吉野家 (已結業)

由唔知幾時開始，呢間吉野家成為咗我同另外三個女仔朋友每次聚會必到的餐廳，又平又抵食，而且一人一鍋可以慢慢邊食邊傾計，岩哂我地呢d咁長氣既朋友，曾經想轉餐廳但最後都係選擇番吉野家😂👍🏻每次都必點日式濃湯烏冬配肥牛，肥牛點上芝麻醬超好食！通常都會加其他配菜，例如娃娃菜、響鈴、水餃等，認真食埋個烏冬就已經好飽。不過唯一呢間吉野家有個要改善的地方就係餐廳位置在地庫，令手機收唔到訊號，不過這個原因都令我同朋友放下手機認真傾計😆

到咗三點三嘅時間，想食少少野突然諗起吉野家有下午茶😋份量比較少很適合三點三又可以醫下肚👍係唔錯嘅選擇😋下午茶餐有凍豆腐一小件，一碗白飯加少少牛肉再跟兩件炸雞👍$20的價錢值得一試😋

其實吉野家打邊爐都真係幾好食，CP值好高。雖然食物既質素未去到好高，但係咁嘅價錢算係咁啦。 湯底都有幾款俾你揀，因為想食到最後個湯都可以飲，所以我今次揀咗清湯。唔夠食仲可以追加唔同配料啱晒大食既我

講到最好味ge一人火鍋，一定係非吉野家莫屬。🤤 第一次去旺角朗豪坊附近嗰間吉野家， 唔行都唔知佢下面空間係咁大。所以2個人都好易揾到位。👍一人火鍋淨係得番“雙拼“肉嘅火鍋，有整牛肉同雞肉。(明明記得之前係可以揀淨係雞，或者淨係牛。。🤔) 不過唔緊要，雖然價錢貴少少，但係極度肚餓下都食得曬。食吉野家火鍋一定要叫韓國粉絲。😍 吸曬啲汁極好味， 又或者用麻醬撈嚟食。💕 個鍋細細個，但係份量好多，入面有好多料。正。👍總括而言，下次都會去e間鋪食，食物好，多位坐又有洗手間。👍

放工行行下，突然間好想打邊爐！就同自己黎一個約會！一人火鍋！初初覺得一個人打邊爐真係好毒！慢慢發現！其實冇人同你爭食！靜靜地打邊爐都係一個享受！雖然食到既種類不能太多！一碟一碟叫又會太貴！所以喜歡一人火鍋！每樣都有少少！可以滿足晒我所有願望！諗起一人火鍋就自然會諗起吉野家！份量一定夠飽！去到見到新出左蕃茄海蜆鍋！就決定試吓啦！一打開個鍋、見到有好多蜆同海鮮！😍😍😍😍其他配料都好吸引！識食嘅當然要食牛！最後用個充滿海鮮同牛味的番茄湯你係煮烏冬！超級yummy !

吉野家邊爐一直係平令正之選💓我最鐘意佢地日式濃湯 同 芝士竹輪👍🏻鐘意食辣既朋友，可以問佢地拎2包辣椒🌶️片放落塊，之後個湯會仲正😋今次發現個餐可以同時配肥牛同雞，岩哂大食既朋友仔。但我覺得今次既肥牛偏肥，食幾塊就好濟😖反而雞件嘅質素一路都好好，食咁多次都好滑👍🏻

新年在朗豪坊睇完戲就去附近的吉野家食下午茶。見到出咗新食物～$55海鮮龍蝦湯泡飯，一向鐘意試新野既男友叫咗黎試首次講下湯底，龍蝦湯湯底其實同m字頭快餐店無分別，然後個泡飯都硬硬地，好似煮得唔夠耐咁，海鮮硯肉較霉身，青口一般啦，不過蝦就好味啦，特別是蝦好爽口好新鮮的感覺（真無估唔到）其實同款龍蝦湯泡飯有一款較平少少，$50但好似少咗蝦？我都無特別留意，因為見差$5就叫咗個高級款食下總結：可以唔洗特登去試，一般的感覺，湯底無特別，海鮮普遍唔算太新鮮，老實說唔值喱個價

吉野家係我最愛既快餐，牛肉飯始終係主打，我鍾意食牛肉飯加大量牛肉汁，牛肉汁先係最重要，冇牛肉汁我食唔到飯，價錢點加點都要食，唔食唔安樂，仲有個火煱，甜是油底係必食

