吉野家 (港鐵上水站)

營業中

休息中

呢個餐呢佢呢本身呢我就淨係嗌咗走菜汁，但係佢就淨係俾咗啲肉同飯完全冇比到啲菜囉！😡然後佢呢好衰，我嗌咗兩個餐，佢淨係比一包甜酸薑片😡我諗緊仲去唔去佢度幫襯😡我已經食咗好多次，我都係第一次遇到佢咁樣😡😡😡

張枱唔平以致倒瀉半杯水，請職員幫手抹枱，佢以我自己斟得太多水以致倒瀉為由，叫我自己搞掂。請佢哋俾牛肉汁，收銀啤住曬，廚房就大聲講粗口。太多類似事件不能盡錄，如果想貼錢買難受，呢間店係不二之選。

點指兵兵點中吉野家速遞，破地獄挑戰極限都好難食下！麵豉湯⭐️水汪汪嗅嗅地一啖掉左去，只不過係麵豉開水都可怕到如此地步。照燒鯖魚⭐️到底如何可幾煮到依種勁腥情度？甘拜下風，請教教我。那有燒過？掃個汁、蒸一蒸、焗一焗，完！腸仔⭐️⭐️似乎太生喇麻？拖拖水就出貨？硬掘掘偏咸。雜菜⭐️白水烚有鹽味，灼一灼？依家洗菜嗎？太生無法釋出甜味，只有青味。泡菜溫泉蛋飯⭐️⭐️⭐️泡菜𢲡埋一注爽爽略咸，份量太少比兩星。溫泉蛋完美，蛋白滑滑而蛋黃濃稠。溫泉蛋洋蔥牛肉飯⭐️⭐️比兒時三十年前真係差許多許多！甜甜牛肉搭洋蔥配濕爛飯，飽肚唔難食，如果撈埋七味粉可加粒星。溫泉蛋⭐️⭐️⭐️照燒雞髀⭐️⭐️雞髀可以跟7-11爭一日之長短，皮油油肉乾，味道陰沉沒鮮味可言，根本沒有靈魂！上湯餃子⭐️餃皮厚硬，餡料乾乾散發草青味，唔知食緊乜！照燒雞肉串⭐️口感勁核突，腍啤啤滑潺潺一劈，味道甜甜像果醬。金菇肥牛卷⭐️室溫牛肉乾到刮嘴，鞋烚烚捲住爽甜金菇。關東煮⭐️淡茂茂水汪汪豉油水浸腐皮蘿蔔竹輪，不吃也罷！

通常嚟吉野家都係食牛肉飯，或者牛肉火鍋，但因為近期食牛多，見到汁燒豚肉丼，就試下啦，再加隻溫泉玉子和麻醬菠菜，仲有跟餐的麵豉湯，變成豐盛的早餐。汁燒豚肉丼的燒汁同豚肉好似唔係好夾，個汁本身冇問題，可能係豚肉索唔到D汁。另外，豚肉冇牛肉咁容易咬得開，肉質比較韌，但都食到嘅，好彩又叫溫泉玉子，豚肉加埋流心玉子一齊食，肉身會較香滑。至於麻醬菠菜，睇個樣都似模似樣，食落口味道都唔差，但咀嚼咗一段時間，完全咬唔開，無奈要吐返出嚟。諗住可能係剛才個紮菜先係咁，食第二紮都係一樣，成碟都食唔到，雖然係$3，但覺得好浪費錢同食材。麵豉湯就一直都係正正常常，唔會太鹹，中規中矩。總括嚟講，吉野家都係食牛穩陣，有名你叫吉野家牛肉飯呀。

这个店好久没有开了，然后重新开张，然后又过关呢，方便准备在这里吃一点东西，真的想不到那个麻婆豆腐那么难吃，41元。，难道他们自己做出来东西都不试一下吗？什么麻辣的苦苦的又不麻，难吃的要命，还不如你就放点酱油煮出来的好吃过它。

我叫咗個肉醬飯，每啖肉醬飯都鹹過一羹鹽，食咗唔夠1/5就扔，不知所謂，一定唔會再幫襯，可一不可再，虛有其表，要懂優劣，有比較才有進步，我地先有好野食，thanksI ordered a meat sauce rice, every spoon of meat sauce rice was oversalted, and I threw it away after I ate less than 1/5 of it. Only by comparing can we make progress, we will have tasty food to eat, thanks

作為一個貼地的食家，很容易有尋找到在身邊的美食。早幾日前往吉野家， 發現除了雞肉飯牛肉飯之外， 還多了這一個牛肉壽喜燒， 感覺用料豐富，而且沒有平常的俗氣， 所以order了一份一探究竟！！這個餐可以配飯或烏冬，另外還有一隻蛋~~如果不要汽水，可以要味噌湯或日本茶！選擇配合都不錯~簡簡單單的~60元內埋單！我個人感覺好好，而且份量大又夠飽！最重要是吉野家分店多，會很易尋到分店來吃！過往對吉野家也是抱著速吃的心，最近見到吉野家多了很多不同款式的餐點，在快餐文化中多了選擇！難得的！#壽喜燒 #吉野家 #食 #快餐文化

