肉算多🤔但相比之前 好似俾碟限制咗 少咗啲 👍🏻薯條粗身勁長 跟茄汁.⭐️梅菜扣肉飯$56👍🏻呢個都好好食 滷得超入味 😈仲要用五花腩 爆肥👍🏻整體調味偏鹹 醬汁同梅菜鹹鹹甜甜咁👍🏻加埋飯啱啱好 醬汁調味真係好送飯淨係汁都可以食多碗飯.⭐️凍阿華田$3 夠粉 夠甜好飲⭐️凍奶茶$3 奶茶比例平衡 但茶偏苦澀重.#hkfunfoodrecord窮遊香港#hkfunfoodrecord_旺角#hkfunfoodrecord黃店.#合發茶餐廳 (旺角)地址：旺角廣東道981號地

【合發茶餐廳】得知新裝修完，有新設計，梗係要黎打卡❗️🤓👍🏻💛.其實...我本身想黎試梅菜扣肉飯，但阿姐話賣晒，今日無晒喇😢.黎得茶餐廳，梗係要叫佬飯先得😆❇️香煎芙蓉蛋飯，係經典佬飯之一。最緊要多色，即係多豉油汁，係成碟飯既精髓。芙蓉蛋方面，有芽菜/切粒腸仔/蝦仁，正常配料。佬飯既要點係，除左要大大碟之外，用一個匙羹就可食晒成碟飯先可叫佬飯😂.❇️椒鹽豬扒飯筆者覺椒鹽味唔夠，反而偏鹹左少少。.老實，我真係想食梅菜扣肉飯❗️要再翻兜黎❗️

趁最後幾日可以堂食拿拿聲去朝聖XDD,之後應該都只有外賣嚕,我冇錢買電話,電話又冇位裝D古怪APPS.冇計啦,D 錢洗曬係食野度....哩度好似裝修完冇耐,店家一定好喜歡貓啦,門口招牌個ICON都係貓XDD門口地毯又係貓有幅好大好靚既壁畫呀.D 燈好靚,新既枱櫈好舒服,隔板好乾淨,掛鐘都係貓係係,我會加油架啦XDDD 冬天真係好易撐唔住訓著架...MENU冇影,好多貓咪架.本來好想食雪糕菠蘿包,但第一餐應該要食D 鹹野既,所以都係海南雞飯算啦,雞係有骨既,雞唔算肥,肉實淨,同後生仔果D唔同風格,佢哩度係點薑蓉既,薑蓉好味,可撈白飯,但油飯已經夠味,唔洗點撈.一碗菜XD 好健康既感覺,油飯好食,睇落冇咩色,但係夠味架,一開始靚女妹妹就比左骨碟我,咁樣超好,乾淨嘛,D人LUR到一枱骨頭牙簽,全部係口水,幾核突都有,仲要人去幫你執.就算唔係疫情都唔衛生啦.嘟果個野有咩用呢? D人又唔探熱,又唔消毒雙手,口水垃圾周圍丟,嘟乜都冇用.

合發茶餐廳返嚟啦之前嘅裝修係普通舊式嘅茶餐廳（但係牆壁幅畫超靚！）然後而家經過左幾個月嘅大裝修成個風格都唔同晒成間都光光猛猛超新淨就咁出面望入去簡直就係啲文清路線餐廳一入到去第一時間搵吓原本好靚嘅畫而家點先都係冇令人失望係一幅有意義嘅畫作亦都好靚講完環境方面我講返嘢食先嘢食方面餐牌同味道大致上都同之前一樣每日快餐都係5-6個咁我今次就揀咗個星洲炒米都幾好食，夠味既另外嘅下午茶係去到七點既所以都同朋友仔叫多咗個西多士餐食大大嚿有花生醬夠熱就已經係一件好嘅西多士

裝修了個幾月的合發茶餐廳，最近終於強勢回歸。剛復業，預計到星期六一定多人。特意於weekday來個下午茶， 一樣要等位。好彩，人不算多，很快便入座。門口採用電子餐牌，等位/等外賣時有嘢睇吓，可以打發時間。餐牌轉下轉下，也可作宣傳板，一舉兩得。門口另一邊是貓店長返工位置。牠不是經常在鋪頭，要見佢就靠緣份了。座位多了，食得更舒適。採用木色裝潢，和暖感大增，更突顯街坊茶記的人情味。  除了有阿塗的靚靚壁畫，天花的貓隧道也很有心思。全透明設計，方便貓店長落鋪巡視，也可以讓食客用高高仰望，互動得嚟又安全。時菜肉片炒河 $48 裝修變，但人情味、味道不變。樓面姐姐仍記得熟客口味。招牌海南雞·依然好快賣晒 XD價錢貴了幾蚊，但下午茶濕炒肉片河依夠有鑊氣；茶走依然香滑，初心依然不變。餐廳資料：合發茶餐廳地址: 旺角廣東道981號地下電話: 23880562

