吉豚屋吉列豬扒專門店

營業中

休息中

話明係吉列豬扒專門店，當然要試下佢個吉列豬啦，將 set 個飯 and 湯轉為烏冬，以為會唔夠食啦，點知個烏冬比我想像中大碗，正常都足夠。吉列豬扒醬及芝麻醬都係放係枱面比你任用，多醬少醬由你揀。講返重點：吉列豬扒。外脆內軟 + 豬扒醬嘅配搭非常好，另外芝麻醬 + 菜都超正。但最後因爲太餓，食飽先記得未影相 😅

今日與友人突然想食炸野，見到呢間吉列專門店咁多分店應該唔差掛，就入左黎試。呢個時間咁岩係下午茶，價錢平d，加5蚊有特式凍飲，算係咁。我與友人叫左相同，都係烏冬，賣相黎講好似幾吸引，枱面有炸物醬同芝麻醬，自助按口味落。炸豬扒多油又皮肉分離，認真麻麻，個醬偏咸主打野應該唔會做得差架啵...唉，反而個烏冬就不錯，算有咬口，個湯似元氣嗰隻，I like it ar 野飲方面都不錯，係紅茶加荔枝糖槳ge特飲，隻味唔假，友人係提子乳酸沙冰亦不錯。成間鋪得一個待應，落單出餐收銀執枱都係佢，好在唔多客啫😥😥😥。

行到去近炮台山位置既地方食飯見到OPENRICE 啲圖幾靚下 比佢吸引住之下黎呢間食啲吉列野佢有個好大個餐牌食住炸蝦炸豬柳飯連湯同野飲59蚊咁我望完餐牌比較過之下覺得呢個應該都係最抵架喇 又有湯又有餐飲 所以就揀咗食呢個啦我仲揀咗杯柑桔檸檬特飲(熱飲)黎做我既餐飲一黎到碟野都幾大碟咁 我係有食野炸蝦豬柳個碟上面D菜絲既 因為我幾鐘意食之後仲包個野菜豚肉湯 都真係幾抵下 有咁多野食 個湯都幾好味 真係有豚肉 幾好食 唔靭之後個炸蝦比較多粉咁 好厚下 但可能顯得大隻啲所以咁做豬柳同樣都係好多粉 所以望下又會大塊啲但食落都唔錯既 炸野黎講都唔會話太難食既再襯返個飯 都食到好飽下 但原來要收加一既呢間野所以賣單係66蚊唔算話平吖其實 但佢都算叫做比到值66蚊既野比你

Accidentally passed by & decided to try their special edition: Unagi 😍saw everyone order the same thing hahaI've ordered the deep fried pork cutlet w/ eel & egg bowl $89. Basically combined my favourite elements into a bowl. Definitely a bowl of happiness!! The eel was incredibly soft texture & natural sweetness, the pork cutlet wasn't oily & beyond my expectation! The portion was pretty big too! Would love to come back again

話日本超過二百間分店，一向認為日式管治是有質素的保證，仲要係過江龍，怎會無料先，一於要試無得輸。但是⋯鋪面好看，裝修到跟日本店一樣是沒用的，食品用心做才對。就被這店的外表騙了進去，首先豬扒炸得啃，無肉味，加了條炸蝦，真係「條」蝦咬落油淋淋，無蝦味可言、失敗。烏東無乜特別，整熟放湯放昆布，就最穩陣可以食，因為所有食材都是現成已經較好味道成份的。最後水都無杯仲要收加一，結論是大X活做得出色很多。這午餐要$64⋯⋯真的中㐲了。

上課前買個外賣醫肚，路經吉豚屋，見佢玻璃門貼左個大貼紙，寫住佢響全球超過300間分店，其市場佔有率及營業額在日本吉列豬扒店中排名No. 1. 講到咁受歡迎，就一於試吓個吉列豬扒超值套餐係80克吉列豬扒咖哩飯，55蚊仲包一杯飲品外賣盒分兩層，上層是咖喱汁，份量足夠，食到尾都唔會無汁吉列豬扒已切開6小件，炸粉不算很薄，但以$55黎講，肉質腍，質素算不俗米是有點咬口的，有日本米的黏度熱菊花蜜 見到一朵菊花😅，飲到蜜糖味