以前讀書個陣成日放學都會經過上水火車站，有時放學同啲同學打完波會嚟呢度食個牛肉飯先返屋企，食極都唔厭，吉野家嘅牛肉飯真係好正，啲汁好特別，系出邊食唔番呢個牛肉汁，加上價錢又平，啱晒學生😊

今朝返工前 見有時間淨就去左食吉野家而家吉野家無乜人 隊都唔洗排叫左個早餐 牛肉烏冬唔知係咪耐無食 好好味😋牛肉有3-4塊 仲有2塊嗚門卷🤪🤪加埋杯凍檸茶 美滿既早餐

今日見佢有個$19下午茶，一個細既野菜牛肉飯都只係$19，適合一個人既份量，見佢地有得加溫泉玉子都係加$6，加溏心蛋$8。野菜牛肉飯既菜既份量都唔少，同牛肉好配。以前自己幾驚食洋蔥，但吉野家啲又煮到淋曬仲要入曬佢地牛肉汁既味道。店員都幾勤力係咁清理啲台，所以有人走就即刻清理好比下一位客人坐低。

一出火車站已經見到吉野家，每次無住家飯食的時候，就會好想去吉野家打個邊爐。地點咁方便，當然好多人排隊啦。今日一於入去踫下運氣，竟然有位。😍 最愛去吉野家烚下烚下，享受一鍋獨享的滋味，壓力全消。芝士竹輪鍋，一個細小的鍋，放滿食材，有豆腐、金菇、蟹柳、粟米、南瓜、鮮菇、娃娃菜和芝士竹輪。個人比較喜歡食咗大部份的配餸，煮埋個烏冬，先開始食牛肉。芝士竹輪真係好吸引，軟綿綿，一啖咬落去中間有濃濃的芝士餡，大滿足。一啖肉味濃郁的牛肉，一啖彈牙的烏冬，讚。牛肉醮芝麻醬，絕配。

晚上同先生去食火鍋，一去到就有位坐啦。比較喜歡竹輪，於是加錢要多份$10兩粒 見到佢有個冰震奶茶，加$6試下！ 個人口味 覺得佢普普通通，唔值$6 打邊爐點少得肥牛，通常同先生都一人加多一盒，味道唔錯！火鍋入面有兩舊豆腐，通常我都拎黎撈芝麻醬豆腐配芝麻醬呢個組合幾好！

星期六又陪阿女打完劍，阿女係一個火鍋控，又扭住要去吉野家打邊爐。上水呢間吉野家位置非常好，係火車站度但勁多人。6:30pm 到，好彩有位，但等叫餐等餐都差不多半個鐘。兩母女叫左一個芝士竹輪火鍋，跟牛肉、濃湯＆粉絲，仲有一杯汽水都只係$59（過左年加左$2）。如果有食開吉野家既朋友，應該都download 左佢地個apps成為會員去儲積分。一個火鍋餐可以儲到大約3分，夠10分就可以免費換一份火鍋牛肉，今日我就換左一份。呢個火鍋，最好味既係牛肉同芝士竹輪，另外鍋裡仲有豆腐、豆卜、冬菇、金菇、蟹柳、南瓜、粟米、菜，以唔駛$60係非常豐富！仲有想慳少少錢既朋友可以用支付寶儲下禮卷，今日我有4張$2既禮卷，一次過減左$8呀！$51一個火鍋餐再加多一份牛肉，實在太抵！兩母女share 一個餐其實就唔係好飽，但兩個餐又食唔哂，食完呢餐再去第二度買甜品食！

同老婆行過吉野家，有少少肚餓，就入去食個tea。三十元都唔使就有得食，當然份量唔會好大。 我叫左細烏冬，兩塊雞同可樂。老婆就食牛肉飯。味道當然是意料之中，無太大特別，不過呢個價錢都算合格。 呢間分店比較迫，各位要注意。

吉野家嘅牛肉飯就食得多，今日決心試下新野 😂 叫左個蘑菇忌廉雞飯堂食，加配抹茶紅豆冰。 特飲只需加$5都幾抵飲。煎雞就同平時一樣，不過因為配忌廉，冇落雞汁。可能冇落汁，啲雞個皮仲喺脆身嘅，煎得唔錯喎。蘑菇忌廉汁方面，忌廉幾香濃嘅。但啲汁相對地傑身左啲，變左唔夠汁撈飯， 建議可以調番希少少撈飯會更香。蘑菇份量都幾少，得幾片仔，唔夠喉。紅豆冰嘅抹茶味幾濃，不過有嘅苦，可以接受。紅豆就好甜，同埋唔夠淋，仲喺好硬身。