味帝漢堡 (已結業)

機緣巧合之下終於食左尼間飯堡啦🌝除左m記之外第一次食飯堡，小店空間細細的，入面有兩張枱，出面bar枱有三個位。坐得幾逼啦，同埋冇冷氣得風扇！勝在裝修我都幾鐘意💚野食主打漢堡同飯堡仲有d小食，叫左個黯然銷魂飯堡，開頭仲諗咩叫黯然銷魂飯🌝朋友話咩呀你冇睇周星馳咩？原來即係叉燒蛋飯堡😂哈哈好名好名。飯堡即叫即煎大約10-15mins有得食啦，叉燒配飯堡配隻熟蛋，入面仲有d菜🌱叉燒似自家製，食落咬口十足，飯堡有小小微辣。食時就難食d，跌到周圍都係😱窩蛋芝士牛肉飯堡，其實係港式窩蛋牛肉飯，但佢就將佢整成飯堡，係幾吸引😍影相一流，上面隻蛋仲係水汪汪架，一吉穿佢就非常流心，好邪惡🌝牛肉偏淋身同冇咩牛味，食到d黑椒味，芝士味都唔出，味道一般。因為煎既關係，兩款飯堡都比較油膩🌝

Lunch同同事去食，感覺有D中伏🙄首先舖頭真心太細，室內得貼牆2張超細枱仔一共只可以坐4人，然後其他想堂食嘅只可比企馬路旁邊食包兼食塵（堅。馬路旁邊）然後D包價錢都吾平，好多創新嘢but龍頭蛇尾其實得個新鮮感並冇幾好味自己叫咗個素包同事叫咗海南雞包（相都懶得影XD）上菜超級慢，然後個包好干好硬，撕開會有好多包碎嗰種cheap包，而且成個包好厚都吾知點食（怪我地嘴細咯🙄）我地最後係分開哂一層層咁食😑😑😑不過小食反而Ok D，薯條D調味粉好正，蛋沙冿同omelet不過不失唯一比較好嘅係佢走文青風，店內有少量小說任睇，而且有本留言簿可以塗鴉玩玩不過環境同食物太差＋吾係好抵食，我吾會再去囉😶

約了很久, 終於到這一天, 今天是我喜歡的歌手炎亞綸開(可能是最後一次)的演唱會, 本來興緻的約左胖蕉去, 但是剛好他出韓國團, 所以唯有找知心好友陪伴, 雖然行程係定給我老公胖蕉, 幸好我知心好友也是吃貨金牛座, 也是令她滿足的一天喔之前胖蕉話過想吃這間的海南雞飯堡, 所以一直都話要來試, 今天我就帶了知心好友率先來試試, 是日星期日下午, 大角咀整條街都無咩人, 可能是因為太熱了吧, 也不是餐食時間, 我們就很隨便的找到位置坐, 是門口的位置, 2人坐, 不久來了一位女士帶了她的毛孩來, 調玩之下, 原來毛孩名字是阿蕉?! 太巧合了吧@@跟我家胖蕉一樣名, 也是一樣的吃貨, 因為我們全程吃, 它就全程的眼光光看著, 很想吃~~說到食物, 一坐低就點了涼快飲品, 其實都多選擇, 可樂汽水也不錯, 但又怕一肚氣吃不光整個包, 剛剛在街上走了一輪也一身滿滿汗, 對抗中暑當然要飲這個...我來到當然就是要點海南雞飯堡, 炫耀給胖蕉看, 我朋友本身不知道我帶她來吃這麼有特色的漢堡, 所以她也想了又想, 最後點了應該是窩蛋牛肉堡, 有芝士的在漫漫等待的過程, 見到店內滿滿都是台灣CAFE那種輕

特意駕車前來一嚐這裡的特色漢堡，本是衝著海南雞飯漢堡而來，可惜已經售光…於是點了個窩蛋芝士牛肉飯堡，再加蘑菇奄列配汔水。飯堡煎得非常香脆，就好像煲仔飯的飯焦一樣， 飯面有味粉和芝麻調味，所以味道不會太淡！內裏是一隻窩蛋和漢堡牛肉扒，配著秘製醬汁， 窩蛋是半熟的流心蛋，剌破後有濃濃的蛋液流出，混合在飯堡上，每口都能嚐到蛋液和芝士的香濃。唯一可惜的是底到的紫菜有點疏氣了，不夠脆身。蘑菇奄列相對失望，買相差，蛋煎得過老，蘑菇沒有炒香，整個感覺味道很淡。由於店舖內已經滿座，我坐在店外馬路旁邊用餐，整個感覺快要溶化了…

行行肚餓 想搵啲野食 係大角咀搵啲野食 經過呢間味帝啲漢堡配搭幾得意 就入左去食 。叫左個北菰滑雞飯堡 中間既北菰好夠味就咁食已經好正 加上個塊雞既配搭 令到個漢堡更加有層次 唔會咁齋 中間既汁料足夠 唔會令個漢堡好乾。仲有叫左個香草魚堡 個個魚有好香既香草味 中間又夾左啲番茄 令到個包好清新 唔會好油膩。最後加多個窩蛋芝士薯條 有好多芝士 令薯條加上芝士既香氣 吃唔停口。所有食物都係即叫即做 雖然要等10-15分鐘 但都係值得架 店鋪既裝修好有歐陸風情 猶如置身於外國一樣 喜歡新奇事物既人一定要試下 必定令胃腩大一圈

