君御燒味

營業中

休息中

天后拜神後 四處遊 發現門口滿布明星相 正值下午茶時段的燒味鋪 肚餓醫肚是常識吧。先品評叉燒 又瘦又硬無乜肉味 ；油雞 骨多過肉唔.河粉就幾滑 ；麵質唔錯.飲品方面凍奶茶涷央都好飲 最後俾錢個老闆娘 俾錢時我講唔該 佢不發一言 佢找錢俾我仲要側面斜眼 我都講句唔該講晒 一句多謝都無 . 真巴閉 ！！！

义燒燒鴨飯, $27, 唔貴, 另加例湯, $6.义燒的確不錯, 雖然偏瘦, 但肉質仍然可口, 下次要試肥义, 必定更好味. 燒鴨就未到家了, 背脊部位, 中間肥脂太厚, 又燒鴨皮燒得未夠火, 仍偏向十分淡的顏色.餐牌食名: 足料例湯, 可以, 湯內一點材料也找不到, 無論如何, 湯的味道不錯, 而且喝完整碗之後的一小時, 也不範特別口喝, 證明味精度不高.

君御在此區也頗有名，早已吃過幾遍，燒味質素不錯，不過覺得最出色的是白飯。對，是白飯。對上數次堂吃的白飯粒粒分明飽滿有米香，是次的卻有點略濕的情況，可能師傅一時失手。大部分時間的燒味都不錯, 為何是大部分? 因為像今次一樣, 偶爾都有水準不穩定的情況發生。叉燒吃過軟淋半肥瘦燶邊的, 也有過乾巴巴過咸的; 燒肉有吃過五花腩肥瘦相間皮脆的, 也有過皮軟軟過瘦的。燒鴨是唯一一樣每次也保持水準, 滿咀鴨香卻不會過油。秋風起, 店家也推出合時的臘味。貪吃的為今天的燒肉切雞飯加件膶腸，盛惠$39。是日燒肉獲發五花腩部分，好吃。切雞沒有這麼幸福，只有雞胸，雖然不「鞋」口卻不是我杯茶。膶腸味道不夠濃香, 沒能留下什麼印象。暫時吃過最好的膶腸，始終是蛇王芬，不過價錢嘛.....下次還是省卻加料的十數塊錢，畢竟吃, 都是吃店家專門的最穩妥。

放假一支公，早上到維園游泳希望身體可以減慢變肥，泳後先吃個簡便午餐才回家，一個男人的浪漫，也不一定是豆腐火腩飯。叉燒燒鵝飯，是我今天的快靚正選擇。距離午市黃金時間還有不夠一小時，侍應亞姐沒有阻撓我坐在哪裏，反正吃飽就走。坐下喵一喵餐牌便點了叉鵝飯，而我坐的位置可看到店內的燒烤爐，一隻隻鵝排列吊著待燒，燒好即拿出來賣。斬料部有三位廚師，兼負責送食物埋檯。我很喜歡燒味飯有一兩條菜，感覺健康些，燒鵝和叉燒的顏色不錯，唯燒鵝的部位是背，肉不怎麼多，約有一半是骨，皮不是脆皮，但醃料的味道是最吸引，與鵝肉的味道很夾，鵝肉也幼嫩。叉燒肉汁豐盈兼鬆化，蜜味甜得不過份，是有水準的，難怪未夠一時已坐得滿滿。

午餐時份，懶懶地去買外賣食，平時都見哩間野好多人排，就跟住人尾買燒味食番公司食。價格大部份$3x~4x ,野飲令加錢。唉，係呢區食咩都咁貴。睇左好耐，叫左個乳豬燒鵝撈面$48 + 可樂$6先講吾好:1.撈面係痴埋曬一齊，好難分開，食落十分重簡水味，重到好似食咁腐蝕品咁，我咁保證冇人食到完。 so食了幾口就不得不同佢講88 !!!!2.乳豬係我致愛，本身好期待，但一食，不單止吾翠仲可以講係難咬，單係哩樣就可以吾再買， 而且d豬皮真係好好好好好好好好好薄。但有一樣令人喜的地方是燒鵝真心正yy，1.好多地方既燒鵝都有陣so 味，真係好憎個隻味，但係呢間我基本上食吾倒有so 味。2.皮下的脂肪剛剛好，不油食落吾頂心口。3.肉質比我感覺係鬆軟，不是平時食的硬實or梅，重點係竟然有肉汁，質素真係好過好多地方好多。

二十六蚊一盒叉油雞飯，係唔係最平我知應該唔係，因為九龍區我見過有二十蚊內，好唔好食我就唔知但見到我都唔會有興趣買嚟食。講番呢盒性價比超高嘅叉油雞飯，睇張相其實大家都知道好食，味道方面我只想講一樣嘢就算我個盒係瘦叉，啲叉燒都係淋滑嘅正來尸係最媽瓜嘅叉油雞飲，但係三十蚊內呢個價錢，我相信佢嘅味道係無人可比。

