吉豚屋吉列豬扒專門店

營業中

休息中

朋友話食過一間好好食嘅炸豬排飯，要帶我黎食，就過左黎食😋本身1516諗緊食咩飯好，但見到有碗新推出嘅烏冬，又行到勁熱，即刻就唔諗叫呢兜烏冬🍜都等左一陣先有得食，見朋友碗飯食左差唔多一半兜烏冬先黎到，但好東西係值得等待嘅。啲炸物又真係炸得好好食，可能我少去啲專食炸物嘅餐廳，我覺得呢間真係炸得好好食。雖然個麵包糠粉厚左少少，但佢個粉就算厚都好好食！做到外脆內軟，好食嘅野等耐少少都無緊要😆炸蝦啲肉唔會好實，食落creamy。炸豬柳比炸豬排淋身少少，但口感鬆軟淋滑。炸物浸左喺湯烏冬度一陣，淋左少少，但趁熱食都仲好好食。烏冬就平時食開嘅稻庭烏冬，凍凍地夠哂彈牙。山藥蓉個一pat野其實都幾特別，好有黏性，撈埋啲烏冬食好似日本啲納豆撈飯咁，一個字：正呢碗$69其實都抵食，淨係啲炸物都值回票價。

去到個Waiter話未有位要"出面等"門口有2位坐係度我就企係周邊等冇理由頂住店舖門口跟我之後有1男1女真係企係玻璃門前面我之前個d就走左人開始多我就入去問多次個waiter人開始多你點認先後？要唔要派飛？個waiter先話"你地排隊"咁我最早黎既排邊？你呢度開始排我同對男女講， 後面多人你要排隊啦佢地都好堅持話佢地黎先開始有人走個waiter就叫玻璃門前男女先入我問個waiter點解我黎先反而要比佢地入先？佢話：一開門就見到佢地唔係化？！當初叫我排呢度係第一個而家又話開門見到就係第一個？！咁玩法，佢玩晒啦！！出面等 ... 排隊 ... 一有唔守規矩時就好多爭拗點解要咁懶唔可以派飛呢？咁既服務態度其實好有問題！！！

今日中午好曬又熱，响油麻地搞完啲嘢，肚餓想揾嘢食， 經過呢一間吉列豬扒專門店畀佢嘅櫥窗吸引住。有吉列豬扒、豬柳、蝦同雞扒等等，好多款式，而且價錢唔貴，吉列豬柳定食都只係七十幾蚊，所以就入去試下。一入去，店員就為我探熱，仲叫我用搓手液搓手，感覺上幾放心。 佢仲叫我等食物嚟到先好除口罩。冇幾耐我嘅吉列豬柳定食就嚟喇。 賣相都唔錯， 三塊豬柳份量唔細。 椰菜嘅份量亦都ok，不過佢唔會好似D字頭嗰間吉列豬扒可以任加椰菜同白飯，不過呢個定食只係七十幾蚊啫。先講個麵豉湯，都幾足料， 好多蘿蔔、紅蘿蔔，仲有啲煙肉碎， 不過我個人就覺得鹹咗少少。吉列豬柳個炸漿唔係好厚，而且炸得好脆好香， 恰到好處，唔會炸到好乾身。 但係碗白飯就有啲濕， 乾身啲會好味啲。佢嘅沙律醬汁只得芝麻醬一款，唔會好似D字頭嗰間有兩款畀你揀。下面呢張相就係淋咗芝麻醬同埋豬扒醬嘅樣。七十幾蚊一個定食，咁嘅質素完全收貨。😀

我要作出投訴本人於7/6/2020 下午6時30分透過網上外賣平台買了一套餐，網上外賣平台 錯誤將送餐服務改為自行取餐，因本人工作需要和責任不能前往到貴公司油麻地分店取餐，經溝通後，foodpanada公司不准退款，貴公司亦需要本人親身前往取餐。本人於下班後10時45分到達貴公司油麻地分店，要求取餐。某女職員和男經理告之本人不能取6時30分的飯餐，就算本人有單據都堅決拒絕。本人用信用卡付了款，竟然得不到應有的飯餐，本人已經因為該事件失去了金錢和休息時間，原來貴公司職員是這樣如何對待顧客。本人因此作岀投訴和要求貴公司跟進事件。

近半年的疫情令不少港人取消日本旅行，唯有幫襯一下日本連鎖吉列豬扒過江龍，懷緬一下日本的美食今期SUPER HUNGRY SALE! 是牛肉拼吉列豬扒雙拼丼$69！有原份吉列豬扒size之餘，亦有牛肉作為配搭，加上免費提供的日本紫薑片教人垂涎欲滴。食到碗底仍有充分的牛肉汁，差點想encore

