周明園潮州粉麵餐廳

營業中

休息中

以前對呢間周明園冇乜興趣，每次經過都冇意慾幫襯佢。但喺兩年前某一日，因食晏時要趕時間，所以入去求其叫碗麵食吓啦！點知....發覺佢又幾好味喎, 仲好抵食添！ 之後就差不多每星期都食一，二次啦。 今個母親節中午一家人又嚟食晏，仲叫咗4碗嘢。1. 牛腩河：牛腩好香又夠淋，今次份量仲多咗，好好味！$23/碗 2. 牛雜麵：牛肚，牛腸，牛膀，牛肺都夠淋，麵夠爽，好味！$23/碗 3.魚餃米：魚餃應該係周明園自己製嘅，同外面食嘅唔同，佢特別好味，仲有5大粒，米粉質地好爽，加埋腩汁同辣油，正！$23/碗 4.淨雲吞：一碗有7，8粒多，仲有菜。每粒都見有幾大隻蝦同有大地魚味道，好食！$21/碗

車子買好了，我們又回復每天一早送小兒出大埔，下班到大埔接他回家的生活了。一早在大埔中心泊好車，我見有時間鬆動，就決定食左先行。一出停車場對面的大埔廣場，就是一個小食肆林立的地方，第一炮，我就一早來食碗雲吞麵才去搭車。我喜歡食麵，尤其是廣東的麵，只是大多茶餐廳的早餐都不提供生麵我才會吃上了公仔麵，是日來到真真正正的麵檔，當然要麵一番才行。現在的我並不喜歡單併，一碗麵有兩個配料才爽。所以我來一個雲吞牛腩麵。湯底清，食得出牛腩是清湯腩，牛味香口，有肉味，而且是純牛肉的香味，我很少會讚清湯牛腩，但這一個有掛齒口感的牛腩，的確是不得不讚。雲吞也有非常香的大地魚味，很是一流，更好的是麵爽，梘水味不太重。好味道的麵，給我一個好開始，早上就是要一個好味道既早餐作一天的開始，才有幹勁去幹活。

試過有一次係星期日午飯時去幫襯，估唔到人山人海，仲要係門口開多五六張枱先搞得掂。周明園係我眼中只係一間質數平平的麵店，但估唔到咁多 fans，連我阿媽都係其中之一呀 ﹗牛腩都幾好食，辣椒油就不太喜歡，偏甜呢。蠔油菜芯，夠鮮夠嫩夠腍，充滿水份，好味 ﹗牛腩麵走蔥，湯底香甜，好滿意。牛腩炆得入味，口感鬆化有趙口，不太肥，都幾好。麵烚得剛好，軟硬適中，合格 ﹗

住喺大埔, 當然就要食喺大埔啦!周明園已經由我中學時代開到今時今日, 味道依然!地方企理, 最好食喺啲菜用腩汁煮!清湯腩都幾唔錯, 當然唔少啲我最愛食咗十幾年既墨丸河啦! 間唔中下晝去食個師父唔同咗, 啲丸蛋粉都煮得唔同, 無咁好食.本人比較推薦夜晚去, 因為夜晚個師父煮得好食啲.

因為趕住去踐單車~所以就急急腳去左呢間餐廳order左份下午茶餐當lunch..味道一般不過夠平~!!!餐蛋治+熱檸水好大塊又好厚o既午餐肉~!!所以份三文治有d鹹~!!檸水有成5塊檸檬~!夠晒酸~

每次去我都只會食佢既牛腩河，牛腩有小小肥，加在一起食先好味。個湯好係腩湯，不太濃，唔夠湯仲可以叫人加。服務ok呀，街坊feel，不過會有好多人，唔可以坐太長時間，會左住人做生意，因為人流都幾多下。之如個奶茶，太甜，如果叫少甜又太濃茶味。飲品唔好期望。可以叫可樂，有罐裝now！

o黎明園梗係要食煲仔飯啦,叫左個土魷肉餅煲仔飯,再加自家製嘅樽製凍奶茶。煲仔飯真係一流,幾乎所有人都食煲仔飯,等左十五分鐘已經有得食。舊肉餅唔老,o岩o岩好,我都未食過成個煲都係飯焦,正正正。鼓油又唔太咸,o岩o岩好。支凍奶茶我覺得好正,不過都幾貴,要十七蚊。下次會再O黎。食完比錢仲同你講多謝哂,依家邊有人咁好禮貌亞???!!!

