君御燒味

營業中

休息中

這一站，天后電氣道上，人來人往，人往人來點解咁多人？因為大家都係黎搵食，黎食好野😋君御，電氣道近清風街，日本X隔離。唔難搵！今日主角，燒鵝飯，潮連燒鵝飯。上枱有驚喜，竟然俾隻燒鵝髀！😄碟頭正常，飯量夠，仲搭埋條菜心。燒鵝皮脆，肉嫩有汁，皮肉間夾住一層薄薄嘅鵝油。就係呢層鵝油，油香帶動住個脆皮，牽引住啲鵝肉，覆蓋住每個味蕾，將佢地緊緊地包圍。感覺，一種味道帶來嘅幸福感覺；美味，一份用心炮制嘅人間美味！10分鐘食完，老闆問做咩食得咁快😅因為好食囉😉

叫咗切雞瀨粉，香滑奶茶奶茶來嘅時候四分三杯啲切雞完全無肉（見圖）個瀨粉就正常睇隔籬叫d切雞靚好多可能係自己唔好彩不過上菜好快基本上唔需要等如果趕時間，無咩要求，可以去

好熱情好大份好好味，服務態度又好，很少見到這麼熱情的餐廳的，一份雙拼飯有肉有飯有燉湯有菜，例湯竟然係燉湯，營養夠曬，燒鴨肥瘦均勻、油雞皮夠滑，一定會多去幫襯的我！！

呢間我一直幫襯買燒味，尤其燒鴨質素唔錯。不過職員態度惡劣就習慣左了。咁岩遇上有位長者係我後面想買叉燒，長者想買一條叉燒但唔識表達要幾多。斬料師傅聲稱$100/條，我見位長者手上揸住$100。長者走埋去收銀處俾錢，再問叉燒幾多錢。點知收銀職員態度惡劣咁話”師傅咪講左$100囉”。仲要唔收長者張$100，問排緊隊後面果位客人想買咩。我心諗對長者咁無禮貌有無搞錯。當時我多口講左一句，而家餐廳講求唔係速度係態度。全部職員即刻唔出聲。

落街買外賣，叫咗盒肥叉，點知返到屋企打開係瘦到咁嘅叉燒，唔係第一次。如果你冇肥叉，我寧願你誠實啲，咁我去幫襯另一間。你為咗賺一盒飯嘅錢，欺騙長期幫襯嘅老街坊。咁呢次應該係我最後一次幫襯你。

燒臘不過不失，斬叉燒師傅態度也不錯，可惜，可惜，服務員態度超級差，買了四百多元，麻煩佢要黃芥末，一句，沒有尾音，跟左！再麻煩要薑蔥油，無答，返到屋企，見到一小瓶，有點似施捨！全程黑面招呼，恭喜貴店請到佢🙏🙏，老闆，你要記住你對面左邊右邊有無盡的燒臘店，一粒老鼠屎，搞砸你辛苦的生意，阿大姐如果辛苦，可以考慮唔好做，堂前肥黑衣大嬏，當時無生意，差唔多想趕我出門口等，重要當時門口沒有客，不要阻你的做生意！完

中秋節專登去天后買燒肉，因為以前買過，覺得都唔錯。但叫完外賣番屋企打開睇。嘩！真係不得了！不知所謂到不得了！買左半斤燒肉，全部都係頭頭尾尾！全部都係啲賣淨既部位！豬肉肉質乾柴，豬皮不脆且燶，仲要勁韌！勁難食！啲燒肉都唔知係放左幾耐！難食到我成盒掉左！中秋節專登斬料，但竟然買左啲垃圾！做生意唔係咁做咯！真金白銀買你啲廚餘？勁難食！食到一肚火！絕對唔推介！亦都會叫朋友唔好再去！不知所謂！！！！！！！！

這間燒味店在我公司附近。久不久都会在這裡食午飯。通常，我会叫燒鴨雞肝飯。燒鴨：新鮮做起，皮脆肉嫩，唔黐牙。另外，除了一般燒鴨味外，還有一種特别的香味，我估計是用庶糖煙燻過。好久未食過這種味道。燒雞肝：燒好雞肝後，上了一層糖漿。令到雞肝食落去，有甜，香，脆，軟及甘香的復雜味道。由於香港依家已經少燒味店做雞肝，我覺得這間燒味店还保留到舊時細個的味道及水準。四十七元已包一杯熱柠茶，性价比高。所以，午飯時候会外人。

