吉豚屋吉列豬扒專門店 (已結業)

這一間日本過江龍吉列連鎖店，一向以經濟抵食，價廉物美見稱。在登陸香港短短幾年，在各區的分舖已開了不少.... 若我沒估錯的話，位於九龍灣淘大內的這裡，應是元祖店來的.... 最喜歡食炸及香口嘢的兩母子，一聽說今晚在此開飯，就亢奮不已.... 儘管如此，太太還是不想太浪費，唯恐小朋友一個人吃不完一份吉列餐，也就點一個三重奏定食兩個人分享.... 而我呢，當然就可以一人KO一個吉列蝦拼豬柳定食啦.... 這兒的吉列，雖然價錢收費十分的大眾化，但說實在水平是相當不失禮 ---- 外層炸皮乾爽不油且鬆化crunchy，處理得相當好.... 蝦肉身筆挺。儘管甜度有點弱，但起碼沒有很重雪味，爽度也足，可以收貨.... 豬柳是一貫的嫩滑而存在著肉汁。雖未至於用肉汁豐盈去形容，但只要不是太乾巴巴，以這般的價位而言，還可要求甚麼 ? 每次來，除了吉列之外，若連餐點的話我必定要加錢添一碗野菜豚肉湯.... 湯甜的原因在於內裡的菜蔬份量很足。這樣的湯頭，不甜就奇怪啦.... 每當想平平哋又高興食一餐，這兒一定是我的首選....

又黎到淘大搵野食，再睇場好戲喇！淘大都幾多野食架。今次就揀中左呢間！專係食吉列豬扒 🐷🐷!見者多人食，要等一陣位先可以入到去。憑即日影藝戲飛仲有折添呀！😃太好！好喇！叫野食。先叫左呢個豚肉鍋定食。賣相幾搞笑。成頂聖誕帽咁。裡面全部都係芽菜黎。豚肉都幾好食，個就比較少。其餘的都係啲蔬菜。呢個就唔抵食喇！另外叫左吉列豬柳 泡菜湯烏冬定食。先講一講個吉列豬柳。😁咬落去好滑，唔會話好似豬扒咁“鞋”。食落好味。外面好脆，唔會話好乾。仲附有椰菜絲😍加埋啲汁都幾開胃架！個泡菜湯烏冬都好味，唔會話好辣。烏冬索哂泡菜既味，所以好入味！😁😁呢個值得食呀！呢個餐都係幾十蚊，唔過一百蚊就食到。所以都算係半平民價啦！😁😁

約左朋友去紋身展去之前來了這家吉烈豬扒店醫肚點了海老加豬扒餐有湯有野飲, 好多時吾多飲湯的我也呷了一兩口原因不是湯好飲, 而是湯不是HEA HEA的水煮湯當中有很豐富的湯料在可惜, 湯歸湯, 料歸料,料是豬肉片. 吃掉了海老沒味道, 下次叫豬扒好了豬扒多汗吾鞋口 , 同個醬汁PPERFECT MATCH我應該可以一餐食2塊(同行友人覺得豬扒還可以)另外椰菜沙拉, 椰菜切得不夠幼身比較喜歡幼身一點的豬扒醬及芝麻醬都在木台上任君選擇米飯好吃, 都吃光了今次真係肥仔!埋單仲有8蚊COUPON送, 響格離睇戲, 票尾又可以當8蚊用下次再來再來吧!

想嚐試一下跟旺角的有什麼不同，一進門就發現真的有差，禮貌不足，坐的位置有一陣臭味，6點鐘還沒到晚餐時間，成個場得3檯客，帶位的小姐帶我去一張4人檯跟另外2個人搭檯，如果已經到晚餐時間這動作合理，但成個場就只有9份1既位置係有人坐，感覺就不大好了，然後我問一句可以坐角落的那張檯嗎？她說妳鍾意，重點是態度真的不好，說話轉身走左去，有少少無言。 說一下食品，質數基本上是沒什麼特別，叫了個滑蛋蕃茄豬扒小鍋定食，有些失望，但味道還可以，但會否再定，我想應該是不會了，不想下了班提早去吃飯，就是不想和人迫，望入黎見冇客正開心未完就要睇面色，一次過好了