環境:咁細間鋪,又想容納30人,簡直impossible.d枱有1/2擺左出街,食塵咩?味道粉真係好"粉",爆難食服務okk la抵食:麻麻地乾淨:完全唔掂,我見過有隻"小強""欄"過把菜刀,個廚房佬當冇件事,照切牛什,見到都想嘔,何況食嗰個!

我家附近的一間...但看門面好污糟唔會去點知一食就很後悔我要了雲旦河.......1 味精超重...食完我即飲2罐可樂2 d蝦好粉...唔新鮮3 好咸好難食

12/8(日) 1pm一大清早勞役到上水北區公園上外景攝影課.經過一輪劇烈晨操後,我倆決意蹺下午的課,走到大埔覓食.中午時份,大埔中心人流相當暢旺.我倆走到外圍的周明園.跟他人搭桌,迫入角落的木圓桌,二人是午胃納不大,僅吃了孖筋水餃米$17及灼菜心$10.孖筋水餃米--牛筋色澤偏淡色;入口先腍後爽,味道恰好;2隻水餃餃皮滑薄料足餡鮮,米粉算是爽滑的!灼菜心--價格略高,跟份量不成正比;走油加色的菜心挺嫩而甜,質感亦可以!凡凡庸庸的一家粉麵店!

魚蛋粉好~魚蛋很爽彈牙，有魚味，但是太彈了，有點假.....魚片就唔得喇...塊皮炸得唔令，同魚蛋唔夾，不過魚片整得好味係好難!!!呢度魚蛋粉自動加腩汁，幾好!!河粉都幾令~

講真, 起初o個時呢間舖個樣其實唔會吸引我去. 一眼望晒咁細細間, 個樣又唔係咁乾淨. 雖則我都成日去o的地痞o既地方食下野, 又唔係咁怕食左o的污糟野(頂多咪冇下次!), 但係都唔會無端端咁走去食. 之不過, 我自從某一次o係o個度食左個牛什乜(耐到已經唔再記得係米粉定係河粉啦!) 就愛上左呢度o既牛什! 結果我一想食牛什粉麵o既時侯, 都係會o係度食番碗.但係佢地其他o的野我真係呢兩三年內都冇食過, 所以comment 唔到!服務, 環境呢o的野, 我o係呢度會拋諸腦後-- 食碗牛什河頂多咪20 分鐘, 滿足左個食慾, 食完就走, 20 蚊有找就算啦!

我每次太晚返屋企就例必＄１０麵食只有１０款，我都最喜歡牛肚河，仲有魚旦/牛筋/ 魚片等大路牛肚都幾入味,個人唔識分出味精不過湯汁都幾好雖然夜晚角落間麵店多d款,不過周明園就清靜d人客都斯文d每唔好就係"0架喱大王",好無禮貌.

返工果時冇出去食ｌｕｎｃｈ又唔想出去食～同同事多數都會嗌周明園，佢地一碗面都會送外賣～不過外賣多收＄１～但佢會同我地講明牛腩既面會貴ｄ，仲有加＄５就會有好多魚皮，好抵～我覺得ｄ雲舌面好正！值得一試～同埋外賣都幾快～

周明園是我中學時代的飯堂，很記得每次跟同學商量到哪兒吃lunch時，第一時間就會說去周明園，那裡最出色的是湯河，河粉是幼身那種，一定要用匙吃，否則是夾不起的，滑溜程度可想而知，配搭方面，個人較喜歡墨魚丸和鳳城水餃，水餃的肉餡不像其他粉麵舖般狂落五香粉，反而有很多木耳、甘筍絲、沙葛絲等清淡材料配搭，而且皮也夠薄；墨魚丸是結結實實的，幾彈牙，惟一不好的是湯底味精頗多，吃完碗粉會感到很口乾，所以現在也是兩三個月才會去一次，但水準依然沒有太大改變。