吉野家 (已結業)

下午茶去咗吉野家食,呢個必然是排長龍的煎雞飯睇賣相好似好靚仔,但食落就麻麻地,唔夠醬汁配菜椰菜花, 西蘭花, 紅蘿蔔同豆角好似冇乜味不過$30就可以吃到仲要有野飲坦白說始終都係一分錢一分貨整體而言幾好,店員都好有禮貌....搵日再試下其他

一個人食火鍋......欸!  好孤獨~~不過幸好現在的快餐店也設有多款追加火鍋配料以供選擇, 若然對方屬於細食或者不是太鍾情於火鍋, 兩人一鍋再另外追加火鍋配料, 那麼就very good啦!這份火鍋無論是選擇要配飯或是烏冬, 所得出來的價錢也不相同, 好像我這份配飯就要用上$58.90。耐心地等待鐵鍋燒熱, 並且讓鍋裏的食材滾起, 其實是非常考起個人的EQ, 尤其是活在飢腸轆轆當下, 那個酒精爐的火力真弱。鍋內究竟藏著甚麼乾坤, 約莫地介紹一下: 首先, 我選用了南瓜湯作湯底, 聞起來散著陣陣南瓜香；隨後就找到有雜菜、粟米件、南瓜片、蟹柳棒、冬菇、金菇, 還有...片片顏色鮮紅的肥牛片, 肥膏與瘦肉的比例都是各佔一半, 把薄薄的一片肥牛片放在滾湯裏灼半分鐘左右, 那份美味就是留在口中慢慢地溶化!藍青口鮮甜嫩美, 食落無渣, 而且還保存著那獨特的青貝味。當煮熟這件蟹餅, 就會知道它的味道與質感, 其實是蟹柳加蟹籽, 咬落軟綿綿但是偶爾會咬到「卜卜聲」隨之而來散出少許鹹鮮蟹籽味。香甜獨特的流沙南瓜包, 表面就是與一般魚蛋無疑, 粉粉的質感...可是咬開一小口後, 內面的南瓜蓉正想滾出來

細細個己成日嚟吉野家食下午茶基本上次次都食煎雞飯我仲記得十幾年前都係賣 $13蚊雖然貴咗好多但係味道都算係十幾年都 keep 到值得讚 近呢幾年不少食店都要推出不少新製作以吸引客人與提高利潤今日我比呢個 +$6 芝士蘑姑炒蛋 吸引咗無可否認為個炒蛋本身真係好香一來蛋的質素唔錯有蛋香炒得fluffy或許加了芝士在當中所以味道更顯突出蘑菇同呢蛋唔係好黏埋相對地,就顯得有點額外地多加了再者不像西式炒法所以唔係吟熟又唔夠冧最敗筆係上面個一大堆芝士粉食個陣又要特別小心咪飛到妳成面都係粉 噢 ! 材料雖好的炒蛋像被糟塌了

這間吉野家分店的出品可算信得之品, 若時間許可, 坐地鐵過來一趟吃個下午茶, 再步行到吉之島荔枝角店逛逛, 偷得浮生半日閒在鋪頭內, 見到有新海報 $20 丼選；有三款$20套餐可供選擇, 不過其中一款海苔炒蛋牛肉飯(細)配熱綠茶只會在上午11時前供應, 另外兩款粟米牛肉溫泉玉子飯(細)配熱綠茶 及 海苔牛肉溫泉玉子飯(細)配熱綠茶 都會在上午11時至下午6時期間供應。海苔牛肉溫泉玉子飯 ... 海苔惹味, 與濃郁蛋味的溫泉玉子撈飯來吃, 的確好味 肥牛片的肥膏與瘦肉相間, 吃著嚡雜雜的瘦肉同時,可幸都有膏香豐美的肥膏來緩和一下, 另外叫多碗牛肉汁來撈飯, 雖然鹹味稍高但也抵擋不到強悍的牛肉燥味粟米牛肉溫泉玉子飯 ... 粟米粒粒飽滿, 咬落噴汁, 可惜溫度凍 其餘食材: 肥牛片與溫泉玉子, 是依舊的好

某日, 睇咗某食家嘅迷你玉子牛肉飯下午茶評, 他所形容的一切都能令我抨然心動, 腦內念念不忘他那幅「爆蛋」照片......今天重陽節日熊爸休假, 他並不是約我去廸士尼, 原來他想去食牛肉飯吉野家樓下都有, 為何要千里迢迢約我去美孚這間吉野家??分店鋪位正正方方, 內裏堂座位置唔算大, 選了近收銀機櫃枱的位置進餐, 貪轉過身就埋枱食得職員辦事能力強, 差不多左手付完款, 右手就可以拿食物返回座位我的「温泉玉子牛丼」下午茶餐 $20.50 另加$7由熱綠茶upgrade至抹茶紅豆冰 (加$6是熱抹茶紅豆)牛丼是普通細碗裝, 洋葱量不多, 肥牛的肥膏與肉是成正比, 牛肉味濃、肥膏爆油兼且肉質軟滑重要時刻到了...... 準備為爆蛋一刻影相 一隻手指按住相機快門, 另一隻手拿着筷子屏息靜氣地向蛋黃一插 (相機咔嚓) 噢! 蛋黄流得緩慢, 形態上還是漲漲的, 看來像凝脂的蛋黄味道會是如何? 撈飯來...那隻玉子的温度是涼涼的, 蛋味濃郁, 甜, 蛋清嫩滑, 蛋黄汁與QQ珍珠飯及濃郁肥牛, 根本就是原始「 味 」 力

