吉利麵館

營業中

休息中

話說今日放假，之前食開香城，今日心血來潮想食牛腩，行過黎試下個早餐，入去就有一個帶眼鏡哥哥招呼我，幾好禮貌，之後叫左個牛腩面，一杯熱奶茶。跟住個哥哥就走左入去沖奶茶。原來都唔貴，都係35蚊。個牛腩就淋左d，幾好食，但係估唔到杯奶茶都飲得下，最尾仲外賣左杯返去飲。我諗下次應該試下佢d崩沙腩，可惜係無坑腩。總結：價錢親民，質素有驚喜。

一直期待麗城區出現粉面舖，終於有喇🥳今晚七點幾嚟講，我入座開始陸續五六個人入座，雖然舖位唔大，但係本身都坐咗七成人，新開張嚟講生意算好好！我見趕時間，所以嗌咗碗淨水餃，下次再試佢啲麵。大多數粉麵店嘅水餃份量會比較少，呢間有至少八粒，真係十分足料，皮薄餡靚，食完成碗啱啱好飽！(在下出名大食)。每隻水餃都包得好紮實，唯獨想挑剔嘅係有少少鹹，但係食晒成碗都唔會話好口渴，而餐牌上寫湯底係由豬骨熬的。另外，附上嘅生菜都算多，我見前一個食評話冇乜菜，可能真係唔同師傅落嘅份量有唔同，呢樣老闆可以提點下，盡量份量一致💡本人鍾意食蔥同蒜，所以見到上面有咁多都好驚喜。作為街坊嘅我，一定會再嚟食！問咗老闆，水餃真係舖頭人手包的，要支持一波👍🏻

大碗又平又抵食叫左牛筋 雙拼 南乳豬手麵底係米線 特登order 淋啲餐廳係麗城 係第一間港式粉麵店 中午/下午茶 好選擇餐廳職員禮貌有禮 食物味道非常好 絕對對得住$42雙拼麵價錢 真係一次好好體驗～

新試食吉利麵館，河粉算ok，味唔會太鹹，叫左墨丸，都叫有墨丸味嘅但有一樣要注意，雖然餐牌每一碗麵張相都有菜，但上到黎碗麵實際係無菜嘅，要菜就要加10蚊鍾意有條菜balance 下嘅朋友要注意啦飲品叫左凍檸水，平時我都中意叫少冰嘅，但呢間唔洗，因為係自動少冰無菜、無乜冰、加埋個位無擺紙巾，可以feel到老細都睇得條數幾緊。因為同屋企人一齊食，夠人數老細俾坐卡位，但卡位相對較窄，我一百磅都覺得有少少逼，但鋪細都理解嘅。

🍜吉利麵館📌荃灣麗城薈一期地下7號舖·新開張不久的吉利麵館都有好多捧場客，午飯時段要稍稍排隊。下午在附近體育館打完波，去試下他們的出品。崩沙牛腩是推介當然要試試。崩沙牛腩河（$42）崩沙腩軟腍而牛味香濃，充滿滷水料的味道，入口油香滿溢，值得一試。原汁牛腩河（$35）牛腩肥瘦相間，入口香滑有嚼口，湯頭也不錯，配河粉一流。他們提供的辣椒油好香但有點唔夠辣。紫菜四寶（$38）魚蛋、墨魚丸、魚皮餃、魚扎都好味，爽口彈牙。