同仁四季音樂主題餐廳 (已結業)

荃灣中染新城有多間食肆頗有新意，此店以海南文昌雞作招徠，吸引一眾火鍋老饕到來一試。此間餐廳裝潢新穎，帶有點高貴氣派，空間寬敞，在此打邊爐特別覺得貴氣，跟平日吃麻辣雞煲絕對是兩回事。我們先點了半份椰子雞鍋，侍應替我們開爐、落雞、熄火浸雞、計時、打開煲蓋、撇油，最後可以大快朵頤慢慢品嚐。先聞到陣陣椰子香味，先呷一口清湯，香甜美味，再吃一塊雞件，皮爽肉嫩，啖啖雞味，真是一試難忘。雞肉再蘸點檸檬辣椒豉油，特別惹味。當吃完雞，飲完湯，便加水開始打邊爐，我們點了雜菌拼盤和蔬菜拼盤，吃畢才落此店自家製蝦丸及墨魚丸，爽甜彈牙，接著才吃美國安格斯手切肥牛，軟腍充滿肉味，再呷啖啤酒，簡直是一樂也，再加上現場有音樂獻唱，令人忘記身在打邊爐，難怪此店叫作音樂餐廳，真的噱頭十足。

知道荃灣又有新店，當然要即刻來試試！有兩個門口進出餐廳，內裡十分寬敞，有好多座位，像一間酒樓般大！但裝潢頗為時尚，有live band 、舞台、大銀幕，與一間酒廊餐廳無異！每張枱都有火鍋爐頭，原來晚上主要是吃火鍋，一邊聽歌睇Show一邊吃火鍋都幾創新有趣！下次有機會試試！牛餐menu有幾多選擇，有飯、麵、煲仔飯及其他小食，我點了牛肝菌醬野菌香煎米粉餅，$78，價錢不平，應該大部分付了給餐廳環境呢！份量很少，其他同伴點的午餐份量也略小，吃不飽！至於味道，我只可以用兩個字形容：好咸！！！！煎米粉餅幾特別，但可以多些耐性慢火煎得更脆口一點呢！這個午餐令人失望！

新開音樂餐廳，初頭以為係西餐廳，原來係打邊爐，上網搜尋一下，先知原來同仁四季係國內好出名。即刻約朋友去試下，場內地方大，環境比較嘈，好香椰子味。叫左一個椰子雞鍋，一個水煮牛肉鍋。個椰子雞鍋湯底勁清甜，係椰青水既湯底，雞好嫩滑，感覺唔會好熱氣。水煮牛肉鍋入面勁多料，牛肉，薯粉，豆卜，似係一個鍋物多過似湯底。枱上面會有幾碟調味料比你自行加上，豉油配辣椒🌶️再加青檸汁，溝埋一齊都幾好味。手切安格斯肥牛，正呀，肉味濃，牛脂香！貴妃蚌，超好食同抵食，新鮮！食完一碟再叫多碟。丸類一般同貴左d個魚腐麻麻地，不推薦。同仁四季雖然有live band，但好好奇成晚都無聽過個表演者唱歌，只係不停彈結他，9點後直程無人表演，未知國內係咪都係咁？

今年生日冇咩特別地方想去，是是但但食餐飯就算，被安排左食荃灣中染呢間椰子雞火鍋店！來這間火鍋店前已預算左價錢偏貴了，在這方面沒有驚喜，因為一早睇咗OpenRice啲comment ,反而這店的食物甚有水準，椰子雞湯底非常清甜，連湯都飲得，啲雞肉又夠滑、唔鞋啲手打墨丸、手打蝦丸夠大粒、又彈牙、又新鮮，手切牛滑而有牛味，珊瑚蚌夠新鮮，響玲夠脆當然，呢間店還有一個最大特色就是有live band睇，一邊嘆緊熱騰騰的火鍋，一邊欣賞演出歌手的賣力，給自己的生日在煩囂的都市中尋找無重的享受

