名仕餐廳 (已結業)

今日亞b生日, 去左les celebrities, 知道佢上個星期先裝修完重開, 靚左好多, 好好feel, 由於一直想試下法國菜,所以就早幾日book左~~地方唔太,大個位左右, 半自助式, (6:30pm-9:30pm, close on Sunday) 頭盤/甜品任食, 另有餐包, 蟹肉忌廉湯, 主菜, 餐荼…打開menu, main course 只有6款,我就攔左"香煎布袋牛柳釀蠔+黑松露菌汁"(要加$45), 反而成日食扒既亞b就叫左個帶子xx拼大蝦.頭盤有生豪, (該有幾種), 不算大隻, 但好新鮮!! 平時我好少食生豪, 怕腥,但佢o個d豪就唔會, 我都食左幾隻! 開邊龍蝦仔都好彈牙, 仲有長蟹腳, 同波士頓龍蝦仔(原隻, 唔知點食)其他仲有唔同既凍肉, 沙拉(d菜好新鮮!!)芝士…食左45分鐘頭盤, waiter 突然來個送既goose liver, 看似好漏, 但一入口, 嘩! 出面脆, 入口即溶鮮味呀!!Main course來了(同上圖一模一樣）, 我個牛柳好靚呀, (想影相,但怕比人見到好白痴咁….)一切開, 咦?有d白色野o係中間…?哦~係豪呀(有2隻)

我join左buffet club，所以日前去食呢間餐廰，雖然有coupon, 可以買一送一，但係都係唔抵，原因食物選擇太少，salad bar選擇唔多，冷盤只得生蠔及凍蟹蚶，主菜有5擇一。除選擇少外，食物質素都幾好，服務唔錯，不過咁口既價錢，可以有更好的選擇。

每年公司都有餐飯食的,你話係for 做冬又得,for X'mas 亦得,得左!又食完番黎了,照舊係去Hotel Nikko 的Les Celebrites食semi-buffet,頭盤,dessert 係自助,有一個湯,鵝肝,main course,drink今次揀左個煎三文魚,麻麻地...鵝肝好羶,Oysters就不錯,不過今次得一款,呢度d quality同service好似一年比一年差.....1pm 去到,食appetizers,oysters,salad,sashimi....已食左幾轉,甜品都食左d,2pm了,main course都未黎,最後要take 左餐\飲先....同事們好多要羊架,竟然無人問要唔要mustard or mint jelly,上餐\飲又上錯位置,以前都唔係咁o既....好彩waiter們有禮貌補數不過算啦,今日放4pm,食完番黎都成3pm,象徵式坐陣就走人lu XDDDD

我都係join左buffet club.所以買一送一ＳＡＬＡＤ　－　ＧＯＯＤ魚生ｏｋｓｕｓｈｉ　ＢＡＤＯＹＳＴＥＲ　ＯＫ鵝肝　ＶＥＲＹ　ＢＡＤＳＥＲＶＩＣＥ　ＧＯＯＤＤＥＳＳＥＲＴ　ＧＯＯＤＭＡＩＮ　ＤＩＳＨ　－　牛柳太熟，　仲濃左　（失敗！！）大蝦同魚　－　ＯＫ 有ＣＯＵＰＯＮ　就ＯＫ　ＬＯＲ！！

我同男友都係join左buffet club.所以買一送一,初頭我同男友一入甄到間餐廳...呆左,因為地方真係幾細,兼且好似好少野食咁,不過坐落好舒服,地方乾淨,仲要係燭光晚餐添! 呢個餐廳o既宗旨係"貴精不貴多",魚生幾靚,吞拿魚靚過三文魚,有幾款沙津,唔錯,佢有個冷盤o既凍肉好似臘腸咁o既樣,我好鍾意食,跟住佢個蒜蓉包都好好食,個雜菌湯就一般啦,個度d生蠔唔係好大隻個d,相反細細隻仲好味,仲有冰鎮蟹,之後有個鵝肝,係全晚至好味o既野,不過食完佢都有d飽,我地主菜叫士個牛柳同大蝦,大蝦唔係咁特別,牛柳我地叫得太熟,所以都係一般,甜品方面選擇唔太多,又o岩o岩我地去個日冇cake食,有朱古力mousse,芒果拿破崙,法式焗蛋...一般黎講都唔錯,佢有d雪糕係自己用鮮果打架,口感有別於其他雪糕,我個人就幾鍾意~ 值得一提o既就係全間餐廳d侍應服務態度都好好! 埋單$480

我地又係join左buffet club, 所以去試。我覺得環境唔錯，好靜，服務都好好，收碟好快，好有禮貌。我覺得冷盤好正，三文魚、生蠔和蟹腳都好新鮮，我食了很多，Ｄ火腿又好味，頭盤是雜菌多士，塊多士吸收晒Ｄ汁，好好味。main course五選一，我地選了煎鴨胸及海鮮龍蝦汁天使麵，其實都好食，不過就普通ｄ，因為之前食左好多冷盤，所以食唔晒，兼且要留肚食甜品。我好想試鵝肝，不過可惜見唔到，無得食。甜品選擇的確不多，但算有水準，藍苺cheese cake及tiramisu都好creamy，芒果千層酥好滑，仲有75ml既杯裝haagen-daz雪糕，我地就食得好滿足了。$400一位的確好貴，不過我地買一送一，埋單$480，兩個人就ｏｋ啦。

