名館 (黃埔天地) (已結業)

晚飯時間又想食下點心又想食下小菜， 呢到岩哂， 有點心，粉麵飯，小菜，燉湯，甜品等款式好多， 地方又大， 又有麥茶飲😝黑金流沙包（$48）甜甜的， 又香奶黃味道， 一咬就流哂出黎❤️和麻醬雞絲粉皮（$58）有些麻辣， 又帶些醋的酸酸的味道，又有麻醬味，多重味道，幾特別， 表面還加了很多花生碎蜂蜜有子蝦球（$78）甜甜酸酸， 好開胃，蝦炸得剛， 炸皮唔會太厚✌🏻私房黃金球泡飯（$68）飯做成一個波再炸成黃金色， 可以係食用前把飯球折開湯中有蕃茄碎， 東菇碎，豆豆，粟米粒， 豬肉碎， 用料十足👍🏻金銀蒜蒸娃娃菜（$58）蒜蓉真的好多， 好香

名館喺黃埔蔡瀾美食坊入面， 地點方便就腳地鐵一出就到非常易搵。 餐廳都算幾大可以容納好多人， 有卡位亦都有長枱， 無論少人同多人都顧及得到。 餐廳裝修典雅， 但係小菜價錢圍起上嚟又不算太貴， 而且款式選擇豐富 ，每人100蚊上下就可以落到樓， 所以今晚就揀咗呢間餐廳啦。蝦球蟹子銀絲煲望落去款式雖然好似好簡單, 但係要粉絲炒得乾身 而又惹味， 呢D功夫一啲都唔可以睇小。 仲有值得一提嘅係，蝦球彈牙爽口， 係d粉絲入面仲搵到好多蝦子同埋蟹子， 都幾足料㗎。欖角肉鬆蒸秋葵秋葵我係屋企通常都係白烚或者炒多， 今次用欖角呢蒸都係第一次試， 欖角鹹鹹香香，加埋蒸過嘅秋葵唔使過多調味料已經好好食。胡麻醬雞絲粉皮青瓜雞絲同埋粉皮本身都係一啲淡口味類別的食物， 但係加咗幼滑的胡麻醬， 令到食物 的味道同口感都提升咗層次。 而且係夏天食這道涼爽嘅菜， 開胃清新。手工蔥油餅蔥油餅整得大大件， 面頭炸得金黃， 雖然呢度啲蔥油餅唔係整得薄薄鬆脆嗰一款， 有啲似 中式包點嗰種質地， 而且入面蔥嘅份量都好多， 都幾好食。

黃埔名館一篇有偏頗既食評，因為我今晚實在太肚餓喇！今晚喺名館點既野，實在太合我口味了，叫左個柚子蜜炸蝦球、金黃球泡飯、黑松露小籠包。柚子蜜炸蝦球真係必點，俾甜甜既樓柚子蜜包圍住既熱辣辣炸蝦，口感既層次大大昇華，同一直所食開既炸蝦球好唔同，甜同爽滑既交集，實在要一試。金黃球泡飯，金黃球就係一個圓碌碌既飯團，外面少少飯焦，脆脆地。泡飯既湯夠好味，偶意食到既蕃茄粒好清新，加強左食慾，令我既肚餓感更肚餓，令食物變得更好味。黑松露小籠包就一般喇，貴又貴廿蚊，但食完都差啲唔記得左自己叫左黑松露小籠包，湯亦唔夠熱，皮都一般，呢味菜大打今晚折扣。另一點不得不提醒一下，名館既飯菜係好，但衛生真係一般，上一次黎，隻碗有好幾粒乾左既飯，今次就四張櫈有兩張都有上一手既食物，有隻羹又痴在好多乾左既食物......實在要改善一下。

