影片
電話號碼
24086839
營業時間
今日營業
11:00 - 13:30
星期一至五
11:00 - 13:30
星期六至日
全日休息
公眾假期
全日休息
以上資料只供參考, 請與餐廳確認詳情
今日午飯去左柴灣角街熟食市場入面好多人排隊既吳章記買3 餸飯。日日落到去都好多人排隊, 因為都好抵食。一個3 餸飯只係$39 包例湯。而且好多餸揀, 又不斷出新餸, 好新鮮。食店最馳名係炸野, 炸豬扒同炸魷魚鬚都係我最愛, 仲推介左俾同事, 同事都覺得好食。不過熟食市場內環境真心差, 地下有好多時都有水。希望食物環境衞生署可以改善下。介紹返今日叫左菜心 (勁甜, 都油油地), 炸豬扒 (半肥瘦, 一如以往的入味) 同排骨 (D 汁撈飯, 正) 店員仲送左2 舊咕嚕肉俾我。
繼續閱讀
第4 波疫情又來勢洶洶 冇得WFH, 咁LUNCH 就乖乖外賣返公司食啦! 之前講過, 柴灣角街熟食市場雖然其貌不揚, 但內裡暗藏好多美食。其中呢間吳章記, 主打賣3 餸飯, 唔好以為係HEA 嘢先, 首先, 基本上無論係12:30 去定13:15 去到, 都要排隊, 起碼要排10-15 分鐘。另外, 餸O既選擇起碼有20+ 款, 雖然到13:15 時有D 款已經冇咗, 但係都仲有10+ 款可以揀。至於款式, 有菜、蒸蛋、 蒸魚、炆排骨、釀蓮藕、炆冬菇等...... 話埋你知, 如果仲有雞脾, 一整隻雞脾都係當一個餸, 超抵!雖然我未食過晒佢所有餸, 但可以話你知, 我食過O既都係好食O既。 另外, 今次重點講下佢哋出O既炸物, 有炸雞翼, 椒鹽豬扒, 炸魷魚鬚同炸魚, 有時仲會有炸蝦TIM! 而每次揀餸, 我都必會揀一款炸物的! 🦑吳章記O既炸物全部都炸得好好食, 炸得好透, 脆而不油!!! 我記得有次食炸魚, 除咗條主骨, 其餘骨都係炸到可以食埋, 但係食到尾, 都冇油標出嚟!! 好讚! 價錢方面真係抵到爛3 餸飯連例湯 (例湯數量有限, 送完即止) - $39 加凍飯都係加$3 咋! 多飯少飯隨意揀, 唔想食飯咩, 仲可以轉粥。今時今日呢個價錢, 加埋呢個質素, 除咗買嘢時環境差D, 其餘嘢真係無可挑剔!
繼續閱讀
香港冬菇亭買少見少，今次黎到荃灣西個西，即係有線大厦再深入啲既偏僻地方，柴灣角街公厠隔離既半露天熟食市場。其實地方真係幾那渣，感覺上個場得十幾檔都人流唔多，唯獨係哩間吳章記，每日十二點都係排起碼幾十人的。吳章記每日都預備有十幾種餸菜，自選三餸一湯，堂食先$38, 外賣仲要平一蚊！其中包括燒味，滷味，蒸肉餅，蒸魚，煎炸食材，小炒等等。推介會有佢馳名咕嚕肉，一見缺貨就會再補上，保證新鮮熱辣！想食個快捷午餐哩度真係唔錯既選擇，一啲都唔頹！
繼續閱讀
來到荃灣西工作,就想起當年在有線附近返工的日子!呢度好幾座舊式工廈都已改建成新的工商廈了.連TESLA的大本營都座落呢度.好在柴灣角熟食市場仍在.當年返工去醫肚,一定會成班去柴灣角熟食市場,又平又大份又多野食!當年成日食的吳章記仲係度!為什麼成日食呢?因為老闆哥哥好人啦而且真材實料.難得N年後的今日再遇,老闆哥哥仲認得我,今日一定要弄一個飯盒再來一個post和大家分享有幾抵食!老闆哥哥依舊,一路盛飯,就問要咩餸?!我都係兩個餸啦,首先要我最愛的滷水雞脾!!佢跟手就問"夠唔夠"?!我都係話"添D啦",結果就如圖所見有埋雞翼! 再來就水旦,四四方方一大o舊,唔係開玩笑!"夠唔夠"又來了,今次我說"夠了"!老闆哥哥都是依舊咁關注健康,順口就說:"食多D菜!"...咁就不是成了三餸! 人多排隊,本身想再吹多兩句水,但都係唔好阻人叫餸了.最後,pack埋個例湯,老闆哥哥已經忙著其他客人上前,但仍不忘同我講聲:"多D返來食啦!食多D野!搵多D!" 哈!承你貴言!大家咁話.飯盒的飯夠熱, 滷水雞脾/翼入味而不是滷水在表面, 水旦有蔥又有厚度, 棷菜花不會太硬, 例湯唔會飲到口渴! 一個午餐飯盒,一個字:
繼續閱讀