七月上旬‧晴想不到吃什麼，來這邊買條叉燒也好。選了一條，三十元，也不太貴。這裡的叉燒不會太腍，仍維持咬口之餘有蜜味也不太甜，是好吃的。燒肉也好，還有腩骨的部份，又買條來吃先。

見店面張著電視台採訪的照片 還有數張明星合照 應該不錯吧半肥瘦叉燒燒鴨飯﹝看樣就覺得很美味了吧﹞ 雙拼才$24 足夠兩人份燒鴨夠鹹香 少少肥 叉燒有焦邊 燒汁不死甜 越嚼越香玫瑰豉油雞$48 這是母親大人喜愛菜式之一﹝無雞不歡﹞雞腿位有點肥 不過還好 滷得入味 雞肉也嫩 拌蔥油醬同吃一流 噢 今天吃得很過隠很滿足

值得一試Roasted pork 好好味,香口,用例湯做湯底,住家味道,一大碗瀨粉, 好飽肚,墨魚好"林",好易入口, 入味.d菜索哂湯d味,好軟,食完仲想食多次呀,大家快d去試下啦)

呢期師傅一個禮拜都梗有一至兩日會喺天后呢頭出沒, 既然蒲得呢個環頭, 就少不免要食下野! 其實師傅一向對呢個環頭冇咩認識, 更惶論有咩好食呢? 所以就隨著己意, 四圍逛, 四圍試, 看看有甚麼吸引就入去填飽個肚! 上星期師傅就揀左呢間食店作為師傅嘅天后第一擊!去到門口, 見到都有唔少食客在排隊, 師傅心諗唔係咁爆呀, 再探頭入去一看, 發覺店內並唔多人, 食客只係在輪候外帶, 但直覺告訴師傅呢間食店應該唔少料, 於是入內坐底, 再望下有咩好食!其實望咩鬼, 入得黎呢類食店, 師傅就會變得好鬼專一, 所以求其望下個餐牌就同個伙計哥哥落單, 而揀選的當然係師傅最愛的叉燒飯; 師傅仲千叮萬囑一定要半肥半瘦, 再順便問下係咩例湯, 其實係咩例湯都唔重要, 皆因師傅心裡早己確定要飲例湯, 所以師傅唔記得用咩煲啲咩喇!落完單又未食得咪四圍瞄下, 發覺地方都光猛清潔, 感覺十分舒服! 等左唔使好耐, 例湯同叉燒飯已經同時放喺師傅面前, 睇見最愛嘅叉燒依然容光煥發, 應肥的則肥, 應瘦的亦則瘦, 真係令師傅愛不惜口; 但齋睇唔食似乎唔合乎經濟和成本效益, 所以師傅就好快咁將一件叉燒放入口, 發覺叉燒燒

是夜口痕, 在電氣道上走著, 行過燒味鋪就去整些叉燒回家加菜。 說是自家工場燒製的, 也無論深究, 反正我是信了。說了要一個骨 (都不知買燒味有沒有這樣叫法的) , 總之阿叔給我切了條出來入盒就是這樣子了。這裡盛惠 38 元, 也許是例牌的價錢。因應為看來未足半斤的份量。蜜汁很多, 沒有太多肥肉和燶的地方。肉質尚算鬆化, 肉的纖維不會黏到一口都是。起碼比起某些聲稱專賣燒味的連鎖店還好。有時平平淡淡便是好, 當然有機會也會想吃到可以寫出來晒命的叉燒的, 且看我的食緣吧。

十一月下旬．晴曾經跟一班公子哥兒應酬，席上談到坊間食店，貴公子們全都說店子下很多味精的。但其實，今時今日很多店子都用上真材實料，如這裡的例湯就是一例。想來吃叉燒的，見是日的例湯是粉葛湯，當然要來一碗。喝起來清甜潤喉，湯料煲得很「溶」，也有很香粉葛的味道，當然豬肉味就弱了一點 ~ 只是例湯而已。至於叉燒，吃起來不過甜，但不夠軟熟，硬硬的，還好是肉味夠，也算是不錯的了。信不信？我會為這裡的例湯來吃飯的。

今日下午到天后君御燒味食左個肥叉飯d叉燒正到暈! x)今完勁想淨叫一碟叉燒哈哈!!xd有凍飲跟餐送埋單都係$28咋(讚) 0v0個老闆娘眾好nice同我講夠吾夠飯食牙>?>?哈哈哈因為我食到成隻碟一粒飯都冇