星期二晚來到人不多，環境清靜舒服。我們叫了四人餐，款式眾多，而且樣樣新鮮，湯底極清甜，走地雞雞肉夠滑，配上沙姜青檸醬油，甜甜的很好味! 難得吃完火鍋整晚都沒有口渴情況，證明無味精真材實料。值得一讚侍應服務極好，夠主動而且態度誠懇，一行四人未食完已經講定下次再去encore7:30開始有live band同歌手唱歌，如果你是70後的，絕不能錯過, 青春回億返晒來

同仁四季 講明有得聽歌既火鍋 幾有綽頭咁反正要同大同聚會 叫埋佢地去聽歌打邊爐行到入去 都好似去左Jazz Bar 咁 一大舞台擺左係中間 再加一隊Band唱既都係流行歌曲 好有共鳴😀不過我地想傾下偈 好驚佢地會唱成晚原來表演都係唱一part 可以邊聽邊食 再傾偈碗碟擺盤都好精緻 用靚碗碟食飯 食都食得開心d order 左個椰子雞煲 雞煲未到 配菜先到 必叫響玲 同養生松茸餃 仲特別叫左個淮山麵 好幼身的麵 以為會好軟身 點知一d都唔軟 但吸哂d雞湯味冰菜都唔係成日可以見到 仲幾靚 😀😀好爽口 食落索索聲重點到了 椰子雞煲 成隻雞上 好足料煲左20分鐘左右 椰子味慢慢滲出黎先飲雞湯 食雞 個湯好甜 又香椰子味雞肉好滑 仲有椰子味 好神氣 煲左一陣就咁香臨尾叫埋個蔬菇拼盤 岩哂😀😀

講起雞煲，總會諗起麻辣的乾鍋。但朋友帶我去咗過江龍名店，令我對雞煲的眼界又擴闊了。原來雞煲除咗麻辣，椰子雞都係一個好好的選擇。佢哋的椰子雞煲用上新鮮椰子水，湯底清甜好味道。原隻農場鮮雞呈上，吸收盡椰子水的精華，又鮮又甜。冇諗過椰子可以咁甜，雞可以咁鮮美，椰子雞煲可以咁好味！除咗椰子雞係主角之外，其他火鍋料都唔錯。魚腐係自家製，好好味。值得欣賞的是食物的賣相，全部都擺得好靚。有個車仔呢個係黑豚肉，入口即溶。肥牛超級美味，牛肉味好香濃，而且油花分布好靚。整體食物都幾高質，仲有live Band，別有一番風味。

今日係我生日女朋友帶咗我去慶祝去咗中染大廈入面嘅同仁四季火鍋店初頭我以為係普通嘅火鍋店但原來其實係音樂主題餐廳入面嘅裝修非常靚估唔到每一晚都有Live樂隊表演都唱得幾好聽但我今次來的目的係食嘢能夠享受音樂同美食都對我來講係種幾新鮮嘅感覺但一望到餐牌入面嘅價錢其實都幾貴唔算係親民大眾化嘅餐牌但係入面嘅服務係非常非常之好入面每一位服務員嘅態度非常之認真親切一開頭佢會比一個調味料拼盤俾你通常一啲食椰子雞煲嘅餐廳都會比辣椒砂礓同埋青檸之後而家鋪頭做個優惠就係只需要讚好Facebook page就會送一罐汽水雖然餐牌入面啲嘢都好貴但係慶祝生日都冇計啦我哋叫咗一啲海鮮啲海鮮都非常之新鮮日本嘅廣島蠔都比想像中大隻但估唔到最好味嘅都係拿手椰子雞煲服務員聲稱每一煲椰子雞煲都係用四個椰青一個椰皇煲嘅所以呢碗湯非常之鮮甜另外佢仲有黑松露餃子同埋蟹王丸都非常之香同埋好食啊兩個人埋單加埋食咗七百幾蚊雖然真係好貴但係喺音樂火鍋店度食嘢都係一個好好嘅經驗黎

