名館 (黃埔天地) (已結業)

上星期媽咪話要來黃埔AEON 買煲, 買完後就順便到對面既美食坊間餐,因為買完都7pm了, 見黃埔都開左好多餐廳, 剩係美食坊都有十幾間,要試齊都要花唔少時間~ 左揀右揀下, 卒之揀左去食中菜既- 名館 揀佢既原因, 除左因為全間餐廳都坐滿食客, (連出面等位都好多), 另外望吓價位都幾合理, 而且既菜式似乎係上海菜+中菜, 感覺幾多野揀幾唔錯咁 地方都好闊落, 所以今晚就係度開飯啦~ 私房金黃球泡飯-呢款似乎係鎮店名菜, 因為我見每枱都有點~~~賣相相當別緻, 以原個煲盛着湯來上桌, 湯中間有一個圓圓的球體, 原來係飯來的~侍應教我們一邊把湯熱着, 一邊用湯淋上飯團, 湯係好鮮味既蕃茄肉粒粟米湯, 唔好以為蕃茄湯就冇咩特別, 非也, 呢個湯頭真係好足料好鮮甜!湯用左大量既蕃茄, 肉粒, 粟米粒, 菇菇粒等等來煲, 所以係好甜架~再加上飯粒已吸收湯既精華, 熱熱咁食落去, 真係好好食呀, 唔怪之得每枱都點啦~ 養肝心燉鷓鴣 - 因為原隻鷓鴣用來清燉既關係,湯頭好甜, 而且好滋補呀, 一啲都唔會好油膩, 原盅老火湯真係好補身~ 姖松茸燉花膠- 養顏滋補!!!

因為就朋友返工地方, 所以就揀左黎黃埔食飯, 有地鐵黎到真係方便好多係Openrice見到呢間名館既食物都幾吸引, 於是就黎試下, 好彩唔使等位就入得啦~餐廳都幾大, 坐得都幾舒服架陳醋珊瑚紅海蜇頭呢個前菜好開胃, 酸酸地仲有青瓜係底, 海蜇頭勁爽脆, 如果份量多d就好啦銀湖天鵝酥呢個一黎到就勁吸引其實係紫薯酥, d紫薯蓉好甜, 真係又睇得又食得~姫松茸燉花膠呢個燉湯都好足料, 仲要有花膠菌菇雞肉係入面, 湯底好濃好好飲蜂蜜柚子蝦球呢個蝦球大大隻夠彈牙爽口, 加埋柚子汁仲更加開胃呀~石鍋鮑魚雞粒炒飯呢個石鍋飯超推介, 真係有好多鮑魚仔, 份量又夠多, 仲有飯焦食更加好味, 食極都唔夠喉呀其實menu仲有好多野食都勁吸引, 下次真係要再黎食其他野先得呀

午餐食得太多西餐有啲厭，晚餐決定同朋友食中菜，平時既中菜份量兩個人好難就，但名館出奇地岩岩好，可能 target 左小型家庭既市場。一坐低就上左壺茶，食到最後都唔使 refill, 幾大壺，茶既味道好特別，似係有炒香過。晚市都可以揀點心好驚喜，而且呢個流沙包夠流沙之餘又唔太甜，包既口感鬆軟唔痴牙，係近期食過好正既流沙包。蜂蜜柚子蝦球，蝦球既粉槳唔厚，炸得香脆，柚子蜜加柑桔令整體少份油膩而多份清新。欖角肉鬆蒸秋葵，估唔到秋葵可以蒸黎食，同啲醬既夾，完全冇青味。五仁口水雞， 有花生同松子仁等， 連埋雞一齊食好香口， 底部墊有青瓜。 私房金黃球泡飯，飯煎香左，個湯有豬肉，粟米，蕃茄，都幾濃郁但咸淡適中。呢度晚市好特別，點心，粉麵，海鮮，蒸飯，小菜，燉湯等都有得食，岩晒唔同口味既人。而且發現晚市套餐好抵食，下次一定要試下。