最近知黃埔都開了名館 ,特登帶埋屋企人去試下。環境舒服,地方闊落,又無一般酒樓咁嘈吵。 陳醋珊瑚紅海蜇頭 $58同平時食開海蜇頭唔同, 有埋啲裙邊,好爽口金銀蒜蒸勝瓜金菇$58平時勝瓜處理得唔好會有陣草腥味。今次呢個唔腥, 加咗金銀蒜肉碎好香口。蝦球蟹子銀絲煲$68一夾粉絲好香蟹味, 蝦球數目都唔少 用砂煲上 加埋小小芹菜 好香~~石鍋鮑魚雞粒炒飯$98呢個飯值得推介👍 首先石鍋裝一路都保持到熱度, 另外咬落去又有少少脆米, 成個飯好有鑊氣,仲有 冇呃你㗎 真係有鮑魚!!另外叫咗兩個燉湯 $58@糖心黑蒜燉響螺姬蟲茸燉花膠黑蒜知係好嘢但係平時好少煮嚟食,因為唔知點整。原來可以用嚟燉湯,啖湯好濃但係又唔似平時嗰啲蒜味咁辣。正~~姬蟲茸姬燉花膠好大片花膠喔~~~ 啖湯好清甜 飲得出無味精👍金薯棋子酥$68見到呢個甜品 好有興趣試呀!絕對係呢度既獨家~~ 唔單止整成棋子咁嘅樣,仲用棋盤上, 好得意呀♥♥♥番薯好甜,係天然嘅甜味。 點知咬落去仲係流心, 有啲類似椰汁! 好正呀😊好玩又好食名館 好啱年輕人食既中菜館~食物質素好,地方環境正,價錢亦算合理。一定有回頭丫

名館係黃埔開左舖👍地點就腳正正喺黃埔美食坊 C2出口 搭 lift 上去 隔離就係 一向都知名館係行別緻嘅中菜路線。黃埔呢間舖裝修得好有格調 ,唔似一般嘅中菜館。 有個開揚既半open kitchen。食物種類都好廣泛 有點心,海鮮甚至乎甜品。連茶壺都唔老土 係金色型格嘅鎮江水晶肴肉$48肴肉好 Q彈👍鮮肉一口小籠包$58一籠有五粒。真正皮薄餡靚,皮超薄~~~一咬落去 啲肉汁漏出來 正 👍👍蜂蜜柚子蝦球$78蝦球炸得好鬆脆,唔會話好厚炸漿, 配埋柚子蜂蜜酸酸甜甜 。可能因為佢用蜂蜜所以嗰種甜味係帶清香,唔錯。香煎黃金小米糕 $48未喺出面食過既~ 個質感好得意,唔似麵包又唔似蛋糕,有少少煙煙靭靭但係又有陣米香味 再帶有少少甜味 。好得意。呢個值得大家試下😊叫咗個燉湯 姬松茸燉花膠$58冇味精 ,好足料 !有 花膠魚肚 雞肉 豬肉~ 份量都分到兩大碗。$58 有燉湯,仲要咁足料。抵 👍👍

呢度不失為一個飲茶嘅好地方，裏面有茶飲仲有一盎兩件，茶帶點清香感覺，仲有黑金流沙包，金色嘅粉，係黑色嘅包上做了一些點綴，裏面的流沙做得非常好，放了良久有還會有流心感覺。其他值得推介嘅餸菜仲有鮮蝦野菜春卷、五仁口水雞、同水蜜桃咕嚕肉。春卷外型特別，好長身，雖然幼身但裏面嘅春卷有鮮蝦好彈牙，紅野菜咬口較爽，佔春卷大部份位置。五仁口水雞因為有好多穀物果仁食落去有點粗糙的口感，但那些果仁籽和雞件配合妥當，而且雞味濃厚，配上麻辣醬汁，比外面吃到的口水雞為好吃。水蜜桃咕嚕肉令我感到驚喜，因為水蜜桃很新鮮，而且很香甜，分量亦不算少，咕嚕肉咬口肉質好適中。