經過油麻地見到八九點依然咁多人食，抱住人食我又食嘅心態就入咗去啦係出色嘅，我哋一行二人叫咗一個滑蛋吉列豬扒飯同一個滑蛋吉列雞扒飯，而我哋一致認為呢間豬扒係比雞扒出色，豬扒來送外脆內鬆化加埋8成熟嘅滑蛋，二個字出色！而雞扒對比豬扒就略為遜色

平日唔多好煎炸野，但今個假期突然心血來潮想食久違既日式炸豬扒，點知幫襯著呢間劣食。叫左三重奏，炸蝦超厚粉，豬肉餅外面唔脆都算，裡面又唔鬆軟，又厚，成舊粉咁。最差係舊豬柳，炸到過晒龍，好深色好硬，連裡面舊肉都係柴皮既。d 飯好硬。得碗湯叫好少少。服務員黑口黑面，眼神不友善。店面同洗手間唔夠乾淨，同對其他日式食店既水準有相當距離。收我＄80，分分鐘樓下間就舊式快餐店都炸得好過佢。邊度先有好味既日式炸豬扒食啊...

旺角係多嘢食，但成日都唔知食乜。 我自己就鍾意泥呢一間，食炸豬扒嘅，佢啲豬扒真係好脆！脆到都見到一條條嘅外殼，唔似一般吉列豬扒，反而我自己覺得太脆好似好熱氣㖭，因為一夾已經有碎片脆飛出嚟，真係好脆但好熱氣。其實我最鍾意就係食佢個泡菜烏冬，因為個泡菜湯底辣度啱啱好，配埋個烏冬好入味，又彈牙，價錢60-70算係咁啦

環境地方一般，坐位較窄枱之間距離唔大服務員態度，服務正常相信近排大家都少左出街食飯，好彩好多食市都轉做外賣。其實外賣炸物好難保持到質素，所以我都冒險一次。黎到吉列豬扒專門店梗係試吓最出名新鮮即炸起既吉列豬扒啦！滑蛋吉列豬扒鰻魚丼雖然個名叫滑蛋，但係雞蛋就整得耐左少少應該叫老蛋，無蛋汁口感一般，但最精彩嘅吉列既豬扒就的確唔錯，外皮脆，內裏豬扒有肉汁，肉質嫩滑，有咬口加上配合鰻魚汁，味道豐富，有豬扒鮮味之餘亦都加入鰻魚香，鰻魚自己本身鮮味，加上獨家配製嘅鰻魚汁令到鰻魚嘅鮮味更上一層樓，只不過雞蛋扣左唔少分。另外加咗一個野菜豚肉湯，洋蔥味濃郁，湯料有紅白蘿蔔，仲有好多洋蔥，食炸野飲返啖湯，感覺上無咁熱氣。😂吉列三重奏加讚岐烏冬🍤🐷🍜三重奏分別有炸蝦，吉列豬扒同炸豬肉餅，椰菜淋上酸酸甜甜既芝麻酱清爽解腻，新鮮即炸起既吉列豬扒外脆內裹豬扒有肉汁又鮮嫩，果然名不虛全！炸蝦都有水準可以一試，至於吉列豬肉餅，我就覺得一般肉餅太淋無咬口，個味又怪怪咁！烏冬夠彈牙，湯底清甜，可惜唔夠熱扣晒分。如果大家有興趣既，一定要試吓最出名新鮮即炸起既吉列豬扒啦！鍾意我既食評就LIKE & SHARE啦！👍🏻

之前同男朋友黎過，想再來吃烏冬。一到就要排隊了，排了大概15分鐘。我就叫了713的泡菜鍋烏冬因為我食量少，吃這個就剛剛好，泡菜的味道少許辣但十分野味，愈食愈開胃，烏冬很彈牙有咬口，非常好吃，我完全連湯整個食哂而男朋友食左吉列豬柳泡菜湯鍋定食，兩塊豬柳配合豬扒汁，汁帶少少酸提升左炸豬扒既香味，亦好脆 非常好吃，試食了兩啖，我都後悔沒有點吉列豬柳食。其實定食其實都可以加3蚊轉烏冬的，下次希望來吃豬扒咖哩鳥冬，看落好似好好吃

