吉寸 (已結業)

一間好食既串燒店並唔容易搵到，材料要新鮮，燒既火候要岩岩好先至好食今日誤打誤撞入左一間好有heart既串燒小店原條鰻魚飯份量都幾大，一定要share食先有機會食到其他燒物，鰻魚肉質都幾彈牙左：榴槤炸彈一咬開，榴槤味好濃而且係熱辣辣的右：香芋丸呢個係叫鰻魚飯附送的，食完榴槤炸彈後再食呢個，味道比較淡，所以建議食左香芋丸先再食榴槤炸彈汁燒五花腩+蝦豬串+鹽燒雞翼+厚切牛舌芯+安格斯牛小排由於我不吃牛的，不過我朋友話牛舌芯真係好好味，好爽口而我就喜歡汁燒五花腩&鹽燒雞翼，五花腩好juicy鹽燒雞翼燒得好香脆燒白鱔每次去親食燒物，燒白鱔都係我必食的翠肉瓜唔會燒到好乾，一咬開，就好多汁呀流心芝士大啡菇好有睇頭，不過我覺得塊菇有點苦，可能我食唔慣大啡菇吧左：煙肉露荀卷右：燒羊架金菇肥牛卷朋友見到隔離檯叫左呢個，搞到佢都想叫一個😂金菇唔會燒到好乾，朋友咀嚼緊既時候我都聽到好爽脆既聲音，證明仍然充滿水份呢間餐廳真係好抵食我地食左咁多野都係$300咋，真係超值抵食

陪男朋友去完深水埗買佢啲打機野....搵食搵到呢間串燒店....事源係男朋友頗鐘意食串燒....之前佢食過黃金果邊附近嘅串燒店...佢話無間好食....所以再找找有無其他串燒店....8點左右黎到都唔少人....好彩等一陣就有位...因為男朋友肚餓得濟就先叫左個溫泉蛋和風牛肉飯再慢慢點串燒食感覺有啲似吉野家牛肉飯但佢啲牛肉汁煮完個牛肉香濃好多，牛肉亦比較結實有咬口，加埋大蔥食，好食之後亦叫左不少串燒呢到都唔每樣都寫哂出黎有幾樣連我朋友都叫好食嘅白鱔，好肥美，燒得好香口，用左少少汁燒，唔單調芝士年糕，我最愛，燒得外脆內軟牛舌，香濃牛味，唔un，正韭菜，好惹味雞腎，彈牙唔un雞豬串，蝦醬燒豬頸肉，上枱時好香蝦醬味，食落唔太重味唔鹹，反差幾大，幾得意，幾好食啡菇，芝士煙肉蛋，好夾個啡菇，啡菇整得又無草青味整體上所有野都above average，有好幾樣仲預計之外好食埋單每人都唔駛$200食得飽飽比起出面啲串燒店平好多同男友食親串燒都埋單$200-300每人男人話再去開深水埗都會再黎食過

前兩天了，和家人到青山道拜年， 雖然有很多餐館開業，但我們偏偏揀了這間食串燒的，他的名字叫❨吉寸❩，講真門口真的不起眼，但就是被他店內的香噴噴食物吸引店鋪真的很簡陋，但就正正是街坊店的特色燒扇貝，味道依然保持新鮮，肉質鮮甜燒白鱔皮脆肉質然保持鬆軟原條燒茄子，燒得剛好不會太乾生燒羊架，入口感不會很韌及沒有鬚味有燒魚乾、燒雞腎、雞翼等是晚就叫了好幾款食品，食物的味道也不錯，等候食物時間也不會很久，價錢也不貴，食物的質素與價格絕對合理。

平時都有唔少機會去到深水埗食嘢，但係就從來都唔知道有呢一間串燒小店我感覺餐廳嘅裝修都幾簡潔，環境氣氛都幾適合同幾個好朋友坐埋一齊傾吓計，relax下。串燒選擇都算齊全，基本上想食嘅都有，甚至乎有d特別款嘅小食——流心芝士大啡菇 呢一晚我哋兩個一共叫咗大概十幾款串燒，整體嚟講我地都好滿意，而當中有幾款我自己係特別鍾意嘅芝士年糕真係做到外脆內軟，年糕燒到外層薄脆，裡面又熱又軟，雖然睇唔到有芝士餡，但係食落去的而且確係有幾香嘅芝士味，大概係因為年糕同芝士二合為一了燒玉子四粒燒玉子，原來每一粒都係有層次嘅，可以咬開一層一層咁食😆加上外層有d甜甜地嘅感覺，我好鐘意燒生蠔雖然唔係話好大隻好肥美嗰種生蠔，但係佢的而且確係好新鮮多汁，而且蒜蓉嘅份量都比得好充足，啱晒我胃口‼️汁燒大京葱 & 韮菜‼️大京葱同埋韮菜都非常新鮮爽口(呢兩款串燒係我覺得最正嘅!!) 食到”shok shok”聲，而且仲好多汁，我諗如果唔係食材本身咁新鮮，都做唔到呢個效果‼️的確有驚喜

