名薈酒家 (已結業)

名薈有一位女主任,服務態度勁差,上班可以不穿制服,我初時以為是老闆娘,後來才知是女主任.我見過她用粗口罵茶客,而經理從來不理.今次,我和太太飲下午茶,廚房出菜奇慢.坐在我們附近是一對老人.伯伯中風坐輪椅,婆婆等了很久,菜還沒有到,她便問這位主任,誰知她罵婆婆多聲氣,其他食客看不過眼便幫婆婆,她仍邊走邊罵.我真不知這間酒家為甚麼可以容忍這種態度惡劣的員工.一句:無制度!

話說，我本來開開心心咁同婆婆公公飲茶，但係一入到去，7個人坐左係4-5個人嘅枱，好!唔緊要，可能星期日係比較full!!叫左in total 18樣點心!!雖然好快就黎左幾碟，但係由於我地唔見左張stamp card，每次個d嬸嬸都好唔禮貌地上菜!! Oh My GOD, 咁ge服務態度都得!!服務差唔再講，衛生一樣咁差!! 一入到去，枱上面ge碗筷唔係有飯粒，就有茶積，好似無洗過wpr!! EXTREMELY DIRTY!!喝茶嘅時候，"茶"ge quality 係好重要ge，但係佢provide ge 香片有一種難以形容ge"酸酸臭臭"味，好奇怪!!食物質素仲惡劣!!脆皮燒腩仔，話明脆皮應該係脆"pop pop"，但係食落一d都唔脆，又凍，一d都唔新鮮!!><腸粉一d味都無，又唔滑，就算加左甜豉油，都無辦法帶出腸粉ge粉香!-.-潮洲粉果, 皮薄，但係個inside 就唔足料，淨係得花生，同埋少少菜，食落似麵粉加炒雜菜!!--__--服務, 衛生同食物質素都極級惡劣，你估下我下次仲會唔會黎??

每隔一段時間都會到位於坑口站的「名薈」飲茶，因這裡地方大，等侯時間較短，而且食物質素都不錯。就算等位，門口都有好多椅子，可以舒服等位。今天再去，但趕不及12時前結帳，所以要俾原價。12時後結帳$17.8(小) $21.8 (中) $25.8(大) $29.8(特) 12時前結帳$13.8(小) $17.8 (中) $21.8(大) $25.8(特) 點了四款點心及星洲炒米，埋單$190；這個價錢在將軍澳都唔平，可以有更好的選擇；下次要早D起床先可享早市優惠。菜苗餃大大隻，裡面好多菜苗，菜苗味道甜甜的，好似落左糖；有少少蝦，蝦味欠奉；皮厚，味道一般蝦腸粉皮厚，唔夠滑；蝦份量少；味道一般鳳爪都五隻，份量足；味道都惹味叉燒包蜜汁味不錯，可惜叉燒不太多；麵包鬆軟，味道都可以～星洲炒米星洲炒米份量都幾多，炒得幾干身，味道都可以比之前食差左～下次會唔會再來？

原本諗住和外母一家人開開心心食餐生日飯，點知啲餸菜非常一般，離譜是海中蝦（6隻）收費$88，但隻蝦個size絕對唔喺中蝦！另外，叫了條龍躉，但似青班多過似龍躉，仲要唔喺游水嘅，真喺食落一肚氣！仲有，大家落單前一定要諗清楚，一經落單，便不能更改，真喺激到噴煙😡

4月30日（星期六）晚，這頓晚飯有幾重意義：一、這晚是內子首次以正式家庭成員身份出席家庭聚餐；二、是內子第一次和由遠在楓葉國來港的阿姨吃晚飯；三、家母和二姐姐同是在五月生日，是晚既預祝她們的生辰外，也順道慶祝母親節。是晚晚飯地點由家父決定，但點菜的責任依然落在我身上，但跟以往不同，這重任有內子和我一同分擔。因為人數也不少，總共點了以下菜肴：皇室牛柳粒：賣相有點驚喜，相信是用類似京都醬的醬汁來煮牛柳粒，略嫌牛柳粒份量不多，煮得雖不算老卻也不夠嫩滑；竹笙羅漢上素：清淡健康的菜式，份量也不少；鮮蝦荷葉飯：蝦仁的份量尚算足料，飯粒鬆軟且調味方面恰到好處，奈何欠缺荷葉的香氣；翡翠冰斑球和白玉蒸頭腩：因家父愛吃魚，每逢出外晚飯我亦例必點有魚的菜肴，是晚家父想吃傳統酒樓晚飯必有的大斑兩味。前者是將魚起肉炒球，魚肉細致軟滑；後者是蒸頭腩，最能突出魚的鮮味，不過無論魚的味道如何，我最愛看家父吃得津津樂道的樣子；脆皮燒腩仔：由於家父和兩位還小的外甥女也頗喜歡吃燒腩仔，所以這個也是經常點的；這裡的燒腩仔肥瘦分明也適中，肉質亦頗嫩滑，若皮可以更脆就能媲美名店出品；蝦干銀絲節瓜煲：蝦干甚具鹹香，節瓜亦煮得入味爽

