吉豚屋吉列豬扒專門店 (已結業)

日本連鎖吉列豬扒飯店'吉豚屋'，出名係平靚正！今日去試試個下午茶，真係好抵食！下午茶去人又不多，可以慢慢坐。叫左吉列雞扒配咖喱烏冬 ($35)雞扒炸得香脆，炸漿不厚，一咬好鬆化咖喱烏冬係讚岐烏冬，好彈牙喎不過份量真係唔多夠，可能係下午茶的關係吧？墊底的耶菜絲，加上店入面的麻醬好似入口，令成個吉列炸物無咁油膩加埋吉列汁，味道酸酸地，又開胃，送飯一流。呢個$35咋，認真抵食！

食左兩次，就將食評二合為一吧反正食既都差不多 首先係豚肉壽喜燒鍋，大部分客人都係點呢個，點左個一試，豚肉山包住既原來係芽菜，並唔係有咁多豚肉 不過都有五六塊，算係唔錯，肉質唔鞋，撈埋附有既個碗醬汁非常好，類似日本既月見汁  至於吉列豬扒+黃金餅，黃金餅就麻麻地，類似日式漢堡扒，味道一般，吉列豬扒就唔錯 外脆內嫩既吉列豬扒果然係主打 d咖哩汁先係最好食，非常濃味又唔會超辣  吉列雞扒都唔錯，不過皮就唔夠脆，都係豬扒好食d 食完仲有每人一張$8 coupon送，可以一試

好少機會去淘大附近食野, 唯獨這間店令我"番桌"2次, 佢既炸物的確無敵!!!第一次食佢既炸物係吉列蝦滑蛋飯炸物既外層鬆化, 不覺得油, 溫度剛剛好, 就算食左10分鐘, 外層都不覺得淋!!蝦既肉質一啲都吾粉 (其實食店的炸物, 好似食啲粉狀既野咁), 有咬口!!滑蛋的十分之好, 滑溜而帶有微溫的滑蛋淋上吉列蝦之上, 不但不破壞吉蝦蛋既脆口, 仲更加提升吉列蝦既口蝦!!第二次食既係吉列豬扒定食, 同吉列蝦一樣, 皮一樣脆, 肉好鬆化, 不會覺得好粉, 配上燒汁, 燒汁一般, 滑蛋全完把燒汁比下去2次既定食價錢都大約60蚊左右, 下次一定要試埋其他定食先得!!

吉列咖哩豬扒飯，雖然個樣唔算太靚仔，咖哩比一般的日式咖哩偏向深色，但味道的確唔錯，咖哩辣中帶微甜，卻不失應有的辛味，黏稠度適中，配白飯一流！豬扒炸得香脆，咬時會有「索索聲」，肉質都算厚實，唔錯！豬扒飯有3個份量可以揀，女仔唔怕食剩，男仔唔怕唔夠飽。

第一次食，令人尚喜出望外。我叫左合一個滑蛋吉列雞排飯，上層係好大塊既雞排，完全覆蓋左成個碗，見唔到下面d飯，上面仲打左一隻雞蛋，蛋因住剛剛炸起的雞排熱力因開慢慢形成半生熟，想要吃熟蛋的人吃慢一點就會等到它變熟了，蛋醬與吉列外皮混合一起吃份外好味。呢間店既吉列脆皮唔知點解特別鬆化，入口即粉碎，而且炸粉唔太厚，食落都係啖啖肉，內里雞肉唔會太老，好鮮嫩。而下面既飯底竟然係有湯汁，味道甜甜的，非常易入口，而且可能令我食炸雞排的過程中唔會太口亁，好細心的考慮，下次可以試下豬排。

吉列豬扒:好新鮮吉列豬扒肉質彈牙，而且一塊都幾大塊,豬扒份量有80克！豬扒外皮很鬆脆，香脆可口炸得不油膩，很美味炸漿不厚，麵包糠份量適中！真係啖啖肉架！又唔會好乾。蘸上濃味有少少酸的豬排汁都幾好食!而椰菜加上芝麻醬都好清新!吉列豬炸得非常香脆，肉質軟滑，口感不油膩。蛋汁香濃，配上特製醬汁，香噴噴的豬扒再配上珍珠米，碗內的珍珠米配合醬汁很有日本當地的風味，蛋汁有蛋味，滑蛋及醬汁配合得很好！滑蛋的口感惹味得很 ，味道不錯價錢實惠、環境簡潔，服務有禮，食物質素有水準，是一間有誠意的小店

唔明點解有咁多like😐補完習去食下好多人話好食既吉豚屋下午時間去 一入間店超級少人嗌左幾樣野食 樣樣都覺得唔好食樣樣野食落已經感覺到好重味精吉列豬扒又唔脆 食落口非常失望得個烏冬係比較正常 飯又太淋絕對唔會再幫襯