燒鴨燒肉雙拼飯。就食落去嘅第一口燒鴨，啊！真係叫人驚艷。燒得香脆嘅外皮，啲皮係薄脆咁，令我啲口水直流。啲鴨肉係鮮嫩多汁，連啲肥肉都飽滿有彈性，入口即溶。加埋啲甜甜嘅燒肉，真係一絕！肉質滑嫩，燒味嘅香氣充滿口腔，令我一嚼再嚼都唔夠。心情都係無比愉快，太陽咁明媚，同埋食嘢真係兩全其美。啊，食飯真係係解放嘅時刻，令我忘記啲壓力同煩惱。呢間餐廳唔只有美味嘅食物，仲有一個動人嘅故事。聽見啲服務員講起，呢度係由一個小夫妻共同經營，係佢哋嘅夢想開設呢間餐廳。原來，佢哋係經歷咗好多辛苦，先成功開到呢間餐廳。

由於君御係公司附近～基本上果日唔知食乜都會心思思諗起君御，行過去大約5分鐘，而且唔洗等咁濟，買完好快拎得就返公司慢慢食。唔堂食既原因係…冷氣比較凍😂今次例牌叫左肥叉油雞飯走薑蔥，唔同既係我走左菜，仲有好豪咁加左$20轉髀…事關我真係好唔鐘意食雞胸🥲今次肥叉岩岩好，接近腩叉咁所以唔會好肥膩，感覺唔錯，下次可以試下真係叫腩叉睇下有咩分別😂另外，我轉左做髀之後，啲肉既咬感真係爭好遠，起碼唔係「實的的」，係嫩滑架😍不過$20都真係有啲貴，我試埋今次之後，下次會轉食其他嚕。

第二次幫襯君御喇～例牌都係叫油雞肥叉飯😊今次2點3左右到嗌外賣，所以唔多人排隊，好快就可以拎走。油雞方面，啲肉唔會好韌好鞋，係我想食既口感！而且肉多過骨，要讚👍🏻👍🏻叉燒方面，雖然我叫左肥叉，但偏向半肥瘦，好彩唔係好瘦，如果唔係我會好sad😂😂咬落去都有口感，唔係鞋烚烚架～***正常係有姜蓉，只係我唔食所以走左姜蓉***員工方面，我覺得都偏向有禮貌，不過不失～唔會係黑口黑面，而且落單到拎外賣成個過程都好快。如果想lunchtime堂食，我覺得都唔係問題。重點：40蚊竟然就有兩個餸揀，天后黎講價錢好合理！

我呀姨成日推薦呢一間天后嘅燒味店話佢啲燒味整得幾好食俗語話高手在民間所以今日就黎試試佢蜜汁腩叉 $130/斤半肥瘦真係幾好食個蜜汁叉燒醬整得唔錯肉質幾腍 唔會又硬又乾身脆皮燒肉 $130/斤都整得唔錯，唔會好乾不過少少偏鹹見佢有潮州墨魚下次試吓先😍

本身免不過都不來，只因態度差，黑面，你來幫趁好似欠咗佢咁。今日另一間街坊燒味冇開就嚟咗買，講左叫切細舊冇做，义燒又硬又咸，直情咸到苦😨 小朋友食完係咁飲水😵‍💫 咩事啊～

天后呢一間燒味店門口經常排長龍，我之前都有食過，價錢相宜，而燒味嘅質素都唔錯，今日年三十晚更加有好多人喺外面買斬料翻屋企加餸，證明有好多街坊都投信心一票。而我就選擇咗堂食燒鴨燒肉雙拼飯。好可惜今日舊燒肉個皮唔脆，同埋皮同肉中間個肥膏有啲厚。反而個燒鴨皮就好正，中間嘅脂肪咬落去感覺唔肥之餘，仲有一種Juicy嘅感覺同濃厚嘅鴨味，推薦大家下次去食要點燒鴨！大家仲記住要叫加蔥油，撈飯一流。是日午餐：燒鴨燒肉雙拼飯（$40，但年三十晚要加$5，不過都仲好抵嘅）

今日經過一間天后嘅老牌燒臘舖，以前我都係呢間嘅常客，但係自從轉咗手失左水準之後我就少咗幫襯，啱呀冇幫襯俾多次機會佢，果然有好轉，今日下午茶時間叫咗個鴨脾豬仔骨湯瀨，個粉嘅湯底係少少味精湯底，但係食落去之後都唔係好口渴都OK，鴨髀算係咁樣，個鴨髀都幾齊整，連嗰舊陰肉都有俾埋，冇偷走到，但係啲豬仔骨就比較失望，骨多個肉，最慘就係全部都係碎骨，基本上食落口都淨係食到嗰浸味，基本上都係食唔到任何肉，五十零蚊一個鴨髀瀨，不過不失，不過豬仔骨就不建議再嘗試。