晚上收工突然想打邊爐 但又唔想去任食旺角的吉野家幫到你喱間吉野家出名愈夜愈多人 是不少收夜人士的飯堂兩位少女叫了一個火鍋share食芝士竹輪+濃湯 有牛有雞有烏冬怕唔夠食 追加娃娃菜 金菇 韓式粉絲埋單唔過一百蚊 又能享受下烚吓烚吓個鍋其實是一人份量 但share都可以芝士竹輪都有幾粒 食時要小心好易會燙到嘴雞肉都叫不錯有半碗的我覺得加上濃湯底先夠味如果叫清湯可能真會有點淡慢慢食無人會趕你走其實都好 是一個宵夜的好選擇此外 晚上店員真的好忙但都好盡責見我地叫鍋 好快就俾爐我地我地想加湯 但見自助湯壺又無哂湯佢地好快手就去refill 真是要讚一讚

終於收爐啦，呢排頂頭果個放假，黎左個乜都ASAP既接手，煩到呢，每個email都asap，實有咁多隻手做得切啦。不過作為冗員既我，又點會對呢d email上心，夠鐘就收工啦，仲磨咩🤭約左朋友收工逛逛mk，但事業心重既朋友就仲未收工，咁我就打個底，食個下午茶先。吉野家下午茶好似去到5.30定6點，時間真係岩岩好，比我買到。因為我對牛肉容易敏感，咁 野菜煎雞米粉加溫泉蛋 幾乎係我每次必叫既。雞肉滑嫩，温泉蛋半生不熟，正。

星期五喺旺角行街行到見肚餓於是打算平平地叫個吉野家下午茶食下 今次我就叫咗個豚肉飯食， 另外再加多杯茶碗蒸我作為牛肉汁嘅愛好者，我係無論食牛肉飯定係豚肉飯都會額外加多碗牛肉汁嚟撈飯食個豚肉飯個汁甜甜地咁同啲豚肉都幾夾，唔錯嘅，份量睇落唔多但其實啱啱好唔會有飯太多餸太小嘅感覺個燉蛋初時睇佢個menu 係用一個黑色嘅瓷器裝住啲燉蛋嘅，點知嚟到竟然係個 膠兜仔 老實講 有啲失望囉咁之但係個蛋食落去都好滑嘅，材料都算足，有蟹柳同其他配料係入面，不過味道就爭啲啦，應該係蒸蛋落嘅高湯唔係好夠味

今時今日物價騰貴，想搵間價廉物美的茶餐廳，食個下午茶實在非常困難。突然想起還有一間用廿幾蚊就可食到的吉野家牛肉雜菜飯，連一杯綠茶。牛肉汁和洋蔥包往飯粒，很簡單很平凡，但卻又很美味，在這物價高漲的年代，的確是物有所值。

有啲肚餓之下入咗吉野家食下午茶佢個茶餐大約$20左右有一個細嘅豬仔包 仲有個盒裝住啲煉奶有一個芝麻豆腐 芝麻味好香。我最鍾意食呢個同埋一碗迷你牛肉飯其實個份量又唔算好多 不過算係每樣野都有少少幾得意 亦都幾好食我就鍾意將啲豬仔包加練奶咁食～已一個下午茶咁既價錢真係好ok

煎雞粒昆布烏冬 $30又到月尾🤦🏻‍♀️要慳啲食都唔係冇辦法🙇🏻‍♀️湯烏冬是小編我的下午茶首選‼️雞粒煎得剛剛好😋配埋清清地嘅昆布湯❤️簡簡單單又一餐😂絕對係月尾食平啲的好選擇💸

又到冬天，係時候去吉野食打邊爐啦!冬天食吉野家真係要預早啲去霸定位先，因此六點過左少少已經Full曬啦，真誇張。今次食左珍寶蟹棒龍蝦湯鍋，當然係配左肥牛同烏冬，飲野加錢轉左綠茶紅豆冰。綠茶紅豆冰得個甜字冇咩茶味。珍寶蟹棒超超超長，仲長過個鍋裡面啲料都係果幾樣...豆腐， 蝦， 芝士丸， 粟米，娃娃菜 ，冬菇， 南瓜，好豐盛啊。龍蝦湯底幾濃郁，唔錯肥牛就中規中距啦，而烏冬配上麻醬簡直係絕配啊!