影片
營業時間
今日營業
16:00 - 05:00
星期一至日
16:00 - 05:00
以上資料只供參考, 請與餐廳確認詳情
同撈同煲小食店係九龍城一個好有特色嘅美食選擇🍽️,裝修就好似返到舊式香港嘅感覺🛖,唔單止擁有傳統路邊小食攤檔嘅特色設計,買完仲可以入室內堂食🍴,裡面的設計非常老港風味🏪,霓虹燈加方塊磁磚令人瞬間夢迴八九十年代嘅感覺🕰️。我同朋友尋日特登去食咗好多款招牌美食🍜,我嚟簡單介紹翻招牌大小姐艇仔銀針粉🍝,啲銀針粉係用鮮魚湯底,入面有燒鴨🐓、叉燒🐖、魚片🐟、魚蛋🥚,紅腸仲有酥脆的炸魚皮🍟。湯味濃郁,銀針粉爽滑彈牙,十分可口😋。另外,混醬腸粉呢個係經典嘅街頭美食🍲,腸粉軟糯,搭配多種醬汁,口感豐富,酸甜中帶辣🌶️。老港牛雜相信都係好多人嘅至愛🥩,牛雜的湯底濃郁,多款牛內臟任君選擇,口感變化多端,絕對係來香港必吃🍴。香辣雞翼尖,呢款雞翼尖燜煮到滑溜溜,肉質霖軟,內部多汁,辣味十足,係辣迷嘅最愛🔥。至於碗仔翅嘅湯底鮮美,粉絲彈牙,加埋多種啲餡料,令人回味無窮🍲。最估唔到我地仲可以係呢度食到炸長洲大魚蛋,外皮酥脆,魚蛋鮮嫩,每一口都散發住海鮮嘅香氣🐟。最後我地仲食埋芝麻湯圓,作為甜品,呢碗芝麻湯圓唔會太甜,薑汁湯味道啱啱好☺️。同撈同煲小食店環境乾淨整潔🧹,食物選擇多樣,不論你係路過九龍城定係特登嚟打卡,都係明智選擇!👍同撈同煲小食店（九龍城）地址：九龍城賈炳達道45號
繼續閱讀
肥肥嘅me其實好鐘意掃街, 但近年帶住阿仔好難再一路行一路食, 知道九龍城新開大玩港式懷舊FEEL嘅小食店而且可以坐低食, 一定要黎食.🍡招牌大小姐艇仔艇仔粉 $58有驚喜嘅艇仔粉👏🏻由呷第一湯開始, 好濃郁魚湯味, 店員小哥話魚湯底係店家自己煲架, 唔怪之得咁好飲!! 然後佢竟然將各款配菜擺靚靚, 有2大件燒鴨, 叉燒, 彈牙魚蛋, 魚片+紅腸好豐富的說, 我揀嘅銀針粉條條分明好掛湯好食. 🍡炸大腸 $23*必食😀炸到好透但咬落唔會乾柴👍🏻炸大腸, 沾滿黃色芥末醬, 非常有港式街頭風味.🍡燒賣識食一定要辣味🔥🔥🔥🔥魚蓉燒賣, 煙煙韌韌正a.🍡煎釀三寶（一份4件）我地揀尖椒, 青椒, 茄子, 豆腐, 覺得d釀魚肉好軟彈好足料呀!! 🍡大小姐撈麪+4蚊轉做撈出前一丁, 包一款小食就花枝丸吧, $28都抵食.🍡老港牛什一碗包羅萬有嘅牛什啱哂一人一個撈麪加餸.
