影片
營業時間
今日營業
07:30 - 21:30
星期一至日
07:30 - 21:30
以上資料只供參考, 請與餐廳確認詳情
馬鞍山吉野家每次都有驚喜,今次係鰻魚雞玉子蛋飯,我一開以為盒飯有人食過,鰻魚完全唔見有,剩係得嗰啲碎喺度,每次叫外賣就係畀啲碎,其實都已經好多次啦,都有打個電話嚟,次次都話跟足啲,下次唔會,其實我真係好怕寫要上網寫食評,因為我人比較懶,諗住隔咗一段時間再嗌點知又係,咁睇嚟有排都係唔使再叫馬鞍山吉野家
繼續閱讀
今天中午點咗個香辣肉醬豆腐丼飯外賣自取，結果取餐時職員話香辣肉醬冇曬了，所以轉普通肉醬。整好餐了先黎同我講都算了，OK冇問題。但係點知返到屋企打開外賣發現原來連粒豆腐渣都冇，得個肉醬撈飯。真係好差嘅一次體驗，以後都唔會想再係到點嘢食了
繼續閱讀
冬天特別想念北海道️嘅雪節和美食，最新有日本北海道海產，至愛海鮮嘅我試左啦。帆立貝吉邊定食用日本北海道直送的優質帆立貝，鮮甜肉厚，肉質彈牙。我揀了招牌湯底，極尚鮮味火鍋盛盒內芝士竹輪芝士味濃、魚皮蝦餃彈牙。新鮮蔬菜有清甜娃娃菜、香甜南瓜、粟米、金菇都好新鮮，邊爐定食點可以無牛肉，優質穀飼肥牛經特別切片，完全唔韌，冬天食特別吸引。堂食吉邊$49起配烏冬/麵或者飯，呢個價錢好抵食，外送帆立貝火鍋二人前 $198 ，屋企嘆就更暖笠笠。
繼續閱讀
下午茶時間 個肚已經餓到無哂知覺咁 所以揀左飽肚之選— 吉野家 相信呢間店鋪香港人唔會覺得陌生 係全港有多間分店 價錢黎講亦中規中矩 而我就係鐘意佢夠大 可以比你慢慢坐底休息 唔會趕人走！ 今次我就揀左牛肉昆布烏冬+綠茶 佢嘅湯底用左好好味嘅牛肉去煮 令到個烏冬食落好有味 而個昆布又吸收哂湯底嘅精華 但有份量唔少嘅牛肉+其他配料 係香港$30嘅價錢有一個套餐而飽肚得黎價錢又平 又可以慢慢休息
繼續閱讀
一早起身又要諗食乜, 唔想成日食港式或西式早餐, 可以試下吉野家日系早餐↑哩間舖裝修都幾富麗堂煌, 下面有食客, 所以唔方便影, 枱櫈都係平時個個款式, 而家好在係有2部自助點餐機, 減輕職員既負擔我見哩間吉野家幫襯既人比較多, 但員工人手就偏少. 要表揚既係哩位叫"fat"既員工, 有好多無理既食客, 佢都好有耐心好應對, 自己1個已經一腳踢, 都可以沉住氣去一一回答, 值得嘉許↑哩個係我經常食既牛肉烏冬, 記得牛肉汁係必須加既, 如果食得辣既, 不妨試下落2包辣椒片, 味道就會煥然一新↑雖然朝早食飯係比較heavy, 但係配埋溫泉玉子, 蛋漿佈滿每一粒飯, 令到成個飯口感綿滑, 再加埋少少牛肉汁, 成個飯絕對可以清底
繼續閱讀