今日去吉豚屋食下午茶作為一個健康為首要嘅我比佢依一個＄25嘅滑蛋雞俾肉飯吸引左入去宜家呢個時勢要搵到一個＄25嘅下午茶仲要係高營養價值嘅真係十分之難可惜下午茶規定要堂食如果唔係我一定會買返十個八個返去食！好首先講下個內在環境我去食嘅時候係大約四五點餐廳已經冇乜人今天大部份人都係食緊吉烈嘅套餐係得我食個滑板雞俾肉飯可能因為佢始終吉烈食物比較出色同埋主打講返個雞髀肉飯＄25來講呢個質素真係超值滑蛋好夠滑 飯底有日式醬油汁 都唔會太咸 雞肉亦唔會太鞋 不過略為多左少少雪味

教琴前醫下肚 一直想試 今日終於有機會試到喇其實都幾似快餐店 枱同枱之間都幾逼 不過唔緊要既食物搭救我叫左個滑蛋豬扒飯 雖然賣相就唔多好不過食左第一啖就已經知道冇尼錯豬扒皮少肉多 啖啖肉 一d都唔孤寒 d皮炸得好鬆脆  而且唔會皮肉分離更重要既係炸出尼一d都唔油膩!!雖然個飯係有少少汁但都唔會令到個皮林哂 抵讚加埋d蛋同豬扒一齊食又係另番風味 丫佢個汁係甜甜地既 撈飯食一流 洋蔥吸哂d醤汁味超好食不過唔係好多條洋蔥咋咁既價錢食物質素算係好高喇  我好後悔咁遲先同吉豚屋相遇..我一定會再番尼搵你嫁!!

上星期無意中見到北角有間食吉列豬扒的吉豚屋，朋友話日本都有，今晚我哋去咗試，見到CA-TU-YA這拼音就吾肯這間是不是日本的香港分店了。ANYWAY，我點咗個滑蛋泡菜烏冬配豬柳，泡菜烏冬都辣(我覺得)，味道一般 ，夠熱，豬柳外鬆脆，內裡的肉夠腍，幾好食，朋友比咗件蝦及豬肉餅比我試，我都覺得吾錯，炸得鬆脆。我很少、甚至吾會食吉列的東西，都覺得呢個吉列豬好食。這裡環境OK，我哋坐卡位(可坐4人)，感覺闊落、舒服，但有少許壓力、不太自在，因為我聽到有2個人入來想坐卡位時，侍應叫佢地坐入面D位，話坐卡位要搭枱，而我地食完都坐咗陣，侍應們就不時望下我地，不過又沒有催趕或話安排人來搭枱，門外又有人等位，有點不好意思，我眼見這裡的客人像是快來快走，茶餐廳FEEL似的，這裡有收加一的，如果要搭枱，快來快走的話，為何要收加一呢？

質素不錯的炸物店今日去左天后附近剪頭髮 之後行下行下就行左去炮台山所以就去左食吉豚屋之前都食過幾次架啦 次次都覺得一般但係今日朋友想食 就俾多次機會佢啦😌😌入到去係真係好似去左日本D速食店甘我地兩個人叫左個滑蛋吉列炸蝦飯入面有四隻蝦 隻蝦都幾大隻幾好食 食得出係即炸👍🏼👍🏼個餐係包埋一杯飲品的 我就簡左杯巨峰乳酸特飲 好可惜唔係好夠凍同唔係好夠巨峰味 同埋滑蛋豬扒飯(梅) 姐係份量最細個個個吉列豬扒有小小乾 不過加埋滑蛋就剛剛好不過如果蛋可再多一點點會更好呢個飯就無飲品送既 我地另外追加左個唐揚炸雞 有四大舊個炸雞好滑 不過厚粉左小小 但勝左新鮮炸起好脆好食 炸野都係要即叫即整先好食兩個人食 食到飽到死甘濟最後都係食淨小小飯 因為佢份量真係幾大男人黎食都絕對會飽整體來說都唔錯 我地兩個人食左百二蚊 以日本定食黎講都算平而且炮台山呢間分店算係唔錯

