吉野家 (已結業)

其實自己不嬲都幾鍾意幫襯吉仔，牛肉飯、雞肉飯同雜菌泡飯都幾好味。不過今次吉仔推出嘅「千奇百趣」牛肉飯，我就真係幫襯唔落喇！首先一絕嘅係－－－芥末野菌牛肉井 ($35.9) 連飲品聽個名好似幾好食，點知當收銀姊姊一捧個飯到我面前之時... ...哇！！咩黎架？成PAT外星人口水咁嘅？登時未食都飽左一大半。D芥末沙律醬同D牛肉呀、雜菌撈埋晒一齊，陣味唔夾都唔緊要，D醬仲要多到LAM住晒D飯，搞到D飯濕晒，總之好奇怪，都唔明點解佢地可以諗得出咁樣嘅配搭。隔日，唔份氣，又走去幫襯多一次，不過今次試芝士牛肉井 ($35.9) 連飲品。諗住芝士同牛肉點都會夾D掛，點知都唔好得幾多，幾種芝士硬崩崩咁撻係D牛肉片上面，好似搭台咁。唔掂喎。雖然味道無芥末果個咁古怪，但比我揀，都係寧願揀返最BASIC嘅牛肉飯穩陣D喇。都係果句啦，出奇不等於制勝，都係新不如舊好。著衫著鞋都係一樣姐。

星期五的晚上一行五人來這兒食Shabu Shabu 日式火鍋(粒粒番茄湯) 5個人食4個,都係牛肉,一個飯及三個烏東.....4杯汽水,全部可以免費加大(22安士....GOOD!如果唔係可能要再買嘢飲)不過有加嘢,包括蟹棒,牛肉,蘑菇包,水餃等....OK飽!打打下唔夠湯,可以叫人架...仲要求比埋蕃茄粒我地(要求先有)個人認為佢比人地的和風紙上燒更好食....HEHE!

成日都好想食吉野家個火鍋，但衰在淨係得晚市有。咁啱呢日阿媽唔煮，於是就去食吉野家。每人都要了蕃茄湯底火鍋，配烏冬。服務員好快就會攞個已經點著嘅爐過黎，其實都幾危險，佢地有時仲一次攞三個。如果上枱之後點火會安全d囉。打開黎睇睇生，好似好多料咁，不過好凌亂。烏冬另上。有南瓜、鮮菇、豆腐、蟹棒、芋絲、年糕福袋、菜等，年糕褔袋texture 好搞笑，黏黏地。不過湯較少，都浸唔過材料。不過煲煲吓就多咗好多湯。湯底不錯，都幾濃，又好多蕃茄粒同昆布。如果唔夠湯，就可以自己出去攞壺湯入黎加，仲有清湯同濃湯。我地都試咗濃湯，都幾好味喎，甜甜地。相反蕃茄湯嘅添加就無咁滑，蕃茄茸座底，所以味道好淡。烏冬好味道，不過唔算太彈，可能因為煮起後太耐，焗住，所以淋咗少少。不過整體都好好，好夠飽又好味。

新出的蕃茄湯酸酸甜甜好開胃，真係有蕃茄粒架！鍋裡面配料有 蟹棒*2、菇*2、粟米*2、南瓜*2、豆腐*2、芋絲*2、似豆卜的東西*2、金菇、年糕福袋 (煙煙韌韌幾好食)。跟一碟牛肉+芝麻醬～不喜歡吃牛肉亦可以改做煙肉，煙肉都唔錯！芝麻醬要黎點牛肉/煙肉都好好味！可選配飯/烏冬/日式粉絲 (日式粉絲之前食過覺得不太好食，好粗身的，怪怪)。Shabu Shabu叫滿$98，仲可以免費轉大杯裝汽水。鍾意甜湯的話，都可以試下叫蕃茄湯底，之後再自己加甜湯。店裡面有一壼壼的湯可以自己拎去加，蕃茄湯+甜湯都幾好味！歡迎到以下連結瀏覽更多http://www.talk2day.com/forum.php?mod=forumdisplay&fid=68

6-11-2010(六)今日真係好好好好凍!!!!!!!!!!!!!!!!!!即刻去打邊爐~~又係去吉野家,已經係第5次啦~~ 哈哈哈! 太鐘意食~今次又又又係叫左濃湯~好鐘意食個蟹棒~~! 正..!個粟米都好甜~D牛肉點埋個芝麻醬完全係PERFECT MATCH!最後個烏冬先係重點! 吸收曬D濃湯!!! 好好好好好食呀!

