吉野家 (港鐵上水站)

營業中

休息中

吉野家-下午茶：迷你牛飯·薯角·茶/汽水唐揚雞塊（hk$25)/炸雞翼（hk$27)好耐無去過吉野家啦，原來而家佢既下午茶有炸野食（賣飛佛）😍，有牛飯有薯角有炸雞仲有野飲都係$25咋😱😱唔好比我張相呃到，其實碗飯係比個杯大少少嫁咋，真係迷你飯來，但係薯角份量唔少呀，炸雞都幾好食，雞翼就好脆身😋加加埋埋都好豐富，好滿足🤤🤤重點係$25•$25•$25!抵到喊出黎，唔怪得未夠3點就開始排長龍。—------------•🈵🈵🈵⏺⏺可以encore•---------------

早排食肯德基嘅時候已經發現出咗牛肉飯，個飯仲似十足吉野家，諗起好耐冇幫襯吉野家，就去食返餐唄～我萬萬想唔到，肯德基抄吉野家時吉野家都抄肯德基😂😂😂竟然有蘑菇飯！真係笑咗，睇嚟我真係太耐冇幫襯喇～哩個蘑菇雞排飯嘅蘑菇汁同肯德基嘅一模一樣！真係絕呀！仲多左塊雞排，正👍🏻招牌牛肉飯可以加溫泉玉子，簡直係錦上添花😋😋😋😋😋不過牛肉比以前少咗，同埋飯入面一啲汁都冇，要另外叫一碗汁先得。三文魚蟹子飯而家原來有得揀要唔要中間嘅芥辣，好貼心呀👍🏻估唔到幾年間吉野家有咁大變化，真係要定期幫襯吓，更新吓資訊先得喇！

除了和式早餐外，吉野家也有提供較港人接受的洋式早餐，這次選了吉列魚柳。魚柳都算鮮味，外層脆脆的，魚肉也嫩，不錯。而奄列蛋也做得很滑，很易入口。整體的表現也不俗。

如果得一、兩個人想打邊爐，就必定選擇吉野家，一年四季都配合到我的需要今日想食櫻花蝦海鮮鍋櫻花蝦海鮮鍋 $69.9，可選擇濃湯/清湯，另肉類可選擇牛肉/雞肉，還有烏冬/粉絲俾我選擇添我選擇了濃湯+烏冬，因我比較喜歡，來到吉野家當然要配牛肉啦當我將食物拿到枱時，店員姐姐會幫我用小爐仔加熱，稍等幾分鐘待湯底滾之里，就可以先淥一淥牛肉食(配麻醬很好吃的)，隨後就鍋子內的食物亦已慢慢開始熟起來了，主角櫻花蝦亦可倒進小鍋子了，櫻花蝦好香，蟹柳又好味，又有南瓜、豆腐、粟米、冬菇、大竹輪、菜，最後食埋碗烏冬，真係好飽

呢間係上水站既吉野家真係人頭湧湧，超級多喼人，餐廳又不是好大，搵個位都真的有難度，今日又幫襯吉野家食下午茶。仍然是細牛飯，今次覺得佢啲汁不夠大，個飯好像乾乾地，就問佢地額外多拿一碗汁，加了牛肉汁真係不一樣，汁較多令味道也多了一分，這碗洋蔥不夠熟，生生的，咬時感覺硬，就算加了汁也是麻麻地，牛肉份量不算多（下午茶$22，算了吧），牛肉仍舊好味，因為加了汁，令牛肉更有味，牛肉不un，但有一點鞋口。餐飲配上不用加錢的綠茶，滾水熱辣辣，雖是茶包，但是味濃！這間吉野家還是外賣較好，人太多！

唔到你唔服, 上水百物騰貴, 廿幾蚊下午茶快靚正, 問你邊到搵.是日外出, 傍晚時候, 青黃不接, 食得太豐富, 略嫌飽膩, 若是吃得太少, 又未覺滿足, 惟考慮荷包要收支平衡, 又要考量食得安全, 非吉野家莫屬.下午茶, 細牛飯連熱茶, 只賣廿二蚊, 就算我去開既點盅皇都未得. 當然你會話, 無得比, 人地鳳爪骨多功夫, 吉野家一個汁走天下, 你可以咁講, 但吉野家食品質素穩定過多多聲, 我覺得呢樣都抵番.加上佢外賣乾脆利落, 汁還汁, 飯還飯, 我就最中意呢種服務.加上店上年青人員工, 手腳快, 又有禮貌