平時好中意食嘅間，係我喜愛嘅北角飯堂之一。呢間價錢平得嚟又好食，我朋友就最中意食拒個滑蛋雞扒飯，39蚊，雞扒又夠大塊，又香脆，又好味。仲要係醬汁任落，衰d講句，真係白飯撈汁都好味。我個人就中意食湯類多d，中意用跟餐的飯加錢轉烏冬。又或者中意食拒嘅泡菜鐵鍋烏冬。今日選左拒嘅特價餐，雞扒加兩隻蝦仲配埋他他醬，好好味。拒呢到炸嘢的麵包糠係長條型，所以食落去仲更加香脆，而且仲係即叫即炸，又熱又好味。烏冬係手打的，並唔係3蚊一包嘅麵粉烏冬。咬落去煙韌。湯底係豉油清湯，熱辣辣，飲一碗都不錯。呢個他他醬似蛋黃醬多d，有蛋黃粒喺入面，但唔多覺有酸瓜。每次食完都會有張8蚊嘅券比你下次食飯嘅時候用，但次次都用唔著，因為個有效期得半個月，如果可以比耐d就更加好。

早幾日凍凍地，試左呢個豚肉鍋，驟眼睇落d豚肉堆到一座山咁高，份量好似好多，食落你會發現係底下收埋左好多芽菜。味道方面，個湯太醎，食到一半會係咁想飲水。一人一鍋黎講，有更好選擇另外我地仲點左個招牌既吉列豬定食個豬扒都d硬同乾，再配埋個飯，真係乾爭爭到一個點。可能臨近收工，想搵d豬扒醬點下都無

這間餐廳以吉列食物為主，聽聞吉列豬扒都幾出名，所以叫左個吉列三重奏定食打算可以試多d唔同款~定食包括吉列蝦，豬柳及黃金豚肉餅，跟白飯及野菜豚肉湯，小編將白飯及湯轉左鳥冬~ 吉列蝦味道都ok， 但略嫌炸粉厚左少少~ 吉列豬柳炸得比較乾，令到肉質唔太滑，味道一般~ 至於吉列豚肉餅肉汁多而滑，味道充滿陣陣豬肉味，味道唔錯~ 鳥冬味道都ok，麵質軟硬適中，且有彈性~小編曾經都食過以吉列為主的餐廳，那間餐廳的豬比這間好食好多，價錢上當然也比這間貴，但小編個人認為既然要食，不如食好少少，所以這間餐廳可試也可不試~

Miso Soup with Pork & Vegetable Set | 野菜豚肉湯定食.每次來吉豚屋都是點這個定食😋 野菜豚骨湯是重點! 不是單純的味噌湯 而是加入了豚肉和野菜 豚肉令湯多了一份油香 蘿蔔和洋蔥令湯更加鮮甜😍 一定要飲! 這個定食還有兩塊吉列豬柳 脆漿薄而脆 不帶油溢味 豬柳肉質鬆化 加上一配白飯 很飽足☺️吉豚屋是平價版的吉列豬扒店 比較平時$100up 一個定食的的專門店 吉豚屋性價比很高 食物質素不是差得很遠😉

分量够，炸得好松脆，咖喱汁特别浓，发现台面上既猪扒酱同七味粉好正！！！就系鸡肉无咩鸡味。巨峰乳酸特饮就麻麻啦，唔值得试。不过价钱适中，环境服务都好好。下次来lunch可以用学生优惠添。埋单仲送现金券