近日經常落雨，本來想在姨姨生日的那天，帶她到銅鑼灣吃飯，不過，她風濕腳痛，不能走遠，所以，我專程入黃埔與她慶祝。 一行三人來到美食坊內的名館吃飯，這是一家中菜館，點餐紙上有不少點心及小菜選擇。 鮮蝦野菜春卷春卷炸得非常酥脆，而內裏的餡料極多，除了鮮蝦還加了大量蔬菜，口感清新健康。 和麻醬雞絲粉皮 這個小食的份量超多，大大碟，粉皮滑溜，青瓜爽口，雞肉鮮甜，配上帶點鹹香的和麻醬，吃後很開胃。 欖角肉鬆蒸秋葵個人非常喜歡這個秋葵，口感爽脆，以欖角調味就能減低秋葵內的滑潺潺黏液感覺，而欖角一點都不鹹，相反，帶點甜味，很好吃。 蝦球蟹籽銀絲煲賣相不錯，蝦球爽脆彈牙，帶有海鮮甜味，而粉絲煮得非常入味，配上脆卜卜的蟹籽，令口感更豐富，更有層次。 蜂蜜柚子蝦球姨姨最愛這個蜂蜜柚子蝦球，味道酸酸甜甜，非常醒胃，而蝦球炸過後，外脆內鮮，讚。不過，這個小菜必須趁熱食，放涼了蝦球便會變淋。

話說行過幾次都見到有人排隊。諗住星期日放假就早d黎試下，雖然開左一段時間，始終而家生意難做，希望無錯過機會品嚐。一入到去帶位的問完我幾位，答左佢之後彷佛無聽過咁企左係度。坐低揀左陣野食（因為實在無乜野揀所以諗左陣）。食左4款式（味道正常，但就太極派既武功一樣，咸中帶淡，淡中帶咸，總覺得係我味覺有點問題），未夠飽就點多個餅食下，可能開始人多關係，一等就等到我飲左兩壺茶既時間，中間服務員既優質水平發揮了，不停收台面上既野，我明白做飲食有黃金時段，但係我都要食埋先會起身，不如快d出菜好過啦。題外話，等等下既時間，隔離台發現薄餅有頭髮需要更換。個餅一出有驚喜，驚：個餅咬左一啖之後完全唔想再放入口，喜：原來街邊阿姐既味道絕對係實力派。食埋個餅之後就盡快起身唔阻住人地做生意。最後補多講，茶係夠熱同埋願意加茶的。

以前住在紅磡，常把黃埔蔡瀾美食坊當飯堂。早幾年搬離紅磡，就久未到此處了。這天約了好姐妹晚飯，重臨黃埔美食坊。現在名字也改了，可能跟蔡瀾先生的合約已完結吧。幾年沒有來過，一樓前半部分的餐館仍然是那幾家，擔擔麵名店，太X燒味；但後半部分則全變了樣。今晚我們到的是名館，應該是以前Kitchen J 的位置。名館是新派中菜，晚飯有頗多選擇。朋友還未到齊，先叫個涼菜和麻醬雞絲粉皮，邊吃邊等。粉皮不是平常吃透明的那種，是帶灰色的，吃下去比平常吃的要較厚實，較有質感，和麻醬帶少少辣，很惹味，令人胃口大開。另外又叫了春卷，春捲呈長條形，對半切開。上枱時剛炸起熱辣辣，裏面包著青菜蝦仁。炸得不會太老，吃下去脆卜卜，鮮嫩多汁好好味。我想春卷是這裏的招牌菜吧，因為見到差不多每一枱都有叫。始終炸物有點熱氣，加了兩杯飲品，朋友叫檸檬薏米水，而我就選了蜂蜜杞子菊花茶。最喜愛是飲品不會太甜，淡淡的蜂蜜味，加上杞子菊花，清清熱也不錯。另外再叫了一個泡飯，私房金黃球泡飯。泡飯送到時我們搞了兩下，怎麼會沒有飯的呢？原來飯都盛在哪個圓形波波裏，要待外皮溶掉，飯就會露出來，很有趣呢。湯底應該魚湯吧，很濃厚很鮮味，再伴以蕃茄雜菇