繼續閱讀
同撈同煲小食店今日推介喺九龍城一間小食店叫「同撈同煲小食店」，裝修風格似舊式香港嘅Feel，佢哋間小食店除咗有街邊掃街小食之外，仲有艇仔粉、鹹肉粽、湯圓等，仲可以喺小食店入面食，有相當多座位比人坐喺度食，依家天氣炎熱，企街食住小食一定流哂汗！呢間小食店門口係有一級，輪椅人士如果要入去食就要自備斜板，小食店入面空間都算闊落，都啱輪椅人士入去食！1.大小姐艇仔粉（燒鴨、叉燒、魚片、魚蛋、紅腸、炸魚皮、娃娃菜）$58（6/10）呢碗大小姐艇仔粉可以揀銀針粉或河粉，我就揀咗銀針粉，入面配料相當豐富，有燒鴨、叉燒、魚片、魚蛋、紅腸、炸魚皮同娃娃菜，燒鴨同叉燒比較韌，魚片同魚蛋就相當彈牙，炸魚皮就淋哂好似橡皮糖，湯底如果濃味少少就更好味！2.印尼撈麵（黑椒牛丸）$28+蘿蔔+$6（7/10）呢碗印尼撈麵$28包一款餸，如果追加半份餸加$6，第一款餸就揀咗黑椒牛丸，黑椒味濃，有兩粒仲幫手切半方便入口，第二款餸揀咗蘿蔔，蘿蔔清甜無渣，整體ok！3.魚湯生菜肉$28（7/10）呢碗魚湯生菜肉份量都算多，魚肉上面已經幫你加咗胡椒粉，生菜如果玻璃生菜更好，魚湯湯底唔算好濃，整體ok！4.豆漿$10（9/10）呢枝豆漿豆味濃，我叫咗少甜，好好飲！5.支裝芬達汽水$12（10/10）玻璃樽支裝芬達汽水好飲！2人總共價錢$148個人口味總評分：7.8/10@happy_together_hotpot 地址：九龍城賈炳達道45號地舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#同撈同煲小食店 #九龍城好去處 #九龍城美食 #九龍城 #小食店 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
九龍城寨最近咁Hit 我哋當然要去打卡啦 🌟🌟🌟 之前已經介紹過九龍城好出名嘅火鍋同撈同煲 估唔到喺附近仲有一間同系列既小食店✋🏻 我哋當然要去試吓啦 我哋兩個點晒所有我哋最鍾意食嘅港式小食🫡 男朋友點咗佢哋嘅signature菜式 大小姐艇仔粉 超級足料湯底濃 無論係佢哋嘅魚蛋魚片定係紅腸都好彈牙好有口感 而叉燒魚皮都好好食 終於可以唔使專登搭去鴨脷洲都食到正宗嘅艇仔粉啦✌🏻✌🏻✌🏻 而我就點咗好多唔同嘅小食，炆蘿蔔我覺得係最考驗嘅～ 超級軟腍 有一種入口即溶嘅感覺😋 配埋少少甜醬食真係一流 仲要大力推薦佢哋嘅雞翼尖 我係超級鍾意食雞翼尖 （最後仲打包咗一份返屋企 可以自己叮翻熱嚟食） 佢嘅辣度好足夠 重點係佢超級入味 係每隻雞翼尖都係辣嘅 嗰種感覺真係好正🙌🏻 因為我真係好鍾意食瑞士雞髀 所以再點咗個瑞士雞髀飯 佢哋嘅雞髀好大隻 好入味 偏甜口 好啱我 因為我唔係好鍾意太鹹嘅🫡 啲汁一定要撈飯食 ☺️☺️ 最後仲叫咗一碗我最愛嘅薑汁黑芝麻湯圓 😎😎 熱辣辣嘅薑湯真係好好飲 佢哋嘅芝麻湯圓都做得好好 皮薄芝麻多 我好鍾意食 💁🏻♀️ 香港特色小店真係買少見少 佢哋係連裝修都做到成個九龍城寨feel咁樣 可以食到正宗港式小食又可以打卡 👧🏻👦🏻 下次再嚟都係瘋狂encore雞翼尖😝
繼續閱讀
小食店是小學回憶！港式之小吃店，令人回憶殺出來魚腐芝士串芝士滿滿，一咬之下，魚肉味爆出來了。是店子創新的作品魚旦魚肉味香，彈力十足魚肉碗仔港式碗仔翅，是大排檔味道和童年回憶。加魚香滿胃魚肉，碗仔翅味道棒，溝出傳統味道，喜歡吃，想外賣大小姐狗仔粉招牌之作，味道香濃配料多，有彈牙魚旦，燒鴨肉汁亦多，棒。狗仔粉味道很香濃，朋友最愛吃豆漿豆味亦濃，冷冷感覺簡單之小吃，令人重回快樂回憶，感覺不錯喔懷舊小吃，回憶起叮叮糖，要即買即吃店子的口味多，包括原味，朱古力味，薄荷味和薑味。很棒之小吃店，快樂喔
繼續閱讀