今晚甘岩係黃埔附近，就黎到美食坊覓食，一排無食過中菜，於是簡左間未食過既「名館」。🥢口水雞 $68佐料豐富，集麻辣鲜香於一身，口水醬汁帶辣勁，只係略嫌小咸，底層仲有青瓜墊底。🥢鮮蝦野菜春卷 $38春卷內既餡料好健康，蝦肉好爽口，野菜帶甜味，比平時酒樓食開豬肉餡料更好味。🥢石鍋鮑魚雞粒炒飯 $98石鍋炒飯特別香口，鮑魚雞粒份量十分多，鮑魚雖小但都有十幾粒，且夠彈牙，炒飯則夠哂入味。🥢蜂蜜柚子蝦球 $78底層味道甜蜜，蝦球經過炸煮處理擁有一件金黃帶脆外衣，內裡爽實。🥄姬松茸燉花膠 $58極補靚湯，味道濃郁又營養，女士們最愛。🥢欖角肉鬆蒸秋葵 $58其實本身係秋葵愛好者，第一次食蒸秋葵，加上欖角鹹鹹香香，味道不錯。

上次食過中環的名館，覺得不錯所以今次就同朋友去左黃埔果邊食😋蜂蜜柚子蝦球 $78蝦球食落去無咩油膩感，食落去外皮還帶有酥脆，柚子及蜂蜜的清新😋私房黄金球泡飯$68一黎到覺得好肉煎堆，買相好別緻，用飯煎炸而成再做成球型的食落有飯焦香味加上用上湯淆製！銀湖天鵝酥$58天鵝賣相很可愛❤就咁睇都已經很吸引！很有心思，而且薄薄酥皮內有甜甜的紫薯，味道不錯！黑金流沙包$48好靚靚既黑金流沙包，內裡軟綿綿流出奶皇嘅餡

本人妻同小鮮肉老公行開黃埔果頭冇野做 ，當然要起附近搵食喇 去到黃埔船附近 見到間叫名館嘅餐廳 睇埋餐牌好似唔錯 就入去試試喇 ！和麻醬雞絲粉皮 作為前菜咁食 ，真係唔錯嘅選擇 ，食落口煙韌之如 ，仲有少少辣味加埋爽口嘅青瓜食 ，可以開開胃 ！黑金流沙包 外表都已經好吸引 一打開個包 內面嘅奶黃就流曬出黎 食落去又唔會太熱 溫度剛剛好 唔驚炙傷個嘴仔 同埋如果大家覺得美心嘅流心月餅係好食嘅 呢個就係超級好味金銀蒜蒸娃娃菜 每餐都必需嘅蔬菜 賣相方面唔係太特別 但味道就幾特別 最特別就係有好多蒜 食落口都幾好味 私房金黃球泡飯 今餐最爆嘅菜式 一餸幾食 除左有湯飲之外 個波波飯可以溝埋湯變成湯飯食 本身嘅波波飯其實表面好似係飯焦 食落口好煙韌有口感 味道方面又出奇地好夾 幾抵食蜂蜜柚子蝦球 蝦球唔會太粉 食得出係新鮮蝦黎 估唔到蜂蜜加蝦球味道又真係唔錯 不過柚子味太出 搶走曬蜂蜜嘅甜味

又就快到中秋節了，家家戶戶都忙著買月餅送給親朋好友們，我家都不例外。今日趁得閒就陪同媽媽去選購月餅，我地黎到黃埔新天地行街街，行到咁上下就過左黎名館醫肚了！呢排食得太多油膩野，就想食得清淡一些！！首先侍應為我們送上1壼麥茶，呢壼茶幾好飲，入口甘香，好香麥味！！我地點左幾款食品首先黎到既係和麻醬雞絲粉皮$58呢款雞絲粉皮有點唔同，味道有點辣唔同出面食開既，出面食開會偏胡麻醬多一點感覺特別，又係另一番味道！！蝦🦐餃$48蝦餃大大粒，皮薄餡靚欖角肉鬆蒸秋葵$58秋葵唔係人人鐘意食，但本人就頗為喜歡💕炒既秋葵就食得多，蒸就真係末食過了加埋欖角肉鬆更有口感，又不失鮮味蜂蜜柚子蝦球$78醬汁甜甜的，蝦球食落去柚子味濃，炸得好脆食落又唔會好油膩。私房金黃球泡飯$68餐廳好用心，用個爐黎預熱個泡飯可以令飯keep住熱又唔會凍爐入面一個大大金黃色波波其實係將白飯炸左再加埋多款配料制作而成，飯粒分明口感一流，湯飲落去亦很清甜！！總括黎講呢到食品價格便宜，款式又夠多，下次會再度光臨品嚐埋其他菜式！！