自從大學畢業投身職場，匆忙無奈的生活讓人又想起了學生時期的精彩美好的日子。於是便邀約了許久不見的大學同學，齊聚於黃埔新天地知名的中菜館----名館，來聯繫聯繫同窗之誼。入座後看著餐牌上的眾多菜式，我們端詳討論許久，最後選定了和麻醬雞絲粉皮、鮮肉一口小籠包、鮮蝦野菜春捲、金銀蒜蒸娃娃菜、私房黃金球泡飯、蜂蜜柚子蝦球這幾道餐點。再各自點上自製有機燈膽豆漿、檸檬薏米水、海南金桔蜜柚茶等飲品。首先上菜的是和麻醬雞絲粉皮，香氣濃郁的麻醬香搭配 鮮嫩雞絲肉、Q彈粉皮加上黃瓜片的清爽，爽口不油膩，滿口香氣好滋味。鮮肉一口小籠包也是美味料理，皮薄肉餡鮮甜多汁，沾醬吃也是不錯的搭配。鮮蝦野菜春捲，春捲皮炸的酥脆，鮮蝦野菜的清甜，當它捲再一起一口咬下，那外酥內軟的口感層次太誘人了。金銀蒜蒸娃娃菜，看似清淡，但調味適當。清甜脆口的娃娃菜搭上香味四溢蒜蓉組合很不錯。私房黃金球泡飯，這招牌份量多，米飯經過塑型成圓球狀，表皮烤至金黃放置於蔬菜湯中，食用時須將黃金球搗碎與湯拌勻，實像粥品一樣，香滑軟嫩的口感，健康好吃亦好玩。蜂蜜柚子蝦球，鮮嫩的蝦肉裹上酥炸麵衣這一軟一酥的口感在嘴中不斷翻騰，融合蜂蜜柚子的酸甜碰撞出

是日家庭日黃埔美食坊也是其中一個家庭日晚餐的選擇之一黃埔美食坊, 這些年來的轉變很大是不是就更新餐館這次人多，當然就選中式名館厚切叉燒黃$78真的很厚切，超大一塊用上半肥瘦的肉烤製味道很濃肥而不膩入口滑嫩蜜汁甜味令叉燒跟香甜和麻醬雞絲粉皮$58和平常的雞絲粉皮不同不同在於醬汁在原本的胡麻醬上添入麻辣醬冰冰麻麻的超正點的啦姬松茸燉花膠 $58燉湯很足功夫燉湯有三款因為我們有6個人就選來其中兩款姬松茸燉花膠, 用上姬松茸以及花膠當然是女生喜歡的項目, 湯頭味道清醇, 很足料糖心黑蒜燉響螺$58黑蒜對身體很好湯頭非常甜蜂蜜柚子蝦球 $78蝦球炸得很香脆,肉質爽口, 帶鮮味當然, 重點在於加入了蜂蜜及柚子甜中帶微酸, 那個平衡做得很好金銀蒜蒸勝瓜金菇$58蒜蓉超香 我的最愛呀整體很清爽鮮蝦薯仔薄餅$48不過不失的薄餅加上鮮蝦提鮮不少黑金流沙包$48黑金外表真的是打卡絕招流沙包做的非常鬆軟一口咬下流沙四溢流沙本體很濃厚石鍋鮑魚雞粒炒飯$98裏頭真的有很多鮑魚仔小小粒的很骨緻私房金黃球泡飯$68以一小火鍋興住上檯, 這款菜式賣相很有特色湯底好清甜, 加入蕃茄粒和香蔥更增加賣相的吸引度, 夾開米飯團

今日約左朋友去黃埔打機同睇戲。之後朋友就帶我黎依間餐廳。佢住黃埔，成日同屋企人黎幫襯。佢話食物水準唔錯而且價錢又唔貴。我又冇食過，所以一於去試下先。餐廳安排左舒適既卡位，然後奉上健康蕎麥茶我們點了好幾款小菜-🌟和麻醬雞絲粉皮 $58炎炎夏日，先點個冷盤做開胃前菜首選一定係最愛既涼拌雞絲粉皮同平時食開既白色粉皮唔同喔 餐廳用左紅薯粉粉皮色澤光潔，半透明，粉皮有彈性韌性口感爽滑彈牙再加上份量適中既惹味麻醬，伴上雞絲及青瓜清新好味，最適合作頭盤。-🌟名館蝦餃皇 $48突然好想食點心，叫左一籠4粒蝦餃蝦餃皮薄透亮，餡料若隱若現大蝦十分彈牙！ -🌟欖角肉鬆蒸秋葵 $58秋葵係superfood, 朋友居然話冇食過咁一於叫黎試下啦蒸秋葵本身味清淡，但加上欖角肉鬆既咸甜香味道提昇了不少-🌟蜂蜜柚子蝦球 $78我同朋友都比較喜歡食蝦，所以點多款蝦球小菜。蝦球外層烤至金黃脆皮、薰上蜂蜜柚子。蝦球大大粒有份量、口感彈牙味道酸酸甜甜，挺開胃呢-🌟私房金黃球泡飯 $68見隔離台點左，賣相不錯，而佢地又話好味我地又跟住點左一份🤡這份菜式有私房菜既感覺，即係夠特色圓碌碌金黃球好可愛，外層口感似香脆飯焦折開內裡是軟