跟外父到這兒吃午餐，點了個 ” 5 號餐牛肉煎雞雙拼飯” (加錢配抹茶紅豆冰) 和”咖哩煎雞飯” (配汽水) ，共 HK$81。但是那加錢配的抹茶紅豆冰味道超淡，外父只吃掉紅豆便作罷。p.s. 雖然香港吉野家在去年轉至 hop hing group 經營，然而個人認為整體食物、環境、服務水準依舊，沒有變好或變壞。

食物：叫了個B餐，有兩客細的和風牛肉飯(肥牛和肉汁混合，再用牛肉汁撈飯，好味)、兩客細野菜煎雞飯(沒太多雞味，雞肉像用水煮熟的，唯一有味係塊雞皮)、一串金茹牛肉卷(可能煮得太耐或放得太久，又硬、又凍，)、一客野菜關東煮(其實係清水一碗加一粒魚腐和瓜菜，淡而無味)，另再加小食一個大泡菜(大泡菜？得個少少，唔夠食，如果再辣多少許就更好)、一個彈牙魚豆腐(我真係食唔出彈牙，真係唔好意思)、腸仔6條（沒特別）一個照燒鯖魚(好味！燒得剛好，燒汁味道好，就算不加lemon也沒有魚腥味)。

一向都好少食吉野家，因為老婆唔多鍾意佢啲肥牛，總覺得啲牛肥淋淋，好多肥膏，所以，好似咩雪花肥牛嗰類嘢，真係請佢都唔食架！不過，記得舊年食過佢嘅溫泉玉子，印象幾好，見早前又再推出，「温泉玉子祭」野菜牛肉温泉玉子推廣套餐，仲話期間限定，所以搵日得番自己一支公時，就晌番同區嘅吉野家食番次溫泉玉子牛肉飯。推廣套餐包大碗牛肉飯，配汽水、日本茶或麵豉湯，零售價$35.5，跟附近嘅快餐店食個晏差唔多。招牌嘅吉野家牛肉飯真係幾大碗，拎起幾墜手，面頭鋪滿以日式秘製上湯烹製而成嘅洋蔥牛肉，側旁仲有一大堆野菜，包括西蘭花、紅蘿蔔、椰菜花、玉豆，色彩鮮明；而温泉玉子係以小碗另外盛載，蛋白半凝半固，蛋黃被薄薄「蛋白漿」包住，柔弱得一戳即破。因為仲有啲咳，只好乖乖飲綠茶。此外，特別鍾意食佢啲酸薑，所以要求俾多兩包小弟撈飯食。牛肉飯拎到手，我就鍾意將隻温泉蛋放晌飯面，篤穿佢等蛋黃流晒出嚟，再加埋酸薑，成碗飯撈勻嚟食，不過，今次隻温泉蛋有啲過熟，睇落佢外表水汪汪盪盪吓，點知篤穿都唔流心，半凝咁嘅狀態，幸好還可以勉強撈勻落啲飯度，有少少窩蛋嘅感覺。野菜中嘅玉豆幾好食，口感爽甜，而牛肉幾嫩滑，配以熱騰騰嘅珍珠米，帶丁點黏

我相信呢度唔少朋友都食過吉野家o既食品. 對於佢地o既味道同質素, 相信大家都心中有數. 我要講o既, 係佢地最新o既出品 - “一番巨丼”.今日一朝早打開報紙, 見到佢地有呢個新o既 “一番巨丼” 仲有優惠, 好似幾吸引, 於是就趁晏晝時間到office附近, 即係近美孚, 九巴車廠隔離o既分店, 一心諗住食餐飽. 除o左近office之外, o黎呢度食係因為佢坐位較多, 夠光猛同人流較其他o既分店少, 可以o係繁忙既lunch hour安靜咁享用午飯, 員工既服務態度亦都幾有善, 以吉野家o既標準o黎講, 可算係相當難得. 睇到個 “一番巨丼” 連一杯飲品/湯o既套餐, 要HK$45.8, 比以前o既特盛套餐 (HK$33) 貴左足足12蚊有多! 用埋優惠都係HK$43.8, 以吉野家o既標準o黎講一o的都唔平. 個飯上到檯 (見下圖):無論點睇都唔覺佢o係份量方面有“巨” o既感覺 - 飯同埋牛肉都以平鋪o既方式放o係大碗上, 使佢睇起o黎有大面積同大容量o既觀感, 然而佢既賣相, 並無廣告中顯示出o黎o既o個種震撼; 眼前呢一碗, 可以話係份量偏少兼underwhelming