聽住live band咁打邊爐都係第一次！ 原本打算喺愉景新城度食西餐，但由於wall in要成九點鐘先至有位，當時只不過係晚上七點,於是乎，走咗去中染度搵嘢食。周圍嘅餐廳都好多人，淨係呢間主打live band 打邊爐既餐廳大把位，唔使等，咪入去！呢度主打椰子雞，之前睇過食評講到好好食咁，係d 飲食post 見過，睇過下介紹，所以都有點期待！入面唱既歌主打80，90，00 年代，基本上首首都聽過，好有親切感！不過食物方面，就份量又小又貴！推介嘅椰子雞，報到講話係用椰皇加鮮嫩嘅雞肉，滾一滾，就又滿滿椰香又嫩！不過事實就是係，啲雞肉勁鞋，勁唔好食、！雖然個湯底好好味，但是只不過是椰汁而已！所有既讚美，根本係打手所為！ 食物質素普通而已，貴既係貴在有歌聽！我地六人加一個B.B. 安排張長台，2個爐，4人一個爐，咁安排要叫2個爐，又食得唔暢快！相都無點影！叫左2個湯底，變左2台人咁！應該無下次！平均每人$400-500！仲要食普通野，真心唔抵食！椰子雞鍋$228，用漏斗倒數計時幾時食得！個湯剩飲好味，但雞肉勁鞋！ 豬骨湯鍋：$228， 豬骨幾好味，超大舊！其實佢d雲吞、餃子都幾好食，不

同仁四季氣紛超好既Live band火鍋店朋友介紹之下黎左呢間音樂主題餐廳，感覺好特別因爲平時好似只會在酒吧聽到既live band竟然會在火鍋店遇上 緩緩嘅音樂下 大家傾計食飯都更加起勁！我同朋友一行二人，首先叫咗半隻椰子雞湯底。聽講湯底係用咗椰青和椰皇炮製，味道10分清甜！雞肉亦都好鮮好嫩 枱面仲有調味料 可以調教屬於你嘅醬汁 有辣椒沙薑同青檸 點雞一流 令雞既味道更加突出。另外叫咗個手切安格斯肥牛，十分有驚喜！牛肉味濃之餘肉質也都十分嫩滑，脂肪分布均勻，加上秘製醬汁，酸酸甜甜非常開胃！另一推介是極品燕液鵝肝蝦丸，蝦膠打得非常彈牙、口感十足。蝦丸裏包圍著鵝肝，但係又唔會覺得好肥膩。店員服務態度都很好，親切友善，而且很主動幫忙！下次一定會再光顧。

為獎勵亞女之前考試勤力温習，星期六帶了亞女行街🛍️睇戲🎞️食午餐🍽️。兩母女在荃灣八咪半幾間新餐廳門口巡視過後，亞女話要試同仁四季。我們上午十一點幾去到，是第一枱客，招呼很周到。裝修和氣氛不錯，晚上會有LIVE BAND🎤🎹，下午只播MV。🥡銀芽肉絲煎兩面黃: 好香脆，不油膩，配合爽脆的銀芽，好好味😋我成碟食晒🍽️ 推薦🙋‍♀️，下次還要再去食😋🍝拿破崙猪扒焗意粉: 意粉煮至發漲很稔，猪扒🍖加了鬆肉粉也很稔，食得出輕微的鬆肉粉味。番茄🍅醬汁濃厚，味道不錯，是很典型的港式茶餐廳猪扒焗意粉。不推薦🙅‍♀️女兒都食剩許多。

今晚來到 荃灣愉景新城中國染廠大廈。 四季同仁音樂主題餐廳。 我哋喺深圳都有光顧過海南椰子雞鍋都有live band， 但感覺比較嘈同地方 較為迫夾。現在香港也有。 有live band的餐廳尤其是中菜火鍋比較少有。 入到店內樓底竟然都頗高冇柱遮擋。 差點以為自己去了小型concert 。燈光效果唔錯，坐位唔會太暗又可focus到台上live band。音響ok 唔會太嘈但咪output D声差左啲。生態原味椰子雞煲 $198 半隻用上海南文昌雞， 三個泰國椰青加一個椰皇， 湯滾起就放雞件，熄火後焗3分鐘， 時間會啱啱好。 打開煲蓋就食得。椰香撲鼻。 最緊要先飲頭啖湯。 超級清甜， 椰青水再加半隻雞的精華， 清甜香味發揮得淋漓盡致，一試難忘， 一羹接一羹飲唔停差點忘記吃雞件。 雞件經過椰水煲煮之後， 帶出淡淡清甜， 可以試試雞皮部分係又爽又結實， 完全冇雞的肥油和肥膏， 雞肉味濃肉質結實但唔嚡， keep 住嘗到椰香的鮮甜和雞味真的很夾。 比起老火湯椰子煲雞的清甜度更為鮮味。可以話完全唔需要蘸醬油，吃出真味道。手切安格斯肥牛粒$148切割得很工整的正立方體， 安格斯牛柳粒可以淥耐一點，