🍴炸脾薯條39 蚊🐥香脆既生炸雞脾 都算大隻 🔥雞肉外面香脆 入面雞肉彈牙 唔錯 炸薯條係粗身曲狀嗰 d熱辣辣 點 d茄汁都唔錯 🍴鮮茄炒蛋牛肉飯 52 蚊🍅🐮飯同餸分開上 牛肉係滑牛 幾足料大塊 蕃茄新鮮 個汁比較甜 而佢既炒蛋整得幾軟林 撈飯十分唔錯🍴雪糕西多士 37 蚊🍞🍦好大舊雲尼拿雪糕上面鋪滿朱古力醬 多士好香脆熱辣辣 入面花生醬都幾多 同雲尼拿雪糕一冷一熱食 正#蕃茄牛肉 #炒蛋 #雪糕 #西多士 #雲尼拿 #炸雞脾 #薯條Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#合發茶餐廳旺角廣東道981 號地下~~~~~~~~~~~~

《合發茶餐廳》旺角合發返黎喇😛裝修完地方光猛左好多，而且座位安排得幾好，都幾好坐☺全店裝修用木色同白色為主色，感覺舒服🥰牆上多左幅新既壁畫，仍然係好靚❤👍仲要多左一個好大好大既重點，就係貓貓多左空間，除左舖外門口製造左🐱🐱既位置外，天花仲有🐱🐱管道，可惜🐱🐱要下星期先做返店長，今日見佢唔到，裝修後既合發，多左一份Cafe既味道＜生炒牛肉飯＞$52裝修完價格無變👍炒飯依舊夠鑊氣奶茶仍舊好飲☕

之前網上知道佢裝修完 放假接完老婆收工即刻9沖去試下佢 去到門口 光源充足 即刻成為全街最靚仔架鋪頭！！！店內環境 光鮮 茶餐廳中最企理架第一梯隊！！最痴線架係下午茶去到1930！！！！食茶餐廳一定係試佢架沙爹牛面同0茶啦！！36蚊 有碗牛面 腸仔 煎蛋（可以簡其他好好！！好多定死左唔比轉） 多士先屈機！！係焗晒2面！！！ed咪優質服務囉！！！！主角沙爹牛面 沙爹汁 比一般茶餐廳好 濃郁d！！牛肉就唔夠淋 有d有根 ！係比較有咬口果隻！！ 麵就煮得岩岩好！！軟硬適中！！0茶 係一般茶餐廳級數！！e個價錢 咁架質數 超值！！！目前會係旺角下午茶首選！！！

行開去果頭，又記起合發裝修完開番當然要過去食下啦。。。平日2點幾3點都爆場唔緊要都係等一等。。等左幾分鐘就入得裝修靚左好多，一d都唔似茶餐廳不過見到伙記都好似係之前果d叫左個午餐雞皇飯，都係之前水準裝修靚左，d畫又靚 個人都開胃d仲見到收銀位整緊個貓位，應該之後就會見番佢地隻貓講番個飯，夠飽。。雞肉都幾多。又多汁好好送飯。。。凍奶茶都ok..不過我唔好飲湯。個伙記問我要唔要湯我就reject左希望佢地一路都好生意啦

喺油麻地同旺角兜兜轉轉，都行到成6:30，好偶然嘅情況底下竟然比我見到依間鋪嘅下午茶去到夜晚7:30，下午茶都係30幾蚊，Amazing ，咁抵當然要試吓。喺香港做生意都幾難，除咗食物質素之外，顏色又要區分，仲要不斷被批鬥，要繼續留喺度嘅，除咗勇氣之外，真係勇氣。我叫咗個下午茶餐，雪菜肉絲米粉配煎雙蛋多士+熱奶茶$32，多士加兩蚊total $34咁嘅價錢，我真係冇咩要求，佢個雪菜肉絲唔鹹幾好食，米粉就硬身咗少少，下次我應該加$3轉出前一丁/辛辣麵；熱奶茶夠熱有茶味，絕對係正常茶餐廳味道。我睇咗人哋啲comment話依度啲侍應態度麻麻，我親身體驗過又正常喎，比好多茶記都好。講真我又唔係要佢啲咩Service，唔好串串貢或者落錯單咁就ok了。我應該會翻兜，希望佢可以繼續做落去，加油！Mcmug綜合評分：5/10，勇氣可加+2，7/10