吉寸 (已結業)

呢排約朋友揀餐廳時都要三思，時勢唔好，就多撐小店，共渡時艱是日來到一間人情味小店，座位不到20個，建議大家要預先訂座啊。☝🏼😄 因為樓面不大，大家要有心理準備坐得有點擠逼（有袋的要放大脾/地下了）。牆上貼了一部份串燒的圖片，另外也有熱門榜供大家參考。落單後叔叔會把一盆用具給你，並有禮貌的提醒我們需要等耐少少（一等便是30分鐘了😅😅）。牛舌芯 - 人氣榜No. 1叔叔說只用牛舌最中間位置，故口感很爽脆。（隔離枱加完又加，好似唔駛錢咁🙈）白膳 - 人氣榜No. 2第一眼望落去賣相麻麻地，但係咬落去皮脆肉彈牙加上價錢都好抵食（出面食應該都要$50-60），大家不妨一試京蔥五花腩 - 呢串就冇咩特別驚喜，中規中矩啦煙肉蘆筍 - 平時我係唔食煙肉的（怕肥同覺得太鹹），不過呢串有驚喜呀，蘆筍好嫩，唔會乾爭爭，煙肉嘅鹹味中和左蔬菜本身較清淡。流心芝士大啡菇 - 初初以為只係一塊芝士放喺菇上面燒，原來中間仲夾住一隻流心蛋黃，所以咬落去蛋汁和菇嘅汁都咇咗出嚟，好好食呀！翠玉瓜 - 厚切嘅翠玉瓜燒完一啲都唔乾，加埋調味粉都幾惹味，不過我覺得辣度有少少重手。菠蘿 - 我冇食過, 不過朋友話都幾甜韭菜 - 呢

一班舊同學聚會，有人建議嚟呢度食。我哋一行7人，好彩有預先book位，去到已經安排好座位，唔使等位。但鋪面係比較細，所以如果人多真係記得要book。叫咗好多嘢食，牛舌、雞翼、白鱔、豬腩肉串、一夜干、茄子、各種蔬菜等等，記唔曬咁多。啲串燒唔會太乾、唔會燒燶曬，香噴噴、趁熱食！仲要真係好好好食啊！😋😋😋😋😋😋😋😋正！我真係好鐘意食串燒😆！同埋酒水選擇俾我想象中多，有黑啤、啤酒、蘋果酒，當然都有好多無酒精飲品，如：椰子水、汽水等等，讚。因為係即叫即燒，間中覺得有啲慢，但我哋聚舊，大把水要吹，所以傾住計等上菜又覺得OK嘅。嗰晚成間鋪係坐滿晒，啲兩人位嘅客有幾檯食完走咗，又keep住有新客入嚟幫襯，全部嘢都即叫即燒，諗起都鄧個廚房辛苦。期間某樣食品好耐未嚟，我哋同樓面大叔講，佢會幫忙跟進。間鋪啲人好有禮貌。因為同行有好多男子，所以都叫咗兩碗牛肉飯，份量很足，所以最後個個食到飽凸。我哋食到夜媽媽，老闆同樓面大叔靜靜地收拾、準備收鋪，都無刻意打斷我哋呢班口水佬，係我哋見到先恍然大悟已經12點，同老闆講唔好意思、阻住佢收鋪，佢仲話：「無所謂嘅，可以傾多陣。」小店就係有呢種家庭式溫馨感😊😁。串燒店唔易做

之前食開佐敦雄記川燒汁左，想搵留間又平又抵食既串燒，咁就係openrice search 下有咩串燒抵食，見到深水埗食間野唔錯就打黎book 枱，一野就book 到點知呢間野真係好野，我book 左枱星期五晚7:30，留晒電話，去到點知佢無開。咁我就打去問，有個男人聽，佢一開始就話我無booking, 跟住我講我姓咩同book 既時間留晒電話咁，佢就改口話師傳病左所以無開大佬你有事無開又唔通知啲book 左既客，人地打黎問你就講大話永遠唔會再黎