天氣凍凍地，好想打邊爐。約左男友去吉野家一人一鍋，好抵食。芝士竹輪鍋 ($53.9)&珍寶蟹棒藍青口鍋 ($66.9)，都係揀左雞肉濃湯烏冬。另外加配左餃子($8.5)&午餐肉($9.5)。我中意辣湯底，所以拎左2包乾辣椒放入湯底，勁好味(PS: 中意食辣嘅可以試下)芝士竹輪鍋 ($53.9): 整體好美味，我覺得如果芝士竹輪有多一粒或者可以加配就更好啦。珍寶蟹棒藍青口鍋 ($66.9): 巨型蟹棒有2條，真係好巨型，個鍋都裝唔落，不過都係普通蟹棒好味啲。青口有4隻，不過不失，無特別。午餐肉下次唔會叫，都係會叫番墨魚餅🙈因為滿$120，汽水免費升級，仲送左本2017月曆。6點半去到都易等位，等左5分鐘。落單之後等左10分鐘左右先有得拎。仲有漏單，漏左加配同個芝麻醬。之前試過個鍋唔齊野，所以記得要打開個蓋check左先😎

因為今日中午嗰餐食得唔係好飽嘅關係，所以我們去咗上水站嘅「吉野家」食下午茶！我們叫咗牛肉昆布烏冬！牛肉昆布烏冬嘅湯底味道比較鹹，烏冬都幾煙韌彈牙，牛肉嘅脂肪比例比肉仲要多，所以感覺好油膩，但肉味都幾香濃！

嚮應熊本地震救援，去左吉野家支持下 叫左特盛牛肉丼外賣連汽水 吉野家牛肉 真的好有牛肉味，新鮮味濃，配合香甜牛肉汁，洋蔥又腍又入曬牛肉汁味，牛肉與洋蔥充份相配，白飯粒粒浸入牛肉汁，正

幸福的是，早了上班，去吃個brunch，過了11點仲可以叫早餐排隊等得有點耐，其實人5係多，前面得一個人，但那個是日本人，在說日本語。班師奶級店員圍住佢都搞5掂，麻煩Yoshinoya免費俾員工定期去train少少日本語，始終都係日本餐廳叫了A3 未試過喺吉野家食米粉，好期待! 杯奶茶好夠奶，濃又滑，好飲，提神個米粉令我失望了，超淡，用水煮嗎？ 我唯有去counter拎左個牛肉汁同七味粉!麵質就5錯，彈牙，爽口!塊漢堡好入味，豬肉味濃，麥記style!紫菜都5錯，海苔味都出炒蛋不得不讚!好鮮好嫩滑!蛋汁流出，一塊工整嘅炒蛋，無焦只有鮮鮮的黃色，蛋香濃，應該帶點奶，香草粟米蘑菇都5錯，香草令個粟米更甜更香，蘑菇的味道更突出，乾身!蟹棒白烚，本身味道就不錯，5駛整色整水

今天我和男友去吉野家吃火鍋，晚上6:15分很容易便找到座位，不過火鍋落單後等了接近20分鐘左右才送到我面前，對於快餐店，感覺有點太久。我叫了芝士竹輪鍋（日式濃湯，雞肉，烏冬），我男友叫了帆立貝龍蝦湯鍋（雞肉，烏冬），飲品我叫了百事。芝士竹輪鍋方面，鍋內有冬菇，金菇，粟米，豆腐，娃娃菜，芝士流心獅子餃，腐皮，蟹柳等，另有雞肉和烏冬。雞肉方面，雞肉有8件，每件size適中。味道方面，雞肉很白很滑，肉質鮮嫩，味道不錯！烏冬方面，之前吉野家是提供1包未開封的烏冬，但現在轉了1份煮熟了的烏冬。味道方面，烏冬由於已經煮熟，再放在鍋內加熱後，口感有些太淋，而且不入味，味道一般。冬菇方面，冬菇雖然size比較少，但十分入味，味道不錯。豆腐方面，豆腐都是太細件，而且十分易碎，但都算有味道。蟹柳方面，蟹柳有2條，都幾入味，味道不錯。腐皮方面，腐皮太細塊，但都十分入味。日式濃湯方面，濃湯味道不錯，令到食物能入味。帆立貝龍蝦湯鍋方面，鍋內的配料和芝士竹輪鍋的一樣，只是多了1粒帆立貝。龍蝦湯底味道太淡，日式濃湯味道比較好，帆立貝味道都只是一般。價錢方面，芝士竹輪火鍋$52.9，帆立貝龍蝦湯鍋$64.9，總共$1

