影片
港鐵荃灣站 A1 出口, 步行約7分鐘
繼續閱讀
電話號碼
66944128
營業時間
今日營業
12:00 - 21:30
星期一至四
12:00 - 21:30
星期五至六
12:00 - 22:00
星期日
12:00 - 21:30
以上資料只供參考, 請與餐廳確認詳情
「吔咩嗲」溫馨小店❣️日式家庭料理🇯🇵🍚一汁多菜🍱食餐溫馨住家飯🥰#sdm荃灣 #sdm觀塘 #sdm日本菜 #sdmCafe #sdm小店 由於呢個set有好多不同嘅配搭，最後放咗menu 俾大家睇！我叫咗一個：3款熱菜＋1款冷菜（午餐set） $89為咗好食啲🤭🤭我仲加咗日本蛋+醬油🍳💎 左口魚秋葵伴柚子醋櫻花蝦（冷）必食💯💯 （😋：8/10）👍🏻：平時食開壽司刺身左口魚裙邊已經覺得好好食🤭呢個小食口感完全唔同🤩冷盤少少咸，少少酸，仲食到左口魚本身嗰個煙靭度！份量都多🤤秋葵fans必點！👎🏿：。💎 安格斯牛櫛瓜卷配自製洋蔥蘋果醬 （熱）必食💯💯（😋：8.8/10）👍🏻：估唔到咁高質！一食就食得出係安格斯牛🥩超好食🤤一啲都唔韌，一咬就斷，好正😍😍😍自製洋蔥蘋果醬都好夾😚👎🏿：。💎 秘製MASALA雞 （熱）可以一試✅（😋：7/10）👍🏻：秘製醬汁味道幾好👅幾特別！個雞扒可以再醃得入味👎🏿：。💎 和風黑松露烏賊堡 （熱）值得一試‼️（😋：8.1/10）👍🏻：好彈牙，好爽口！再加埋黑松露味🤩🤩好食👎🏿：💎 抹茶忌廉特飲 $46一般⭕️ （😋：5/10）👍🏻：抹茶忌廉特飲配火炙棉花糖，味道偏淡，冇乜抹茶味👎🏿：棉花糖好硬，唔太食到。💎 朱古力焦糖忌廉特飲 $44正正常常👌🏻（😋：6/10）👍🏻：朱古力焦糖忌廉特飲配Lady Finger，呢個味道都偏淡，不過比上一杯濃少少，有多啲朱古力味🍫今次條Lady Finger餅就正常嘅，可以浸落杯朱古力度！👎🏿：。💎雙併千層調色板 $78可以一試✅（😋：7/10）👍🏻：我嗌咗 士多啤梨🍓x抹茶吉士配麻糬🍵，有得雙併係超級friendly😚揀唔到～所以我要晒！我係日本超鍾意食呢個甜品🍪咁呢個當然冇咁高質啦，啲吉士cream味道可以再調整一下👎🏿：。環境：8/10服務：8/10價錢：人均$100性價比：7.8/10 本店：📍 吔咩嗲 吔嘢事無所 (荃灣)荃灣鱟地坊42號𧙗強樓地舖其他分店：（好似係啱啱新開的）📍吔咩嗲 吔嘢事無所 (觀塘)觀塘開源道54號豐利中心1樓4室可以 follow @sikdmeh_foodie 支持下我哋😙 每星期都會更新唔同餐廳📍🍽帶大家喺香港周圍食💛#香港 #香港好去處 #香港美食 #荃灣好去處 #荃灣美食 #荃灣cafe #荃灣黃店 #cafe #香港cafe #hkcafe #荃灣海之戀 #荃灣食咩好 #吔嘢事無所 #吔咩嗲 #吔咩嗲by吔嘢事無所 #吔咩嗲吔嘢事無所 #觀塘 #觀塘美食 #觀塘工廈 #觀塘好去處
繼續閱讀