偶然剪頭髮經過呢度, 喺深水埗同埋長沙灣中間, 有少少唔就腳, 不過行多兩步嚟食都ok嘅! 因為比起旺角&尖咀啲串燒店平, 同埋好食好多! 前兩日去深水埗另一間串燒店食, 嘩 夠膽死全部一樣味, 係咁落孜然粉…Anyway 講番呢度, 真係名符其實小店, 得4-5張枱, 無咩虛位。 我懷疑係一家人開嘅, 樓面得一位叔叔負責落單、上菜、收碟、收錢...一腳踢, 所以要耐心等等。有次去旺角另一間, 落咗單唔夠5分鐘一次過上晒嚟, 垃圾!!! 呢度啲嘢全部即叫即燒, 要等好耐, 少啲耐性都唔掂, 由落單到有嘢食至少半個鐘, 我哋2個人食, 到食飽埋單要1.5小時。我個人心急, 次次都等到火文, 但係次次都忍唔住再嚟食, 因為真係好好食!! 後尾調整心態, 特登揀第二日唔使番工果晚過嚟, 慢活慢食吹下水, 咁又ok喎!超好味推介: 燒蠔, 牛舌心, 燒菠蘿, 瑪卡蜜! 每次必叫!!!一句講晒: 平靚正要等, 但又有魔力令我一去再去!

支持小店，主要食串燒既店，上菜係比較慢小小，因為應該係即叫即燒，反而仲有信心，因為感覺唔係已經燒好再翻熱，推介牛舌心同燒生蠔，只係好正，牛舌心，入口即溶既感覺，燒蠔有埋蒜蓉做配答，但冇話搶晒個蠔既鮮味，另外，主要見到一個樓面負責落單同傳菜，但冇亂單同唔會叫極唔應，真的不錯！黎左幾次，都見到晚上都會比較full..建議可以先致電訂座，眼見黃金時間，都有客人想食但未有位，要留電話等陣再黎！所以想食既你，建議先致電留位😆😆

有次食完隔離間米線意猶未盡，見到哩間鋪頭燒既味道香噴噴，就入去食幾串試下味，點知越叫越多😂😂基本上每款味道都幾好，尤其雞翼燒得香口又唔貴，佢d海鮮同乾貨類都好正，不過製作需時，建議一開始叫多d，慢慢等，服務不錯，值得再去

有一日喺西九龍中心行完，就去咗附近食飯，朋友介紹依間串燒店啱啱新開，平時好多人排隊，但今日就唔使排，我哋5分鐘都唔使就入咗去。入到去枱面已經有點菜紙，而且店員會行過黎主動介紹最近有啲咩抵食，冇估錯樓面應該係爸爸負責，我哋好快就叫左最多人食同推介嘅嘢，好鍾意食佢個花枝丸，而且幾欣賞佢哋個汁配埋好夾，金菇肥牛卷亦都好好味而且會將所有串燒埋喺同一個普度感覺上好整潔好乾淨整體食物都OK，但最美中不足係出菜有啲慢起碼等左15分鐘

這間長沙灣與深水埗之間的小店，朋友介紹的價格非常超值，相比現在串燒店的～這間無得輸即點即做，質素又非常高，所以以這個價一定非常讚！我食過一次，好快我都要再來，實在抵食小店座位不多，若果walk-in通常要等或冇位，即慶的話最好打去問問～看看有冇位！老闆一個自己親力親為，更是非常客氣招待非常好！枱上有個木托盤同隔油紙，每款食物到～老闆都會逐串逐串遞過來放在上！其實這裡真的很多食物都很回味由其我至愛的是一口牛2人只吃了$327，不用加一每人只是一百多！

第一次打食評，因為真心好想幫呢間小店宣傳! 其實已經黎過好幾次，今日食飽飯經過又忍唔住入黎叫兩串食下。無黎一排，見到佢愈黎愈多人黎，但水準同服務仍然沒有變。樓面的侍應叔叔仍然是笑容滿面地熱情招待，真的十分欣賞👍🏻👍🏻串燒仍是入味得黎，又有汁，唔會燒到乾哂。誠意推介這間性價比高的有心小店，希望可一直做下去😋❤️

之前食過午餐，今次帶老婆嚟食串燒晚餐，蟶子新鮮又唔會燒乾，雞軟骨、秋葵、五花腩大蔥...多到數唔返出嚟，食完第一round，老婆主動叫多round就知無帶錯佢嚟。食咗廿七串(有海鮮)連酒水，兩個人唔使$600，仲要好食，一定encore！特別推介 牛舌芯！！！

前排行過見到呢間日本野末食過 ，望一望menu，又幾平喎，$42起有交易，仲要係有前菜，有飲品，不過見到入面好多都係中學生，而且見d餐具同裝修，都好有中學出街食lunch既感覺😂😂😂餐廳提供既前菜係雪糕泡芙，有d怪，不過好食既。今次食左一個邪惡芝士咖喱撈烏冬，佢真係放左一大pat芝士係上面，真係拉到絲架，撈埋日式咖喱，又咸又甜，好好食，而且係用讚歧烏冬，所以好彈牙。另外叫左個金菇肥牛配雞排飯，肉類好多，雞排幾脆口，不過飯粒有d硬，汁都太稀。