小串, 不是指店舖態度, 是指店子小小的串燒店哦到了一月又要忙於農曆年公司的大小事務, 再一次走到深水步; 衝鋒陷陣一輪, 走到營盤街的方向, 天開始下毛毛雨, 手上一袋二袋不知往那裡走的時候, 就在對面街見到這間小小店, 一向愛串燒的當然不放過機會, 吃它一會等雨停止才走吧!店裡只是簡單的裝修, 可能時間尚早, 店裡只有一枱情侶客人跟老闆在閒話家常一坐下即連串點了十多份串物, 店員先給我奉上木餐盤, 很好的安排, 不會像別的燒物店, 一支一碟的放上來, 既亂又阻地方, 而且木盤影託下食物都變得整齊有序, 感覺舒服很多.先來特別介紹 - 香港獨有, 大澳蝦醬蝦豬串(秘製蝦醬燒豬頸肉) ($18), 個人對蝦醬非常喜愛, 所以非常非常美味, 蝦醬的味道濃烈, 但不會蓋過豬頸肉的味道猜猜是什麼?大澳燒黃花魚魚春是也 ($26), 大澳原居民的自家製魚春, 新鮮到步的即燒, 入口魚春脆卜卜, 咬下去齒頰留香流心芝士大啡菇 ($24), 原本以為只是有芝士流心, 原來是鮮蛋黃在內, 一切下去蛋黃漿熱辣辣的流出, 滋味 (比較喜歡帶點點燒焦的芝士, 下次記得叫師傅燒得焦一點)海鮮方面, 雖然個子

同老婆去開呢頭買野，想搵個地方坐底hea下食下小食串燒果類，之後行行見到D間吉寸都算平民，價錢又不算太貴，原來呢間串燒店最大嘅賣點就係「平民」同埋「即燒」，所以同老婆坐底試試先，睇下菜單原來都有飯食。【溫泉蛋和風牛肉蓋飯】，點了個飯一來到聞一聞真係好香，牛肉夠晒入味，厚身大塊又入味，洋蔥夠淋，配埋溫泉蛋連埋上面啲蔥一起食，簡直無得頂，這個食完之後我本人值得推介!!!叫串燒之前我叫左杯自家制既【桂圓紅棗蜜】，勁香既龍眼同紅棗味加埋蜜糖不算好甜，食這些串燒點都叫返杯潤下喉。這個又是本人推介必點!!!之後我地兩個點左D串燒同海鮮【汁燒豬頸肉】(左上)用左甜甜既燒汁一起燒再加少少辣椒粉調味，非常出色，豬頸肉又夠彈口燒得來邊邊又夠脆口。【蝦豬串】(右下)用左秘製蝦醬既豬頸肉一齊燒，比想像中出色，唔算好鹹，非常之惹味。這個食完之後又是本人推介必點!!!【厚切嫩滑牛舌芯】、【汁燒京蔥五花腩】、【燒雞亦】、【汁燒金菇肥牛卷】、【咇汁糖心菠蘿】 厚身得嚟，不算大塊但勝在有肉感之餘，又夠爽口，而且嫩滑多汁，完全唔會乾。  勁多肉汁，厚度啱啱好，入口即溶，燒汁帶少少嘅甜味，調味掌握得唔錯。  燒得都不錯，皮

串燒配啤酒真是與好友談天的絕配今晚本想食米線，但見到串燒店就立即改變了主意<吉寸>內除了可order平時常見食物及時令海鮮，更有粉飯麵，所以不時有客人獨自前來享用定食，簡單食一餐。而我們就點了串燒及啤酒串燒中非常出色又有驚喜的有時令白鱔、蝦豬串、羊架等，白鱔皮好脆，多肉汁，味道鮮甜 ; 蝦豬串是蝦醬與豬肉，燒得好juicy，而蝦醬鮮味仍存在，好惹味 ; 羊架更是至抵之選，肉質鬆軟，燒得剛剛好。店員想幫我們剪開羊架，方便食用，不過我們拒絕了，因為羊架還是一啖啖咬才有口感。而司華力腸就有剪成一粒粒，方便分享嘛！另外豬仔脾也好值得推介，燒得唔乾之餘，仲有好多肉汁！吖！不得不提這裏的辣度有分BB、小、中、大辣，因為朋友S是超能食辣，所以選了大辣。但原來愈食愈辣，雖然非常過癮，但一定要量力而為，不要盲選啊