Lunch去咗呢度，間餐廳夠大，唔使等位，睇menu見到呢期有個特價餐，炸蝦豬扒飯，$59連湯及飲品，所以叫咗呢款。 午餐都幾大份，有兩隻蝦加三件豬扒，仲有個蘿蔔豚肉湯，湯非常足料，味道唔錯，蝦同豬扒亦幾脆，味道當然唔可以同百幾蚊一份相比，但豬扒同蝦幾嫩而夠淋，雖然炸得耐咗少少，醬料有多款選擇，椰菜𢇁亦夠多，食埋碗白飯好飽，餐飲有多款選擇，㨂咗提子Calpris,味有淡，好似溝咗水加埋一都係$65，同出面比較差唔多平一半，仲送coupon下次用

無黎淘大一段日子，原來呢度多左咁多店行到最尾尾就見到吉豚屋由於5月去完日本，見到門口menu炸物就入左去~食物種類很似好多，但其實又唔係好多，此話何解?因為都係炸豬排，炸蝦，雞排等等既炸物再配飯或者烏冬見到其中一個menu大大字咁寫住“期間限定”，仲要係我大愛既蕃茄湯做base,唔洗諗即叫$69 包一碗飯，一碗豬肉麵豉湯，一鍋蕃茄豬排飯就白飯，無咩特別comment麵豉湯好足料，有唔少豚肉，蘿蔔主角，蕃茄底味道好濃好甜 （但應該有落茄膏同茄汁），蕃茄有1個份量，之但係我會建議喜歡香口炸物既吃貨就唔好點，揀返便當系列會好d!因為炸過既豬排放係蕃茄湯底，外層浸到淋晒就必然，但個人黎講我覺得ok...因為咁樣無咁熱氣

今天終於可以同一位久見的朋友食飯啦 ! 既然咁難得，當然要去食啲特別的餐廳。這是一間很正統的日本餐廳，無論格構，坐位，入到去好似用咗隨意門一樣，去咗日本旅行。吉列豬排黃金豚肉餅定食     ~  $75  這個定食很豐富，很好味！分別有吉列豬排、黃金豚肉、白飯和野菜豚肉湯。多元口味，口感—吉列豬排的炸皮好薄、肉好厚好軟好煙嚼；黃金豚肉餅的味道似麥樂雞，口感似薯餅。特製唐揚炸雞  ~  $23  這炸雞的炸皮與眾不同，好大的雞肉，外層包著不算脆但嚼嚼地的皮，而且有一種特別的味道，果然係特製的。葡萄乳酪特飲  

做做做, 做到七點幾先收工....一於食餐好O既!吉豚屋出名係性價比極高,  幾十蚊食日式炸豬扒, 但食物質素不低! 比得上百幾二百蚊O既日式炸豬扒專門店..今次就豪一豪, 嗌個最貴O既餐, 再加野飲!吉列三重奏! 有炸蝦, 有炸豬扒, 又有炸餅,菜絲仲有沙律醬!老老實實, 其實嗌黎都純粹過下口癮, 冇特別去追求味道/口感, 炸物大概不過不失啦至於烏冬...其實都係用急凍烏冬, 加D 海帶湯, 係咸左小小, 不過都OK O既, 都有小小彈牙O既口感!望一望張單, 竟然都唔過一舊, 認真抵食!!

一碗飯一碗湯一碟豬扒再加埋椰菜絲,炸物嚟講真係好好食 ,又鬆脆又威化,幾特別唔會覺得好油膩, 豬扒都算厚切, 都幾抵食, 咁平嘅價錢學生都負擔得起, 無限時入座同埋員工服務態度好好

聽朋友介紹，來吃這專門店的吉列豬排定食，但卻十分令人失望。食物不只難吃，服務員的態度也差。本說憑電影即日的戲票可享有九折優惠，但堅持要收人家未看的電影票尾才能有折，諸多藉口，又呢樣又果樣，就是不想給折，收錢的服務員態度差劣，滿不在乎。食物質素已不高，價格也不算特別平，要人再光顧都難。或許是我期望太高，以為這店能有好又令人滿意的水準，結果完全令人失望，可能吃大家樂或大快活等連鎖快餐店更好，至少價錢便宜些，也不用受氣。