朋友想食飯但係我又唔想食飯經過這間餐廳，見到有好多唔同嘅款式，就入去試一試朋友就想食一汁一菜定食因為我就唔係好想食飯我就揀咗吉列豬扒配明太子醬三文治朋友揀咗三個熱菜加一個冷菜好齊整一大盤咁上菜， 有日式的感覺南瓜沙律配堅果好健康，唔會有過多嘅調味明太子拌海老西蘭花醬汁調味好適中，唔會太鹹但係又可以帶到食物的味道自家手打黑松露烏賊堡食落好彈牙，略嫌得兩舊，食完好想再食安格斯牛節瓜卷配自製洋蔥蘋果醬一見到呢個配搭就好想試金菇牛肉卷就食得多，節瓜捲牛肉未試過節瓜質地比較軟而且多汁，配埋牛肉非常 juicy吉列豬扒配明太子醬三文治吉列豬扒好脆身， 夠厚有肉汁唔乾，連個包都有烘過，細節位都做得好足， 豬扒夾咗一啲蔬菜食落唔會好油膩餐仲跟咗薯條份量都好多西柚梳打配喜瑪拉雅山粉紅鹽就係想飲一杯唔甜嘅梳打，竟然不經意的在這裏 飲到這一杯無糖大馬士革綠茶味道有一點花香味有點像花香伯爵茶食得出餐廳係好用心製作嘅小店見到有好多款唔同口味嘅甜品，可惜今日食唔到，下次可以再嚟食過
繼續閱讀
今日（21-12-2024 Sat）爸爸過身一周年兼冬至，同老公忙咗一輪只落街，經過前一晚食蛇王弟嘅貴價碗仔翅之後，search到荃灣重有一間食蛇嘅，於是走嚟，但因為冬至休息冇得食，既然嚟到呢喥，就嚟呢間食“油治及輕”啦。嚟我哋接近2：30到，見到冇乜客，但我都入去問問堂食可唔可以單叫“油治及輕”？肥肥地嘅女仔答冇乜客人，可以。於是我哋，order柚子開心果味，唔加麻糬先，坐低先再睇menu，睇完，老公決定要$99.00嘅“油治及輕伴雪糕巴菲套餐”。冇耐，柚子開心果味嘅炸多士到嚟，影完相我就食先，舊麵包炸得脆，但竟然食到油饐味，即炸個喎，點解會有油饐味？而餡呢？開心果碎唔多，柚子味忌廉唔太甜亦感覺輕盈，忌廉勁多，但開心果咁少，咁就$39.00。2分然後嘅“油治及輕伴雪糕巴菲套餐”到嚟，我哋揀咗限定口味，Tiramisu味，但唔係用咖啡而係榛子，加$7.00要麻糬。食落，呢塊麵包就冇饐味，食到酒嘅苦味，麻糬係一大舊擺喺底，成件普通。3分雪糕呢？我哋揀香蕉味，呢個味道清清地，又幾好食喎。最後食巴菲杯，其實唔個係咩嚟，食到啲脆粒，而忌廉係唔知咩味。喺我哋走咗之後，我睇返menu，話巴菲杯內冇鮮果，忌廉，麻糬，成個杯我係食唔到麻糬。1分服務：明明冇乜人，唔俾坐四人枱，指定我哋坐最出嗰張二人枱，唔通因為覺得我哋兩人只食一件炸多士而睇唔起我哋。最後，由我哋坐低到走人都再冇客人入嚟。叫咗套餐後，都識自動俾碟叉我哋share食。2.5分最後，咁啱佢哋嘅老闆喺收銀個位，我哋又有嘢問佢，佢就同我哋講聲冬至快樂，同叫我哋坐耐啲。但唔坐啦，要人坐呢啲位。其他：幾個女仔聚埋喺間嘢中間傾偈冇問題，因唔影響服務，但對話內容都幾不雅，可唔可以用“大便”兩個字，而唔講“痾X”？尤其是係食肆，客人面前講，其實講“大便”都已經唔應該，客人係食梗嘢㗎，有冇理客人嘅感受？上次食評係2024年4月6日刊登嘅呢篇：https://www.openrice.com/zh/hongkong/review/yeah-%E5%8A%A0%E5%92%97%E5%83%B9-e5396505