脆皮燒雞, 外脆內滑上湯龍蝦, 雖然好食但係都幾少片皮鴨$5X, 都有得即場片唔肥唔瘦, 好食!!送既老火湯, 正!第1次試呢間, 水準唔錯下次試下飲下午茶

在將軍澳東港城, 飲茶的地方不多, 今天選了名薈名薈酒家裝修有豪華和 簡潔的味道, 即使中午時間, 客人也不算很多,究竟是什麼原因?侍者帶我們到一張枱坐下, 酒家設有數台電視, 客人坐著也有點娛樂.我們點了二人餐, 包括一道小菜, 兩種點心和一道小炒 所選的點心是蝦肉燒賣和鳯爪, 小菜有甜酸排骨, 而且要了菜遠蝦仁健康米.蝦肉燒賣份量適中, 賣相醒目, 蝦有鮮味, 混和鮮肉, 就是可口!鳯爪味道一般, 甜酸排骨做的不錯,拌碟有糖霜腰果, 幾特別!菜遠蝦仁炒紅米飯味道適中, 適合口味清淡的我這一餐連茶錢要一百四十元多, 吃得很飽!食物是有水準, 但七元一位茶錢再加一對一般人來說是高價享愛吧!

4月24日（星期六）晚，是晚為家父賀壽，因家父覺得這裡環境不錯，特意和親戚來這裡吃晚飯，還包下廂房一間，好讓一眾親友吃得自在一點。以下菜單是家父欽點的，雖然一圍十五人有兩位小孩子，但我怕始終不夠吃，就加多了一個素菜：五褔乳豬件全體：皮脆，不太肥且肉味濃；上湯焗龍蝦（伊麵底）：樓酒稱足三斤龍蝦，相信是兩至三隻龍蝦組成，原本龍蝦肉還算爽口，但可能其中一隻放尿功夫做得不好，其中有數件龍蝦有“押”味，令我頗失望；上湯鮮腐竹浸雜菜：這個是我刻意加的素菜，主要是為牙齒不好的姑姐而設，整體味道清淡；黃金帶子百合珊瑚蚌：黃金帶子原來是炸帶子，粉漿太厚影響了口感，帶子則欠缺鮮味，用了雪藏貨也難怪，其餘百合珊瑚蚌則是普通酒樓吃到的酒席菜式；百花炸釀蟹拑：炸得不算過火，口感尚算爽脆彈牙；翡翠玉環瑤柱甫：又是一道酒樓常見的酒席菜，不過不失；紅燒鮮蟹肉海皇翅：紅燒湯芡不太濃味，應該沒有下太多“師傅”，蟹肉、帶子和翅等份量不少，頗足料；清蒸東星斑：因家父愛吃魚，所以由原本的海星斑加了數百元換了這條紅色的東星斑，肉質果然鮮味幼滑，但最重要是家父喜歡；名薈金牌石榴脆皮雞：外表和一般炸子雞沒分別，皮脆肉嫩，始終是用冰鮮

平時茶餐廳叫外買會收 五毫子一個盒, 我接受這種收費, 因為利潤不高.但在一間酒樓, 收足茶錢 $10一位, 酸菜 $30 , 一碗白飯都$10, 又有加一服務費就絕對接受不了外賣盒每個收 $1.0這實在太小家了. 真想問一句裝盒膠袋又要唔要加收費用呢~~這種做生意態度, 實在佩服萬分.

今晚提早做節...本意除了做節, 平時各有各忙, 也想一家人珍惜時間聚一聚! 預先訂了位, 人客不太多! 片皮鴨兩吃(+涼瓜炆鴨肉), $168 + $50, 片皮鴨不脆, 沒有什麼味道, 麻麻地, 反而涼瓜炆鴨肉用豉汁炆, 非常入味, 鴨肉又好多, 不知我家女性是否不吃得苦, 通通不太愛它的苦味, 但爸, 哥, 老公卻讚不絕口!蒜子浸菜遠, $5X, 唔夠腍, 一般!蜜桃咕嚕肉, $5X, 怪怪的咕嚕肉, 沒有多少汁, 也不是常吃的顏色, 黑黑沉沉…一點也不吸引, 而豬肉本身也不太腍, 味道不是酸甜的, 怎會好吃!清蒸海斑, $168, 約十二兩, 幾滑…家人話街外既蒸魚好吃點, 我就舉腳反對啦…太容易得到的, 大家也不懂珍惜! 媽媽永遠是最好的廚師!白玉翡翠環, $8X, 冬瓜環中央藏著什菌, 期望過高, 冬瓜不入味, 略硬, 菇菌獻汁也過厚!環境夠寬闊, 也容納到我們的 BB 車, 侍應人數不太夠, 隔離枱一面投訴冷氣不夠, 一面投訴等了四十五分鐘也未有菜送上, 這麼一吵, 侍應們跑著送菜, 非常危險, 有時會覺得如果人能鬆容一點, 對自己對人也較好! 最後….小食 (花生),