今日返學前想係屋企附近食咗lunch先，但附近嘅茶餐廳、米線都食道炎晒，想試新野，但又唔想揀太貴嘅，行吓行吓，經過呢間鋪仔，見佢午餐價錢OK ,就決定揀佢試吓啦。講真環境就一般，座位唔多，相對搞逼夾，裝修都比較簡單。午餐選擇唔算多，但勝在夠彈性，好多款都可以俾你揀醬汁同口味，配飯或者烏冬都冇問題。我就揀咗個溫泉蛋和風牛肉蓋飯。＄45包前菜同埋飲品，都幾抵食呀，本身expect佢個前菜係普通野，但估唔到，係平時喺放題食到嘅炸芋圓波波，好味呀。到主角喇，個牛肉飯分量十足，牛肉夠晒入味，厚身大塊又入味，洋蔥夠淋，配埋溫泉蛋同埋上面啲蔥，好食過某快餐店多多聲，所以真係唔好比環境影響左，嘢食真係好OK ,下次過嚟試埋啲燒烤串燒先。不過要彈一彈佢，堂食都用即棄嘅木筷子,好似有啲唔環保啵

諗住係依頭食完行轉嘉頓山，所以係OPENRICE搵下有咩好介紹一望依間好評一面倒下18個讚0負評諗住冇死啦LUNCH 冇幫襯串燒叫SET食，平民價錢預食平民野，但D牛肉真係差到差以形容，鞋同韌到食得好辛苦D咖哩就明顯只係用咖哩磚開出黎烏冬就冇咩特別咁啦，只可以叫唔難食真係唔好食既餐廳經常遇到，但食評同真正野食差咁遠就第一次見，所以不得不寫出黎當係比其他食客一個參考真心唔係講笑，希望只係當天來貨問題或一時失手，否則希望店主自己試試自己手勢才繼續賣牛肉類產品吧

我地一行十多人，我地早差不多一星期訂位，初頭都未確實有幾位，大概十幾人，還要訂星期六嘅日子，佢地都俾我地咁訂位，仲要唔駛落訂，小店真係有人情味，好唔話得，我訂位都有啲唔好意思。佢地到訂枱當日打俾我地，佢地細心預留足夠嘅新鮮海鮮同貨量比我地，因為我地訂9點半，擔心我地黎之前會有啲食材賣左大部分唔足夠提供比我地，細心，讚黎到果時，佢地預留左半間鋪比我地坐，鋪仔細細坐到廿人左右，都俾我地咁訂枱，店主太好人了二話不說，極速落單，實在肚餓，9點幾先黎食晚餐落完單到有野食都唔太耐，十分鐘都開始有野食，我地乜都叫啲share share食食下都唔記得左影相，大家都顧住食，傾計，呢餐係幾開心，好少可有小店可以包場，食物又幾好食，包場最主要係一路慢慢食，三五知己傾計，慢慢享受一大伙人係一齊嘅時間，唔似啲大啲嘅店，野食到大家都忙住食野，十幾人坐得太開又各自食野咁，再有下次十幾人食野，我腦海都第一時間有呢間鋪最重要埋單都唔算貴，CP值超高

去左長沙灣接朋友放工一齊食晚飯，因為朋友食左下午茶，飽飽地所以揀左食串燒，唔駛一下只食咁飽上左openrice睇下附近啲串燒鋪，呢間比較多人評論，朋友最終就揀左呢間。7點多未夠7點半，已經8成滿，可能今日星期五吧，無訂到位，好彩都有位即時入座。鋪頭細細無乜裝修，同朋友都無乜大期望，只係食少少野，有個地方坐下傾下計。但估唔到鋪頭細細啲野食又唔差，差唔過係啲旺區串燒店啲味道，食物質素亦都不錯。我地點左牛舌芯，雞軟骨，五花腩，豬頸肉，白鱔，羊架，豬仔脾，翠玉瓜，雞脾菇，韭菜，蝦豬串......牛舌芯可以話食過最好食最好質素ge 牛舌，好香好嫩。（小妹無乜食過貴野，無得同好貴果啲比，哈哈）五花腩同豬頸肉，個燒汁燒出黎食落好香，一啲都唔乾，唔錯。豬仔脾好juicy，個醃味都好好食。白鱔，我同朋友都覺得全晚之最，佢地燒得好香，皮好脆，真的食過咁多間餐廳最好食的一間。（之前食過附近日本餐廳，牛舌同白膳都無咁好食，仲要貴好多同等好耐位。）之後見有幾台叫左蝦豬串，上枱時好香，係隔黎枱都聞到，同朋友都忍唔住叫左兩串上到自己果張枱，仲香，食落又唔係好鹹，一流，下次會為左呢個蝦豬串，牛舌，白膳再黎。埋單都係每

