名廚

營業中

休息中

今日有幸老闆請客，所以一行6人去咗人稱名星食堂嘅"名廚"食lunch. 由於我哋成2點鐘先去到，所以冇乜人，得我哋要枱係廳面。 唔知係咪經理同老闆熟絡關係，佢特別好招呼。我哋叫咗點心紙上嘅點心，包括蝦餃，燒賣，炸粢飯，咸水角，生煎包等等等等。老實講，質素可以，唔太特出。尤其係生煎飽，我覺得唔太好食，但經理話係招牌呢.除點心外，我哋當然有叫其他嘢，叫咗個生煎雞，水煮牛，老總炒飯，炒時蔬同杭椒。生煎雞冇咩香味，一般貨色。水煮牛除咗啲牛滑之外，唔合格，因為冇香味亦唔辣(雖然係有好多辣椒，但似用嚟裝飾多). 個杭椒先過份，一啲都唔辣，似四季豆多啲。咁樣就1千9蚊，唔怪得話係名星食堂。 整體來說，唔計辣嘢，其他都係好一般， 唔知夜晚會唔會水準好啲呢

大肥爸爸雖無六尺高，體重卻遠超二百磅 ，好明顯係愛吃之人。多年前佢帶頭，與幾位好友組成每個月都會見面o既「大食會」，顧名思義係想值此機會聚一聚，兼且大吃一頓啦！「大食會」會員人數至今已增加到十二人，啱啱好一圍，所以大多食中菜為主，十月份聚餐亦不例外，有會友負責做搞手，去試食名中菜館「名廚」。大人聚會，絕少有後輩出席，小肥有幸參與此次聚會全因其中一位會友臨時告假，並誠邀小弟代為出席；唔洗比錢，又有好野食，嘻嘻，試問XO仔又點會say no呢 ？！「名廚」喺銅鑼灣近天后o既一端，離開兩個地鐡站都幾遠吓，其實有少少唔就腳，搭巴士或者小巴嗰區好多時又會塞車，夠時間最好搭電車，有私家車人士可享用代客泊車服務。餐廳有兩層，兩層個入口都唔同，地下主要做散枱，一樓有幾間獨立房，則做私人派對為主。大食會飯局設於一樓一間有私人洗手間o既房內，地方乾淨企理、光猛闊落，餐桌及餐具亦潔亮如新，衛生舒適。唔知係咪因為當晚喺一樓食飯o既客人唔多，喺房間出入o既服務生人數高達四位 ，態度殷勤有禮，各人分工合作，斟茶、斟酒、分餸、換碟，樣樣周到，毫不怠慢，就連經理都落手落腳做埋一份，服務真係好到有少少誇張！據大肥

一直對形象神秘的銅鑼灣飯堂感到好奇, 卻未有到訪的機會。最近, 飯堂於同區開設了一家名叫名廚的店子, 位置同樣隱蔽, 位於摩頓臺, 形象相對較為親民。店子面積很小, 地下主餐區只有五張中型檯, 上層應該有些廂房。店子裝潢簡約中見特別, 以匙羹砌成不同的圖案作裝飾。午餐供應點心, 大部份都是大路款式, 其中較為特別的有雪山杏仁包, 自然令人想起西苑那個版本, 不過, 送到來時, 看見那個「白潺潺」的賣相, 已心知不妙, 幾乎沒有任何烘焗的氣色可言。拿起來更有「驚喜」, 碟上已經放有一片墊紙作吸油之用, 但仍然有大量油份「浸」著那張紙, 吸都吸不了, 實在難以想像這個包內還有多少未流出的油份。進食時感覺當然「油淋淋」, 滿口都是油, 表面又沒有香脆感, 內層的杏仁餡料還可以, 但還是被那份極油膩感遮蓋。其他點心質素亦相當一般, 收的卻是高檔食店價錢, 平均每客五十多元, 還要加一, 性價比極低。同區有不少更好的選擇, 沒有再來的理由, 亦令「檸茶」對飯堂的幻想幻滅。

一家人與好友聚餐, 前兩周決定試吓新菜館, 便打來訂位。訂位時順便問酒樓有什麼招牌菜要預訂, 接待員介紹了幾道菜 - 馳名1. 鹽焗雞 2. 炸紙雞 3. 胡椒蝦(一定要預訂) 及 4. 花雕蒸蟹。 我立刻訂了1及3, 之後更訂白菜豬肺湯。 當晚朋友未到, 侍應送上熱茶後, 經理便提議我們叫點小吃, 他介紹了海蜇, 之後我叫了菜牌上的涼伴貓耳朵(迷你雲耳)。 海蜇爽口彈牙, 雲耳的陳醋帶點甜不會太酸很醒胃。齊人後, 開始點菜 - 我們選了頭盤小吃話梅豬手, 味道調教得好, 豬手不韌, 好味! 寫菜的靚仔話今晚冰鎮鮑魚好新鮮, $38隻, 要埋囉。鮑魚肉鮮腍身很清爽可口。 當晚吃了:涼伴海蜇涼伴貓耳朵冰鎮鮑魚話梅豬手白菜豬肺湯無花果生炒骨漁香茄子煲鹽焗雞(半隻)胡椒焗蝦上湯蛋白浸茍杞江南五秀豬肺湯是我很喜的湯水, 這裡湯水很有火喉, 白菜味濃, 如果加杏汁就更美味了。 而且這個湯價錢比同級的食店較貴。無花果清甜有咬口配生炒骨不但開胃, 味道也令人越食越想食。胡椒蝦, 一般焗到脆口的蝦都會有點霉, 但這個蝦還是彈牙, 陣陣胡椒香味加上味道有點辣, 野味又不搶走蝦的鮮味。最後免費送上紅豆

一篇遲來的食評...十月一日, 和一班相識多年o既舊同事聚舊晚飯. 由當年o既黃毛丫頭, 到今日變成人妻, 咁多年都依然可以KEEP 住聯絡, 呢份感情真係得來不易, 所以當晚聚會我非常用心去搵一間有質素o既餐廳.在公司同事介紹下, 去o左CWB 一間新開o既中菜餐晚飯. 一去到門口, 感覺好華麗, 分兩層. 我地訂o個張枱o係一樓. 入到去, 裝修好靚, 但唔係好多枱, 望真d, 原來有好多VIP房. 呢度幾菜式好精緻, 重質不重量.仲有幾道小菜想介紹, 可惜冇位上載相. 例如清炒河蝦仁, 感覺版肉好彈牙, 同老闆親自即撞蛋白杏仁茶.