同撈同煲小食店

營業中

休息中

呢間餐廳位於九龍城，門外有部爆谷機，同埋入面都有賣叮叮糖同懷舊小食，環境都企理，除左堂食仲有外賣供應我地叫左一碗碗仔翅用左公雞碗裝住，仲有入面有好多冬菇同粉絲，另外叫左一份魚肉燒賣，燒賣即蒸熱辣辣，好軟熟既口感同好有魚肉味，一碗呢度必食既招牌大小姐艇仔銀針粉$58，入面有紅腸，魚蛋，魚片，燒鵝同炸魚皮既材料，銀針粉好粗身圓滑，口感滑溜，魚片好彈牙，我地仲叫左碗桑寄生蛋茶，蛋好入味，桑寄生都好濃郁。

而家個個都講九龍城寨套電影，今日我終於嚟九龍城行下。見到呢間充滿舊香港特色的地舖🤩🤩淨係睇門呢個風格，已經好啱我今日個feel❤️ 原來呢一間係小食店，食物嘅價錢唔係好貴。而且選擇都非常之多，平時見到嘅街邊的小食呢度都有！老闆娘推薦我食，大小姐艇仔粉！下圖個碗就係喇！艇仔粉超級足料，味道方面都唔錯。如果可以多啲炸魚片就更加好了，因為我好中意食炸魚皮。另外湯底應該係用魚去煲，幾鮮甜。最後叫左個糖水試下，叫咗個腐竹雞蛋糖水。糖水唔會太甜，甜度啱啱好。整體來說這間小食店，環境乾淨企理，如果大家路過九龍城可以一試！

九龍城同撈同煲小食店，一間小店可以食盡街頭小食，店內裝修仲充滿懷舊風添！！門面幾搶眼喎，有落心思裝修。店內招牌菜係大小姐艇仔粉（$58），魚湯湯底銀針粉，餸菜有炸魚皮、魚片、魚蛋、燒鴨同紅腸，好豐富亦夠飽肚。魚肉碗仔翅（$35）非常足料，啖啖肉絲粉絲同彈牙魚肉！即叫即炸的魚肉燒賣（$13）價錢好抵又夠熱辣辣，配埋自家製辣醬更好食。瑞士雞翼薯條（$35）雞翼非常入味，薯條同樣即叫即炸，夠邪惡！煎釀三寶（$20/4件）order了兩set煎釀三寶，每款一件，一樣即炸，而且每件都釀了魚肉，好足料！

行完九龍城寨就肚餓，在公園對面，大約2分鐘的步程就見到呢間一樣咁有feel的同撈同煲小食店，店裏坐得好舒服，冷氣好足夠，可以食下小食又得，想食個飯都得。🪖大小姐艇仔粉（$58）而家已經好難搵到好食的銀針粉，呢間用魚湯做底，鮮甜湯底配上煮銀針粉，一路食一路飲湯，食完個湯都被我飲哂，最欣賞係唔係味精底，食完唔口渴，再加上魚片、魚蛋、紅腸、叉燒、燒鴨多樣餸，食完好滿足。🪖老港牛雜（$35）足料大碗，個汁有滿滿的腩味，牛雜煮得軟淋，呢得價錢有得坐住慢慢食，抵食！🪖滷豬耳（$18）六條大大條豬耳，爽口彈牙，配上芥辣甜醬，好味🪖炸物方面我地叫左煎釀三寶（$20/4件）、炸春卷（$15/4件）同埋炸蝦卷（$12/2條）每樣都係即叫即煮，所以全部都脆卜卜，熱辣辣，呢樣係欣賞ge，希望keep到！

下午在九龍城買野，見到新開一間小吃店，好有香港舊式風格，連地磚燈光等裝修都比較古老，入去試下小吃感覺時光倒流，令人想起舊時的時光！大小姐艇仔粉艇仔粉就是銀針粉粗粗的又滑順，這碗粉好豐富，有燒鴨、叉燒、魚片、魚蛋、紅腸、娃娃菜，想吃的野全部有齊嗮！配上甘多食材,艇仔粉的味道更加豐富立體，鮮甜鹹香,層次分明,回味無窮！魚皮餃子熱騰騰的魚皮餃子外皮好彈牙有韌勁,給人一種醇厚柔軟的口感。咬下去,餡料中鮮美多汁的肉餡立即釋放出陣陣香氣！牛肉球是一道非常受歡迎的中式美食小吃，在這間店都少不了啦！圓滑飽實,恰到好處的彈韌質地,牛肉香濃郁！

九龍城呢個地方大家都會諗起泰國嘢。但今日我哋嚟食啲香港既地道小食！見到門口啲餐牌已經流晒口水全部都係由細食到大嘅小食！正重點 必食推介！大小姐艇仔粉（燒鴨/叉燒/魚片/魚蛋//紅腸/娃娃菜）唔係叫你揀要咩餸，喺呢度全部餸都有齊晒😹原來艇仔粉即係銀針粉，呢隻係比較粗身嗰隻，配埋個鮮魚湯，仲要有少少娃娃菜喺入邊，成個粉非常鮮甜豐富。食到呢個超級滿足。我最期待嘅煎釀三寶超級大件嘅釀茄子，佢哋最值得讚揚嘅係全部都係即釀即炸確保炸出到嚟全部都係好新鮮配埋佢哋嘅甜豉油同埋甜醬簡直冇得彈！燒賣撈麵成個撈麵係好惹味有成六粒燒賣燒賣好彈牙 份量岩岩好好滿足！滷水雞髀滷水雞髀好軟滑入味一啲腥味都冇成個手掌咁大隻推薦！炸波浪薯條超級超級推介大家食呢個即炸嘅粗身薯條熱辣辣 裏面好軟滑好香薯仔味食過好多餐廳未必有呢個水準超級愛呢個薯條好正！！最後仲叫咗個辣味雞翼尖味道非常香濃超多蒜蓉辣椒去煮呢個雞尖鍾意食辣嘅朋友會好鍾意呢個小食另外就算只係食特色小食佢成個環境設計都好正全部都係用現代嘅風格模仿反以前香港餐廳嘅裝潢老闆好有心思值得嚟同朋友chill一 chill!👍🏻👍🏻