影片
港鐵黃埔站 A 出口, 步行約2分鐘
繼續閱讀
付款方式
其他資料
嬰幼兒設施
詳細介紹
以上資料只供參考, 請與餐廳確認詳情
在紅磡見完客後, 獨自一人到附近食晚飯,咪來到吉豚屋吉列豬扒專門店。當然點了這店招牌食物( 吉列豬扒定食 )主角當然有吉列豬扒 ,飯,椰菜絲及湯。大大件黃金的豬扒,酥香鬆脆,肉質纖細軟淋,豐富多汁,可惜豬味不算濃,而豬扒底下有大量椰菜絲, 可同豬扒同食, 可減低油膩感。湯是麵豉湯, 並飯也軟Q。口痕痕再想食香口野及加送菜( 特製唐揚炸雞 )唐揚炸雞外酥內嫩,有點似台灣酥雞味道, 肉汁滿溢,可沾點沙律汁更美味。
繼續閱讀
約埋同事黎試下依間寫自己日本第一既豬扒飯吉列咖哩豬扒飯個套餐都幾抵$55送湯或飲品，又話係招牌就試下🍛飯份量都算多，豬扒都大塊，但炸粉好厚，咖哩唔辣送飯都唔錯🍲麵豉湯偏咸，但有好多菜同羅白試多款滑蛋炸豬扒飯，貴過咖哩豬扒飯，但份量少左😑仲叫左個滑蛋吉列炸蝦班塊帶子丼🍤個名真係咁長😅個炸蝦還可以，帶子同班塊層炸粉仲厚過入面個粒😑海鮮緊係貴d，仲要無湯/飲品加左$15試佢推介既放血價特製唐揚炸雞，超乾食左1件就無食，朋友都食唔到最後佢送左$8優惠卷，滿$50用1張，下次再試下其他
繼續閱讀
當黃埔通車之後，我覺得變左好多，先來食個吉列豬扒配烏冬，炸得脆，炸粉太多，下午茶$55來說，我就覺得貴啦！！烏冬係普通，吾彈牙，我就覺吾值呢個價錢，總括來說，吾會encore!下午餐是要加1服務費
繼續閱讀
話說我地聽日就出發去關西十一日之旅～非常期待大阪的美食同shopping😍～係去日本前發現原來屋企附近都開左間日本人氣no.1的吉豚屋!入到去很有日本食店的感覺，佢地的吉列炸物真係好好食，而且價錢都唔貴～另外仲有咖喱、鍋物、定食等。我地點了個滑蛋吉列三重奏，分別有吉列豬扒、吉列豚肉、吉列蝦，炸得唔油超鬆脆，而入面的肉都唔會鞋，很讚👍另外我地仲點了個豚肉山鍋定食，本身要了泡菜鍋湯底，但最後來了壽喜燒湯底⋯不過唔緊要吧壽喜燒都ok，甜甜地很濃郁。豚肉真係堆到山咁高，肉質幾好的，仲有雞肉和蔬菜同配埋烏冬，同樣讚，下次要食返泡菜鍋圓願
繼續閱讀
今日一家五口同我妹見有時間，諗住搵個地方行下。見到依家港鐵有黃埔站，就一於去行下，橫掂都已經好耐冇去過。我本身住青衣，因為有左黃埔站 依家去黃埔好快就去到。但可能我對黃埔真係唔熟，行左好多地方都覺得黎黎去去都係返同一個位咁....好似入左個大迷宮咁...行到咁上上就肚仔餓要搵野食。因為今日已經食過西餐 所以打算今晚就食下日本野，之後見到有個招牌話附近有得食吉列豬，咁就決定一於食佢，信我地可能真係太唔熟路，行左15分鐘先搵到...原來係地鐵站出口附近。一去到見到有幾個人等梗位，我地大約等左20分鐘就有得入去啦。門面望落去好似好細咁，但原來入面都好大，唔會話坐到好迫咁。每張檯上面都會有豬扒醬同芝麻醬。我叫左個滑蛋吉列雞扒飯比小朋友食個飯又唔係好細個，但呢個價錢真係好抵，一碗大約有6件雞，都幾多滑蛋，味道剛好，因為有滑蛋係面所以吉列雞扒面嘅脆皮都已經冇咁脆，但完全冇影響個口感，我2個女仲食到停唔到口，明明唔多食肉嘅大女都話要再叫多碗。我叫左個吉列豬扒定食比自己 上菜時仲係熱嘅，每個定食會跟一碗飯同一碗豚汁，個豚汁十分足料，仲好香味噌味。豬扒唔會話好硬，呢個價錢黎講真係一流，個生菜絲加埋芝麻醬食真係正，又可以清新一下個口。我老公叫左個吉列黃金豚肉餅定食，呢個真係好正，佢個豚肉餅唔係好鞋嘅肉餅，入面而加入少少豬嘅肥肉，所以咬落去好鬆軟，淋淋地同佢脆嘅皮形成一個對比。我妹叫左個吉列雞扒定食，個雞扒一樣好軟滑,又唔會皮肉分離，又係一流之選 。我地仲叫左個唐揚雞塊，薄薄嘅炸粉唔會令你咬到成口粉，雞肉夠嫩口，味道又唔會太咸，加埋檸檬汁就正！巨峰提子梳打 唔知點解係粉紅色，但都幾ok嘅，係甜左少少咁。芒果粒乳酪，真係芒果粒係入面，好香嘅芒果味，但都係甜左少少。呢度食飯真係好平又好味，但只係個服務差左少少，明明我地仲食梗飲梗，佢地已經好趕咁成個盤收走，我妹仲係個盤上面飲梗佢杯野飲時，比個侍應拎起成個盤話要收野....有d趕人走嘅感覺。
繼續閱讀