黃埔其實都有好多野食, 今次揀左O係黃埔新天地美食坊度食.O係個美食坊都有唔同既食肆, 總有一間岩食.我地今次黎左名館, 朋友話食過CWB O個間話不錯, 所以試下!好彩去到唔洗等就入得!晚市套餐都幾抵食!有前菜, 有小菜, 仲有配埋飯同甜品~小菜都有好多選擇~餐廳既colour tone好舒服~套餐前菜: 雲南涼拌貓耳朵 個汁帶點酸辣, 雲耳好爽口~套餐小菜: 乾蔥豆豉雞煲煲上熱辣辣! D雞都幾夠味, 加埋有D乾蔥, 洋蔥同青椒, 好岩送飯!金銀蒜蒸勝瓜金菇唔會有太多既調味, 清清地, 不錯!勝瓜唔會蒸得太淋! 底下有D金菇, 連埋蒜蓉食好夾~套餐: 藜麥竹筒飯望落去好乾身咁, 但原來食落口又幾軟熟~糖心黑蒜燉響螺湯湯有3款, 叫左響螺湯, 都幾清甜~私房黃金球泡飯呢個泡飯賣相幾霸氣, 同埋會有個火熱住個湯飯!黃金球 (飯球)面頭帶有D焦香, 同埋都幾結實, 係滿滿既飯呀~個湯好濃郁! 入面仲有蕃茄粒, 粟米粒..連埋飯食幾有咬口,忍唔住食左幾小碗~套餐: 牛乳芒果布甸個布甸好香牛奶味同好滑! 同埋入面都有唔少香甜既芒果粒!奉送黎講真係幾超值~閒話家常, 不一樣的家常菜~

今天去黃埔花園逛街，逛完街，就在附近吃飯，看到這間新開不久的中式食肆，價錢又不會太貴，便入去試試。金桔柚子蜜梳打，金桔🍊和柚子蜜不會太甜，加上梳打，冰凍又解渴。和麻醬雞絲粉皮，這個涼菜，酸、甜、香都夠，粉皮又煙靱，是個好味開胃的前菜。私房金黃球泡飯，金黃球是飯做的，經過烤焗後，外表香脆，泡在魚湯內，吸收了魚湯的鮮甜，變成了甘香清甜的泡飯。金銀蒜蒸娃娃菜，蒜蓉帶起了娃娃菜的清甜，是一道簡簡單單，而野味的菜色。蜂蜜柚子蝦球，脆漿把蝦肉的鮮嫩鎖著，蝦肉仍然保持彈牙，加上柚子蜜的甜酸味，就層次更豐富了。黑金流沙包，蛋黃味道適中，而流沙不會太甜，吃完就很完美了。

黃埔出名多嘢食，自從黃埔站開通之後，真係去密咗呢邊揾食。老公都係鍾意飲茶，不過行過見到呢個較 fusion 的餐廳，大家也認為可以試試。餐廳內有卡位，也有方枱，枱與枱之間空間感足夠，所以坐得舒服。我們一邊看餐牌，一邊喝著茶，感覺十分舒適寫意。姬松茸燉花膠他真的很貼心，特意為我點上燉湯。燉湯十分足料，揾到原片花膠，加上味道很清新，而且無咩油，非常滋潤。厚切叉燒皇半肥瘦的叉燒，juicy 得來啖啖肉。鮮蝦野菜春卷長長的而且斜切，望落非常特別，讓人眼前一亮。春卷皮非常脆薄，而內裡很足料，蝦肉很彈牙，連埋爽鮮的野菜一齊食用，增加不少咬口。好味醬秋葵炒海螺片海螺片切得薄薄的，感覺是爽口的一種。加埋秋葵一齊炒，起初覺得有點滑嘟嘟有點不慣，但後來覺得一滑一爽的感覺原來係可以很有趣的。石鍋鮑魚雞粒炒飯他知道我好耐無食石鍋飯，所以專乘點這個給我，不過咁大兜我自己又邊會食得哂呢？鮑魚汁沾在每粒飯，食落好濃味。而飽魚並不是鮑魚片，而是原隻小鮑魚，我們像尋寶般，找到一舊食一舊，既好玩又好o趙口。