繼續閱讀
喺荃灣嘅「吔嘢事無所」，$99嘅套餐實在係超值！3款熱菜加1款冷菜$99 多款選擇❗️推介❗️和風黑松露烏賊堡（墨魚漢堡）需另加$15口感新鮮，黑松露香氣四溢，烏賊肉質彈牙，搭配得好好！眼見隔離左右兩枱都有嗌，應該係招牌菜式💢都真係好好食！安格斯牛櫛瓜卷配自製洋蔥蘋果醬需另加$20蚊牛肉嫩滑，瓜卷清甜，洋蔥蘋果醬酸甜適中，層次分明秘製Masala雞香料調配得恰到好處，香料味濃郁，雞肉鮮嫩多汁，微辣嘅口感，越吃越有味冷菜：南瓜沙律配蘋果青瓜堅果，清新爽口，南瓜軟糯，堅果增加口感。飲品：接骨木花蜜配青檸 (熱) HK$ 20
酸甜清新，暖笠笠好舒服大馬士革綠茶（凍）+HK$ 6茶香濃郁，凍飲消暑
❗️推介❗️甜品：千層調色板一份可以選擇一半一半2種味道/全份1種味道貪心嘅我一場嚟到梗係試2種味道啦😋玫瑰荔枝味、抹茶吉士配麻糬每一層薄餅都精緻而輕盈，搭配玫瑰荔枝味嘅餡料，散發著淡淡的花香和清甜，荔枝味好出；抹茶吉士濃郁而不膩，增添了層次感，與麻糬嘅Q彈口感完美結合📍吔咩嗲 吔嘢事無所 (荃灣)🔎荃灣鱟地坊42號𧙗強樓地舖
繼續閱讀
9/2/2025📍Out of the Blue呢間日式小店 主打一汁多菜料理 之前💁♂️食過一次覺得幾好 今日就一齊嚟試多次星期六中午嚟到 唔洗等位 入面舖面好細 啲位都擺得幾逼下 跟餐送味噌湯 正正常常嘅⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨秘製masala雞雞肉唔太乾 用咗雞扒 份量都唔少 醬汁惹味又唔辣👍✨大阪燒風豆腐餅豆腐餅少少鬆散 不過都正常嘅 豆味好重加埋啲大阪燒醬同美乃滋 味道就exactly 係大阪燒味👍✨鹿兒島吉列黑豚肉餅炸得香脆又唔油膩❤️✨南瓜沙律係凍嘅 食落好refreshing 🎃除咗南瓜 入面仲有蘋果青瓜堅果 冇諗過竟然辣辣哋✨雞皮餃子第一次食雞皮餃子 以前都驚好油膩 點知又唔會喎 外皮好脆 個餡就普通菜肉餡 配咗自家製香草檸檬腐乳醬 就更加好食😋✨安格斯牛櫛瓜卷第一次見呢個配搭 又幾好食喎 仲有得揀牛肉要幾成熟 我哋揀咗5成熟 配自製洋蔥蘋果醬 非常清新☺️牛肉好嫩 唔似係平時嘅肥牛咁乾 好juicy✨金平牛蒡牛蒡硬咗啲 麻麻哋✨醬油蛋拌飯加咗蛋就梗係香好多 開頭覺得醬油唔夠多 但配埋其他小菜食又啱啱好 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單～$240（冇加一）啲野都幾好食 配搭又有心思 👍只係座位逼啲啲 同隔離位近少少😉推薦指數🌟：5/5📍荃灣鱟地坊42號𧙗強樓地舖
繼續閱讀