吉野家 (已結業)

物價高企，但吉野家下午茶都依然係咁平，$16起有交易。堂食了雞粒昆布烏冬，再外賣了兩個下午茶雞飯 + 餃子雞翼 ($12)雞粒昆布烏冬超好味，個湯唔會好咸，加埋七味分好好食。烏冬超煙韌，並不是那些cheap cheap udon。雞粒數量不少，仲有一小舊竹輪同日式魚片。加多兩蚊轉凍檸茶，唔洗廿蚊就食到飽飽。雞飯水準依然，但嫌汁唔夠多，下次一定要叫佢俾多d汁。餃子雞翼好細隻，無骨，中間釀了豬肉餡。味道不錯。

甚少在吉野家堂當食，難得堂食，當然要食只限堂食ge 蟹子三文魚飯啦。要了R4 蟹子三文魚飯餐，加一蚊要了凍檸茶 ($28)。賣相好靚，一半深橙色蟹子，一半淺橙色三文魚碎。兩者份量也不少，將佢地撈埋一齊...再加d七味粉...好好味，蟹子新鮮，咬落pok pok 聲...三文魚碎也新鮮，一點也不腥！望落以為會好乾或者好淡，但其實好夠味又唔乾...因為飯底有d汁，只要撈o個陣記得由底撈上面就會好好味o架喇！

２００８／３／１６　宵夜看完戲後，肚子有點點兒餓，就和朋友來要了一爐二(人)食。鍋子細細，材料有2件甜腐皮﹑2件豆腐﹑半包烏冬﹑2塊鳴門卷﹑1件芋絲及少許邵菜紅蘿蔔；肥牛肉是另上，肉較肥膏的多( I LIKE)，灼熟後，牛肉有肉味﹑肉質彈牙，再點那個芝麻醬汁，嘩﹗無得頂~~~好好味呀~~~每人也有6-7塊，份量是意外的多了。再有半大碗白飯，送下餸送下芝麻醬吃，美味。加了$6要椰果實治，解渴之選。湯底也不可錯過，清清地又甜甜地(應出於甜腐皮)，絕不油膩啊。全埸人不多，幾乎是女生，也是自己吃一個鍋，好受歡迎呢~~

上次三口子去吉野家打邊爐，點了我愛吃的泡菜湯底，惹味，這間的材料很足，排得很美觀，烏冬的口感不錯，愛上肥牛點芝麻醬！加上大白飯真是飽死。這間分店間格整齊舒服，服務不賴，快、有禮。

連續吃了兩餐吉野家牛肉飯，發現近排吉野家的味精和鹽下得比以前凶。吃完超級口渴！第一餐係$39 的野菜牛肉飯（配韓式泡菜，凍冰冰的「味噌鮭魚」，以及汽水）第一餐係$27 的「R3 細野菜牛肉飯」（配韓式泡菜和熱綠茶）。那味噌鮭魚太鹹，亦凍冰冰，下次都唔會再點。

on site visit 後，回到MK，走這間吉野家吃份勞工午餐\。週二中午，唔算多人。點了客「鮭魚蟹籽飯」，跟餐\（味噌湯、韓式泡菜、汽水），賣$37，至少吃得飽飽。這個飯係我至愛，因為煮熟的鮭魚去骨拆肉，配上蟹籽拌飯，就算唔落味精豉油，都應該好好味！若果可以俾我pack 番屋企食，就更perfect。（當然，我都明白基於衛生問題，只能堂食的理由…）

看雜誌說吉野家最抵食又好食，openrice內食評也不錯。琴晚拉埋阿媽同我去食。濃湯同泡菜湯底各一。濃湯好甜，甜到有點怪，令到所有食材都變得甜甜的，好怪。泡菜湯底好得呀，微辣，味道濃過濃湯，好似有d肉汁底；放於頂ge泡菜很惹味。三角形豆腐卜好過中式o個d好多，比較淋身，易入味，帶少少甜。豆腐好滑有豆味。鮮冬菇係一流，吸盡d湯ge精華，好鮮又淋，只可惜只得兩大粒。烏冬超得，不是美心或大快活那些cheap 烏冬。好煙韌好彈牙，仲係煮幾耐都唔會變淋變胡，好好呀！肥牛，包裝骨子過大快活多多聲，用膠盒預先pack 好，新鮮。不過我o個碟就比較肥，阿媽o個碟均勻d。仲配埋碗白飯，真係飽到加零一，好抵食。加了$6要了杯椰果賓治，好清爽，勁多椰果，抵！環境都好，唔太嘈，又寬敞，坐得好舒服。服務都唔錯，起碼夠快。食物未黎，已送上兩個爐；問佢攞杯水加，又好快咁送到黎。還要一讚係個爐，好夠猛，又易點燃，唔會好似大快活o個d咁點極都唔著。