向來都幾喜歡食中菜的，特別係有特色既新派中菜餐廳！係 Facebook 冇意中見到名館既專訪，見到菜式都好特別，加上價錢又大眾化，就係甘即刻係group 吹雞黎試下！加上分店位置都好方便，一行四人就黎到黃埔啦...私房金黃球泡飯 HK$68原來所見的黃金球散開就是泡飯，外層係香脆飯焦，入面米飯不會太黏又有咬口！加上清甜雜菜湯底，我地連一滴汁也沒有放過...蜂蜜柚子蝦球 HK$78蝦球用上蜂蜜同柚子製作，入口酸酸甜甜，加上蝦球肉質鮮嫩，食落又開胃又爽口，不錯不錯！沸騰水煮滑魚片 HK$168估不到竟然有水煮魚食！魚片超滑又冇骨，辣度又啱啱好，值得推薦呀！銀湖天鵝酥 HK$58呢個天鵝酥賣相都幾吸晴，未食前先同佢影返張合照先！哈哈！原來入面係紫薯黎，食落甜甜地又不會太滯～ 黑金流沙包 HK$48呢個流沙包堅好食呀！包又夠軟身，蛋黃又夠滋味，好食到我想自己一個食晒成籠流沙包呀！鮮肉一口小籠包 HK$58小籠包皮夠薄，肉夠嫩，汁夠鮮，一口一個好正呀～紅燒嫩滑BB鴿 HK$58呢度d 乳鴿堅係採用BB鴿，因為肉質真的特別嫰，加

睇過Instagram知道名館以前推出過得意嘅點心，例如食得嘅銀紙，但一直未有機會嚐。去黃埔搵朋友，佢話想坐得舒服d，就黎左黃埔美食坊搵食。美食坊選擇多，但唔係間間都多人晚餐。我地見名館好似最熱鬧，就選擇左呢間。.私房黃金球泡飯 $68將飯搓成團，將飯團拎去炸，外脆內軟，面頭個一層就似飯焦；浸係香濃嘅魚湯裏面，米飯容易吸收晒魚湯嘅味道，除咗粒粒飯都變得好軟腍，而且仲好鮮味，加上魚湯裏面仲加入左番茄粒、粟米粒、青椒粒、肉碎等等嘅材料，煲出嘅係更多嘅鮮甜美味.和麻醬雞絲粉皮 $58比平嘅食嘅雞絲粉皮睇落有啲唔一樣，粉皮比平日食到嗰啲更加深灰色，但係仍然係好煙韌，有口感；份量都幾大碟一疊，雞絲青瓜整齊咁放喺面，淋上秘制嘅醬油，雖然唔係話雪到好凍，但係好juicy.金銀蒜蒸娃娃菜 $58蒜蓉炒娃娃菜食得多，但係呢度嘅蒜蓉比出邊嗰啲更加香，仲要唔辛辣，感覺似落咗麻油；蒜蓉香味滲透娃娃菜嘅每一塊菜葉，仲配合左淡豉油，清淡得來帶出咗娃娃菜嘅多汁味鮮，係一道健康又好味嘅小菜。.蜂蜜柚子蝦球 $78柚子蜜入饌係好多人都會用到嘅方法。將大蝦球脆炸，淋上甜蜜蜜嘅柚子青檸蜜，甜得來有啲酸，好開胃。雖然經過油炸