六點幾夜晚去到，裏面得一台客，一睇菜單一啲都唔貴，即刻盡情叫平時例排食串燒自己會食既食物，二個人一行點左 豬頸肉，娃娃菜，雞中翼，青花魚，京蔥豬肉串，墨魚丸，燒茄子，芝士年糕，三罐1664blanc.食左三十分鐘已經入多左三四台客，但我們上菜既時間同樣預得啱啱好，仲要將芝士年糕細心安排到最後上，好像預設既甜品一樣，食物質數好，味道全部十分滿意，保證一定有下次，絕對推薦任何人嘗試，一定唔會失望，埋單$200，簡直抵到爛，what a happy day

本身諗住食隔離間米線，但係太多人！於是就入左呢間有午市套餐既串燒店。店內座位唔多，去到既時候已經差唔多滿哂，好彩我地兩個人都仲有位。睇睇餐牌，都幾多唔同既選擇，四十幾蚊包前菜同飲品都幾經濟實惠啊。我叫左温泉蛋和風牛肉烏冬，飲品可以簡果茶。本身果茶就剩係得凍嘅，但店員好好，話想要熱可以整熱俾我，見佢真係起雪櫃雪好哂一杯杯，然後拎去廚房整熱牛肉烏冬份量都幾多，好足料，好食過連鎖店既牛肉小店值得再三支持啊

呢個舖位以前經營過泰國菜同日本菜，依家係經營串燒🍢唔知點㗎呢…？🤔初時意為喺室內食串燒會好煙~ 係到試咗兩次都係朋友仔幫忙買外賣，今次終於落舖堂食嘞~ 😂哈哈…原來廚房入面燒串燒，堂食係冇煙供出嚟㗎~😛叫咗鹽燒青魚飯，係冇青魚汁跟㗎~諗住應該都唔夠味，點知加完個檸檬汁，點吓旁邊啲伴菜汁都ok喎~🙄溫泉蛋和風牛肉蓋飯味道幾好，牛肉煮得適中，加多少少洋蔥就更好喇~🤗芝士年糕好味啊~ 真係外脆內軟~ 燒茄子🍆唔算落得太多孜然粉，外面一般都落好多孜然粉，同埋好多調味料去燒茄子，雖然係好香，但會就變咗食孜然嘅味，冇咁特別。如果加上蜜糖🍯代替孜然粉，多一個選擇可能會更加吸引，而且蜜糖仲更健康㖭~😉我：燒貴花魚魚春?! 🤔店員：係吖…燒貴花魚魚春啊~👦我：呢到都有貴花魚魚春?😮店員：我哋啲海鮮係喺大澳入貨㗎~👦我：大澳~咁遠拎貨好勁啊~👍😲店員仲話魚春係加上蜜糖燒，外皮會較香脆。食落真係好香脆，餸飯幾正~香芋丸好甜，食完飯當甜品剛好~😊

今日去長沙灣探朋友，之後佢帶咗我去食呢間串燒叫吉寸🍢🍡朋友之前都食過，今之再帶我黎試試入到去有好多必食推介見到都流哂口水。不過首先要讚嘅係 店員真係好nice 因爲入到去見到 佢會同其他客人推介一d 食物，當有客人走咗又會馬上執枱再放上筆同埋 點野食嘅紙係枱面 準備好哂我地首先叫咗d 串燒，都幾特別嘅因為佢係比個木盤放係枱面然後 木盤上面會有張紙，然後串燒就係放係上面比我地食。首先黎咗 汁燒五花腩同埋汁燒豬頸肉，味道都好相似，但唔同嘅係五花腩肥d ! 唔記得講點餐紙有得選串燒嘅辣度我地選咗小辣，因為覺得食串燒少少辣特別惹味！佢嘅燒汁少少甜，再加上少少辣原來都幾夾！之後黎咗1串牛小排同埋2串牛舌芯，牛小排真係要讚一下，唔會燒到好老，肉唔會好粗糙同埋都幾「淋」最鐘意係佢鹽燒！又有少少辣夠哂味而牛舌芯都好味，而且都好「淋」都幾鐘意呢個口感！但係我果串就落少咗鹽但辣味都好夠到燒雞翼了！真係好好味，可能我個人本身就好鐘意食雞翼但佢今次又燒得幾好，因為d皮脆口得黎d 雞翼嘅肉汁仲係到！如果去埋骨仲正，😂😂😂我個人比較懶！想食落去啖啖肉！之後係雞軟骨，都好好味而且一份包2串都幾化算蔥燒五花腩！又係5