吞POT 雞煲火鍋.住家菜

營業中

休息中

食過好多間雞煲都係覺得呢間最好食🤤佢地仲做緊優惠午市、晚市19:30前離座或21:30後入座火鍋配料同小食都有半價，自己就鐘意夜啲食，冇咁多人叫左個重慶麻辣雞煲，調味夠香又夠麻，鐘意食辣既朋友一定要試下，辣得黎勁惹味，雞都好大份量，肉質嫩滑，啖啖肉又夠香真係好幸福肉叫左西班牙頂級黑豚豬梅肉，豬肉煮完仲係咁軟諗，肉味都香濃，肥瘦剛剛好不會太肥另外必點十全大寶丸，好有特色，仲係手工製，黃金海膽黑墨丸特別好食，粒粒口感想會再encore

見呢間啲好評咁多，一於去試下，除左打邊爐仲有雞煲。配料款式都好多，今次試左幾款味道都唔錯，店員服務都幾好，下次會再去👍🏻湯底今次食鴛鴦鍋，蕃茄鮮魚湯底好鮮甜值得一試，味精味都唔會話太重。茼蒿平時比較少見可以叫呢款菜，吸湯後清清地幾好食，隻菜本身都好甜。封門柳大大碟，見隔離枱既牛都好新鮮，佢地既牛應該都好好食！封門柳牛味香濃，不會太肥又有口感，輕輕煮一煮就食得。青瓜特飲諗住叫啲可以消膩既飲品，呢杯好fresh不會太甜，可以叫黎飲🤤

好耐冇打邊爐🍲由朋友帶路去左呢間位於旺角既雞煲火鍋專門店食火鍋，Menu係單點，選擇好豐富，款款份量都好多好高質❤️蕃茄沙嗲湯底鴛鴦鍋呢個湯幾鐘意佢個沙嗲味，香濃不膩，蕃茄酸酸甜甜有助解膩騸牯牛平時火鍋店好少見，脂肪分布較平均，口感軟滑帶甘香，牛味濃郁海中蝦必點！好新鮮，大大隻食既時候好爽又彈牙，有啲仲有膏架十全大寶丸好多枱都有叫，有5款手工丸子🍡特別推介芝心牛丸，咬落好juicy，隨後又有好多芝士流出黎，好惹味，其他口味都好好食

前排放工同同事去左食雞煲，呢間睇Menu好似幾多野食所以去左試，平日黎都好旺場!叫左招牌辣酒花螺雞煲，花螺大大粒有咬口，食得辣建議叫呢個，調味好夠啲雞都好入味，雞煲幾高質，食完就叫送食火鍋竹笙同芋絲都係叫黎吸湯一齊食，竹笙爽口，芋絲相比麵冇咁heavy，留肚可以叫多啲唔同野食，見隔離枱啲牛好似唔錯，下次有機會再試!另外叫左一份自創爆芝響鈴，炸響鈴外皮脆卜卜，入面包住芝士更邪惡，不過好好食，帶點鹹香好惹味，食到飽飽好滿足

之前食過一次覺得味道唔錯，見佢地逢星期日至四like/ follow 社交平台有85折優惠決定再訪，水準都keep倒，同屋企人都好滿意雞煲揀左唔辣既滋補螺片花膠雞煲，啲雞大大件都好juicy，一啲都唔油! 好高質配料方面選擇都好多，海中蝦大大隻，爽口彈牙，就咁食都有鮮味!另外試左店員推介既珊瑚蚌，味道鮮美，爽口幾特別! 自己鐘意配埋醬料一齊食更滋味， 另外必點紅薯粉，份量都好多，吸收左雞煲湯底既精華好好味環境方面位置都好闊落，座得好舒服，不錯!

突然口痕想食雞煲，朋友帶左我黎呢間主打雞煲同火鍋既餐廳，佢地旺角同油麻地都有分店，Menu 係單點，選擇都好多，味道唔錯有驚喜!今次叫左滋補螺片花膠雞煲，大大塊螺片同花膠夠曬滋補，花膠厚身吸了湯汁好入味，雞件份量都好多，啖啖肉肉質都唔會太鞋，推介! 食完叫左碟牛肉，牛味香有咬口，魚皮香脆好惹味小食方面推介皮蛋同Wasabi牛柳粒，皮蛋有糖心甜甜鹹鹹好正，牛柳粒好香不會太鞋，用左Wasabi調味幾開胃，同朋友share剛剛好，值得一試!

