吉豚屋吉列豬扒專門店

營業中

休息中

冇冷氣，午飯時間只有一個人食飯嘅麻甩佬會走入去太熱冇影相因為冇冷氣嘅緣故擺喺枱啲醬汁都好似癡粒粒咁最得意係我朋友想要鹽點豬扒，竟然問完廚房都答我哋話冇鹽。仲問我哋要唔要豉油究竟呢間餐廳搞乜嘢

香港想吃高級既吉列猪排有好多選擇，多數要二佰幾無限添加，我會選擇吉豚屋因為價錢比較平民而且份量足夠我吃，唔需要添加。佢D套餐介乎係50至100之間，已包括有猪排，豚肉湯及飲品，另外可加錢加炸蝦添～依家除咗猪排外仲有雞同牛既選擇，飯以外可以配烏冬。佢經常會出新餐例如壽喜燒。我始終都係覺得佢既吉列猪比雞牛整得好吃，我尤其鍾意吃佢D咖哩，覺得撈飯吃係好好味所以先咁貴，其次就係豚肉湯，每次去都要加大，因為細碗唔夠喉，特別推薦俾大家

好久沒食呢間了，今晚ot決定同同事黎食呢間ge吉列豬扒話明吉列豬扒專門店，當然要食佢地ge招牌吉列豬扒了，所以我揀左個滑蛋吉列豬扒飯($48)，再加配左個飲品(+$9)上次食呢間飲左個巨峰乳酸，所以今次決定試一試佢個椰果荔枝茶外賣等左十分鐘左右，吉列豬扒拎到翻公司ge時候重依然熱辣辣ge，明顯係即叫即整，賣相都好靚，食ge時候d吉列豬扒重系脆ge，豬扒分量唔算少，豬扒下面d飯面頭淋左d豬扒汁，食落唔會太乾，好香好好食滑蛋雖然唔算係好滑果種，但勝在豬扒補足分數，整體比市面上大部分ge吉列豬扒飯都要好食反而係個椰果荔枝茶要稍微扣分，椰果分量唔算多，而且太甜了，需要自行加水溝淡

👩🏻‍🤝‍👨🏼北角覓食想趁住去摺自修室前嘅時間去食返個飽肚午餐🥣 今次揀咗吉豚屋吉列豬扒專門店，平時經過嘅時候已經比店出面嘅相同模型吸引🥢蕃茄雞扒滑蛋烏冬其實平時我都幾怕食吉列豬扒嘅因為食材呢好多間都係炸到個豬扒乾爭爭，今次見佢有新餐牌宣傳，轉烏冬都只係需要加$3。蕃茄蛋食落好開胃😁而雞扒係即叫即炸好香脆配埋個烏冬份量都幾多，食到好飽🤓呢排疫情又嚴重咗，餐廳有將每個位用隔版隔開，又唔會要人搭枱，同埋見店員每次客人走都會噴消毒水抹枱，令客人都食得安心👍🏻抵讚

呢間一向出名吉列豬扒飯又大又抵食，於是我就反其道而行揀個冷烏冬嚟試吓。點算都真係ok!今次食左🍽：山藥蓉的吉列雞扒冷烏冬（$75）山藥本身冇咩味，但佢哋加左秋葵同醬油令到佢鹹鹹地、滑滑地，加埋烏冬食都幾特別幾好味。😋😋(不過如果你唔鍾意秋葵嘅黏黏滑滑嘅感覺，會未必接受。我就覺得ok😋)冷烏冬嘅湯有啲似是冷蕎麥麵嘅湯咁，少少鹹，清清地。吉列雞扒其實好juicy,好脆。但個扣分位就嚟啦。炸得咁好味，未左做到餐牌效果，浸左大部份炸物喺湯入面。我鍾意慢慢食，一邊食麵一邊食肉，唔分開放，食到中間啲吉列雞扒淋曬.....🥺🥺建議問下可唔可以另上吉列雞扒👍🏼👍🏼😋😋吉豚屋吉列豬扒專門店📍地址：北角電氣道262號華凱大廈地下

叫咗一個滑蛋吉列三重奏，本身啲炸嘢塊皮已經好厚，每一啖都係食緊粉，裏面啲肉又炸得老。最慘係明明有滑蛋，但係啲店員勁懶，將啲炸嘢同埋啲蛋一齊煎，結果根本就食唔到有一塊完整嘅蛋，全部都係蛋皮黎，同時搞到啲炸嘢嘅皮林晒。超級難食。店員服務嘅態度又唔係好好，貼錢買難受。

同男朋友去過一次鹿兒島食過呢間豚肉專門店搵到間係開喺北角，今日適逢母親節男朋友媽咪又比較喜歡食炸嘢我哋就一於黎試試。其實男朋友嚟食過幾次佢話都唔差，算幾平CP值高。店內位置比較少會坐得比較迫夾乾淨嘅程度亦都係未如理想，入嚟坐低佢會比低幾杯水，我地發現有蟑螂腳有點怕，冇用到。餐牌可以點嘅都同日本一樣，叫左份炸雞蝦set, 一份豬扒炸蝦同豬扒set, 我食落去嘅時候覺得炸粉太多啦！不過男朋友話佢上次黎食冇咁多粉，係真係誇張地多同厚。不過60幾蚊份，同羅佢同日本比係唔公平既