去完長沙灣工廠果邊, 約左朋友係長沙灣附近食野本身三個女仔諗住去食漢堡包, 坐底傾下計, 點知7點幾去到無位, 就係附近行下無意經過呢間串燒店, 朋友就睇下之前啲食評, 見都唔錯就試下啦幾個女仔, 最主要都係有個位坐低傾下計, 坐落唔算迫算係咁可能我地去到果時唔算多人, 店員話生燒要等耐少少, 等左10分鐘左右就開始有野食上我個人比較推介白鱔, 我食過幾間串燒店同日本餐廳, 呢到燒得算最出色, 肉肥美, 皮燒得好香脆, 個汁好來個白鱔, 相當好食而個芝士啡菇係唔差既, 菇唔重啲菇臭味, 芝士蛋黃好夾隻菇牛舌好香牛味, 好嫩, 呢個都好好食其他都燒得唔錯, 無話太焦, 味道幾好因為我唔食雞腎, 朋友話燒得幾香口, 唔un, 幾爽, 唔錯

同朋友行開深水埗想搵個地方坐坐食少少野hea下朋友係之前食過深水埗啲串燒店覺得麻麻就係openrice 搵下去到呢間串燒店, 小店一間, 廿個位左右, 7點半去到, 入面已有3台客既然有位, 就一於試試坐低睇張menu, A4紙大, 算多款式, 多選擇果日仲有生蠔同花甲做緊優惠咁就叫左半打生蠔, 價錢算幾抵, 96蚊有半打燒到出黎啲生蠔還算大隻, 蒜香幾濃, 食落算幾新鮮, 蒜好味, 唔辣唔苦另外我地仲叫左牛舌心, 白鱔, 蝦豬串, 五花腩, 雞腎, 牛小排, 茄子我地一食左個牛舌心同白鱔就即刻encore左真係超好食牛舌心完全唔un, 勁香牛味, 油份亦不少, 可以比美出面30幾40幾一串白鱔燒得火喉啱啱好, 皮脆肉嫩, 好惹味蝦豬串, 一上台就好香蝦醬香, 食落又唔算鹹, 相當唔錯, 值得一試, 今次encore quote比左白鱔同牛舌, 下次先再encore五花腩, 佢地個燒汁味道唔錯, 燒完一啲都唔肥膩雞腎, 完全無un位, 爽脆, 好食牛小排, 牛味重, 油份多雞亦, 燒得不錯, 皮脆肉唔乾, 面頭仲有小小蜜糖味, 不錯茄子, 佢地調味不錯, 除左味粉, 仲有蒜蓉, 佢地個

「吉寸」呢個名簡單直接，一睇就知係同串燒有關。要嚮呢個串燒店開到成行成市嘅地方，想突圍而出，真係少啲特色都唔得。而呢間串燒店最大嘅賣點就係「平民」同埋「即燒」。今日就一次過點咗9款野食，逐一同大家介紹下。豬頸肉爽口嫩滑，加埋惹味嘅燒汁，味道更上一層樓！五花腩嫩滑多汁，厚度啱啱好，入口即溶，燒汁帶少少嘅甜味，調味掌握得好好。本身佢嘅肥膩感應該都幾重，但多得京蔥嚮中間隔住，成功發揮到清膩嘅效果，整體感覺好一致～雞翼調味恰當，表皮金黃香脆，內層嫩滑多汁，已經諗唔到可以挑剔啲咩～茄子比較細條肉少，但調味就幾濃郁，仲可以食到茄子淡淡嘅清甜～生蝦唔算話好大隻，食落幾有肉感，最緊要係夠新鮮，配埋惹味嘅泰式辣醬，食多幾隻都唔夠喉～呢幾塊牛舌厚身得嚟，有肉感之餘，仲好爽口，而且嫩滑多汁，完全唔會乾嚡，真係好少可食到咁高質嘅串燒牛舌～勁大隻嘅啡菇，食落肉感好正同埋好水嫩，最緊要係完全無草青味，淡淡嘅菇香加上滿滿嘅芝士同埋流心蛋，夠哂滋味！菠蘿經過燒烤之後，果肉變得更加軟熟，一大啖咬落去，鮮甜嘅果汁嚮口腔入面迴盪，甜而不漏，最啱就係嚮食完膩嘅食物之後，清一清味蕾～經過一夜干之後，魷魚嘅質感明顯地比一般嘅鮮魷

星期六訓醒落街買飯食...諗住求其買碗麵...落到街....經過吉寸門口....見到佢地個餐牌竟然有我鐘意食ge 鰻魚原條鰻魚飯都只係講緊48蚊...當然要試下佢啦....咁抵食買完一返到屋企打開嘩......好大條呀......差啲長過個外賣盒......見到都已經好滿足.....食落一啲都唔差......頗肥美.....鰻魚汁一啲都唔膩....雖然佢得汽水跟餐......無奶茶咖茶果啲餐飲.......但呢個鰻魚飯已經令我好滿足.......唔知佢個優惠價會做到幾耐呢