今日去開九龍灣睇戲行街，所以夜晚就係度覓食，路經呢間餐廳，見好多人排隊等位，就想試試，等了大約十五分鐘就有位了叫了吉列炸蝦豬排定食，有我最愛既蝦同呢度出名既豬排，炸得很脆，味道ok，不過略嫌冇汁撈飯，下次會試下咖哩豬排飯~朋友叫了豚肉山，看起來好吸引，但夾開原來只有幾塊豚肉，中間包著菜，有點失望，對於大食既朋友可能分量較少，另外還有兩杯野飲，不過略嫌有點甜。總括來講呢間店價錢比較便宜，味道都不錯，而且有幾間分店，下次可以再試

吉列豬扒轉烏冬$69 加一就比起要飯少左個湯豬扒份量好大餐牌寫係120g個皮夠脆又夠熱皮同肉既比例適中雖然唔夠軟但以依個中價價錢算係ok 雖然係比唔上百幾蚊個類吉列豬扒但都唔會太難食另外烏冬都好好食成個餐岩哂大食量既朋友

🍱生薑豬排定食我已經食第二次 好食😋------------------------------🍲吉列豬柳泡菜鍋好麻麻 唯獨炸豬柳炸得好好又脆又鬆化 但唔覺好油膩👍🏻不過下次都係食返炸豬扒定食😛------------------------------唔知係咪呢到啲飯壓得好實次次食呢間野都勁飽👀

吉豚屋的油麻地分店總是排着長龍，這家分店地方寬敞，客人卻不多，裝修相對我去過的其他分店有着較重的日本風，所以對這家分店特別有好感。吉列豬柳泡菜湯烏冬窩$69，多加$8要了一隻吉列炸蝦。吉列定食大多索價過百元，這種幾十塊錢的，以我的"賤脷"來說，實在吃不出它與貴價貨的差異。吉列豬柳肉嫩不油膩，放到最後才吃依然酥脆，在吉列這方面已經想不出對它還有什麼要求，頂多提議豬柳的肉味再香濃一些，不過這完全是想不出要求而硬提個要求，現在的質素已經非常好了。八元的吉列炸蝦也不小，長度可及兩塊拼起來的豬柳。吉列炸蝦同樣是酥脆不油膩，有着淡淡的蝦味，雖然鮮味不算突出，但以八元來說賺到了。若要體現貴價貨與平價貨的差異，只能從菜絲入手。這裡的菜絲確實不及貴價定食所提供的菜絲鮮甜，而且不可無限任添，最大差別是這裡只有芝麻醬，沒有好吃到哭的紫菜汁，不過芝麻醬配菜絲依然有一定的吸引力，絕對對得起收取的價錢。泡菜湯味道挺濃，但談不上辣，不至於過咸，但若能淡一些味道更舒服。雖說泡菜是健康食物，但這個吃起來完全沒有健康感覺，總覺得含有不少味精，但味道不差，偶爾吃一下還是可以的，尤其想吃濃味的時候。之前吃過這個烏冬一次，那次

由於最近都忙著溫書，所以都在家中吃飯。終於可以有較空閒的時候，可以尋找一下美食。今天到了九龍灣一間日本餐廳吃晚餐。餐廳都挺大，有不少座位，環境尚算不錯。看了一下餐牌，豚肉山鍋好像挺特別，所以點了一個。另外，因為這家站的吉列豬扒較出名，所以點了個滑蛋吉列三重奏。這個飯的份量看著少，但其實因為炸物很多。炸物的味道都好吃，而且都是脆脆的。不過，在碗中明顯可以看到滑蛋並很少，只有少量的蛋。這算是美中不足的地方。豚肉山鍋和相片中一樣，真的有一座小豚肉山，不過豚肉是包著芽菜，不是整個全是肉。鍋裡還有其他蔬菜，壽喜燒的味道很濃，而且加了豚肉的味，整體都不錯，份量也十足！這一個是點餐可以加的優惠，性價比算過的去，因為是即炸的。飲料就比較遜色一點，雖然都有芒果粒，但就不太喝到乳酸的味道，好像只是杯普通芒果汁。整體而言，食物的質素都是好吃的，不過在衛生和食物的細節上仍然存在著進步的空間。