紅磡一向都好多餐廳 今日睇完戲落大雨 咁就喺返個商場入面搵野食啦 見到呢間食小菜嘅 就入咗去食啦😗 呢間餐廳都幾多人食 我地兩個人都冇位 要坐bar檯 但係好肚餓就照坐啦 坐得唔係好舒服 射燈射住有啲熱 齋坐都出晒汗😥 佢個茶值得一提 好重麥味 我個人就好鍾意啦😻我地叫咗兩個餐 一個係沙嗲金菇粉絲肥牛煲 前菜就揀咗涼拌貓耳朵 酸酸辣辣嘅雲耳食落幾開胃 個肥牛煲份量幾多👍🏻 食粉絲都飽咗一半 味道就正正常常 唔係好辣 個個都啱食 牛嘅質素就普通啦 整體成個煲都一般 顯得前菜特別出色🤔 另外一個餐就真係完全唔推薦大家食啦 叉燒好乾好韌 份量仲好少 得六嚿 碟菜就更差 好乾身 好老 唔好食 仲有一個我唔鍾意嘅係個竹筒藜麥飯 個飯一嚿嚿 唔夠粒粒分明 又黏晒喺竹筒入面 好難潷出嚟😐 最後好驚喜嘅係甜品 牛乳芒果布甸 雖然細細杯 但係好香滑 全餐最好食竟然係呢個甜品⭐️ 總括嚟講 前菜同甜品就好好食 主菜同碗飯反而好一般 短期內應該唔會再嚟🤧

剛搬入呢區，就決定揀間好既中菜館食返一餐喬遷宴，果然無令我失望，完全水準之作，屋企人都好滿意，叫左5樣野，徘徊係好飽又好想食既狀態 一黎到，waiter就俾左一壺茶，問一問，好似叫蕎麥茶，大愛~呢次叫左以下5款蜜糖芝麻雞中翼~1碟有4件，炸得好香口，個皮炸得好脆，沾滿蜂蜜味黑金流沙包~1籠有3個，黑金包面，流沙好rich,而且好熱辣辣私房金黃球泡飯~呢個泡飯好靚，中間有個黃金球，滿滿飯焦，個湯配有毛豆、粟米粒、冬菇粒、蕃茄粒、肉碎！而且下面有直heat 住，保持溫度，好欣賞呢個泡飯金銀蒜蒸娃娃菜~滿滿既蒜蓉鋪晒係娃娃菜，一齊蒸完，每條菜都好有蒜味蜂蜜柚子蝦球~蝦球雖然炸過，但蝦肉仍然爽口，再淋上蜂蜜柚子醬，又唔會太甜閑日食飯見名館都9成full,走既時候已經見要等位，難怪咁多好評~見到好多台都有叫竹筒型蒸飯，有機會都要試下

之前係中環都食過《名館》都覺得質素好好。成日都想食多次。😋今日去左蔡蘭美食坊搵食，原來名館係度都有間分店！🤤但呢間分店好似同中環既野有d唔同。多左d小菜套餐揀，而且價錢都唔會好貴。環境都係好好，坐位闊落。最鐘意飲名館既茶：玄米茶，味道好清新又健康。先叫了一籠 ：一口小籠包食 😋個size一口食唔哂！😝小籠包皮做到好簿，要小心翼翼夾起，以免流汁。放入口好多汁流出，味道鮮甜。好足料，好多肉碎。沾少少醋更調出鮮味！金銀蒜蒸娃娃菜🥗落了好多蒜蓉一齊蒸，娃娃菜吸收哂d味，所以食落好濃味，亦蒸出了很多水份！連埋d汁一齊食，好惹味。又唔會覺得油膩。😋蜂蜜柚子蝦球 🍤我覺得呢道菜好好味！因為蝦球除左落左蜂蜜之外，仲落埋柚子汁一齊烹調！味道甜甜地，又酸酸地！好開胃又清新。仲有埋d柚子肉食，口感豐富！🥙仲叫左個：私房金黃泡飯 🍚🍚呢個值得推薦。價錢抵叫。用個靚靚既鍋上菜，賣相特別！泡飯中間有個大大個金黃包既球！原來是一個飯焦做成的球。將佢拆散就成為了一鍋泡飯。泡飯味道又幾濃味，不會覺得淡。幾好味！