我同亞佬第一次一齊出去嘆早餐，亦都係我第一次去吉野家食早餐。 一進餐廳覺得環境整潔，座位舒適。我想只有這間餐廳早餐才有熱飯食。唯一欠缺的係冇設八達通付款。 我地叫了個牛肉飯、煙肉蛋腸仔牛肉、凍奶茶同埋熱奶茶。 牛肉飯，牛肉汁鮮嫩；牛肉薄片好淋身；飯夠熱，好味！煙肉蛋煙肉香蛋夠滑，蛋面上有芝士粉味道更特出。腸仔有淡肉味而且不會太咸；牛肉和牛肉飯的一樣汁鮮嫩，切得薄片好味。 凍奶茶，冰、茶、糖和奶的份量恰到好處。熱奶茶比凍奶茶更香濃奶更滑。

BB來了美孚爺爺嫲嫲家中遊玩一星期. 星期三, 拿了一天假的我就同太太出去美孚, 先接BB, 後帶去科學館, 讓他見識一下. 我們一到美孚, 問一問父母落唔落黎飲茶. 他們說不來之後, 我們就簡單的, 食個吉野家快快趣. 選擇吉野家的原因, 除了是食物質素有保證之外, 其中的野菜飯, 啱齋妹食用也是未落車俟有此決定既原因之一. 所以, 千篇一律地, 就叫下一碗野菜飯同一個牛肉飯.野菜飯, 同平常一樣, 太太要求他們坎汁, 因為她說汁是用牛肉汁同蠔油混合. 根本兩個都不是素. 店經理說其實此汁也是素不用怕, 但為了安心食用, 都是走左佢好. 起碼有豉油, 酸薑, 七味粉來幫助調味. 清淡, 帶有辣味, 有豉味, 有少少酸味. 她說喜歡, 但我個人覺得, 咁樣食, 味道也太怪, 太雜吧.傳統的牛肉飯, 味道怎樣其實都不用多介紹. 薄片的牛肉, 加上洋蔥, 味道濃郁, 牛肉味重而且香口, 嚐過其他餐廳的仿吉野家牛肉丼, 他們做得出一樣的樣貌, 但做不出同樣的味道, 所以, 吉野家呢一個味道, 呢一種牛肉香, 的確是秘方, 始終都是你的牛肉飯好食.為飽肚, 也要為美味食物. 吉野家, 雖只是千

今朝去點左個三文魚炒蛋早餐先知原來依家食早餐可以免費升級飲品，抵哂講番個三文魚炒蛋第一次食，啲蛋好滑而且三文魚又有咬口。好好味一份好味既早餐，加上一杯免費既熱奶茶，係一天的好開始特別係情人節依日，真係warm哂^^

週六的午餐都會在美孚打發，今次走遠少少到這裏，看看有沒有驚喜。原來開始有下午茶餐，於是選了牛肉烏冬餐和泡菜牛丼飯餐，加兩蚊可以轉奶茶和咖啡，價錢總計都是$40，比起美孚其他食肆還要抵。我們都知道份量會少，但既然差不多三點都可以吃少D，等到晚飯再吃過。結果份量都可以，起碼吃過不會覺餓就可以了。味道仍然是吉野家的味道，飯嫌它少汁，多一點會好些。不過總覺次次來這裏都是吃牛肉都有點納悶，希望她能多一點選擇，下次會再來的。

My parent moved from Mei Foo to Manhattan Hill. Since my flight from NYC was delayed for 5 hours, it was already 9pm when I back to my new house. There's a few restarant in Manhattan Hill. Since I was so tired and want to get sleep as soon as possible, I choose Yoshinoya for quick quick dinner. I ordered a Shabu Shabu and a curry rice for my dad and I. The Shabu Shabu was a mini size with quite a lot of foods, such as cabbage, mushroom, tofu, fish cube, ... etc. The beef is not bad in terms

辦公室地下的樓面，原是公司醫療中心，去年服務外判後曾做過地產公司，金融海嘯令它結業。鋪位丟空數月，現在成為吉野家（需經城規會批准更改用途為食肆）。本來這裡位置幾好，可惜店子只佔地下樓面約三分一，加上廚房用去不少空間，令樓面更細小，座位間比較迫夾。已不是第一次光顧吉野家，對它的食品質素幾有信心，勝在又快又熱又好味!!不知怎樣才能快而準，把食物弄至統一的標準呢？這樣連「老麥」都做不到了... 說回今次，跟同事共三人下樓Lunch，(慶幸竟然有位，不用等）小弟點了「蟹籽三文魚飯」，加一塊鯖魚（好像是）。 蟹籽三文魚飯真係好味 ，而且只能堂食，想帶走也不行，聽聞因為怕蟹籽變壞…把它們混和後的口感真的一流，三文魚的腥味被中央的點點芥辣搶去了，蟹籽好脆， 加上大粒的日本「肥仔飯」，自己真係整唔到。服務幾周到：同事不小心，把熱檸水打翻了，倒到一地都係 ，清潔阿姐立即前來拖地之餘，樓面小姐更提供清水及紙巾給同事抹褲，之後再補上一杯熱檸水，絕無黑面或埋怨。下次如果有時間，買個早餐上office食都幾好!hehe, 總有機會的!