之前同男朋友去食dinner,地方唔大,不過環境唔錯,幾浪漫,服務都ok半自助晚餐係頭盤甜品任食主菜再另外七揀一自助晚餐唔係太多野揀不過d生蠔都幾新鮮goose liver都唔錯,好香,入口即溶整體都幾好,可以去多次

因為男朋友join咗buffet club有買一送一, 所以先會黎呢度試.一黎到, 餐廳比較細, 細到唔似係自助餐, 不過環境好好, 枱與枱之間都有幾大距離, 我仲有sofa坐. 一坐低, 服務員就幫我地點爉燭, 識咗男朋友咁耐都係第一次食燭光晚餐. (kaka...我地比較實際.)半自助晚餐係頭盤甜品任食, 主菜就七揀一. 頭盤有魚生, 生蠔, 蟹腳, 沙律, 火腿等等. 地方雖然細, 不過由於少人, 佢每樣放少少, 都幾多款揀. 生蠔雖然細細隻, 不過味道好好, 好過果d大大隻但係又冇味既美國珍寶. 淨係食頭盤都飽咗8成. 主菜我要咗煎雞胸, 男朋友要羊脾. 雞胸冇煎到乾哂咁, 啖啖肉最岩我呢d懶鬼. 不過個配菜炸薯絲就唔係幾好食, 一係就硬一係就腍, 冇一條係脆既, 仲油淋淋.甜品有haagen-daz同tcby雪糕, 味道唔多, 得士多啤梨, vanilla, 同朱古力. 其他甜品款式唔多, 我淨係食左個士多啤梨cheese cake, 木瓜釀蘆薈, 同埋生果.加埋2杯白酒, 埋單$590.

宜家做緊8折，原價400蚊，折後320(未計加一)，6:30去到我得o地一台，其他人多數都係7點幾先o黎。有d失望，因為餐廳環境雖然舒服，不過唔多似一間高級酒店餐廳，頭盤同甜品係自助，另外main course係七揀一，先講頭盤魚生、生蠔同蟹腳係好新鮮，而其他沙律同冷盤，似隔離食buffet個d。main course楝燴羊腿同扒爐魚，羊腿唔蘇不過肉質似牛仔肉多d，爐魚就冇咩特別，總之兩個main course係一般好少少的餐廳都食到。而甜品款式唔多，有一個木瓜釀蘆薈，好清幾特別，芒果千層酥，我食五件，入面d芒果cream好有香芒果味，好似食緊芒果雪榚，還有一個係酒店自制綠茶紅豆雪榚配紅豆，我又食三、四碟，而其他甜品都似隔離食buffet同一廚房出品。不過兩個人埋單食7百蚊，我真係覺得唔抵，去隔離間cafshop食buffet好過。

同朋友遲o左成九個字先入場, 不過都唔駛怕, 因為呢度唔會有好多人同你搶食, 環境幽靜, 情調一流, 而且食物補充又快. 我當然主打魚生( 雖然因有tuna + 三文魚兩種, 不過新鮮大件, yummy ), 仲有我至鍾意o既煙三文魚( 香草o個隻正d ), 連巴馬火腿都好食過自己o係超級市場買o既多多聲, 真係無得比.不過甜品方面variety 就太少了( 可能因為人客數量唔多), 而且我嫌朱古力蛋糕太苦( 不過我朋友話好好食, 個人口味啦). 不過熱辣辣o既蘋果pie 真係好好食, 肉桂香夾雜煮得香軟o既蘋果醬中, 但又仲有一粒粒肉, 有口感. 再加上香香o既外皮, 相信冬天食暖笠笠就仲正! 其他生果等都係above standard o既.至於main course 方面, 可能魚生太吸引, 所以我食o個個龍(月利)柳都覺佢無咩特別( 肉汁都幾夠o既, 不過... ... 都係魚生正d ). 我朋友叫o既係酥皮三文魚, 睇落賣相幾heavy.服務方面十分好, 收碟好快, 而且好細心( 我朋友拿起自己隻碟叫我食左d 菜, 個部長即刻過o黎話同我個朋友拿, 因為隻碟熱). 用恆生或匯

真係好! 食物賣相靚, 蛋糕造型精緻..所有食物都o岩我口味, 自己帶o左枝紅酒開(唔收開瓶費)..服務一流, 有海景睇, 舒適又浪漫, 正!價錢合理, 加埋一$270個/星期六…highly recommended!!

氣氛好Romantic. 檯同檯之間有一定距離, 我同男朋友係今年情人節去. 價錢真係好貴. 但係D 三文魚生蠔真係正到死. 又新鮮, quality 又非常之高.甜品亦做得好靚(全部係心型), 好有心思. Overall, 隨o左價錢真係貴到暈之外樣樣都好好.

在數年前在此吃晚上的自助餐, 價錢差不多要$300, 但印象中它的環境很靜, 燈光很暗, 完全不似其他酒店, 一張檯離很遠才有, 最適合情侶去, 頭盆和甜品是任食, 它還有一個主菜可以揀選, salad 是非常正, 有龍蝦和帶子, 生蠔和甜品都是放在一間有強勁冷氣的房間裏, 甜品也很正, 希望它現在還是這樣。如果想吃平D, 可以考慮在下午去, 想清楚些, 各食家請再電問。