今天我們甚有興致去吉野家打邊爐,可惜想食的時侯已沒有供應了.而店方轉了另一系列主題,就是”味自慢 鐵板芝士牛燒肉定食".這個主題我們都有興趣(轉呔轉得好快XD),於是到市區算清靜的太子分店,六點半鐘人客量仍不多,我們先去水牌前研究再點埋餐最後才慢慢看坐哪裡都仲可以!餐食亦好快就有,我們分別點了兩款,第一個燒肉定食,$48是最貴的全包宴.主食包括牛肉一大抽,少少粟米,青紅椒和洋蔥雜菜.配套是一隻雞蛋(店方注明”消毒”左),一杯泡菜,一杯馬蘇里拉芝士 Mozzarella Cheese及巴馬臣芝士 Parmesan Cheese和大半碗飯. ..對了,還有碗汁!等店員拿個爐來,點火放埋塊鐵板上去就開動(玩)了!由於鐵板傳熱極快,老友亦快快手將成抽份量的牛肉攤開哂,響板上煎呀煎,炒呀炒.好快牛肉己全熟了,拿走牛肉再將配菜放入炒,因為不知道隻雞蛋的用處,我提議打蛋到雜菜中!不過板太熱關係,蛋響在幾秒間幾乎變成蛋乾!這時候我們將成劈菜連蛋碎剷起,呼~救蛋成功.一頭手忙腳亂後,分配好份量就食得.本身都幾鐘意食吉野家的牛肉飯,重點是店方用的牛肉並不過肥,肥膏量不多可輕易咬走,特別是個飯汁十分好食.至

知道吉野家出了「盛夏.透心掛烏冬下午茶系列」，但一直就唔啱時間試。今日終有機會一試。旺角店230才開始下午茶。去到時2:20，店員話要等多十分鐘先有。好在有免費報紙喺身，睇兩睇就過咗十分鐘。一到下午茶時段，大家都湧去counter買食物。買了碗麻醬雞肉冷掛烏冬。預先準備好晒，一落單就出餐。雞肉切成方粒，細細粒，不過比較乾身。有一碗麻醬自由加落烏冬度。烏冬面有蘿蔔絲、青瓜絲同紫菜絲。烏冬溫度溫溫吞吞，不冷也不熱，完全feel唔佢poster 中的「透心涼」。溫暖嘅烏冬，分數大減。烏冬一貫地煙韌，很有咬口。麻醬味道也不算濃，也不算特別香，跟在Sogo 那些超市中買到的相差不大。

成日食牛肉飯,今次試下叫左個學生餐雞飯D雞外皮煎到脆脆地,幾好味WOD肉就OK嫩,好味我加埋牛肉汁落去食點知俾朋友笑不過D菜就麻麻地啦,食落冇乜味,好淡可能我平時食開重口味GE野啦

告野家最近新推出了款粟米濃湯烏冬套餐（可跟煎雞或者牛肉），在早餐及下午茶時段都有供應，喜愛試新嘢的自己，當然要試下啦。在這兩款套餐中，以跟牛肉的比跟煎雞的好，因為告野家的招牌牛肉是和個粟米濃湯烏冬分開上的，d牛肉同d洋蔥唔會因為浸在湯裡而變味，但係如果跟煎雞的話d雞就會連烏冬一起上，d雞皮會唔再脆，而且平時同d煎雞一齊上的雜菜也會沒有了。講番個烏冬，因為係粟米濃湯的關係，所以個湯係幾好味嘅，充滿粟米湯的甜味，而且都算幾濃，不錯！而除左有d粟米之外，仲有一塊日式魚片做配菜添，料雖然唔係多，不過加埋煎雞或者牛肉就差唔多啦。至於d烏冬，份量唔算好多，而且浸得較淋，唔夠彈牙，水準只屬一般。不過以$20的價錢，同平日食開嘅茶餐廳、快餐店以至茶樓食到有dd厭的例牌早餐相比，呢個早餐都算幾另類同特別嘅，假如有人喜歡好似我一樣飲粟米湯的話，都不妨一試轉轉口味呢！