一直想試這間豬扒專門店, 終於有機會試試.叫了一個吉列豬扒黃金餅定食, 滑蛋豬扒飯(竹) 和單點4隻吉列炸蝦。吉列豬扒黃金餅定食 : 一塊豬扒+豬肉黃金餅+豬片湯+飯,份量不少, 以這價錢, 抵食.豬肉黃金餅, 很有肉汁, size 不夠大.豬扒都很脆, 沒有肉汁.炸蝦都炸得沒有油膩感.炸物炸得很鬆脆, 食落唔油膩, 但椰菜絲切得不夠幼.滑蛋豬扒飯(竹):叫了豬扒份量大點, 豬扒很厚, 沾了蛋漿, 不錯.配附的芝麻醬汁, 沒有芝麻味, 只有油味.豬扒醬汁, 略嫌咸了點.

要食吉烈豬扒飯，吉豚屋低個唔錯嘅選擇，吉烈豬扒、雞扒係即叫即炸，所以上菜時仲係熱辣辣，口感外脆內軟，而且保留咗鮮味嘅肉汁，果然專門店出品係高質啲！提提大家喺吉豚屋食，記住要落芝麻醬，落咗真係好味好多，而且個飯有返啲醬汁冇咁乾口，易入口好多。另外，大家仲可以試下吉豚屋自家特製嘅豬扒汁，食落都幾開胃，不過個人覺得太酸。個餐飲真係不值一讚，杯巨峰提子特飲開到好浠，幾乎冇味咁制！

1998年開業，現時日本全國有超過200間分店，以平價快餐路線為方向，以價格經濟實惠稱著。Ca-Tu-Ya 吉豚屋是連鎖式吉列豬扒專門店，屬於日本海外第一家分店，十分受香港人歡迎。 滑蛋吉列豬飯、和風吉列豬扒飯、吉列咖喱豬扒飯等皆備有大（松）、中（竹）、小（梅）分量選擇，體貼不同食量的客人要求。 滑蛋吉列雞扒飯，雞肉橫切厚身，外層酥脆而不油膩，沒有出現皮肉分離的問題，是炸漿及炸爐兩者完美配合的結果，再配上洋蔥和雞蛋煮成的香甜汁，味道非常好。❤❤ 吉列雞扒烏冬，肉質新鮮，嫩滑爽口，椰菜絲配芝麻醬猶如沙律般開胃，而烏冬煙韌幼滑，醬油湯底味道清甜。❤❤ 吉列雞扒飯定食，外脆內鬆軟，令人回味無窮，表現出甚高的烹調水準。野菜豚肉湯用料十足，麵豉味濃。❤❤ 熱菊花蜜特飲，味道跟普通市面上的菊花茶一樣，清清熱氣。 熱柑桔檸檬特飲，沒有柑桔香味，跟檸檬水差不多。 晚市食滿 HK$50 送 HK$8 優惠劵，可於下次晚餐時使用。

一向只賣炸豬扒等炸物嘅吉豚屋，好似推出咗新菜式，行過見唔係咁多人等位，於是攞個籌等位。等咗十分鐘入去入坐底，點咗鐡板生姜汁豬扒定食，吉列豬柳泡菜鍋烏冬定食，由於兩個定食都係熱氣嘢，順帶order兩杯跟餐清熱推介熱菊花蜜特飲。菊花蜜特飲浮住一朵菊花，我呷了一啖，唉﹗伏已中，今次真係大整蠱，竟然係柑桔檸檬味（我對柑桔有抗拒），呢杯所謂菊花蜜，我跟本諗唔到同菊花扯上什麼關係，除咗浮面嗰朵菊花外，完全冇菊花味，似乎求其將柑桔檸檬蜜加朵菊花，就當作多款飲品濫竽充數；既然係咁，點解唔乾脆取名做柑桔檸檬菊花蜜呢?!至少畀人感覺抵飲尐；為咗唔好浪費，結果我女女要挨義氣哽埋我嗰杯菊花蜜特飲。我明白呢尐純粹個人喜好問題，事實上係貨不對辦嘛，餐廳方面係咪應該要有明確嘅商品說明呢﹗鐡板生姜汁豬扒定食，配椰菜絲同豚肉湯，豬扒上面仲有一pat日式沙律醬，豚肉湯好足料，味噌湯底加有好多蔬菜同豚肉，味噌湯滲有肉香加上紅蘿蔔嘅甜味，味道層次豐富，可惜唔夠熱，扣晒分；姜汁豬扒肉質好焾好滑，日式沙律醬配椰菜絲係perfect match，配姜汁豬扒就。。。，可能鐡板關係，沙律醬焮到熱晒，食落有尐失真，如果碟上效果會好尐。