話說我真是好歡喜去舊區逛, 有日去左大角咀見到呢間味帝漢堡。外觀望落就似啲up dup小店, 但原來內有乾坤。店鋪入面得兩張枱, 四個位, 門口三個, 總共七個位。 雖然細細嘅店鋪, 但入面佈置一啲唔差。個人覺得最有特色是個書吧, 可以隨便借黎睇, 好正。講番正題, 食物。新加坡海南雞飯堡 ($65)呢個咁新穎嘅配搭令我在餐牌一望到就落單。 啲飯壓得幾好, 唔會扁晒但又唔會拎上手散開。 海南雞件又幾正宗, 入面仲有海南街嘅酸辣汁, 好惹味, 好滑。 不過略嫌油左少少。羅宋湯 ($15)湯入面好多雜菜, 不過個味就淡左少少, 一般。窩蛋芝士薯條 ($38)好多芝士! 而且有隻蛋可以撈落薯條到食, 成件事好邪惡哈哈哈! 不過要趁熱食, 因為啲芝士好快會凍左凝固番。 另外, 因為我是一個人食嘅關係, 食完個飯堡個肚已經冇乜位淨, 好飽!!!

話說星期日去食1點去到等到2點幾先有得食堅係燥左我已經十級體量得一個人整架啦但係完全無視個客企係度等比單仲要冇先後次序當時係排緊隊啦 大約4-5個人因為間野真係好細好細咁等左成20分鐘都係無視你Fine 等唔係問題 見到得一個人整都預左等跟住後面既人就比壓力你去比單啦咁埋去問佢可唔可以比單先佢就叫你放低先好啦 一放低 後面d單都全部放低變左排先既變左最後先有得拎呢個位堅係有問題仲要比我聽到佢接外賣（好似係）認真 冇咁大個頭就唔好帶咁大頂帽而家比雜誌煲到咁勁 真係忙到接唔到外賣客啦 其實應該處理左現場既客人先啦本身都等到一肚氣因為全部排我後面果d都快過我後尾食落去 真係堅好味又可能太餓 哈哈 好吧 原諒佢了!太冇原則啦我飯堡好脆卜卜 醬汁係日式燒汁非常惹味 雞扒好滑肉質好嫩即刻唔嬲海南雞飯堡都好足料~不過味道唔夠濃~但都好味!!不過! 我覺得落單既過程係必須要改善唔係真係好無癮

拍拖係要食下D特色野~ 今次叫左個海南雞飯堡。將飯整成漢堡並不是新鮮事，但將海南雞變成漢堡的餡料，十個趣！雞肉的份量夠多，而且很嫩滑，配以青瓜及泰式辣醬，而那煎過的飯餅亦覺有油香，富有風味。海南雞飯堡 $65

平時好少去大角咀搵食，咁岩係呢頭有野做就諗住見試下呢到究竟有幾多野食法。呢條街都係食肆，間間都係咁多人，最後因為未食過快餐型式以外既漢堡，所以就試試佢。其實佢呢到d野食都幾創新(又或者係我少食未聽過)，例如有海南雞飯堡，但因為第一次食，想食返d經典d既漢堡，於是叫左個美式傳統芝士漢堡食。就咁睇都好想快d咬佢一啖!充滿漿汁同鮮嫩既牛肉衝擊我味蕾：經過店長細心既烹調，牛肉熟既程度岩岩好，冇比紅紅烈火煎到流失肉汁，所以食果陣塊牛一D都唔乾身。不過可惜在於個包太乾太漲，令食漢堡包食到成口滿晒但又唔覺乾同痴口既感覺。而且個包太油，食果陣仲唔覺意滴到隻鞋到，所以食陣果要留意下，不過於是飲啖熱朱古力，唔知係太熱定點，D棉花糖溶晒，冇得食一粒粒既棉花糖，呢到有D失望。味方面可能岩岩食完D好濃既野，所以覺得冇咩味，有D淡。

睇電視見過呢間BURGER餐廳, 今日行過順道試下先, 鋪面都幾細, 所以快手揀完等食, 唔好阻咁耐.要左牛扒雙層芝士漢堡, 個包都幾厚, 厚到一口咬唔到, 睇睇個餡有芝士, 牛扒同生菜. 個包有烘過, 少少脆咬落幾軟熟. 牛扒較硬身, 而且無咩牛肉味, 但勝在夠厚, 食完夠飽肚. 芝士好似超市買一片片果D, 無咩特別. 而醬汁唔多夠, 所以食落好乾. 