早幾日同朋友去旺角買野, 見到華比有間吉野家, 加上又係下午茶時間, 所以打算去醫下肚.第一次望落去好舒服, 地方好整潔. 同朋友商量好, 決定買牛肉飯同煎雞飯.點知發覺牛肉飯個汁比食開果間淡啲, 雞肉飯就啱啱好. 所以我就攞豌牛肉汁+杯水.但係杯水竟然有油, 我就同個經理講要換, 個肥經理既態度就唔係幾好喇問我一句 "有咩問題?唔飲得架" 之後求其攞2杯水俾我就唔理我這家分店似乎有好多要改進既地方...

到這間旺角的分店吃牛肉火鍋，選配了濃湯配烏冬食物就沒有甚麼特別，濃湯底也不如去年吉野家火鍋濃湯的惹味如果以一個人的份量而言，吉野家的火鍋配料份量算幾足夠了唯一要批評的，就是其烏冬不夠爽滑但畢竟吉野家又不是以賣烏冬馳名的，可以理解.....我今天想特別評價的，反而是其不倫不類的佈置店內的餐桌、椅，好像是從數間不同風格店鋪中湊在一起的既有桅化、又有硬膠椅、更有附有軟墊的寬椅很是古怪的配搭！

一年黎一次吉野家打邊爐就係為左呢度既芝麻醬 味道真係正 同肥牛好夾今次黎 價錢都係咁上下 冇加到價 但肥牛好似少左$46蚊連汽水, 肥牛得幾片 再加d菜, 腐皮之類既配料同烏冬同埋新既年糕袋 但個口感同味道都好怪 咬左啖就算唯一唔變就係芝麻醬 真係好正 甜甜地 配肥牛一絕

好鐘意佢個抹茶紅豆冰!!唔係成日有架, 有就要多多食啦!個抹茶奶唔會好甜, 甜味就靠個紅豆蓉, 加理埋就剛剛好啦! 好fresh!!紅豆蓉好沙又甜好好味食到粒粒紅豆架! 食得出係日本紅豆蓉!要加6蚊先有, 但咁好味, 都抵啦!

第一次光顧吉野家的早餐，我相信以吉野家作早餐的人也不多吧? 但其實頗舒服的。叫了牛肉出前一丁，附綠茶。出前一丁的湯底是加了出前一丁本身的調味粉，麻油是整包未開封的附上，以連鎖快餐式食店算是頗特別的服務。餐具是使用可以再用的餐具，夠環保，好。開始食時，才發覺原來吉野家的牛肉跟出前一丁的味道原來是這麼的不夾，不是說它們不好吃，只是單食的話是美味的，但放在一起一口吃下去就格格不入，怪怪的。下次要考慮改食烏冬、甚至飯。(早飯?)店裡面人客很少，而且都很靜，所以可以坐的很舒服，如果想休休閒閒的食個早餐，這個地方確實不錯。

吉野家又推出了牛肉shabu shabu, 上年我食到上癮，佢今年一出就梗係要即刻去食啦。材料跟舊年是一模一樣的，沒加也沒減。但牛肉數量就少了，只有五片。但仍有肉味。烏冬也不是那些平貨色，但今年比舊年遜色，因為唔太夠彈牙，也比較淋身。湯底也要一彈，舊年泡菜同濃湯係一樣price，唔洗加錢。但係今年只要濃湯同清湯。佢話要泡菜湯就要加$4要盒泡菜加落去！太過份！最過份的是墊盆的紙上還大大隻字寫住有泡菜湯底，但就加一句"供應期有限"供應期有限??????先推出一星期，咁快就供應期完，要加錢???????我個爐又唔掂，我唔知係個爐定座位問題，叫佢換過火蕊都係唔夠滾，我老豆o個窩滾到pok pok 聲，我o個窩就滾極都滾唔起，太不濟！我唔知係咪因為新推，所以質素未有番咁上下，我會俾多個chance佢。始終論環境、服務同價錢，佢都比美心or 大家樂o個d好。