早排同同事傾開計佢話紅磡美食坊嘅名館唔錯，呢日就同屋企人嚟食晚飯。餐廳位於美食坊一樓，環境闊落，坐得舒服。餐牌上有多種食物可以揀，我哋點左：鮮蝦野菜春卷 ($38) - 香脆的春卷皮包住爽口嘅鮮蝦肉、蟲草花、紫椰菜、蘿蔔絲等等，健康美味。私房金黄球泡飯 ($68) - 湯底鮮甜，金黃球係外面脆身略帶焦香嘅飯球，飯球弄散後塑滿湯底嘅鮮甜味，泡飯中帶有脆脆地嘅飯粒，正！欖角肉鬆蒸秋葵 ($58) - 秋葵感爽滑，配上惹味嘅欖角肉鬆，唔錯！蜂蜜柚子蝦球 ($78) - 蝦球大大隻十分爽口，炸漿鬆化，配上酸酸甜甜嘅蜂蜜柚子，十分好食！五仁口水雞 ($68) - 表面舖滿脆口嘅五仁，松子、花生、芝蔴、葵瓜子……雞肉嫩滑有雞味，配上惹味嘅麻辣汁，口感同味道俱佳。黑金流沙包 ($48) - 賣相夠晒型格，黑色的包身口感略帶少許煙韌，加上香甜嘅流沙餡，不俗！呢度食物好味又有特色，價錢公道又坐得舒服，的確唔錯！👍

一家人食生日飯，可點好多小菜點咗10樣食物。等我逐樣介紹一下。首先係黑蒜螺頭湯，呢個湯好濃黑蒜味，有雞有瘦肉，材料足，好入味，喜歡飲湯嘅我好鍾意。蝦仁薯仔薄餅，呢個冇乜特別，都係普通煎香嘅薄餅咁。銀魚仔豚肉竹桶蒸飯，個樣得好少，但一個人食係夠飽架。豚肉唔錯，但d飯有d硬。金銀蒜蒸娃娃菜，d蒜比較咸，但夾住菜一齊食就好夠味。牛柳粒，得幾粒牛柳，有好多甜薯，甜薯炸得香脆，好細碟，味道唔錯，但太少。麻醬雞絲粉皮，睇落d粉皮係灰灰黑黑，食落先知原來唔係食開嘅芝麻醬，呢款係辣嘅，食咗一啖，接受唔到呢隻味。海南雞，呢隻雞好滑，雞肉好鮮嫩，係好食嘅，值得一試。蜂蜜柚子蝦球，蝦球被柚子蜜包住，酸酸甜甜，好醒胃，炸得香脆，果然係推介菜色。陽春麵，賣相幾好，舊肉幾大件，食落亦唔錯，有顏色嘅麵好特別。黑金流沙包，個樣好睇，食落都流心嘅，但略嫌個涵太少，可以再多d。總結，呢餐有特色，可以一試。

一有時間都會帶囡囡去黃埔玩，黃埔真係好適合一家大細去，又多美食，而且還有美食坊，入面全部都係食肆，老人家鐘意中菜，所以今日我地去了名館食晚飯。厚切叉燒（$78）肥瘦適中，肥叉位不會太膩，表面香脆，肉質嫩滑。蜂蜜柚子蝦球（$78）濃濃的柚子味道，味道清新酸甜，蝦肉爽口彈牙，是開胃菜式。金銀蒜蒸勝瓜金菇（$58）勝瓜上面鋪滿了金銀蒜，好香濃的蒜味姫松茸燉花膠（$58）只係$58 真係好抵飲。蝦球蟹籽銀絲煲（$68）粉絲炒得乾身，加上蟹籽，口感脆卜卜，蝦球爽口彈牙。鮮蝦薯仔薄餅（$48）用薯仔來做薄餅， 薄餅厚薄適中，加上鮮蝦，好好味。