星期天的下午時分，街道上的人也甚少。穿梭大角咀的內街之間覓食，發現這間在小區轉角位的一間漢堡店，看起來的整體感覺就很吸引，只有數張枱更顯出小店的風味。點餐可參考牆上的推介，另外有紙可寫單。坐位的右邊就是一大堆書本可供客人取閱飲品是南洋咖啡($18)，與一般喝的咖啡不同之處就是烘焙的不是纯咖啡豆，所以價錢比一般更便宜。味道比較香甜一點，少了點咖啡苦澀味，適合我這種平時覺得咖啡太苦的人啦。新加坡海南雞飯飯堡($65)剛整好的時候超熱！！！要放幾分鐘才能包住拿起來吃。個人吃過多國的海南雞飯，最喜歡的就是新加坡的，於是新加坡三個字就吸引到我點了這個，當然這個也是特色推介，果然沒有失望呀！飯堡是用蛋漿混合飯煎焗而成的，拿起來也不易散開，很香的飯和蛋味，表面還起了一點飯焦，一咬下去就脆卜卜。吃到雞肉的部份，雞肉滑溜，味道也很像我印象中的新加波海南雞，雞皮有雞油在滲出來，流到飯上更香！雞肉佈滿一整個飯堡，份量沒有欺場呀，吃到底還有滿滿的雞肉好滿足，最後有一些散開的飯粒吸收了雞油變成精華的雞油飯，不要怕肥呀一定要吃完，精華所在！還有個對懶人的好處就是不用吐骨呀～給這個飯堡九分同行友人的印式香辣烤雞漢堡

其實好多野要自己試過,先知係咪真係好食,齋睇雜誌介紹,係唔可以作準,呢間鋪真係好細間,行文青路線,座位唔係好多,室外有幾個位,室內其實唔應該放座位,因為真係坐得好辛苦,要烏低身甘食,蛋沙律,無咩味道,細細杯蘑菇奄列,味道一般,北菇雞飯焦漢堡,好特別,用飯煎完做漢堡包身,北菇雞,個雞唔係好滑,不過D菇好好味,同埋D汁都正,整得都唔錯,係個飯食落會好"制",所以個飯果PART,食剩左,魚同豬柳漢堡,味道都OK,不過呢個無甘特別

Tai Kok Tsui is remotely located which is why it was not my priority list to go.Finally went on a quiet afternoon so that I could sit there and eat.It is a cute green joint.It was really hard deciding which burgers to get because all of them were good.They had Chinese burgers with Chinese toppings, Stylish burgers which are inspired by different countries and soy sauce burgers that I have to try next time.The toppings were really good because they had blue cheese as well.I ordered the Singapore

又再覓食到大角咀，今次揀左mayday burger 味帝漢堡，位置雖然唔係位於大街，但都易揾。座位唔多，小bar枱 加兩張2人枱。店舖貼左唔少burger 既相，有圖有真相！menu 比較簡約，外賣紙亦係堂食紙我地叫左一個飯堡(海南雞)同一個漢堡(香草魚柳)即叫即整既關係，等左15分鐘，終於有得食啦飯堡比我想像中好佢d 飯壓得夠實，唔會咬一咬其他就散晒，好香油飯味，但你唔會覺得好膩。不過小心，個飯堡好熱好辣手，有d 難咬晒成個，餡料好厚，雞好香口帶少少肥魚柳堡因為魚柳有煎過，香味大大提升左tim﹐配合餡料中既蔬菜，成個包又脆口又fresh, balance 返跟餐加18 配多個磨菇奄列(連飲品) ，perfect!磨菇輕輕用黑椒煮過，好香蛋夠滑，正！

在大角咀小小的街道中出理了一角青綠，green green 的門面好田園，八掛去看看，原來是吃漢堡的，於是就走了進去，地方的確是小小的，但老闆好聰明，除了店內的小圓枱還利用門口外的小小空間搭了兩件小層板，都好適合兩三知己在吃包吹水喔！！餐廳內也是幾別緻的，利用小小墻身位置作小裝飾。採用開放式的廚房，吱吱喳喳的煮送聲，客人絕對能感受到即叫即做的新鮮，而且還香噴噴的！窩旦芝士薯條 ＄+28（跟餐）賣相已經好得了，焗成金黄色的芝士窩着荷包旦，一叉起薯條芝士熱溶得可以拉絲的，好有食慾，而且加上叉爆的旦漿，三種滋味即時享受到，而且鐵板上菜又保持到温度很貼心呢！值得一提是此店所用的是木叉，很特別！增加田園感覺，而且比起不能分解的膠叉，是比較環保的啦！海南雞飯堡 ＄65感覺是很香口的海南雞飯呀！雞油飯煎得很香脆，夾着肉質滑漏漏的海南雞，雞肉混合埋微辣的醬汁和青瓜絲，很有中西合壁之感。印式香辣雞漢堡 ＄60焗至微燶的芝麻漢堡包，芝麻很香包面很脆，而且呢度的麵包是比較有咬口和煙韌，很香；雞扒厚厚的肉也是很滑，表層用印度香料腌制過，令港式漢堡多了一份印度風情，配上新鮮田園靚蔬菜，令整個重口味freah哂！