琴晚終於試咗吞Pot嘅辣酒煮花螺雞煲，一路都以為呢到淨係雞煲翅出名，點知雞煲都做得咁出色。首先辣酒調配得啱啱好，唔會搶咗麻香😜爆炒後嘅花螺肉質仍然結實又彈牙。加埋啲雞一齊食真係唔錯，冇咁單調，令人一試難忘。配菜方面，皮蛋竟然係糖心皮蛋，口感豐富香滑無比。珊瑚蚌亦都值得一讚，肉質爽口彈牙，煮熟咗仍然都有海鮮味👍🏻食到咁上下，再睇吓Menu，見到原來都有好多款特色小食，我哋就叫咗炸魚片頭。夠晒熱辣辣，炸得好香口，同泰式甜酸醬就最夾。

我哋今日食咗呢啲呀！‼️自家炸響鈴$65‼️重慶麻辣雞煲(大辣)(全隻)$288‼️手切本地新鮮騸牿牛$238之前已經食過佢哋個雞煲醬好濃味所以用嚟點自家炸響鈴真係好正🔔依辣道方面佢哋可以揀五個level辣🌶️上次試過中辣覺得都可以接受，所以今次向高一級挑戰，今次就真係夠哂過癮🥵而事緣今次點解會嗌咗個之前從來都冇食過嘅牛肉呢？係因為見到佢幅圖片真係好吸引🤭而且呢個手切本地新鮮騸牿牛仲要做緊優惠，咁就一於try try😍一上枱見到好大碟，同埋真係神還原🐄牛嘅顏色好靚，味道都唔錯👍🏼如果食厭咗平時嘅我都可以嗌呢款手切本地新鮮騸牿牛試下

大家係唔係都會諗雞煲淨係可以配搭肉類或者菜類呢？咁你呢個想法就大錯特錯❌因為我之前都係咁諗，但係當我試過用海鮮配雞煲之後發覺原來唔少地方都係用海鮮配搭雞煲🦞就好似之前喺出面試過嘅蝦雞煲其實都幾好，而呢度嘅螺雞煲都好特別🐚✏重慶麻辣雞煲(小辣)(全隻)✏ 帶子皇✏️菜菜籃✏️ 美國桶蠔 今次我就揀咗帶子皇同埋美國桶蠔去搭配我嘅雞煲，呢度好sweet嘅地方係佢嘅帶子會對半切開咗，咁樣係煮嘅時候就可以更加入味🌶️因為帶子嘅表面大啲就可以點到更加多嘅雞煲醬😋二，如果桶蠔配搭雞煲醬汁，就可以減少蠔本身嘅腥味🦪相信唔食蠔既人都可以接受

平時食雞煲就食得多，但係有花螺嘅都係第一次，原來兩者冇違和感之餘，仲令到雞煲好食咗，更鮮味😍👍🏻配料方面，西班牙頂級黑毛豬梅肉真係好高質😝平時我好怕食豬腩肉因為太肥，梅頭就啱晒我，肉質腍軟，脂肪分佈均勻，無乜肉筋😝正！海蝦亦都好新鮮，啲鬚仲郁緊😅而且比平時火鍋店嘅size係大啲😋所以唔怕熟咗會縮到好細隻。打邊爐又點少得魚皮，超大份，脆卜卜。點少少雞煲醬食好正🤩🤩食到咁上下都feel到少少辣，即刻叫杯西柚　特飲解下辣😆西柚味都幾清新，唔會覺得似藥水，真係透心涼。