抗疫期間，外賣自取打八五折不過加收外賣盒$2及纸杯$1。滑蛋吉列豬扒飯（梅80g）配熱柑吉檸檬水$59（若是堂食可另送野菜䐁肉湯）喜歡吃日本米飯，大大粒又粒粒分明帶點黏度，香甜软糯可口。滑蛋加洋葱汁非常美味。吉列豬扒脆口有肉汁不會乾僧僧，豬扒軟滑嚼口。跟餐飲品柑吉檸檬有柑吉香甜味，好飲。滑蛋吉列雞扒飯$42，吉列雞扒炸得香脆可口，平時不吃雞皮的我也忍不住把雞皮也吃掉，脆粉鬆脆，雞皮薄薄滑溜没有肥膏，雞肉白嫩腍滑。

食物價廉物美😀 但是地方不太淨潔，衛生程度很一般！在疫境時期1 所有餐具全一早已放於桌上 🤔😦😰2 餐廳沒有濕紙巾😓3 也沒有任何消毒酒精😱😱😱😱4 有蚊子🦟(不過地舖也正常）內地客在旁不停說話都咪話唔驚😅下午茶時間，服務生只有一個戴眼鏡男生的，就是很沒禮貌。🤦🏼‍♂️🤦🏼‍♂️不過價錢就很低食，咖哩味也濃，平均每人才$64，炸豬扒也做得不錯👍🏻但炸蝦炸粉量比較多和厚。桂花紅棗特飲（+$3）偏甜但接受甜食的會覺得好喝😀 而啤酒是一罐250mL ($22) ，再會給一個小杯。

「期間限定」呢四個字真係有無限吸引力，每次睇見都忍唔住要出手。今次吉豚屋推出呢款滑蛋吉列豬扒飯套餐，連埋大大碗野菜豚肉湯同特飲都只係HK65（已經計埋加一），望落又真係幾抵喎。吉列豬扒同滑蛋差唔多係無縫結合，因為豬肉同蛋一樣鬆軟，有啲食唔出豬肉嘅味道，猴子都係鍾意豬肉實淨啲有咬口啲。至於米飯，飯粒方面似乎細粒咗啲，而且黏性唔夠，口感同想像中有啲落差。野菜豚肉湯反而有啲睇頭，材料夠多夠太碗，飲落夠鮮甜，但如果餐飲叫凍飲嘅話最好拖慢嚟飲，因為一冷一熱急急飲落肚對個胃唔係咁好。

去過幾間吉豚屋分店都覺得好多學生食，可能因為經濟實惠，仲有個月替套餐，有飯有湯有野飲都係$59好抵。豬扒份量唔少，滑蛋都好多汁，飯粒分明。不錯。野飲仲有菊花蜜揀，凍熱同價，好抵！

佢地嘅吉列豬扒真係整得幾有水準, 炸粉唔會太厚, 同肉嘅比例啱啱好, 而且炸得鬆化又唔會太油膩, 肉質嫩滑, 唔錯炸豬扒嘅伴菜係椰菜絲沙律, 可以淋上麻醬一齊食, 用黎中和返炸豬扒嘅油膩感另外佢哋嘅泡菜烏冬都整得唔錯湯底夠入味, 而且烏冬又唔會煮得太腍如果唔鍾意食泡菜但又想食湯烏冬嘅朋友佢哋有普通湯烏冬供選擇, 雖然相比之下就顯得冇咁特別Foodgle index: 7.5/10Foodgle price: 吉列豬扒泡菜湯烏冬 $75/ 吉列三重奏烏冬 $78

🚩行完油街經過, 見到店內設計好日本風~ 心諗如果唔洗飛去日本, 都食到有日本feel既定食都幾正喎, 所以就想試下!🔹吉列三重奏定食 ($75)炸得啱啱好, 好脆! 如果怕熱氣先可以食, 因為1定要返炸先做到呢個效果. 麵包糠厚度適中, 但豬扒可以更juicy. / 椰菜絲配胡麻醬, 如果可以配柚子醋咁開胃~ / 日本米真係好好味, 黏黏嘅飽滿嘅😋🔹豚肉壽喜燒鍋定食 ($75)湯底超濃, 有少少咸😅🔹蜜桃爆珠香芒乳酸 ($13)超正! 爆珠 + 味道比例都啱啱好!🔥因為座無虛席 + 即叫即做既關係, 所以要好有耐性等.

呢一間餐廳嘅特色就係食吉列豬扒佢有好多唔同種類嘅例如最值得推介係吉列豬扒泡菜湯同埋佢嘅吉列豬扒定食，佢嘅吉列豬扒超級大份，跟住佢仲有鰻魚定食呢一個都係值得推介嘅因為佢陪埋滑蛋一齊

講到吉列，呢間Catuya 吉豚屋應該無人唔識🙈🙈我地食晚市，相對午市價錢就貴少少😆😆💁🏻‍♀️吉列豬配韓式泡菜鍋飯個吉列豬炸到好脆，咬落索索聲🤣🤣💁🏻‍♀️鐵板滑蛋豬扒定食想講佢碗珍珠米飯🍚反而好有驚喜😳😳食落好有口感，軟硬程度適中，滿分💯💯