吉豚屋──餐廳要對得起名字，當然以售賣吉列豬為主，而且花樣多多，還有滑蛋、和風汁、咖哩等等做法，有些菜式更設有三種份量選擇，客人可根據自己的胃口挑選相應份量。若然真的不想吃豬，可選蝦及雞做成的菜式，但選擇不多。現在回想起來點這個是一種失策，說到底這裡是吉列豬專門店，卻偏偏點了完全不需要油炸的菜式..........談不上對它失望，只是吃不出任何過人之處，跟某連鎖店的品質沒差多少。價錢相比是有便宜一丁點，但給的肉也不多，而且肉在鍋裡沒多久已經不嫩了。然而各種食材在甜甜的汁包圍下，還是會毫不抗拒吃完，可是飯後明顯感到口渴。白飯用上珍珠米，但吃起來沒感覺到比一般米飯優質，倒是雞蛋有特別鮮味，做成半熟狀態沾着汁吃，下飯一流！整體而言，這種份量、這種質素，對得起價錢，但是欠了特色，容易被取替。吉列豬柳定食這是朋友點的，只能淺嘗，椰菜絲配上芝麻醬無得輸，只要菜不苦已是美食。吉列豬柳雖然只吃了一小片，已能感到質素上盛，表面酥脆，內裡肉嫩有肉汁。野菜豚肉湯沒細嘗，但見朋友拿匙子翻動的時候，湯裡有不少豬肉及蔬菜，非常足料。曾吃過某餐廳水平在二百元的吉列豬扒定食，那時候雖然覺得好吃，但大感不值，兩者相比下

晚上10點多，很多店鋪關門，見吉豚屋未關，還有2/3檯客人，就點了吉列豬扒，大約70多，配麵史湯和沙律。它的沙律是椰菜絲，芝麻醬任加，可惜我對沙律沒太大喜好。主打炸豬扒，當然不會難吃。一上檯時，立刻感受到剛炸起的熱誠。只想說一句:糟糕，暗蒼又要來了。豬扒脆身，軟滑不黏牙，主打的話，我覺得理所當然要做到這程度。它配的醬汁是梅子醬，也可以自己添加，喜歡梅子醬的可以試一試la

對上一次光顧已是4月的事今天到訪住在附近的姐姐's家於是就和姐姐一起來光顧咯~~雖然姐住附近,,,但原來她也未到過這家店用膳呢~~之前也是在這家分店用膳但食評不小心貼錯在tko分店=.="今次和上次一樣都是點了和風醬汁吉列豬扒飯姐則點了咖喱吉列雞扒飯姐好喜歡吃咖喱的,,她認為這裡的咖喱味道一般我的吉豬飯,,覺得比上次吃的時候退步了吉列食物,,最重要香脆鬆化但今次吃的時候,,沒有上次那種入口鬆化的感覺>.<"幸好味道不至於難吃.....希望只是一時失手而不是整體上真的退步!!

香港由幾時開始冬天落雨嘅呢。。。無記錯當年教科書上寫嘅係春天夏天落雨的。。。冬天落雨，又濕又凍，唔想周圍走，但就又想食野，難得兩日假冇理由留喺屋企架，於是就上網搵野食喇。我好耐之前已經想去捐血，但南非艾滋病咁厲害嘅地方令我好有心理壓力所以一直冇去，返到黎香港當然要去啦，為己為人嘛，我一向覺得女人每個月都流血係例行公事，流完血之後身體就會造新嘅血，總覺得身體上有新嘅血會健康啲，所以難得放假，今日一定要去，但去邊間呢？出去就想食野，所以一定要搵間就腳嘅，我宜家住喺彩德邨，一係去旺角，一係去APM。。。就去APM啦！（唔好意思浪費大家睇食評嘅時間，但捐血哩種利己利人嘅事，喺身體狀況容許嘅情況下應該支持的😊）APM喺嗰邊，就行過去九龍灣地鐵站啦，嗰邊食邊間好呢。。。查下Openrice附近有咩好野食先。。。就佢啦！😁淘大商場。。。行入去。。。穿過去。。。露天廣場。。。左望右望。。。行到另外一邊角落。。。終於搵到了😝一入門就聽到店員門用日文為我講句【歡迎光臨】了，突然覺得自己好受歡迎，哈哈😁 店員問我幾個人，我一個啊，就帶我埋位了，坐入卡位嘅一角，位置足夠，坐得都算舒服吖～ 睇下餐牌先，我懷疑我