湯底都想飲埋😙每次嚟到呢度都一定要食鴛鴦湯底，因為佢個湯底真係用各款食材熬製而成，所以如果係鴛鴦湯底就可以一次過試晒兩款味道有時間可以滿足唔同人嘅需要😎✅ 鴛鴦湯底$118👉🏻芫茜皮蛋鍋($90)👉🏻招牌鮮魚湯鍋($108)食材方面我哋主打蛋白質，所以見到都係肉類同海鮮為主🍖因為佢哋呢度喺唔同嘅優惠時段都會有做配料半價嘅優惠，所以如果大家唔想錯過優惠就可以留意吓佢哋嘅FB👅咁樣就可以用最平嘅價錢食到最正嘅嘢🥳呢度嘅配料keep到水準，對得住個價錢二，如果有半價真係好抵食🤙🏻1️⃣西班牙頂級黑豚豬梅肉$1482️⃣三秒象拔蚌$803️⃣海中蝦$115

✅泰式生蝦刺身$80 首先喺前菜方面嗌咗個小食生蝦，估唔到打邊爐都有得食生蝦🤤雖然佢體積唔算大，但係勝在份量夠多同埋都新鮮✅重慶麻辣雞煲(中辣)(半隻/全隻)$198/288雞煲有5個level嘅辣度可以俾大家揀🌶️食完啲雞就可以用返黎個煲黎打邊爐🍲而今次就揀咗餃子同水魷🦑✅餃餃陣(自制韭菜餃+自家制鮮蝦雲吞+自制蟹粉蟹肉雲吞+魚皮餃)$128✅水魷$69餃餃陣一共有四款口味餃子，每款有兩件😍一人一粒唔使爭，又可以食到四款唔同嘅自家製餃子🥟不過如果下次我就會淨係嗌蟹粉蟹肉雲吞🤤 呢款真係第一次食，而且蟹味好濃🦀整體來講呢間邊爐都真係唔錯👍🏼而且價錢好合理💰

平時人地食brunch會去食西餐，但我同男朋友既brunch就係去食呢間吞POT 雞煲火鍋.住家菜👫除左因為我地2個都好中意打邊爐之外，佢地既午市真係好抵食🤤而呢個午市優惠淨係星期六日公眾假期先有，覺得真係專為我地而設🤣👇火鍋湯底🍅蕃茄薯仔濃湯鍋$98👇餐前小食🌶️辣酒煮花螺$80👇火鍋配料🍢三秒象拔蚌$80十全大寶丸$168👉🏻手打生拆蟹粉墨魚丸👉🏻手打黑松露墨魚丸👉🏻手打黃金海膽黑塁丸👉🏻手打香煎鵝肝蝦丸👉🏻手打芝心牛丸佢半價優惠唔單止有火鍋配料，仲包埋小食，所以我呢款辣酒煮花螺半價左都只係$40蚊💰而我欣賞佢地唔會因為半價而出古惑改變個size，反而係會full size🫶除左價錢，呢個位都係會令我地成日幫襯既原因

話說一日朋友話想食雞煲，於是佢就搵左呢間！一入門口已經見到有個大魚缸，好靚，環境都乾淨企理😍因為有朋友吾太食得辣，而我地又有五個人，所以就叫左隻原隻BB辣雞，味道惹味，適合重口味人士食完雞煲或者食到一半就可以加湯打邊爐，而配菜方面係單點，無任食，少可惜，但食材方面幾新鮮。而飲品方面，都係單點，$20-30，所以都幾大杯埋單每人大約$300晚市服務方面，都幾貼心，一去到已經可以比你揀醬料（$12）

作為一個專業打邊爐人，自稱都去過唔少好多地方打邊爐，但係唯獨是呢間真係我成日會回訪嘅邊爐舖🫕因為佢哋嘅價錢同埋食物質素都好好，雖然佢係散嗌，但如果係優惠期間佢其實分分鐘平過放題，而質量方面就一直都keep得咁好👍🏼✏️鴛鴦湯底$118👉🏻芫茜皮蛋鍋($90)👉🏻招牌鮮魚湯鍋($108)✏️帶子皇$105✏️手切本地新鮮騸牿牛$238✏️十全大寶丸$168今日去食咗呢啲，當中最出色嘅我都覺得係個湯底，因為真係感覺到係真材實料烹調出嚟🐟個魚既鮮味同埋芫荽嘅味道都係喺其他地方唔會食到，餐廳自己熬製出嚟，而呢點都係我鍾意呢間邊爐嘅原因❤️