曾經返内地食過佢地既椰子雞鍋覺得相當唔錯，知道佢地進駐咗嚟香港，呢晚就專登搵左個雞控黎陪我一試究竟既然一心想黎食佢地既椰子雞鍋，加上有雞控喺到，我地就一口氣要左一份“生態原味椰子雞鍋”HKd$348+10%跟住再要左碟“胡麻醬茄子”HKd$38+10%做前菜，“田園拼盤”HKd$68+10%同“淮山麵”HKd$38+10%準備黎配個椰子雞麻醬茄子夠冰涼，醬料落得好重手，食落都幾開胃，作為前菜小食都唔錯食椰子雞鍋就當然唔少得配上沙薑同青檸呢啲醬料啦，呢度既茶芥醬料就收每位HKd$20+10%跟住我地當晚既主角 原隻椰子雞就到場啦水滾後落雞滾兩滾就冚蓋熄火，用上漏斗計時6分鐘之後就食得啦當中用上椰青水既湯底清甜，而雞肉紮實嫩滑,的確唔差而個淮山麵仲好有驚喜准山麵既麵身雖然幼細，但麵質爽彈，掛湯力唔弱，配上清甜既湯底食真係一絕而田園拼盤就有幾種唔同既蔬菜，入面既糯米粟吸入湯中精華之後，食落香甜又煙韌當晚我仲order左杯“百香果特飲”HKd$38+10%，味道酸酸甜甜，都唔差啵呢度同內地一樣，每夜都會有駐場歌者為食客演出獻唱，氣氛相當好呢

以為係一間特色餐廳，點知冇咩特別（特別貴，食物少巧🤣）主打椰子煲鷄湯底，點知係椰皇水煮雞。一班青春唱手，用青春唱出八十年代金曲。甜品以為會有點好，份量少得驚人，$8HK既焦糖燉蛋非筆墨可形容「細」。

相信唔少香港人都中意打邊，而我亦都唔例外。係一位邊爐愛好者。但係香港打邊爐既舖頭有太多太多，花多眼亂。但近日上網發現到有一間有live music聽既邊爐店。岩曬又中意音樂又中意打邊爐既朋友，仲可以聽live，一次過滿足既同仁四季音樂主題餐廳。店內既裝修充滿特色 又有田園風味。店內既人人山人海，但每枱之間都有足夠既空位。當日只可惜未能夠食到出名既椰子雞煲。因當日氣溫變化太大，店舖未有準備足夠既雞供應，所以我地只可以點一個鮮魚湯芫茜皮蛋鍋，係未有任何可配料之前，先試下個湯底，真係足料，可以飲到係濃濃魚既清香，清甜可口，配上芫茜皮蛋令到個魚既味道更出。極品生拆蟹皇丸，手打鮮蝦丸。兩款都係手打的，兩款既口感都係爽口彈牙既，全因都係手既，蟹皇丸充滿住蟹既鮮味，好似將啖啖蟹肉放入口，當然口感有所不同，只係打個比喻。而鮮蝦丸，可以好明顯睇到有大大粒蝦係丸入面，爽口，而且用料新鮮，不錯！毛肚，唔知有無人同我一樣中意食毛肚的呢，但出面好多食起上黎都會老到不行了，但依到食起上黎好爽口，而且味道仲好鮮，可以再黎多幾碟都無問題。生根，就做到最基本無油益味，而且係細粒的，可以食多幾粒，不錯。頂級手切安格斯肥牛