標題咁寫, 係有原因的!尋晚同外家成家人去名會食飯, 提早做節 (中秋節), 一家大細加埋六個人, 叫左幾樣小菜食, 包括: 乳豬件, 豬腳仔, 蝦醬a菜, 酥炸牛腩件, 薑蔥大鱔煲, 咕嚕肉同埋龍蝦伊麵底 (呢味要三百幾蚊, 因為成隻上)乳豬好有水準, 好好食, 皮夠脆, 肉唔靭, 燒汁夠入味; 豬腳仔都好正, 慢慢損, 好滋味!酥炸牛腩件我十分之欣賞, 牛腩唔靭, 鬆化的酥炸做法令牛腩更香更好味, 仲有黑椒汁同檸檬汁俾我點, 正!薑蔥大鱔煲熱辣辣, 香噴噴, 鱔肉有彈性, 絕對係新鮮的肉, 薑蔥汁味道好好, 咕嚕肉都好食, 唔會太甜或太酸, 味道啱啱好正想大讚之際, 出事喇!! 龍蝦伊麵個汁原本係芝士焗的, 但味道好似奶粉的味, 本來都唔係大問題, 因為都唔算太難食, 但係龍蝦件出奇地有一半係臭的, 仲臭到入唔到口真係一子錯, 滿盆皆落索, 本來要俾笑臉, 但因為碟龍蝦, 變成了一個ok

今天返娘家陪父母兄嫂飲茶, 原想去利寶閣, 父親大人誤會了....不過, 家人吃飯, 無咩所謂啦!點心如下叉燒腸, 叉燒不太多, 但粉皮很薄, 很滑, 還有些少菜在內!馬拉糕, 很鬆軟, 黃糖味不重, 也不甜, 正!蒸牛肉, 幾滑, 牛肉味不重!鳳爪, 沒有吃, 有花生粒墊底!魚湯浸油麥菜, 吃得最多, 油麥菜夠爽, 又清淡, 不俗!蝦餃, 四隻大大隻, 粉紅色夠吸引!鹹魚蒸肉片飯, $22, 好細好細既瓦罉, 份量不多!"小心"香芋包, 只有一點點流餡, 但好夠熱, 不太甜, 香芋味不夠濃!咸水角, 媽打話很熱!整體食物比同區好食, 但價錢當然也略貴, 一分錢一分貨, 自己選擇吧!

逢星期六日下午會去飲茶, 去黎去去都係坑口晶苑~好悶阿~昨天去了呢間野飲茶. 因為間間都要等位..呢間竟然唔洗等~ 仲唔洗搭枱tim.叫左佢下午特價都有六七款,全部八元. 味道唔錯.睇到點心紙, 比附近其他酒家多d款，樣樣都想叫.. 環境裝修過.冷氣不太夠.但不至於焗.. 上菜都幾快. 係埋單比較耐.

呢間酒家開唔夠兩個禮拜，佢原址本來係金麟酒樓，但東港城商場大裝修後，個舖位有一大截間畀TASTE，所以依家呢間酒家size細好多，又所以飲茶時段都有好多人等位，正所謂新屎坑，特別多人想試，因此仲未有機會試佢點心，唔知掂唔掂？上星期四晚卒之忍唔住走去試佢晚飲小菜，一坐低就有好多伙計走埋問開茶未，初步覺得佢服務算唔錯，當我同老婆度睇緊個Menu陣，其中一個伙計向我推介佢招牌菜，就係糯米雞翼同石榴雞，老婆唔食雞，所以一定唔會考慮石榴雞，至於糯米雞翼本來都冇諗住叫，但係我叫個素鵝佢又話賣晒，所以咪聽佢點叫兩隻呢個25蚊一隻糯米雞翼囉！唉......以後真係唔好亂咁聽人推介呀！隻雞翼又細隻，最命係冇味道，同農圃飯店比，真係輸足9條街，真係唔知佢點解夠膽同人講係招牌菜呀！真係想即刻走出去拆佢個招牌，小南國椒鹽小黃魚都係25蚊一條，就好食同抵食過佢多多聲喇。另外我叫燒汁野菌牛仔骨，呢味都幾好味，仲有叫蜜桃咕嚕肉，個菜名有蜜桃兩個字，但就摷極都摷唔到一塊蜜桃，只係有菠蘿，點解唔叫菠蘿咕嚕肉呢？真係神奇！呢度白飯好細碗，仲要成10蚊碗，唔通米價真係加到咁離譜？係啦！仲有一樣好笑想講，呢間係用編號落單，咁