今晚完全冇計劃晚飯安排，去到旺角之後就醒起一直都好想試吉豚屋吉列豬扒專門店，今次終於可以試一試。係我前面大約有12至15人排緊隊，初時仲以為要等好耐但係唔夠10分鐘就已經可以入去。（後尾發覺原來佢哋有限時用餐時間，唔怪得知人流可以咁快。）去豬扒店當然要食豬扒啦，因為好肚餓所以飯加底（另外加$9），另外再用$8優惠價+1隻天婦羅蝦 我嘅朋友就食豬柳拼天婦羅蝦。佢哋效率都好高，唔夠10分鐘我個餐已經到。 如果$70-$80有質素絕對性價比，首先完全感受到塊豬扒應該冇落鬆肉粉，因為都幾有肉味同埋唔會過分地滑，咬落去都幾有口感。唯一要挑剔嘅就係上菜嘅時候塊豬扒唔夠熱。另外豬扒底下嘅椰菜絲好清甜，枱上面亦有芝麻醬提供，用嚟配椰菜絲就好夾。反而令我最驚喜嘅係佢嗰碗湯，材料十足，初頭以為係普通麵豉湯，唔知裏便敬足料，有起碼四款以上嘅配菜，紅蘿蔔🥕椰菜，白蘿蔔，仲有豚肉喺裏面。至於朋友食嘅豬柳，本人覺得一般。質地比豬扒軟，但係肉味唔夠豬扒濃。服務方面，會有清水提供，但係都需要收+1服務費。但整體上呢個價錢，加上以上嘅質素，我都覺得係一個唔錯嘅吉列豬扒選擇。

已經吃過下午茶，但又有點餓，所以和朋友二人來試試這家日式豬扒店～吉列豬扒泡菜湯烏冬 ｜果然是吉列豬扒專門店，豬扒又大又香脆😍，而且不是一般麵包糠的炸粉，炸出來一條條的～不過邊邊位置炸粉還是比較厚喔。最意想不到的是泡菜湯烏冬竟然這麼入味，每條烏冬都吸滿了湯汁，吃下去口感很滑溜🤤🤤。還有半熟蛋和蛋白花在湯裡，一口烏冬連湯吃味道相當濃郁和豐富！另外追加了炸蝦，蝦肉不算很大條，炸粉相對上厚了點，也沒有啖啖肉的效果。不過為了這個泡菜湯烏冬，我想我也會再來吃的～

平時就唔多食吉列野，一黎怕佢炸到好dry，二黎又怕熱氣。但鍾意食日式野既我，都經過左吉列屋好多次，之後趁唔係好熱氣就試左次。試左之後就覺得係可以番轉頭再食既餐廳，所以之後都再食左幾次。油麻地呢間比較就腳，喺旺角同油麻地中間，食列飽一飽都可以行番陣消化下。印象中第一次好似係食三重奏。佢既吉列炸出黎唔會好dry，當然炸豬排就冇喺日本食果d咁juicy，但都算炸得唔錯。炸蝦都炸得幾好，炸漿唔會太厚，都唔會炸得太熟。對佢既expectation都唔低，因為如果吉列屋連吉列蝦都整得唔好食，其實就可以收檔。佢個三重奏仲有舊吉列免治豬肉類似漢堡咁既野，免治左，比起肉排就會林身d，口感唔錯。他他醬炸蝦果個，我都食過一次，下次再食先再補番相。印象中他他醬夠濃，量夠多，沾炸蝦再爬啖飯，簡直係享受！下面呢個係最近一次食既，滑蛋三重，重點係加大豚汁。個豚汁第一次飲既時候，直頭有d驚為天人。豚汁喺日本係好普通好家常既湯，但熱辣辣上到黎，材料夠多又出味，有蔬菜香又有豬肉既香，加埋味噌既調味，確實係好好飲又comfort。呢個價錢，加上佢既份量係我每次都差d食唔哂，炸物好食，豚汁如果一路保持到個水準，真係唔熱氣就會

又來了，又來光顧了因本人和太太都很喜歡這家吉列豬扒專門店，每次來到附近這家餐廳都是首選餐廳一如既往的乾淨，很有日式餐廳的感覺餐廳有自助餐具及醬料，包括特色的豬扒酸味醬汁，以及沙律用的芝麻醬本人點了吉列豬扒定食因為這是它的專門店吉列豬扒炸的非常香脆而且大份配合酸味醬汁真的很美味跟餐配了很甜美足料的豬肉麵豉湯及白飯太太點了期間限定的咖哩烏冬吉列炸雞定食這個套餐真的很特別，又有烏冬又有飯炸雞同樣香脆而咖哩烏冬很入味，不錯之選

每逢假日總想到位於佐敦的現時點商埸看玩具。雖然附近食肆林立，但我和先生總喜歡到吉豚屋食炸豬扒飯，日本的食物總是誘人。店鋪內瀰漫著炸豬扒的香氣，坐下後我們點了 吉列豬扒定食 和 咖哩烏冬吉列雞扒定食。先來的是我的 咖哩烏冬吉列雞扒定食， 配有白飯和豚肉湯。炸雞扒香脆， 煙韌的日式烏冬配上微辣的咖哩汁，口感不錯。最喜歡是跟餐的豚肉湯，用上不同蔬菜和豬肉製成， 香甜鮮美。在香港也可隨時品嚐到美味的日式料理，令人感覺幸福。