一向欣賞吉野家嘅出品，每年幫趁次數一定係云云連銷快餐店之中最多，一年起碼都四至五次，特別係早餐同下午茶，二十幾蚊嘅牛肉出前一丁係我覺得佢地最抵食嘅食物。今日天氣顯然轉冷，晏晝想食碗大飯暖胃，途經上水地鐵站，又未夠鐘做野，本來想去石湖墟食义燒飯嘅我，突然轉軚入左入吉野家。不嬲都有食佢地嘅大牛肉飯餐，叫嘅時候望倒佢地個温泉玉子嘅介紹相好省鏡，加左隻，收銀話: 『先生HK$42.5，唔該！』突然好感慨，依家食個吉野家套餐都超過40 蚊喇，真係生活艱難！温泉玉子牛肉飯餐雖然覺得吉野家貴左好多，但我依然覺得性價比好高，蛋係分開上嘅，大家睇下碗飯啲牛肉幾咁多，未煮果陣估計有200克以上。佢地用日本面豉做嘅秘制醬汁非常香甜，同牛肉真係天作之合！講下隻温泉玉子先，蛋味好香，但做得就差少少，正宗温泉玉子應該係蛋白形態流質，而蛋黃會熟小小，呢度嘅蛋白唔多夠『流』，效果唔太理想。上圖係嚟自一家名氣日本料理嘅温泉玉子，大家可以比較一下。餸講完，輪到啲飯，好香，好滑，好軟熟，好有飯味，高班過街外大部份酒樓同菜館嘅所謂香米好多多多........其實碗飯真係好鬼正，特別係天寒地凍嘅日子，好過食件16安士嘅安格斯牛

一直覺得吉野家的午餐還是不錯的選擇最愛的就是東瀛牛肉面了，尤其是在天氣微凉的時候，熱騰騰的一碗面條，配上鮮嫩的牛肉，外加半颗卤蛋....吃過再搭上溫暖的濃湯....對了，怎麼能不提到最愛的海藻呢⋯鮮美爽口

今日一大清早，過去上水搞d野，未食早餐就出門，坐左成個幾鐘地鐵，肚快扁，一落地鐵站，見到有野吉野家係正地鐵欄口度，我緊係快快入去醫肚先啦！我嗌左碗牛飯，朋友就嗌左米粉跟蛋午餐肉同牛肉的！有埋杯汽水，兩個加埋都只係$51，好平！平時食茶記，坐得吾舒服一人早餐都大概三十！幾時都話吉野家最好！我杯飯份量應該同下午茶份量一樣？吾係大份，但食落都岩岩好，好喜歡它嘅米飯，圓圓又軟軟，一粒粒加埋牛汁熱辣辣好好食，吾知係咪我肚餓嘅關係，好好食！食完飲埋杯汽水岩岩好！爽丫！朋友嘅米粉餐我就冇點試，但我都食左少少蛋同午餐肉，蛋好滑，少少吾熟咁，好味，午餐肉就很林身，我喜歡林身食物，所以我都中意！一大早，食到好食嘅早餐係一天的好開始，吉野家早餐絕對係又平又好食嘅吾錯之選！

工作中午餐好多時都打仗咁，今日上水做做下嘢要快食！附近最近吉野家，入去先叫餐，再到另一邊攞餐，再搵位！地方其實好細，桌椅好迫，裝修一貫橙色主色，好搶眼！牛肉飯（細）：牛肉薄身唔韌，份量多，珍珠飯吸晒牛肉汁嘅味道，唔會好咸，略濕！飽滿好味！雖然話細，食完都好飽！跟餐7-up:天氣熱，忍不住叫汽水，夠凍夠汽！正！子薑：其實子薑先係我嘅主角，獨立包裝，酸而不辣，又唔會好韌！好味！店員好爽手！落單攞食物5分鐘攪掂，食埋都只係20分鐘！食晒大堂店員已經即刻來收盤，好有效率！